അനധികൃത സ്വത്ത്ഃ തച്ചങ്കരിക്കെതിരേ അന്വേഷണം തുടരും

കൊച്ചി: അനധികൃത സ്വത്ത് സമ്പാദന കേസിൽ ഡി ജി പി ടോമിൻ ജെ തച്ചങ്കരിക്കെതിരേ സർക്കാർ പ്രഖാപിച്ച അന്വേഷണം തുടരാമെന്ന് ഹൈക്കോടതി. സർക്കാർ തീരുമാനത്തിൽ ഇടപെടേണ്ട സാഹചര്യമില്ലെന്നും ഹൈക്കോടതി വ്യക്തമാക്കി. ടോമിൻ തച്ചങ്കരി നൽകിയ അപേക്ഷയാണ് ഹൈക്കോടതി തള്ളിയത് . ഒമ്പത് വർഷം മുമ്പ് കുറ്റപത്രം സമർപ്പിച്ച കേസിൽ സർക്കാർ തുടർ അന്വേഷണം പ്രഖാപിക്കുകയായിരുന്നു. വിജിലൻസിന്‍റെ പ്രാഥമിക അന്വേഷണത്തിൽ പാകപ്പിഴകൾ ഉണ്ടെന്ന് കാണിച്ചായിരുന്നു തച്ചങ്കരിയുടെ പരാതി

Read More

കോവിഡ് നിയന്ത്രണ ലംഘനം ; ജില്ലയില്‍ നിന്ന് ഖജനാവിലേയ്‌ക്കെത്തിയത് മൂന്നു കോടി രൂപയ്ക്കു മുകളില്‍

ആലപ്പുഴ:  ജില്ലയില്‍ കോവിഡ് കാലത്തെ നിയന്ത്രണങ്ങള്‍ ലംഘിച്ചവരില്‍ നിന്നും പോലീസ് പിഴയായി ഈടാക്കിയ തുക മുന്നു കോടിക്കു മുകളില്‍. കോവിഡ് കാലത്ത് നിയന്ത്രണങ്ങളോടൊപ്പം പരിശോധനകളും ശക്തമാക്കിയതോടെ കോവിഡ് പ്രോട്ടോക്കോള്‍ പാലിക്കുന്നവരില്‍ നിന്നും പോലീസ് പിഴ ഈടാക്കിയിരുന്നു. ഇതിനെ നിയമസഭയിലടക്കം ചോദ്യം ചെയ്ത് പ്രതിപക്ഷം രംഗത്തെത്തിയിരുന്നു. പോലീസിന്റെ പിഴ ഈടാക്കലിനെ വിമര്‍ശിച്ച് സര്‍ക്കാരിന് പെറ്റി സര്‍ക്കാരെന്ന പട്ടവും ചാര്‍ത്തി നല്‍കിയിരുന്നു.പല തവണകളിലായി പ്രതിപക്ഷം ഇക്കാര്യം നിയമസഭയില്‍ ഉന്നയിച്ചിരുന്നു. ഇപ്പോഴിതാ ആ പിഴ തുകയുടെ കണക്കുകള്‍ പുറത്തുവന്നിരിക്കുകയാണ്. സംസ്ഥാന ഖജനാവിലേക്ക് കോവിഡ് കാലയളവില്‍ ഏറ്റവുമധികം പണം എത്തിയിരിക്കുന്നത് എറണാകുളം ജില്ലയില്‍ നിന്നാണ്. 2020 മാര്‍ച്ച് 25 മുതല്‍ 2021 ജൂലൈ വരെ കോവിഡ് മാനദണ്ഡം ലംഘിച്ചതിന് പിഴ ഇനത്തില്‍ പോലീസ് പിരിച്ചെടുത്തത് 20,09,97,600 കോടി രൂപയാണ്. 16 മാസത്തിനിടെ സംസ്ഥാനത്ത് കോവിഡ് മാനദണ്ഡ ലംഘത്തിന് പിഴയായി ആകെ ലഭിച്ചത് 100,01,95,900…

Read More

സിപിഎമ്മില്‍ കൂട്ട നടപടി, മണിശങ്കറെ തരംതാഴ്ത്തി

കൊച്ചി. സിപിഎം എറണാകുളം ജില്ലാ കമ്മിറ്റിയില്‍ കൂട്ടനടപടി. അച്ചടക്കലംഘനവും അഴിമതിയും പാര്‍ട്ടി വിരുദ്ധ പ്രവര്‍ത്തനങ്ങളും ഉന്നയിച്ച് മുതിര്‍ന്ന നേതാവ് സി.കെ. മണിശങ്കറെ ജില്ലാ സെക്രട്ടേറിയറ്റില്‍ നിന്ന് ഒഴിവാക്കി. പകരം ഒരു പദവിയും നല്‍കിയിട്ടില്ല. ആക്റ്റിംഗ൯് സെക്രട്ടറി എ. വിജയരാഘവന്‍റെ സാന്നിധ്യത്തില്‍ നടന്ന ജില്ലാ കമ്മിറ്റിയാണ് നടപടികള്‍‌ സ്വീകരിച്ചത്. ഏരിയ കമ്മിറ്റി ഭാരവാഹികളായ കെ.ഡി. വിന്‍സന്‍റ്, എന്‍.കെ. സുന്ദരന്‍ എന്നിവരെ എല്ലാ പദവികളില്‍ നിന്നും ഒഴിവാക്കി. പെരുമ്പാവൂരില്‍ പാര്‍ട്ടി വിരുദ്ധ പ്രവര്‍ത്തനം നടത്തിയെന്നാരോപിച്ച് കൂത്താട്ടുകുളം ഏരിയ കമ്മിറ്റി ഭാരവാഹികളായ ഷാജു ജേക്കബിനെയും അരു‌ണ്‍ കുമാറിനെയും സംഘടനാ ചുമതലകളില്‍ നിന്ന് ഒഴിവാക്കി. എന്‍,സി മോഹനനെ പരസ്യമായി ശാസിക്കാനും യോഗം തീരുമാനിച്ചു.

Read More

പെണ്‍കുട്ടിക്കു സന്ദേശമയച്ച യുവാവിനെ വെട്ടിക്കൊലപ്പെടുത്തി

ആലപ്പുഴഃ പെണ്‍കുട്ടിക്കു അശ്ലീല സന്ദേശമയച്ചു എന്നാരോപിച്ച് യുവാവിനെ ഏഴംഗ സംഘം വെട്ടിക്കൊലപ്പെടിത്തി. ചേര്‍ത്തലയ്ക്കു സമീപം പൂച്ചക്കലില്‍ ഇന്നലെ രാത്രിയാണു സംഭവം. പൂച്ചാക്കല്‍ തൈക്കാട്ടുശേരി രോഹിണിയില്‍ വിപിന്‍ ലാല്‍ (35) ആണു കൊല്ലപ്പെട്ടത്. സംഘത്തിലുണ്ടായിരുന്ന സുജിത്ത് എന്നയാളെ പൊലീസ് അറസ്റ്റ് ചെയ്തു. മറ്റുള്ളവര്‍ക്കായി തെരച്ചില്‍ തുടരുകയാണ്. അശ്ലീല സന്ദേശത്തിന്‍റെ പേരില്‍ കഴിഞ്ഞ ഏതാനും ദിവസങ്ങളായി വിപിന്‍ ലാലും പ്രതികളും തമ്മില്‍ വാക്കേറ്റം നടക്കുന്നുണ്ടായിരുന്നു. ഇന്നലെ രാത്രി വീട്ടിലേക്കു പോകുകയായിരുന്ന വിപിന്‍ ലാലിനെ സംഘം തടഞ്ഞുനിര്‍ത്തി മര്‍ദിച്ചു. പ്രത്യാക്രമണത്തിനിടയിലാണ് സംഘം ഇയാളെ വെട്ടിവീഴ്ത്തിയത്. സംഭവ സ്ഥലത്തു തന്നെ വിപിന്‍ലാല്‍ കൊല്ലപ്പെട്ടു.

Read More

നൂറനാട് പടനിലം ഹൈസ്കൂളില്‍1.63 കോടിയുടെ തട്ടിപ്പ്, സിപിഎം നേതാക്കള്‍ക്കെതിരേ നടപടി

ആലപ്പുഴ: നൂറനാട് പടനിലം ഹൈസ്കൂളില്‍ നടന്ന 1.63 കോടി രൂപയുടെ സാമ്പത്തിക ക്രമക്കേടില്‍ സിപിഎമ്മില്‍ കടുത്ത അച്ചടക്ക നടപടി. തിരുവിതാംകൂര്‍ ദേവസ്വം ബോര്‍ഡ് മുന്‍ മെംബറും പാര്‍ട്ടി ആലപ്പുഴ ജില്ലാ സെക്രട്ടേറിയറ്റ് അംഗവുമായ എ. രാഘവനെ തരം താഴ്ത്തി. രണ്ടു പേരേ പാര്‍ട്ടിയില്‍ നിന്നു സസ്പെന്‍ഡ് ചെയ്തു. പാര്‍ട്ടി സംസ്ഥാന സെക്രട്ടറി എ. വിജയരാഘവന്‍റെ സാന്നിധ്യത്തില്‍ നടന്ന ജില്ലാ കമ്മിറ്റി യോഗത്തിലാണു തീരുമാനം. ആലപ്പുഴ ജില്ലാ സെക്രട്ടറിയേറ്റ് അംഗം എ രാഘവനെ ജില്ലാ കമ്മറ്റിയിലേയ്ക്കാണ് തരംതാഴ്ത്തിയത്. സ്കൂൾ മാനേജരും മുൻ ഏരിയാ സെക്രട്ടറിയുമായ മനോഹരൻ, ഏരിയാ കമ്മറ്റി അംഗം രഘു എന്നിവരെ പാർട്ടിയിൽ നിന്ന് സസ്പെൻ്റ് ചെയ്തു. പാര്‍ട്ടി നിയന്ത്രണത്തിലുള്ള സ്കൂളാണിത്. മുന്‍മന്ത്രി ജി. സുധാകരന്‍റെ വിശ്വസ്തനാണു രാഘവന്‍. മൂന്നു വര്‍ഷം മുന്‍പ് കണ്ടെത്തിയ തട്ടിപ്പുകളെക്കുറിച്ചുള്ള അന്വേഷണം മന്ദ്ഗതിയിലായിരുന്നു. എന്നാല്‍ കഴിഞ്ഞ നിയമസഭാ തെരഞ്ഞെടുപ്പില്‍ ജി. സുധാകരനെതിരായി…

Read More

രോഗി മരിച്ചെന്നു ആശുപത്രി, ബന്ധുക്കള്‍ ചരമ പോസ്റ്ററൊട്ടിച്ചു, ആംബുലന്‍സ് എത്തിയപ്പോള്‍ രോഗിക്കു ജീവന്‍!

ആലപ്പുഴ: ചികിത്സയില്‍ കഴിയുന്ന രോഗി മരിച്ചെന്ന് ആശുപത്രി അധികൃതര്‍. മരണ വാര്‍ത്ത ആശുപത്രിയിലെത്തി സ്ഥിരീകരിക്കുന്നതിനു മുന്‍പേ നാട്ടില്‍ ചരമവാര്‍ത്ത അറിയിക്കുന്ന പോസ്റ്റര്‍. മൃതദേഹം കൊണ്ടുവരാന്‍ ബന്ധുക്കള്‍ ആശുപത്രിയിലെത്തിയപ്പോള്‍, ഇതൊന്നുമറിയാതെ രോഗി ആശുപത്രി കിടക്കയില്‍. വണ്ടാനം മെഡിക്കൽ കോളജ് ആശുപത്രിയിൽ കൊവിഡ് ചികിത്സയിൽ വീണ്ടും ഗുരുതര വീഴ്ച. ജീവിച്ചിരിക്കുന്ന കൊവിഡ് രോഗി മരിച്ചെന്ന് ബന്ധുക്കളെ അറിയിച്ച് ആശുപത്രി അധികൃതർ. ഇന്നലെ രാത്രിയാണ് ചികിത്സയിലിരിക്കുന്ന കൊവിഡ് രോഗി മരിച്ചെന്ന് ബന്ധുക്കൾക്ക് മെഡിക്കൽ കോളേജിൽ നിന്ന് അറിയിപ്പ് ലഭിച്ചത്. കൊവിഡ് ബാധിച്ച് ചികിത്സയിലായിരുന്ന കായംകുളം പള്ളിക്കൽ സ്വദേശി രമണൻ മരിച്ചതായാണ് ആശുപത്രി അധികൃതർ അറിയിച്ചത്. ആശുപത്രിയിൽ നിന്നും ലഭിച്ച വിവരം പ്രകാരം വീട്ടുകാർ കൊവിഡ് മാനദണ്ഡം പ്രകാരം സംസ്കാരത്തിനുള്ള ഒരുക്കങ്ങൾ നടത്തി. അധികൃതരുടെ നിർദ്ദേശാനുസരണം ബന്ധുക്കൾ ആംബുലൻസുമായി ആശുപതിയിലെത്തി. മൃതദേഹം കണ്ടെത്താനായി നടത്തിയ അന്വേഷണത്തിനൊടുവിലാണ് രമണൻ ജീവിച്ചിരിപ്പുണ്ട് മനസ്സിലായത്. മരണ വിവരം…

Read More

ആലപ്പുഴ മെഡി. കോളെജില്‍ മൃതദേഹങ്ങള്‍ മാറി, അന്വേഷണം തുടങ്ങി

ആലപ്പുഴ വണ്ടാനം മെഡിക്കല്‍ കോളെജില്‍ മൃതദേഹങ്ങള്‍ മാറി നല്‍കിയ സംഭവത്തില്‍ അന്വേഷണം തുടങ്ങി. മെഡിക്കല്‍ കോളെജുകളില്‍ മൃതദേഹങ്ങള്‍ മാറി നല്‍കുന്ന സംഭവങ്ങള്‍ ആവര്‍‌ത്തിക്കാതിരിക്കാന്‍ കര്‍ശന നടപടികളുണ്ടാകണമെന്ന് ആരോഗ്യ വകുപ്പ് നിര്‍ദേശം നല്‍കി. തിരുവനന്തപുരം മെഡിക്കല്‍ കോളെജിലും സമാന സംഭവങ്ങള്‍ അടുത്തിടെ റിപ്പോര്‍ട്ട് ചെയ്തിരുന്നു. ആലപ്പുഴ മെഡി.കോളേജ് ആശുപത്രിയിൽ കൊവിഡ് രോഗിയുടെ മൃതദേഹം മാറി നൽകിയത് ഇന്നലെ വൈകുന്നേരം വലിയ സംഘര്‍ഷത്തിനു വഴി തുറന്നിരുന്നു. കായംകുളം സ്വദേശിയുടെ മൃതദേഹം ചേര്‍ത്തല സ്വദേശിയുടെ ബന്ധുക്കള്‍ക്ക് മാറി നല്‍കുകയായിരുന്നു. കൊവിഡ് ഐസിയുവിൽ ചികിത്സയിലായിരുന്ന ചേർത്തല സ്വദേശി കുമാരനും കൊവിഡ് വാർഡിൽ ചികിത്സയിലായിരുന്ന കായംകുളം കൃഷ്ണപുരം സ്വദേശി രമണനും ഇന്നലെ വൈകിട്ടോടെ മരണമടഞ്ഞു. നടപടികൾ പൂർത്തിയാക്കി രണ്ട് പേരുടേയും മൃതദേഹം ബന്ധുക്കൾക്ക് വിട്ടു നൽകിയപ്പോൾ ആണ് മൃതദേഹം മാറി നൽകി പോയത്. കായംകുളം സ്വദേശിയുടെ മൃതദേഹമാണ് ചേർത്തല സ്വദേശിയുടെ ബന്ധുക്കൾക്ക് മാറി നൽകിയത്.…

Read More

പന്തളം നഗരസഭ പിരിച്ചു വിടണമെന്നു സെക്രട്ടറിയുടെ കത്ത്

പന്തളം: ബിജെപി ഭരിക്കുന്ന പന്തളം നഗരസഭ പിരിച്ചുവിടണമെന്നാവശ്യപ്പെട്ട് നഗരസഭ സെക്രട്ടറി തദ്ദേശ വകുപ്പ് പ്രിൻസിപ്പൾ സെക്രട്ടറിക്ക് കത്ത് അയച്ചു. നഗരസഭയിലെ ബജറ്റ് മുനിസിപ്പൽ ചട്ടങ്ങൾ പാലിക്കാതെ പാസാക്കിയെന്ന സെക്രട്ടറിയുടെ കണ്ടെത്തലിനെത്തുടര്‍ന്നാണു നടപടി . എന്നാൽ നിയമ പ്രകാരമല്ലാത്തതൊന്നും നഗരസഭയിൽ നടന്നിട്ടില്ലെന്നാണ് ചെയർപേഴ്സൻ്റെ വിശദീകരണം പന്തളം നഗരസഭയിലെ ബജറ്റ് അവതരണവും ചർച്ചകളും വൻ രാഷ്ട്രീയ വിവാദങ്ങളായിരുന്നു. പുതിയതായി ഭരണത്തിലേറിയ എല്ലാ തദ്ദേശ സ്ഥാപനങ്ങളും ബജറ്റ് പാസക്കിയിട്ടും പന്തളത്ത് മാത്രം 2021 2022 സാന്പത്തിക വർഷത്തിലെ പദ്ധതി രേഖ സമയബന്ധിതമായി അവതരിപ്പിച്ചിരുന്നില്ല. ഇക്കാലയളിവിലെല്ലാം നഗരസഭയിൽ സെക്രട്ടറി സ്ഥാനം ഒഴിഞ്ഞു കിടക്കുകയായിരുന്നു. ജൂലൈ 7 ന് പുതുതായി എത്തിയ സെക്രട്ടറി രേഖകൾ പരിശോധിച്ചപ്പോഴാണ് മാർച്ച് 22 ന് അവതരിപ്പിച്ച ബജറ്റ് 1994 കേരള മുനിസിപ്പാലിറ്റി ചട്ടത്തിലെ വകുപ്പുകൾ പാലിക്കാതെയാണെന്ന് കണ്ടെത്തിയത്. കഴിഞ്ഞ സാമ്പത്തിക വർഷം അവസാനിക്കുന്നതിന് ബജറ്റ് പാസാക്കാൻ കഴിഞ്ഞില്ലെന്നും കണ്ടത്തി.…

Read More

കോവിഡ്ഃ അമ്മയും മകനും മരിച്ചു

ആലപ്പുഴ: കോ​വി​ഡ് ബാ​ധി​ച്ചു അ​മ്മ​യും മ​ക​നും മ​ണി​ക്കൂ​റു​ക​ളു​ടെ ഇ​ട​വേ​ള​യി​ൽ മ​രി​ച്ചു. ഹ​രി​പ്പാ​ട് വെ​ട്ടു​വേ​നി നെ​ടു​വേ​ലി​ൽ ഇ​ല്ല​ത്ത് ദാ​മോ​ദ​ര​ൻ ന​മ്പൂ​തി​രി​യു​ടെ ഭാ​ര്യ ശ്രീ​ദേ​വി അ​ന്ത​ർ​ജ​നം (ഗീ​ത- 59) മ​ക​ൻ സൂ​ര്യ​ൻ ഡി. ​ന​മ്പൂ​തി​രി (31) എ​ന്നി​വ​രാ​ണ് മ​രി​ച്ച​ത്. ഇ​രു​വ​രും വ​ണ്ടാ​നം മെ​ഡി​ക്ക​ൽ കോ​ളജ് ആ​ശു​പ​ത്രി​യി​ൽ ചി​കി​ത്സ​യി​ലാ​യി​രു​ന്നു. സൂ​ര്യ​ൻ ഇ​ന്ന​ലെ രാ​ത്രി 11നും ​മാ​താ​വ് ശ്രീ​ദേ​വി അ​ന്ത​ർജ​നം ഇ​ന്നു രാ​വി​ലെ 7.30-നുമാണ് ​ മ​രി​ച്ച​ത്. മൃതദേഹങ്ങള്‍ വീട്ടുവളപ്പില്‍ ഒരുമിച്ചു ദഹിപ്പിക്കും.

Read More

വനിതാ സഖാവിനെ അപമാനിച്ചു, സിപിഎം നേതാവിനു സസ്പെന്‍ഷന്‍

കരുനാഗപ്പള്ളിഃ സിപിഎമ്മില്‍ വനിതകള്‍ക്കെതിരായ അതിക്രമങ്ങള്‍ തുടരുന്നു. ഓച്ചിറയില്‍ വനിതാ സഖാവിനെ അപമാനിച്ചെന്ന പരാതിയില്‍ ഉന്നത സിപിഎം നേതാവിനെതിരേ അച്ചടക്കനടപടി. സിപിഎം ആലപ്പാട് സൗത്ത് ലോക്കല്‍ കമ്മി‌റ്റി അംഗവും മുന്‍ പഞ്ചായത്ത് അംഗവുമായ കെ. ഉണ്ണികൃഷ്നെ പാര്‍ട്ടിയില്‍ നിന്ന് സസ്പെന്‍ഡ് ചെയ്തു. മത്സ്യത്തൊഴിലാളി യൂണിയന്‍ ജില്ലാ കമ്മിറ്റി അംഗവും മത്സ്യത്തൊഴിലാളി ക്ഷേമ സഹകരണ സംഘം സെകട്ടറിയുമായ ഉണ്ണിക്കൃഷ്ണന്‍ തന്നെ നിരന്തരം ശല്യപ്പെടുത്തുകയും അപമാനിക്കാന്‍ ശ്രമിക്കുകയും ചെയ്യുന്നതായി യുവതി പാര്‍ട്ടി നേതൃത്വത്തിന് പരാചതി നല്‍കിയിരുന്നു. തുടര്‍ന്ന് രണ്ടംഗ കമ്മിഷന്‍ നടത്തിയ അന്വേഷണ റിപ്പോര്‍ട്ടിന്‍റെ അടിസ്ഥാനത്തിലാണു നടപടി. അതേ സമയം, വനിതകള്‍ക്കെതിരേ അതിക്രമം കാണിക്കുന്നവരെ പാര്‍ട്ടി സംരക്ഷിക്കുന്ന നടപടികളാണു തുടരുന്നതെന്നു വനിതാ നേതാക്കള്‍ പറഞ്ഞു. സ്വന്തം പാര്‍ട്ടി സഖാവിനെ പീഡിപ്പിച്ചതിനു പാര്‍ട്ടിയില്‍ നിന്നു പുറത്താക്കപ്പെട്ട പാര്‍ട്ടി ഉന്നതനെ തിരിച്ചെടുത്ത് കെടിഡിസി ചെയര്‍മാനാക്കിയത് ഉദാഹരണമായി ചൂണ്ടിക്കാണിക്കപ്പെടുന്നു.

Read More