കെ.ഇ കോളേജിൽ കെഎസ് യു പ്രവർത്തകർക്കെതിരെ എസ്എഫ്ഐ അതിക്രമം

കോട്ടയം: കോട്ടയം ജില്ലയിൽ അടക്കം കേരളത്തിലെമ്പാടും സിപിഎമ്മും, പോഷകസംഘടനകൾ ആയ എസ്എഫ്ഐയും ഡിവൈഎഫ്ഐയും പരക്കെ അക്രമം അഴിച്ചു വിടുകയാണ്. കെഎസ്‌യു പ്രവർത്തകരായ ബെൻ വർഗീസ്,ആന്റോ ഷേർജിൻ എന്നിവരെ ക്രൂരമായി ആക്രമിച്ചു. ഇന്നലെ മാന്നാനം കെ.ഇ. കോളേജിലെ വിദ്യാർത്ഥികളെ പുറത്തുനിന്ന് എത്തിയ എസ്എഫ്ഐ – ഡിവൈഎഫ്ഐ ഗുണ്ടകൾ മൃഗീയമായി മർദ്ദിച്ച് പരിക്കേൽപ്പിച്ചു. കെഎസ്‌യു യൂണിറ്റ് കമ്മിറ്റിയുടെ ചിട്ടയായ സംഘടനാ പ്രവർത്തനത്തനവും, ജനകീയതയും കണ്ട് വിറളിപൂണ്ട എസ്എഫ്ഐ നേതാക്കളുടെ ഒത്താശയോടെയാണ് ബിരുദാനന്തര വിദ്യാർഥികൾക്ക് മേൽ ഈ കടന്നുകയറ്റം ഉണ്ടായിരിക്കുന്നത്. ക്യാമ്പസിനുള്ളിൽ വച്ചാണ് പതിനഞ്ചോളം വരുന്ന അക്രമിസംഘം കെഎസ്‌യു പ്രവർത്തകരെ അസഭ്യ വർഷത്തോടെ ക്രൂരമായി ആക്രമിച്ചത്. പരിക്കേറ്റവർ സ്വകാര്യ ആശുപത്രിയിൽ ചികിത്സ തേടി.

Read More

കോട്ടയം ഷാൻ വധം; പ്രതി ജോമോൻ സിപിഎം പ്രവർത്തകൻ; പാർട്ടി പരിപാടിയിൽ പങ്കെടുക്കുന്ന ദൃശ്യങ്ങൾ സമൂഹ മാധ്യമങ്ങളിൽ

കോട്ടയത്തെ ഷാൻ വധ കേസിലെ പ്രതി ജോമോൻ സിപിഎം പ്രവർത്തകൻ. ഡൽഹിയിൽ നടന്ന സിപിഎം മാർച്ചിൽ അടക്കം ഇയാൾ പങ്കെടുത്തിട്ടുണ്ട്. ഇയാൾ മാർച്ചിൽ പങ്കെടുക്കുന്ന ദൃശ്യങ്ങൾ സമൂഹ മാധ്യമങ്ങളിൽ നിറഞ്ഞു നിലക്കുകയാണ് ഇപ്പോൾ. ജില്ലാ സമ്മേളനങ്ങളുടെ മറവിൽ ഗുണ്ടകൾക്ക് സ്വതന്ത്രമായി വിലസാനുള്ള അവസരം സിപിഎം ഒരുക്കിയെന്ന് കോൺഗ്രസ് ആരോപിച്ചു. കഴിഞ്ഞ ദിവസം യുവാവിനെ മർദ്ദിച്ച് കൊലപ്പെടുത്തുകയും മൃതദേഹം തോളിൽ ചുമന്ന് കൊണ്ട് പോലീസ് സ്റ്റേഷന് മുൻപിൽ കൊണ്ടുവെക്കുകയും ചെയ്ത കേസിലെ പ്രതിയാണ് ജോമോൻ. ഇയാളെ കാപ്പ ചുമത്തി 2021 ൽ ജില്ലാ പോലീസ് മേധാവി നാടുകടത്തിയിരുന്നു. പിന്നീട് ഇതിനെതിരെ അപ്പീൽ നൽകി ഇയാൾ ജില്ലയിൽ തിരിച്ചെത്തുകയായിരുന്നു. ഇയാൾക്ക് കാപ്പയിൽ നിന്ന് ഇളവ് ലഭിച്ചതിന് പിന്നിൽ സിപിഎം എന്ന ആരോപണം ശക്തമാണ്. അതേസമയം ജില്ലാ സമ്മേളനങ്ങളുടെ മറവിൽ ജോമോൻ അടക്കമുള്ള ഗുണ്ടകളെ ജില്ലയിൽ സ്വതന്ത്രമായി വിലസാൻ അനുവദിക്കുന്നുവെന്ന് ഡിസിസി…

Read More

ഓരോ ദിവസത്തെയും പോലീസിൻ്റെ വീഴ്ചകൾ ഞെട്ടിപ്പിക്കുന്നതും നാണിപ്പിക്കുന്നതുമെന്ന് രമേശ് ചെന്നിത്തല

തിരുവനന്തപുരം:ഓരോ ദിവസത്തെയും പോലീസിൻ്റെ വീഴ്ചകൾ ഞെട്ടിപ്പിക്കുന്നതും നാണിപ്പി ക്കുന്നതുമെന്ന് കോൺഗ്രസ് നേതാവുമായ രമേശ് ചെന്നിത്തല. കഴിഞ്ഞ ദിവസo കോട്ടയത്ത് സ്വന്തം മകനെ തട്ടിക്കൊണ്ട് പോയെന്നു പോലീസിനെ അറിയിച്ചിട്ടും നടപടി സ്വീകരിക്കാത്തത് പോലീസിന്റെ ഭാഗത്തുനിന്നുണ്ടായ മാപ്പർഹിക്കാത്ത കുറ്റമാണ്. ഗുരുതര വീഴ്ചയാണു പോലീസിൻ്റെ ഭാഗത്ത് നിന്നും ഉണ്ടായത് .ഗുണ്ടാ നേതാവ് സ്റ്റേഷനു മുന്നിൽ കൊണ്ട് കൊന്നു തള്ളിയിട്ടും പ്രതിക്ക് കൊല്ലാൻ ഉദ്ദേശ്യമില്ലായിരുന്നു എന്ന പ്രതിയുടെ മൊഴി കോട്ടയം എസ് പി മാധ്യമങ്ങളോട് പറഞ്ഞത് ആരെ വെള്ള പൂശാനാണെന്നു മനസിലാകുന്നില്ല . നാണംകെട്ട പ്രസ്താവനയായിപ്പോയി ഇതെന്നും അദ്ദേഹം കുറ്റപ്പെടുത്തി.രണ്ടാം പിണറായി സർക്കാരിൻ്റെ കീഴിൽ ഗുണ്ടകളും മാഫിയകളും അഴിഞ്ഞാടുകയാണ്. ഇവരിൽ പലർക്കും ഭരിക്കുന്ന പാർട്ടിയുമായുള്ള ബന്ധം കാരണo പോലീസിനു മുഖം നോക്കാതെ നടപടി എടുക്കാൻ കഴിയുന്നില്ല. താഴെ തട്ടിലെ ഉദ്യോഗസ്ഥരെ നിയന്ത്രിക്കുന്നത് പാർട്ടിയാണ്. ഉന്നത ഉദ്യോഗസ്ഥർക്ക് ഉണ്ടായിരുന്ന നിയന്ത്രണം പൂർണമായും നഷ്ടപ്പെട്ടു. കേരളാ…

Read More

കന്യാസ്ത്രീയെ മാനഭം​ഗപ്പെടുത്തിയ കേസിൽ ബിഷപ് ഫ്രാങ്കോ മുളയ്ക്കൽ കുറ്റവിമുക്തൻ

കോട്ടയം: കന്യാസ്ത്രീയെ മാനഭം​ഗപ്പെടുത്തി എന്ന കേസിൽ ജലന്ധർ രൂപതാ ബിഷപ് ഫ്രാങ്കോ മുളയ്ക്കലിനെ കോടതി കുറ്റവിമുക്തനാക്കി. അഡിഷണൽ സെഷൻസ് ജഡ്ജി ജി. ​ഗോപകുമാറാണു വിധി പറഞ്ഞത്. വിധിപ്രസ്താവം അറിയാൻ ബിഷപ് ഫ്രാങ്കോയും അടുത്ത ചില ബന്ധുക്കളും സുഹൃത്തുക്കളും കോടതിയിൽ ഹാജരായിരുന്നു. ദേശീയ തലത്തിൽ ശ്രദ്ധ പിചിച്ചുപറ്റിയ കേസാണ് ബിഷപ്പ് ഫ്രാങ്കോ മുളയ്ക്കലിന് എതിരായ ബലാത്സംഗക്കേസ്. ബിഷപ്പിനെതിരേഏഴ് ക്രിമിനൽ കുറ്റങ്ങളാണു ചുമത്തപ്പെട്ടത്. അതിലെ ശിക്ഷകളിങ്ങനെ: ചുമത്തപ്പെട്ട കുറ്റങ്ങളും ലഭിക്കാമായിരുന്ന പരമാവധി ശിക്ഷയും ചുവടെ. മുഴുവൻ വകുപ്പുകളും നിലനിൽക്കില്ലെന്നു കോടതി കണ്ടെത്തി. മേലധികാരം ഉപയോഗിച്ച് ലൈംഗിക പീഡനം (കുറഞ്ഞ ശിക്ഷ പത്ത് വർഷം ജയിൽശിക്ഷ, പരമാവധി ശിക്ഷ ജീവപര്യന്തം, കൂടെ പിഴയും )ആവർത്തിച്ചുള്ള ബലാൽസംഗം ( കുറഞ്ഞ ശിക്ഷ പത്ത് വർഷം ജയിൽശിക്ഷ, പരമാവധി ശിക്ഷ ജീവപര്യന്തം, കൂടെ പിഴയും )അധികാര ദുർവിനിയോഗത്തിലൂടെ ലൈംഗിക ചൂഷണം ( കുറഞ്ഞ ശിക്ഷ…

Read More

ഇടുക്കി സംഭവം നിർഭാ​ഗ്യകരം: പെട്ടെന്നുണ്ടായ സംഘർഷം കുഴപ്പമായി: ഉമ്മൻ ചാണ്ടി

കോട്ടയം: ഇടുക്കി എൻജിനീയറിം​ഗ് കോളെജിലുണ്ടായ നിർഭാ​ഗ്യകരമായ സംഭവം പെട്ടെന്നുണ്ടായ സംഘർഷം മുലമാണെന്ന് മുതിർന്ന കോൺ​ഗ്രസ് നേതാവ് ഉമ്മൻ ചാണ്ടി. അക്രമം ആസൂത്രിതമെന്ന ആരോപണം അടിസ്ഥാനരഹിതമാണെന്നും അദ്ദേഹം പറഞ്ഞു. കോളേജ് തെരഞ്ഞെടുപ്പിനിടെ ഉണ്ടായ നിർഭാഗ്യകരമായ സംഭവമാണ് കോളെജിലുണ്ടായത്. അതിനു മറ്റൊരു മാനം നൽകേണ്ടതില്ലെന്നും ഉമ്മൻ ചാണ്ടി.കൊലപാതകം കെപിസിസി പ്രസിഡന്റ് കെ. സുധാകരന്റെ ശൈലി എന്ന ആരോപണം ശരിയല്ല. പ്രതികൾ കെ. സുധാകരനുമായി നിൽക്കുന്ന ഫോട്ടോകൾ ഉയർത്തി സംഭവത്തെ വഴിതിരിച്ചുവിടരുതെന്നും ഉമ്മൻ ചാണ്ടി അഭ്യർഥിച്ചു. ഇടുക്കിയിലെ എസ്എഫ്ഐ പ്രവർത്തകന്റെ കൊലപാതകം നിർഭാ​ഗ്യകരമാണ്. കലാലയങ്ങളിലെ അക്രമ രാഷ്ട്രീയം അവസാനിപ്പിക്കണം. അതിനു രാഷ്ട്രീയം പാർട്ടികൾ മുൻകൈ എടുക്കണമെന്നും ഉമ്മൻ ചാണ്ടി അഭ്യർഥിച്ചു.

Read More

യാത്രക്കാരിയുടെ സ്വകാര്യ ഭാ​ഗത്തു സ്പർശിച്ച കെഎസ്‌ആർടിസി കണ്ടക്ടറെ പിരിച്ചുവിട്ടു

കോട്ടയം: യാത്രക്കാരിയോട് അപമര്യാദയായി പെരുമാറിയ കെഎസ്‌ആർടിസി കണ്ടക്ടറെ പിരിച്ചുവിട്ടു. വൈക്കം ഡിപ്പോയിലെ കണ്ടക്ടർ പിപി അനിലിനെതിരായാണ് നടപടി. വിജിലൻസ് എക്സിക്യുട്ടീവ് ഡയറക്ടർ നടത്തിയ അന്വേഷണത്തിലാണ് പിരിച്ചുവിടാൻ തീരുമാനിച്ചത്. കണ്ടക്ടറുടെ ഭാഗത്തുനിന്ന് ഗുരുതര പിഴവുണ്ടായതായും റിപ്പോർട്ടിൽ പറയുന്നുണ്ട്.2020 നവംബറിൽ വൈക്കത്തു നിന്ന് പുറപ്പെട്ട ബസിൽവച്ചാണ് സംഭവമുണ്ടായത്. ടിക്കറ്റ് നൽകിയപ്പോഴും ബാക്കി തുക നൽകിയപ്പോഴും യാത്രക്കാരിയുടെ സ്വകാര്യ ഭാ​ഗത്ത് അനാവശ്യമായി സ്പർശിക്കുകയായിരുന്നു എന്നാണ് ആക്ഷേപം. യാത്രക്കാരി വെള്ളൂർ പോലീസിൽ പരാതിപ്പെട്ടതിനെ തുടർന്ന് കണ്ടക്ടറെ അറസ്റ്റുചെയ്തിരുന്നു.കോടതി റിമാൻഡ്ചെയ്ത ഇയാളെ കോർപ്പറേഷൻ സസ്പെൻഡ് ചെയ്തു. തുടർന്ന് നടന്ന വകുപ്പുതല അന്വേഷണ റിപ്പോർട്ട് പ്രകാരമാണ് കണ്ടക്ടറെ പിരിച്ചുവിടാൻ തീരുമാനിച്ചത്. യാത്രക്കാരോട് മാന്യമായി പെരുമാറേണ്ടിയിരുന്ന ജീവനക്കാരന്റെ ഭാഗത്തുനിന്ന് ഇത്തരം നടപടി ഉണ്ടാകാൻ പാടില്ലായിരുന്നുവെന്ന് അന്വേഷണ റിപ്പോർട്ടിൽ പറയുന്നു.

Read More

കുട്ടിയെ തട്ടിയെടുത്ത സംഭവം; സുരക്ഷാ ജീവനക്കാരിയെ സസ്പെൻഡ് ചെയ്തു

കോട്ടയം മെഡിക്കൽ കോളേജിൽ നിന്ന് നവജാതശിശുവിനെ തട്ടിക്കൊണ്ടുപോയ സംഭവത്തിൽ ആശുപത്രി സുരക്ഷാ ജീവനക്കാരിക്ക് സസ്പെൻഷൻ. ജീവനക്കാരി സുരക്ഷാ ചുമതലയിൽ ജാഗ്രത കുറവ് കാട്ടി എന്ന നി​ഗമനത്തെ തുടർന്ന് അന്വേഷണ വിധേയമായാണ് നടപടി. അതേസമയം അന്വേഷണ സമിതികൾ ഇന്ന് റിപ്പോർട്ട് നൽകും.

Read More

കോട്ടയം മെഡിക്കൽ കോളേജ് സുരക്ഷാ വീഴ്ച: ഹെൽത്ത് ജോയിന്റ് ഡയറക്റ്റർ അന്വേഷിക്കും

കോട്ടയം: ​ഗവണ്മെന്റ് മെഡിക്കൽ കോളെജിൽ നവജാത ശിശുവിനെ തട്ടിക്കൊണ്ടുപോയ സംഭവം സമാനതകളില്ലാത്ത സസുരക്ഷാ വീഴ്ചയാണെന്നു കുട്ടിയുടെ മാതാപിതാക്കൾയ കുട്ടിയെ തിരിച്ചു കിട്ടിയെങ്കിലും ആശുപത്രിയിൽ കഴിയാൻ ഭയമാണെന്ന് അവർ മാധ്യമങ്ങളോടു പറഞ്ഞു. എത്രയും വേ​ഗം ഡിസ്ചാർജ് ആവശ്യപ്പെട്ടിട്ടുണ്ടെന്നും കുട്ടിയുടെ ബന്ധുക്കകൾ പറഞ്ഞു. നീതു ആരോഗ്യ പ്രവർത്തകയാണെന്നാണ് കരുതിയത് . സെക്യൂരിറ്റി ഉദ്യോ​ഗസ്ഥരുടെ മുന്നിലൂടെയാണ് അവൾ വന്നതും കുട്ടിയുമായി കടന്നുപോയതും. അതുകൊണ്ട് മറ്റു സംശയങ്ങൾ ഒന്നും തോന്നിയില്ല. ആശുപത്രിയുടെ ഭാഗത്ത്‌ നിന്നും ​ഗുരുതരമായ സുരക്ഷ വീഴ്ച്ച ഉണ്ടായി എന്നും കുടുംബം പറഞ്ഞു. സംഭവത്തിൽ ഉന്നതധികാരിക്കൾക്ക് പരാതി നൽകുമെന്നും കുടുംബംമെഡിക്കൽ കോളേജ് ആശുപത്രിയിൽ നവജാത ശിശുവിനെ തട്ടിയെടുക്കാൻ ശ്രമിച്ച സംഭവത്തിൽ ആരോഗ്യ വകുപ്പ് മന്ത്രി വീണാ ജോർജ് അന്വേഷണത്തിന് ഉത്തരവിട്ടു. ആരോഗ്യ വിദ്യാഭ്യാസ വകുപ്പ് ജോ ഡയറക്ടർക്കാണ് അന്വേഷണ ചുമതല. എത്രയും വേഗം അന്വേഷിച്ച് റിപ്പോർട്ട് തരാൻ മന്ത്രി ആവശ്യപ്പെട്ടിട്ടുണ്ട്. മേലിൽ…

Read More

വാസവന്റെ കാർ അപകടത്തിൽ

കോട്ടയം: സഹകരണ വകുപ്പ് മന്ത്രിയും ഏറ്റുമാനൂർ എംഎൽഎയുമായ വിഎൻ വാസവന്റെ കാർ അപകടത്തിൽ പെട്ടു. ഔദ്യോഗിക വാഹനമാണ് പിക്ക് അപ്പ് വാനുമായി കൂട്ടിയിടിച്ചത്. അപകടത്തിൽ മന്ത്രി പരിക്കേൽക്കാതെ രക്ഷപ്പെട്ടു. ഗൺമാന് നിസാര പരിക്കേറ്റു. ഇദ്ദേഹത്തെ ആശുപത്രിയിൽ പ്രവേശിപ്പിച്ചിട്ടുണ്ട്. കോട്ടയത്ത് പാമ്പാടിയിൽ വെച്ചായിരുന്നു അപകടം

Read More

ഉപരാഷ്‌ട്രപതിക്കു കൊച്ചിയിൽ ഉജ്വല വരവേല്പ്

കൊച്ചി: ലക്ഷദ്വീപ് സന്ദർശനത്തിന് ശേഷം കൊച്ചിയിൽ തിരിച്ചെത്തിയ ഉപരാഷ്ട്രപതി എം വെങ്കയ്യ നായിഡുവിന് നാവികസേനാ വിമാനത്താവളത്തിൽ ഊഷ്മള സ്വീകരണം. വ്യോാമസേനയുടെ പ്രത്യേക വിമാനത്തിൽ രാവിലെ 10.45 ന് കൊച്ചി നാവികസേനാ വിമാനത്താവളത്തിലെത്തിയ ഉപരാഷ്ട്രപതിയെ സംസ്ഥാന സർക്കാരിനുവേണ്ടി ഗവർണർ ആരിഫ് മുഹമ്മദ് ഖാൻ, ജില്ലയുടെ ചുമതലയുള്ള വ്യവസായ മന്ത്രി പി രാജീവ്, മേയർ അഡ്വ.എം അനിൽകുമാർ, ഹൈബി ഈഡൻ എംപി, ടി ജെ വിനോദ് എംഎൽഎ, എഡിജിപി വിജയ് സാഖറെ, റിയർ അഡ്മിറൽ ആന്റണി ജോർജ്, സിറ്റി പോലിസ് കമ്മീഷണർ സി നാഗരാജു, ജില്ലാ കലക്ടർ ജാഫർ മാലിക്, സ്റ്റേറ്റ് പ്രോട്ടോക്കോൾ ഓഫീസർ ബി സുനിൽകുമാർ എന്നിവർ ചേർന്നാണു സ്വീകരിച്ചത ഉപരാഷ്ട്രപതിക്കൊപ്പം ഭാര്യ ഉഷ, കുടുംബാംഗങ്ങൾ തുടങ്ങിയവരുമുണ്ടായിരുന്നു. നാവികസേനയുടെ ഗാർഡ് ഓഫ് ഓണർ ഉപരാഷ്ട്രപതി പരിശോധിച്ചു. ഇന്നും നാളെയും കൊച്ചിയിലും കോട്ടയത്തും വിവിധ പരിപാടികളിൽ പങ്കെടുത്ത ശേഷം 4ന്…

Read More