Cinema
മാധവനായി വിനായകൻ, സുരാജ് ശങ്കുണ്ണിയായി; ‘തെക്ക് വടക്ക്’ ചിത്രീകണം തുടങ്ങി
പാലക്കാട്: ആദ്യമായി വിനായകനും സുരാജ് വെഞ്ഞാറമൂടും ഒന്നിക്കുന്ന “തെക്ക് വടക്ക്” സിനിമയുടെ ചിത്രീകരണം പാലക്കാട് ആരംഭിച്ചു. കെഎസ്ഇബി എഞ്ചീനർ മാധവന്റെ വേഷത്തിലാണ് വിനായകൻ അഭിനയിക്കുന്നത്. അരിമിൽ ഉടമയായ ശങ്കുണ്ണിയായി സുരാജും വേഷമിടുന്നു. എസ്. ഹരീഷിന്റെ രചനയിൽ പ്രേം ശങ്കറാണ് സിനിമ സംവിധാനം ചെയ്യുന്നത്. അൻജന ഫിലിംസ്, വാർസ് സ്റ്റുഡിയോ എന്നിവയുടെ ബാനറിൽ അൻജന ഫിലിപ്പ്, വി.എ ശ്രീകുമാർ എന്നിവരാണ് ചിത്രം നിർമ്മിക്കുന്നത്.
ജയിലറിനു ശേഷം വിനായകൻ ആദ്യമായി അഭിനയിക്കുന്ന സിനിമയാണ് തെക്ക് വടക്ക്. ഈ സിനിമയുടെ ചിത്രീകരണം പൂർത്തിയാക്കിയാലുടൻ വിക്രമിനൊപ്പമുള്ള സിനിമയിലേക്ക് സുരാജ് പ്രവേശിക്കും. ഇരു പ്രതിഭകളുടേയും പ്രകടനം തമാശയിൽ ഒന്നിക്കുന്നു എന്ന പ്രത്യേകത തെക്ക് വടക്ക് സിനിമയെ വ്യത്യസ്തമാക്കുന്നു.
മെൽവിൻ ബാബു, ഷമീർ ഖാൻ, കോട്ടയം രമേഷ്, മെറിൻ ജോസ്, വിനീത് വിശ്വം, ബാലൻ പാലക്കൽ, ജെയിംസ് പാറക്കൽ തുടങ്ങി മലയാള സിനിമയിലെ പുതിയ ചിരിത്താരങ്ങളാണ് വിനായകനും സുരാജിനുമൊപ്പം അണിനിരക്കുന്നത്.
ആർഡിഎക്സിലെ ഹിറ്റ് ഗാനങ്ങളൊരുക്കിയ സാം സി. എസ് ഗാനങ്ങൾ ചിട്ടപ്പെടുത്തി പശ്ചാത്തല സംഗീതം ഒരുക്കുന്നു. അൻവർ റഷീദിന്റെ ബ്രിഡ്ജ് സിനിമയുടെ ഛായാഗ്രാഹകനായി ആരംഭിച്ച് കിസ്മത്ത്, വലിയപെരുന്നാൾ തുടങ്ങിയവയിലൂടെ ശ്രദ്ധേയനായ സുരേഷ് രാജനാണ് ഡിഒപി. രോമാഞ്ചം, റോഷാക്ക് അടക്കമുള്ള സിനിമകളുടെ എഡിറ്ററായ കിരൺ ദാസാണ് ചിത്രസംയോജനം. പ്രൊഡക്ഷൻ ഡിസൈൻ: രാഖിൽ, വരികൾ: ലക്ഷ്മി ശ്രീകുമാർ, കോസ്റ്റ്യൂം: ആയിഷ സഫീർ, മേക്കപ്പ്: അമൽ ചന്ദ്രൻ, ആക്ഷൻ: മാഫിയ ശശി, ഡാൻസ്: പ്രസന്ന മാസ്റ്റർ, കാസ്റ്റിങ് ഡയറക്ടർ: അബു വളയംകുളം, ചീഫ് അസോസിയേറ്റ് ഡയറക്ടർ: ബോസ് വി, പ്രൊഡക്ഷൻ കൺട്രോളർ: സജി ജോസഫ്, ഫിനാൻസ് കൺട്രോളർ: അനിൽ ആമ്പല്ലൂർ, ഡിസൈൻ: പുഷ് 360- തുടങ്ങിയവരാണ് അണിയറയിൽ.
“വിനായകൻ – സുരാജ് കൂട്ടുകെട്ട്, നൻപകൽ നേരത്ത് മയക്കത്തിനു ശേഷം എസ്. ഹരീഷിന്റെ രസകരമായ കഥ, പരസ്യ രംഗത്തു നിന്നുള്ള സംവിധായകൻ പ്രേം ശങ്കർ- തുടങ്ങിയവർക്കൊപ്പം അണിയറയിലും കഥാപാത്രങ്ങളായും വ്യത്യസ്തമായ കോമ്പിനേഷനാണ് തെക്ക് വടക്ക് സിനിമയുടെത്”- നിർമ്മാതാവ് അൻജന ഫിലിപ്പ് പറഞ്ഞു.
“ഒറ്റ ഷെഡ്യൂളിൽ ചിത്രീകരണം പൂർത്തിയാക്കുന്ന നിലയ്ക്കാണ് ഷൂട്ടിങ് പ്ലാൻ ചെയ്തിരിക്കുന്നത്. ഈ വർഷം ഓണം റിലീസായി സിനിമ തിയറ്ററിൽ എത്തിക്കും”- നിർമ്മാതാവ് വി. എ ശ്രീകുമാർ പറഞ്ഞു.
‘ഓള് വി ഇമാജിന് ആസ് ലൈറ്റി’ന് എണ്പത്തി രണ്ടാമത് ഗോള്ഡന് ഗ്ലോബ് പുരസ്കാരം നഷ്ടമായി. ഗോള്ഡന് ഗ്ലോബ് പുരസ്കാര വേദിയിൽ രണ്ട് വിഭാഗങ്ങളിലേക്കാണ് ചിത്രം മത്സരിച്ചത്. മികച്ച ഇംഗ്ലിഷിതര ഭാഷാ ചിത്രം, മികച്ച സംവിധാനം എന്നീ വിഭാഗങ്ങളിലാണ് ചിത്രം നാമനിര്ദേശം ചെയ്യപ്പെട്ടത്. ഗോൾഡൻ ഗ്ലോബിൽ ബെസ്റ്റ് ഡയറക്ടർ പുരസ്കാരത്തിന് ഇന്ത്യയിൽനിന്ന് ആദ്യമായാണ് ഒരാൾ പരിഗണിക്കപ്പെടുന്നത്
ഇന്ത്യൻ സിനിമയെ അന്താരാഷ്ട്ര തലത്തിലേക്ക് ഉയർത്തി നിരവധി അവാർഡുകൾ വാരിക്കൂട്ടിയ ചിത്രമാണ് പായൽ കപാഡിയയുടെ ‘ഓള് വി ഇമാജിന് ആസ് ലൈറ്റ്. ഫ്രഞ്ച് ചിത്രമായ എമിലിയ പെരെസ് മികച്ച ഇംഗ്ലീഷ് ഇതരഭാഷാ ചിത്രത്തിനുള്ള പുരസ്കാരം കരസ്ഥമാക്കി.
ഉണ്ണി മുകുന്ദന് നായകനായി വന്ന ചിത്രമാണ് മാര്ക്കോ. കേരളത്തില് മാത്രമല്ല മാര്ക്കോ എന്ന ചിത്രം ഹിന്ദിയിലും ചര്ച്ചയാകുകയാണ്. വന് സ്വീകാര്യതാണ് ഹിന്ദിയില് ലഭിക്കുന്നത്. മാര്ക്കോ ഹിന്ദിയില് ഏകദേശം 2.56 കോടി നെറ്റായി നേടിയിരിക്കുകയാണ് എന്നാണ് റിപ്പോര്ട്ട്.
ഉണ്ണി മുകുന്ദന്റെ മാര്ക്കോ 70 കോടി ക്ലബിലെത്തിയിട്ടുണ്ട് എന്നും റിപ്പോര്ട്ടുകള് സൂചിപ്പിക്കുന്നു. വിദേശത്ത് നിന്ന് മാത്രം 21 കോടി രൂപയിലേറെ നേടിയിട്ടുണ്ട് എന്നാണ് റിപ്പോര്ട്ട്. മാര്ക്കോ ഓരോ ദിവസം പിന്നിടുമ്പോഴും കളക്ഷന് ഉയര്ത്തിയാല് വമ്പന് ഹിറ്റാകുമെന്ന് തീര്ച്ചയാകുമ്പോള് ആരൊക്കെ വീഴുമെന്നതിലാണ് ആകാംക്ഷ. ഉണ്ണി മുകുന്ദന്റെ ആദ്യ 100 കോടി ക്ലബ് മാര്ക്കോ ആകുമെന്നാണ് പ്രതീക്ഷിക്കപ്പെടുന്നത്.
സംവിധായകന് ഹനീഫ് അദേനിയായ മാര്കോ സിനിമയില് തെലുങ്ക് നടി യുക്തി തരേജയാണ്. തിരക്കഥയും ഹനീഫ് അദേനി നിര്വഹിക്കുന്ന ചിത്രം മാര്കോയുടെ നിര്മാണം ഉണ്ണി മുകുന്ദന് ഫിലിംസും ക്യൂബ്സ് എന്റര്ടൈന്മെന്റ്സുമാണ്. ഛായാഗ്രഹണം ചന്ദ്രു സെല്വരാജാണ്. സംഗീതം നിര്വഹിക്കുന്നത് രവി ബസ്രറുമായ ചിത്രത്തില് മറ്റ് വേഷങ്ങളില് എത്തുന്നത് സിദ്ദീഖ്, ജഗദീഷ്, ആന്സണ് പോള്, കബീര് ദുഹാന്സിംഗ്, അഭിമന്യു തിലകന്. യുക്തി തരേജ എന്നീ താരങ്ങളും ആണ്.
ഹനീഫ് അദേനിയുടെ മിഖായേല് എന്ന ചിത്രത്തില് ഉണ്ണി മുകുന്ദന് അവതരിപ്പിച്ച മാര്ക്കോ ജൂനിയറെ നായകനാക്കിയാണ് മാര്കോ എത്തിയിരിക്കുന്നത്. പ്രൊഡക്ഷന് കണ്ട്രോളര് ദീപക് പരമേശ്വരന്. വന് ഹിറ്റായി മാറി കുതിക്കുന്ന ചിത്രത്തിന്റെ പിആര്ഒ വാഴൂര് ജോസും പ്രൊമോഷന് കണ്സല്ട്ടന്റ് വിപിന് കുമാറും ഡിജിറ്റല് മാര്ക്കറ്റിംഗ് ഒബ്സ്ക്യൂറ എന്റര്ടൈന്മെന്റും പ്രൊഡക്ഷന് എക്സിക്യുട്ടീവ് ബിനു മണമ്പൂറും ചീഫ് അസ്സോസ്സിയേറ്റ് ഡയറക്ടര് സ്യമന്തക് പ്രദീപുമാണ്.
ഹൈദാരാബാദ്: സിനിമാ തീയേറ്ററിലുണ്ടായ തിക്കിലും തിരക്കിലും സ്ത്രീ മരിക്കാനിടയായ സംഭവത്തില് നടന് അല്ലു അര്ജുനെതിരായ തെലങ്കാന പോലീസിന്റെ നടപടികളെ പിന്തുണച്ച് ആന്ധ്രപ്രദേശ് ഉപമുഖ്യമന്ത്രി പവന് കല്യാണ്.
നിയമം എല്ലാവര്ക്കും തുല്യമാണെന്നും പോലീസ് പൊതുജന സുരക്ഷ കണക്കിലെടുത്ത് പ്രവര്ത്തിക്കണമെന്നും സിനിമാ നടന് കൂടിയായ പവന് കല്യാണ് കൂട്ടിച്ചേര്ത്തു.
ആന്ധ്രയിലെ എന്ഡിഎ സഖ്യത്തിന്റെ ഭാഗമായ പവന് തെലങ്കാന മുഖ്യമന്ത്രിയും കോണ്ഗ്രസ് നേതാവുമായ രേവന്ത് റെഡ്ഡിയെ പുകഴ്ത്തുകയും ചെയ്തു. രേവന്ത് റെഡ്ഡിയെ ‘മികച്ച നേതാവ്’ എന്ന് വിശേഷിപ്പിച്ച പവന് കൊല്ലപ്പെട്ട സ്ത്രീയുടെ വീട് നിര്ബന്ധമായും സന്ദര്ശിക്കണമെന്നും നിര്ദേശിച്ചു.പുഷ്പ 2ന്റെ റിലീസ് ദിനത്തില് ഹൈദരാബാദിലെ സന്ധ്യ തിയേറ്ററില് അല്ലു അര്ജുന് വന്നതിനെ തുടര്ന്നുണ്ടായ തിക്കിലും തിരക്കിലും പെട്ട് 36കാരിയായ സ്ത്രീ മരിച്ചതിനെത്തുടര്ന്ന് വലിയ വിവാദങ്ങളും കേസുകളുമാണ് ഉണ്ടായത്. സംഭവത്തില് അല്ലു അര്ജുനെ പോലീസ് അറസ്റ്റ് ചെയ്തിരുന്നു.
ഇത് സംബന്ധിച്ച് തെലങ്കാന പോലീസിന്റെ നടപടികളെ കുറിച്ച് പ്രതികരണം ആരാഞ്ഞപ്പോഴാണ് പവന് കല്യാണിന്റെ പ്രതികരണം.’നിയമം എല്ലാവര്ക്കും തുല്യമാണ്, ഇത്തരം സംഭവങ്ങളില് സുരക്ഷ കണക്കിലെടുത്താണ് പോലീസ് പ്രവര്ത്തിക്കുന്നത്. എന്നാല്, തിയേറ്റര് ജീവനക്കാര് അല്ലു അര്ജുനെ സ്ഥിതിഗതികള് മുന്കൂട്ടി അറിയിക്കണമായിരുന്നു. അദ്ദേഹം സീറ്റില് ഇരുന്നതോടെ കുഴപ്പം നിയന്ത്രിക്കാന് ബുദ്ധിമുട്ടായി’ പവന് പറഞ്ഞു.
അല്ലു അര്ജുന്റെ ബന്ധുകൂടിയാണ് പവന് കല്യാണ്. ‘അല്ലു അര്ജുന് മരിച്ച സ്ത്രീയുടെ വീട്ടില് നേരത്തെ എത്തിയിരുന്നെങ്കില് നന്നായിരുന്നു. ഇത് പിരിമുറുക്കം കുറയ്ക്കാമായിരുന്നു’ പവന് കൂട്ടിച്ചേര്ത്തു.
-
Kerala1 month agoജീവനക്കാരുടെ ശമ്പളബില്ല്
കേന്ദ്രീകൃതമാക്കാനുള്ള നീക്കം,
ശമ്പളം കവര്ന്നെടുക്കാനുള്ള ആസൂത്രിത ശ്രമമാണെന്ന് ; ചവറ ജയകുമാര് -
News1 month agoക്ഷാമബത്ത കേസില് ഇടക്കാല ഉത്തരവ്
-
News2 months agoക്ഷാമ ബത്ത കേസിൽ ഇടക്കാല ഉത്തരവ്
-
Featured3 months agoഡി എ: പ്രഖ്യാപനം നിരാശാജനകമെന്ന് സെക്രട്ടേറിയറ്റ് അസോസിയേഷൻ
-
Kerala3 months agoക്ഷാമബത്ത: കുടിശ്ശിക നിഷേധിച്ചാൽ നിയമപരമായി നേരിടും; ചവറ ജയകുമാർ
-
News2 months ago
ജീവനക്കാരെ രണ്ടു തട്ടിലാക്കുന്ന നടപടി സർക്കാർ അവസാനിപ്പിക്കണം
-
News1 month agoസര്ക്കാര് ജീവനക്കാരും അധ്യാപകരുംഅനിശ്ചിത കാല പണിമുടക്കിലേക്ക്: സെറ്റോ
-
Featured12 hours agoസംസ്ഥാനത്ത് നാളെ 6 ജില്ലകൾക്ക് അവധി
You must be logged in to post a comment Login