Connect with us
inner ad

Kerala

‍‍ഡിഎ കുടിശ്ശിക, ഇടതു സർക്കാർ ജീവനക്കാരെ വഞ്ചിച്ചിരിക്കുന്നു ; കെ പി എസ് ടി എ

’ജീവനക്കാരുടെ പോക്കറ്റ് കൊള്ളയടിക്കുന്ന ഒരു സർക്കാർ ഇതിനുമുമ്പ് കേരളത്തിൽ ഉണ്ടായിട്ടില്ല’

Avatar

Published

on

2019 ൽ നടപ്പിലാക്കേണ്ട ശമ്പള പരിഷ്കരണം 2021 ഫെബ്രുവരിയിൽ അനുവദിച്ചപ്പോൾ ശമ്പളത്തോടൊപ്പം നൽകിയ 7 % ‍‍ഡിഎ മാത്രമാണ് ഇപ്പോഴും ജീവനക്കാർക്ക് സർക്കാർ നൽകി വരുന്നത്. 2021 ജനുവരി മുതൽ 24 ജനുവരി വരെ നിലവിൽ 7 ഗഡു (21 %) ‍‍ഡിഎ കുടിശ്ശികയാണ്.

കഴിഞ്ഞ ബഡ്ജറ്റിൽ പ്രഖ്യാപിച്ചതുപോലെ 2 % ‍‍ഡിഎ അനുവദിച്ച് സർക്കാർ ഇന്നലെ(12/03/2024) ഉത്തരവിറക്കി. എന്നാൽ ഇത് തികച്ചും വഞ്ചനാപരമായ ഒരു ഉത്തരവാണ്. 2021 ജനുവരിയിൽ അനുവദിക്കേണ്ട 2 % ‍‍ഡിഎ ആണ് ഇപ്പോൾ അനുവദിച്ചിരിക്കുന്നത്. പക്ഷേ ‍‍ഡിഎ കുടിശ്ശിക അനുവദിക്കാതെ 2024 മെയ് മാസത്തിൽ ലഭിക്കുന്ന, 2024 ഏപ്രിൽ മാസത്തെ ശമ്പളത്തിലാണ് 2 % വർദ്ധന നടപ്പിലാക്കിയിരിക്കുന്നത്. 2021 ജനുവരി മുതൽ 2024 മാർച്ച് വരെ 39 മാസത്തെ കുടിശിക അനുവദിച്ചിട്ടില്ല. 2021 ജനുവരി മുതൽ സർവീസിൽ നിന്ന് റിട്ടയർ ചെയ്തവർക്കും, ഇപ്പോൾ സർവീസിൽ ഉണ്ടെങ്കിലും 2024 മാർച്ചിൽ പിരിയുന്നവർക്കും ഇതിന്റെ യാതൊരുവിധ ആനുകൂല്യവും ലഭിക്കാൻ പോകുന്നില്ല. ഇപ്പോൾ അനുവദിച്ച ‍‍ഡിഎ ഇനത്തിൽ മാത്രം 50,000 രൂപയും, അനുവദിക്കാതെ കിടക്കുന്ന ‍‍ഡിഎ കണക്കാക്കിയാൽ ഏകദേശം 3 ലക്ഷം രൂപ വരെയും ഒരു സാധാരണ ജീവനക്കാരന്റെ പോക്കറ്റിൽ നിന്നും ഈ സർക്കാർ അടി ച്ചു മാറ്റിയിരിക്കുകയാണ് എന്നുള്ളതാണ് വസ്തുത. ഇതുപോലെ ജീവനക്കാരുടെ പോക്കറ്റ് കൊള്ളയടിക്കുന്ന ഒരു സർക്കാർ ഇതിനുമുമ്പ് കേരളത്തിൽ ഉണ്ടായിട്ടില്ല.

Advertisement
1000x200 PX MALAYALI DCTR MDX-02-02

സാധാരണക്കാരായ സർക്കാർ ജീവനക്കാർക്ക് 2% മാത്രം ഡിഎ അനുവദിച്ചപ്പോൾ സ്വന്തം ഭാര്യ ജോലി ചെയ്യുന്ന കോളേജ് അധ്യാപക മേഖലയിൽഒറ്റയടിക്ക് 14 % ഡിഎ വർദ്ധിപ്പിച്ച് നൽകാൻ ധനമന്ത്രിക്ക് യാതൊരുവിധ മടിയും ഉണ്ടായിരുന്നില്ല. ഐ.എ.എസ്.,ഐ.പി.എസ്., ജുഡീഷ്യൽ ഓഫീസേഴ്സ് കാറ്റഗറിയിലുള്ള എല്ലാവർക്കും ഒരു രൂപ പോലും കുടിശ്ശികയില്ലാതെ മുഴുവൻ ഡിഎ യും അനുവദിച്ചു കൊടുക്കാൻ ധനമന്ത്രിക്ക് യാതൊരു സാമ്പത്തിക ബുദ്ധിമുട്ടും ഉണ്ടായിട്ടില്ല. ഈ വിഭാഗങ്ങൾക്ക് 46% ഡിഎ ആണ് ലഭിക്കുന്നത്. 28% ഡിഎ മാത്രം ലഭിക്കേണ്ട സാധാരണ സർക്കാർ ജീവനക്കാർക്കും, അധ്യാപകർക്കും 9 % ഡിഎ മാത്രം നൽകി 19 % കുടിശ്ശിക നിലനിർത്തുകയും, അനുവദിച്ച 2 % ന്റെ പോലും അരിയർ നൽകാതിരിക്കുകയും ചെയ്യുക എന്നത് ഈ സർക്കാർ ജീവനക്കാരോട് കാണിക്കുന്ന വലിയ അനീതിയാണ്, വഞ്ചനയാണ്, സർക്കാരിന്റെ ഇരട്ടത്താപ്പാണ്. ഇതിലുള്ള കെ പി എസ് ടി എ യുടെ ശക്തമായ പ്രതിഷേധം അറിയിക്കുന്നതോടൊപ്പം, ഇറക്കിയ ഉത്തരവ് പിൻവലിച്ച് 2021 ജനുവരി മുതലുള്ള 39 മാസത്തെ ഡിഎ അരിയർ അനുവദിക്കാൻ സർക്കാർ തയ്യാറാവണമെന്നും, കോളേജ് അധ്യാപകർക്ക് അനുവദിച്ച 14 % ഡിഎ എങ്കിലും അനുവദിക്കാൻ തയ്യാറാകണമെന്നും കെ പി എസ് ടി എ സംസ്ഥാന സമിതി സർക്കാരിനോട് ആവശ്യപ്പെട്ടു.

സംസ്ഥാന പ്രസിഡന്റ് കെ. അബ്ദുൽ മജീദ് അധ്യക്ഷത വഹിച്ചു. സംസ്ഥാന ജനറൽ സെക്രട്ടറി പി കെ അരവിന്ദൻ , ട്രഷറർ വട്ടപ്പാറ അനിൽകുമാർ, കെപിഎസ്ടിഎ ഭാരവാഹികളായ ഷാഹിദ റഹ്മാൻ, കെ രമേശൻ , എൻ രാജ്മോഹൻ , ബി സുനിൽകുമാർ , ബി ബിജു, വി ഡി എബ്രഹാം, അനിൽ വെഞ്ഞാറമൂട്, ടി.യു സാദത്ത്, പി വി ജ്യോതി, സാജു ജോർജ്, പി എസ് ഗിരീഷ് കുമാർ, ബി ജയചന്ദ്രൻ പിള്ള, ജി.കെ ഗിരീഷ്, ജോൺ ബോസ്കോ,വർഗീസ് ആന്റണി, മനോജ്‌ പി എസ്, പി എം നാസർ, പി വിനോദ് കുമാർ, ആർ.അരുണ എന്നിവർ സംസാരിച്ചു.

Advertisement
1000x200 PX MALAYALI DCTR MDX-02-02

Kerala

ശൂരനാട് സിപിഐയിൽ വീണ്ടും കലാപം; നേതാക്കളും അണികളും കൂട്ടത്തോടെ സിപിഎമ്മിലേക്ക് പോയത്
ഔദ്യോഗിക പക്ഷത്തിൻ്റെ കഴിവുകേടെന്ന് ഒരു വിഭാഗം

Published

on

ശൂരനാട്: സിപിഐ ശൂരനാട് മണ്ഡലം നേതൃത്വത്തിന്റെ കമ്മ്യൂണിസ്റ്റ് വിരുദ്ധ നിലപാടുകളിൽ പ്രതിഷേധിച്ച് പാർട്ടി വിട്ട നേതാക്കൾ അടക്കമുള്ള പ്രവർത്തകരെ സിപിഎം ജില്ലാ സെക്രട്ടറിയേറ്റ് മെമ്പർ സഖാവ് എം ശിവശങ്കരപ്പിള്ള അടുത്ത കാലത്ത് സ്വീകരിച്ചത് ചൂണ്ടിക്കാട്ടിയാണ് പുതിയ വിവാദം’. ശൂരനാട് നോർത്ത്, സൗത്ത്, പോരുവഴി മേഖലകളിൽ നിന്നും നിരവധി സഖാക്കൾ സിപിഎമ്മിലേക്ക് ഇപ്പോഴും പൊയ്ക്കൊണ്ടിരിക്കുന്നു. സിപിഐയുടെ ശക്തി കേന്ദ്രമായിരുന്നു ആനയടി, പുലിക്കുളം മേഖലകളിൽ ഒട്ടുമിക്ക പ്രവർത്തകരും സിപിഎമ്മിൽ ചേർന്നു. മുൻ ലോക്കൽ കമ്മിറ്റി സെക്രട്ടറി പുലിക്കുളം ക്ഷീരസംഘം പ്രസിഡമായിരുന്ന പി.പി വിശ്വനാഥൻ, മുൻ പഞ്ചായത്ത് മെമ്പറും എൽ സി അംഗവും മാർക്കറ്റിംഗ് സഹകരണ സംഘത്തിന്റെ ഡയറക്ടർ ബോർഡ് മെമ്പറുമായിരുന്ന ബാലകൃഷ്ണപിള്ള, ആദ്യകാല നേതാവായിരുന്ന സഖാവ് കുഞ്ഞുപിള്ളയുടെ മകനും ലോക്കൽ കമ്മിറ്റി അംഗവുമായ യശോധരൻ, പുളിക്കുളം ക്ഷീരസംഘം സെക്രട്ടറി കല, മുൻ പഞ്ചായത്ത് അംഗവും മഹിളാസംഘം നേതാവുമായ സരോജിനി അമ്മയുടെ മകനും ബി പ്രഭാകരൻ പിള്ള തുടങ്ങിയവരെല്ലാം കുടുംബസഹിതം സിപിഎമ്മിൽ ചേർന്നു കഴിഞ്ഞു.പ്രോഗ്രസീവ് ഫോറം സംസ്ഥാന വൈസ് പ്രസിഡണ്ടും സൗത്ത് സോൺ പ്രസിഡണ്ടുമായ പ്രൊഫ: ജി വാസുദേവൻ, എഐവൈഎഫ് ജില്ലാ കമ്മിറ്റി അംഗവും നോർത്ത് ലോക്കൽ കമ്മിറ്റി അംഗവുമായിരുന്ന സി.വി പ്രത്യുഷ്, ഇപ്റ്റ മേഖല പ്രസിഡന്റ് ആനയടി അനിൽകുമാർ, ലോക്കൽ കമ്മിറ്റി അംഗവും മുൻ ബ്ലോക്ക് പഞ്ചായത്ത് പ്രസിഡണ്ടുമായ സുമ, ലോക്കൽ കമ്മിറ്റി അംഗവും പഞ്ചായത്ത് മെമ്പറുമായ സമദ്,തെക്കേ മുറിയിലെ സജീവ പ്രവർത്തകനായ സൽമാൻ, ശൂരനാട് സൗത്ത് ലോക്കൽ കമ്മിറ്റി സെക്രട്ടറിയായിരുന്ന സുഗതൻ,പഞ്ചായത്ത് പ്രസിഡന്റ് ശശിധരൻ, പോരുവഴി പഞ്ചായത്തിലെ ലോക്കൽ കമ്മിറ്റി അംഗമായ മോഹനൻ പിള്ള,അമ്മിണി ഇവരൊക്കെ സിപിഐയോട് വിട പറഞ്ഞ് സിപിഎമ്മിൽ ചേർന്നു കഴിഞ്ഞു.
കാലങ്ങളായി നിലനിന്നു വരുന്ന വിഭാഗീയത കാരണം ജില്ലാ കൗൺസിൽ നിന്ന് ഒഴിവാക്കപ്പെട്ട പ്രൊഫ:സിഎം ഗോപാലകൃഷ്ണൻ നായർ, ബ്ലോക്ക് പഞ്ചായത്തംഗം എൻ. പങ്കജാക്ഷൻ, മുൻ മണ്ഡലം സെക്രട്ടറി അജയഘോഷ് തുടങ്ങിയവർ തീർത്തും നിഷ്ക്രിയരാണ്.
നിലവിൽ മണ്ഡലം സെക്രട്ടറിയുടെ ചുമതലക്കാരനും സംസ്ഥാന കൗൺസിൽ അംഗവും സിൽബന്തികളും പാർട്ടി നയത്തിനെതിരായി മദ്യമാഫിയയുമായി ബന്ധപ്പെട്ടും മറ്റുതരത്തിലും നടത്തുന്ന അഴിമതികൾക്കും അനാശാസ്യ പ്രവർത്തനങ്ങൾക്കുമെതിരെ ലോക്കൽ കമ്മിറ്റി സെക്രട്ടറിമാരും ബ്രാഞ്ച് സെക്രട്ടറിമാരും അടക്കം മണ്ഡലത്തിലെ ബഹുഭൂരിപക്ഷം പ്രവർത്തകരും പ്രതിഷേധത്തിലാണ്. പാർട്ടി പരിപാടികളിൽ നിന്ന് അവരെല്ലാം വിട്ടുനിൽക്കുന്ന സ്ഥിതിയാണുള്ളത്. ഇടതിൻ്റെ ശക്തികേന്ദ്രമായ ശൂരനാട്ടെ ചേരിതിരിവ് യുഡിഎഫിന് ഗുണം ചെയ്യുമെന്ന ഭീതിയിലാണ് സിപിഐ നേതൃത്വം. പാർട്ടി മാറിയവർ സിപിഐ നേതൃത്വത്തെ ഒരു പാഠം പഠിപ്പിക്കണമെന്ന വാശിയിലും പ്രശ്നം പരിഹരിക്കാൻ എൽഡിഫ് നേതൃത്വം ഇടപെടുന്നു.

Continue Reading

Choonduviral

ഏപ്രിൽ 26ന് സംസ്ഥാനത്ത് പൊതു അവധി പ്രഖ്യാപിച്ചു

Published

on

തിരുവനന്തപുരം: കേരളത്തിലെ 20 ലോക്‌സഭാ മണ്ഡലങ്ങളിലേക്കുമുള്ള വോട്ടെടുപ്പ് ദിനമായ ഏപ്രിൽ 26ന് സംസ്ഥാനത്ത് പൊതു അവധി പ്രഖ്യാപിച്ചു. സംസ്ഥാനത്തെ സർക്കാർ ഓഫിസുകൾ, വിദ്യാഭ്യാസ സ്ഥാപനങ്ങൾ എന്നിവയ്ക്ക് അടക്കം എല്ലാ സ്ഥാപനങ്ങൾക്കും പൊതു അവധി പ്രഖ്യാപിച്ചത്. വാണിജ്യ സ്ഥാപനങ്ങൾക്ക് ശമ്പളത്തോടെയുള്ള അവധിയാണ് പ്രഖ്യാപിച്ചിരിക്കുന്നത്.

സംസ്ഥാനത്തെ നെഗോഷ്യബിൾ ഇൻസ്ട്രുമെന്റ്സ് ആക്ടിന്റെ പരിധിയിൽ വരുന്ന എല്ലാ സർക്കാർ, അർധസർക്കാർ, വാണിജ്യ സ്ഥാപനങ്ങൾക്കും അവധി പ്രഖ്യാപിച്ച് സർക്കാർ ഉത്തരവു പുറത്തിറക്കി. വാണിജ്യ സ്ഥാപനങ്ങൾക്കു ശമ്പളത്തോടെയുള്ള അവധിയായിരിക്കും. കൊമേഴ്സ്യൽ എസ്റ്റാബ്ലിഷ്മെന്റ് ആക്ടിനു പരിധിയിൽ വരുന്ന സ്വകാര്യ സ്ഥാപനങ്ങൾ, സ്വകാര്യ വ്യവസായ കേന്ദ്രങ്ങൾ തുടങ്ങിയിടങ്ങളിൽ അവധി പ്രഖ്യാപിക്കുന്നതിന് ലേബർ കമ്മിഷണർ ആവശ്യമായ ക്രമീകരണങ്ങൾ ഏർപ്പെടുത്തണം. അവധി ദിനത്തിൽ വേതനം നിഷേധിക്കുകയോ കുറവു വരുത്തുകയോ ചെയ്യരുതെന്നും ഉത്തരവിൽ പറയുന്നു.

Advertisement
1000x200 PX MALAYALI DCTR MDX-02-02
Continue Reading

Choonduviral

‘രാഹുലിനെയല്ല രാജ്യത്തിനായി ജീവത്യാഗം ചെയ്ത രാജീവ് ഗാന്ധിയെയാണ് അൻവർ അപമാനിച്ചത്’; കെ.സി.വേണുഗോപാൽ

Published

on

ആലപ്പുഴ: രാഹുൽഗാന്ധിക്കെതിരായ പി വി
അൻവർ എംഎൽഎയുടെ പരാമർശത്തിൽ പ്രതികരണവുമായി യുഡിഎഫ് സ്ഥാനാർത്ഥി കെ.സി.വേണുഗോപാൽ. അൻവറിന്റെ പരാമർശം ഞെട്ടിക്കുന്നതെന്ന് കെ.സി.വേണുഗോപാൽ. രാഹുലിനെ അല്ല രാജ്യത്തിനുവേണ്ടി പിടഞ്ഞുവീണ് മരിച്ച രാജീവ് ഗാന്ധിയെയാണ് അൻവർ അപമാനിച്ചതെന്ന് കെ സി വേണുഗോപാൽ കൂട്ടിച്ചേർത്തു.

കേരള നിയമസഭയിലെ എംഎൽഎയാണ് പി.വി.അൻവർ. ഡിഎൻഎ പരിശോധിക്കണമെന്ന പ്രസ്‌താവന ഗാന്ധി കുടുംബത്തെ അപമാനിക്കലാണെന്നും രക്തസാക്ഷിയായ രാജീവ് ഗാന്ധിയെയാണ് അൻവർ അപമാനിച്ചതെന്നും കെ.സി വേണുഗോപാൽ പറഞ്ഞു. ഇത് പറയുന്നത് ഒരു എംഎൽഎയാണെന്നതാണ് ഞെട്ടിക്കുന്നതെന്ന് അദ്ദേഹം പറഞ്ഞു. ഇത് ഒരിക്കലും അംഗീകരിക്കാൻ കഴിയില്ലെന്നും കേരളം ലജ്ജിച്ച് തല താഴ്ത്തണ്ട പ്രസ്താവനയാണിതെന്നും അദ്ദേഹംകൂട്ടിച്ചേർത്തു.

Advertisement
1000x200 PX MALAYALI DCTR MDX-02-02

മുഖ്യമന്ത്രി ആണ് ആദ്യം രാഹുലിനെ അപമാനിക്കാൻ ശ്രമിച്ചത്. മുഖ്യമന്ത്രിയാണ് അധിക്ഷേപിക്കാനുള്ള ലൈസൻസ് കൊടുക്കുന്നത്. ഈ രാജ്യത്തിനുവേണ്ടി ജീവൻ അർപ്പിച്ച രക്തസാക്ഷിയാണ് രാജീവ് ഗാന്ധി. അതിനോട് ഒരിക്കലും ക്ഷമിക്കാൻ കഴിയില്ലെന്ന് കെ സി വേണുഗോപാൽ പറഞ്ഞു. അൻവറിന്റെ പ്രതികരണത്തിനെതിരെ തിരഞ്ഞെടുപ്പ് കമ്മീഷനെ സമീപിക്കും. ഇതിനെതിരെ പരാതി നൽകുമെന്നും അദ്ദേഹം പറഞ്ഞു.

Advertisement
1000x200 PX MALAYALI DCTR MDX-02-02
Continue Reading

Featured