മലപ്പുറം: നവകേരള സദസ് രാഷ്ട്രീയ പരിപാടിയാണെന്ന് കാന്തപുരം എ. പി അബൂബക്കർ മുസലിയാർ. ഇലക്ഷൻ വരുമ്പോൾ നേരിടാൻ മാർഗങ്ങൾ കണ്ട് പിടിക്കും. എല്ലാ പാർട്ടികളും അവരുടെ വിജയത്തിന് ആവശ്യമായ പ്രചാരണം നടത്തും. ഇത് മുൻപുമുളളതാണ്. ഉമ്മൻചാണ്ടി ഉണ്ടായിരുന്നപ്പോൾ പതിനായിരങ്ങൾ വന്നിരുന്നു. ഇത്തരം പരിപാടികൾ വഴി രാഷ്ട്രീയക്കാർ അവരുടെ ഉദ്ദേശങ്ങൾ ജനങ്ങളുടെ മുന്നിൽ വെക്കുന്നു. അതിൽ അഭിപ്രായം പറയാനില്ലെന്നും കാന്തപുരം വ്യക്തമാക്കി.

മുസ്ലിം സംവരണം അട്ടിമറിക്കപ്പെടരുതെന്നാണ് നിലപാട്. ഭിന്നശേഷി സംവരണം ഉയർത്തുമ്പോൾ മുസ്ലിം സംവരണം കുറയുന്നുവെന്ന വിഷയം പഠിച്ചു സർക്കാരിന്റെ ശ്രദ്ധയിൽപ്പെടുത്തുമെന്നും കാന്തപുരം വിശദീകരിച്ചു.

Advertisement

inner ad

മലപ്പുറം: മുഖ്യമന്ത്രിയുടെ നവകേരളസദസുമായി ബന്ധപ്പെട്ടുള്ള കരുതൽ തടങ്കലിനെതിരെ കോൺഗ്രസ് കോടതിയെ സമീപിക്കുമെന്ന് പ്രതിപക്ഷ നേതാവ് വി.ഡി. സതീശൻ. സുപ്രീം കോടതി വിധിയുടെ ലംഘനമാണ് കരുതൽ തടങ്കൽ. മുഖ്യമന്ത്രി ജില്ലയിലിറങ്ങിയതോടെ യുഡിഎഫുകാർക്ക് പുറത്തിറങ്ങാൻ കഴിയാത്ത അവസ്ഥയായെന്നും വി.ഡി. സതീശൻ പറഞ്ഞു.

കൊല്ലത്ത് കുട്ടിയെ തട്ടികൊണ്ടു പോയ സംഭവത്തിൽ പ്രതികളെ പിടിക്കാനാകാതെ പോലീസ് നാണം കെട്ടു നിൽക്കുകയാണ്. പ്രതികളെ പിടിക്കാത്ത പോലീസിനെ മുഖ്യമന്ത്രി എന്തുകാര്യത്തിനാണ് അഭിനന്ദിക്കുന്നതെന്നും അദ്ദേഹം ചോദിച്ചു. നവകേരള സദസെന്ന അശ്ലീലനാടകത്തിന് കാവൽ നിൽക്കുകയാണ് പോലീസ്. ശബരിമല ഡ്യൂട്ടിക്ക് പോലും ആളില്ലാത്ത അവസ്ഥയാണെന്നും പ്രതിപക്ഷ നേതാവ് കുറ്റപ്പെടുത്തി.

Advertisement

inner ad

രാഹുൽ ഗാന്ധി എംപി ഉദ്ഘാടനം ചെയ്യാനിരുന്ന റോഡ് പി.വി. അൻവർ ഉദ്ഘാടനം ചെയ്‌ത നടപടിയെ ന്യായീകരിച്ച മുഖ്യമന്തിയുടെ നടപടി വിലകുറഞ്ഞതായിപ്പോയെന്ന് പ്രതിപക്ഷ നേതാവ് പറഞ്ഞു. പിഎംജിഎസ്വൈ പദ്ധതി എംപിമാരാണ് ഉദ്ഘാടനം ചെയ്യേണ്ടത്. മുഖ്യമന്ത്രിക്ക് ഇത് അറിയില്ലെങ്കിൽ സ്റ്റാഫിനോട് നോംസ് വായിച്ചു മനസിലാക്കാൻ പറയണമെന്നും പ്രതിപക്ഷ നേതാവ് മലപ്പുറത്ത് പറഞ്ഞു.

Advertisement

inner ad

മലപ്പുറം: രാഹുല്‍ ഗാന്ധി എം പി ഇന്ന് നിര്‍മ്മാണോദ്ഘാടനം ചെയ്യാനിരുന്ന റോഡുകള്‍ ഉദ്ഘാടനം ചെയ്ത പി വി അന്‍വര്‍ എം എല്‍ എയുടെ നടപടി വിവാദത്തില്‍. ഇന്ന് വൈകിട്ട് രാഹുല്‍ ഗാന്ധി നിര്‍മ്മാണോദ്ഘാടനം നടത്താനിരുന്ന റോഡുകളാണ് അന്‍വര്‍ ഇന്നലെ വൈകിട്ട് ഉദ്ഘാടനം ചെയ്തത്. നിലമ്പൂരിലെ പി എം ജി എസ് വൈ റോഡുകളുടെ നിര്‍മ്മാണോദ്ഘാടനമാണ് എം എല്‍ എ നിര്‍വഹിച്ചത്. എംഎല്‍എ റോഡ് ഉദ്ഘാടനം നിർവ്വഹിച്ചത് കേന്ദ്ര ഗ്രാമവികസന മന്ത്രാലയത്തിന്‍റെ നിര്‍ദേശത്തിന്റെ ലംഘനമാണെന്നും പി വി അന്‍വറിന്‍റെ നടപടി രാഷ്ട്രീയ പാപ്പരത്തമാണെന്നും കോൺഗ്രസ്‌ ആരോപിച്ചു. എം പിമാരാണ് പി എം ജി എസ് വൈ റോഡുകള്‍ ഉദ്ഘാടനം ചെയ്യേണ്ടതെന്ന് കേന്ദ്ര ഗ്രാമവികസന മന്ത്രാലയത്തിന്‍റെ സര്‍ക്കുലര്‍ നിലവിലുണ്ട്. ഇത് പി വി അൻവർ എംഎൽഎ ലംഘിച്ചുവെന്നാണ് കോൺഗ്രസിൻ്റെ നിലപാട്