_{കുവൈറ്റ് സിറ്റി : പാലക്കാട് പ്രവാസി അസ്സോസിയേഷൻ ഓഫ് കുവൈറ്റ് (പൽപക്) പാലക്കാടൻ മേള 2024 ആയി ഓണം ആഘോഷിച്ചു. ഒക്ടോബർ 3 വ്യാഴാഴ്ച വൈകിട്ട് നടന്ന പൂക്കള മത്സരത്തോടു കൂടി ആഘോഷ പരിപാടികൾക്ക് തുടക്കം കുറിച്ചു. 4 ന് വെള്ളിയാഴ്ച രാവിലെ 10 പൽപക് വനിതാ വേദിയുടെ നേതൃത്വത്തിൽ നൂറോളം വനിതകൾ ചേർന്ന് അവതരിപ്പിച്ച മെഗാ തിരുവാതിര ആഘോഷ പരിപാടികൾക്ക് മാറ്റുകൂട്ടി. പൽപക് പ്രസിഡൻ്റ സക്കീർ പുതുനഗരത്തിന്റെ അധ്യക്ഷതയിൽ ചേർന്ന പൊതുസമ്മേളനത്തിൽ ഫിനീക്സ് ഗ്രൂപ്പ് ഓഫ് കമ്പനീസ്‌ ചെയർമാൻ സുനിൽ പരകപാടത്ത് ഔദ്യോഗിക ഉദ്ഘാടനം നിർവഹിച്ചു. പോഗ്രാം കൺവീനർ പി എൻ കുമാർ സ്വാഗതം പറഞ്ഞ യോഗത്തിൽ ശ്രീലങ്കൻ എയർലൈൻസ് മാനേജർ ഡിമിത്ര ഡെ അൽവിസ് മുഖ്യ പ്രഭാഷണം നടത്തി. ജനറൽ സെക്രട്ടറി പ്രേംരാജ്, സുരേഷ് പുളിക്കൽ, ജിജു മാത്യു, സുഷമ , രാജി മാവത്ത്, കുമാരി അനാമിക അപ്പുക്കുട്ടൻ എന്നിവർ ആശംസകൾ അർപ്പിച്ചു. ട്രഷറർ രാജേഷ് കുമാർ നന്ദി പ്രകാശനം നടത്തി. വിഭവ സമൃദ്ധമായ ഓണസദ്യയും പാലക്കാടൻ മേളയുടെ ഭാഗമായി ഉണ്ടായിരുന്നു.}

_{പൽപക് കുടുംബാംഗങ്ങളുടെ കേരളതനിമയാർന്ന വിവിധ കലാപരിപാടികൾ ശ്രദ്ധേയമായി. ഐഡിയ സ്റ്റാർ സിംഗർ ശ്രീ. വിഷ്ണുദാസ്, വിജയ് ടിവി സൂപ്പർ സ്റ്റാർ റണ്ണറപ്പ്കൂടിയായ തമിഴ്, തെലുങ്ക് സിനിമകളിൽ നിരവധി ഗാനങ്ങൾ ആലപിച്ച കുമാരി അശ്വതിരാജ്, രാജു ചുരത്തിൽ എന്നിവർ നേതൃത്വം നൽകിയ ഗാനമേളയും ആവേശത്തിമർപ്പാന്ന ആഘോഷ പരിപാടി ഗംഭീരമാക്കി.}

Advertisement

inner ad

_{കുവൈറ്റ് സിറ്റി : ഇന്ത്യൻ ബിസിനസ് ആൻഡ് പ്രൊഫഷണൽ കൗൺസിൽ (ഐ ബി പി സി ) കുവൈറ്റ്, 2024 സെപ്റ്റംബർ 29-ന് സൽമിയ മരിന ഹോട്ടലിൽ വാർഷിക പൊതുസമ്മേളനവും തിരഞ്ഞെടുപ്പും നടത്തി. പുതിയ ഭാരവാഹികളുടെ തിരഞ്ഞെടുപ്പും കഴിഞ്ഞ രണ്ടു വർഷത്തെ കൗൺസിലിന്റെ പ്രവർത്തന അവലോകനവും നടന്നു.ചെയർമാൻ ശ്രീ. ഗുര്‍വിന്ദർ സിംഗ് ലാംബ, തന്റെ കാലാവധിയിലെ അനുഭവങ്ങൾ പങ്കുവച്ച്, ഐബിപിസി അംഗങ്ങൾക്ക് നന്ദി അറിയിച്ചു. ഇന്ത്യയും കുവൈത്തും തമ്മിലുള്ള വ്യാപാര ബന്ധം ശക്തമാക്കുന്നതിൽ കൗൺസിലിന്റെ സഹകരണത്തെ അദ്ദേഹം പ്രശംസിച്ചു. സെക്രട്ടറി ശ്രീ. സോളി മാത്യു, കഴിഞ്ഞ രണ്ടു വർഷത്തെ കൗൺസിലിന്റെ പ്രവർത്തനങ്ങൾ വിശദീകരിക്കുന്ന റിപ്പോർട്ട് അവതരിപ്പിച്ചു. ട്രഷറർ ശ്രീ. സുനിത് അറോറ, സിഎ ദീപക് ബിന്ദൽ തയ്യാറാക്കിയ ഓഡിറ്റ് ചെയ്ത സാമ്പത്തിക കണക്കുകൾ അവതരിപ്പിച്ചു. അംഗങ്ങൾ ഏകകണ്ഠമായി ഈ സാമ്പത്തിക റിപ്പോർട്ട് അംഗീകരിച്ചു.}

_{തിരഞ്ഞെടുപ്പ് ഉദ്യോഗസ്ഥർ ഈ വർഷത്തെ എതിരില്ലാതെ തിരഞ്ഞെടുക്കപ്പെട്ട അംഗങ്ങളുടെ നാമനിർദേശങ്ങൾ പ്രഖ്യാപിച്ചു. നിലവിലെ വൈസ് ചെയർമാൻ ശ്രീ. കൈസർ ഷാകിർ പുതിയ ചെയർമാനായും , നിലവിലെ ജോയിന്റ് സെക്രട്ടറി ശ്രീ. സുരേഷ് കെ.പി. പുതിയ സെക്രട്ടറിയായും ഉയർത്തപ്പെട്ടു. ശ്രീ. ഗൗരവ് ഒബ്റോയി വൈസ് ചെയർമാനായും, ശ്രീ. സുനിത് അറോറ ജോയിൻ്റ് സെക്രട്ടറിയായും, ശ്രീ. കൃഷൻ സൂര്യകാന്ത് ട്രഷറർആയും തിരങ്ങെടുക്കപെട്ടു. പുതുതായി തിരഞ്ഞെടുക്കപ്പെട്ട ചെയർമാൻ ശ്രീ. കൈസർ ഷാകിർ, 2024-2026 കാലയളവിലേക്കുള്ള എക്സിക്യൂട്ടീവ് കമ്മിറ്റിയെ പരിചയപ്പെടുത്തി. ഐബിപിസി യുടെ ഭാവി പദ്ധതികൾ അവതരിച്ചു. കുവൈത്തിലെ ഇന്ത്യൻ എംബസിയുമായും മറ്റ് സംഘടനകളുമായുള്ള ബന്ധം ശക്തമാക്കുന്നതിനുള്ള തങ്ങളുടെ പ്രതിബദ്ധത അദ്ദേഹം അറിയിച്ചു. സെക്രട്ടറി ശ്രീ. സുരേഷ് കെ പി, കുവൈത്തിലെ ഇന്ത്യൻ എംബസിയും സ്ഥാനപതി ഡോ. ആദർശ് സ്വൈകയും ഐബിപിസി സംരംഭങ്ങൾക്ക് നൽകിയ പിന്തുണയ്ക്കും നന്ദി അറിയിച്ചു. പുതുതായി തെരഞ്ഞെടുക്കപ്പെട്ട ട്രഷറർ ശ്രീ. കൃഷ്ണൻ സൂര്യകാന്തിൻറെ നന്ദിപ്രസ്താവനയോടു കൂടി യോഗം സമാപിച്ചു. കുവൈറ്റ്, ഇന്ത്യൻ എംബസിയുടെ കീഴിലുള്ള ഒരു ലാഭേച്ഛാരഹിത സംഘടനയാണ് ഐബിപിസി. ഇന്ത്യൻ ബിസിനസുകൾക്കും പ്രൊഫഷണലുകൾക്കും ഇന്ത്യ-കുവൈത്ത് വ്യാപാര, പ്രൊഫഷണൽ ബന്ധങ്ങൾ വർദ്ധിപ്പിക്കുന്നതിനുള്ള ഒരു വേദി നൽകുകയാണ് ലക്ഷ്യം.}

_{കുവൈറ്റ്‌ സിറ്റി : നിലമ്പൂർ എം.എൽ.എ പി വി അൻവർ മുഖ്യമന്ത്രി പിണറായി വിജയനെതിരെ ഉന്നയിച്ച ആരോപണങ്ങൾ സംബന്ധിച്ച് ചോദ്യങ്ങളുണ്ട്, മുഖ്യമന്ത്രി സംശയത്തിന്റെ നിഴലിൽ ആണ് ഡോക്ടർ ശശി തരൂർ എം പി അഭിപ്രായപെട്ടു. ആരെ സന്തോഷിപ്പിക്കാനാണ് മുഖ്യമന്ത്രിയുടെ പേരിൽ ഹിന്ദു പത്രത്തിൽ ബി ജെ പി ഭാഷ അച്ചടിച്ച് വന്നത്? സ്വര്ണക്കടത്ത്, സ്വപ്ന സുരേഷ്, പ്രൈവറ്റ് സെക്രട്ടറിയുടെ നടപടികൾ എല്ലാം മുഖ്യമന്ത്രിയെ സംശയത്തിന്റെ നിഴലിൽ നിര്ത്തുന്നു. ഇതിനെ തുടർന്ന് പി വി അൻവർ ഉന്നയിച്ച ആരോപണങ്ങൾ ഗൗരവകരമാവുന്നുന്നു. ഡോ: ശശി തരൂർ വിശദീകരിച്ചു. ഒഐസിസി നാഷണൽ കമ്മറ്റി ശുവൈഖ് ഫ്രീ ട്രേഡ് സോണിലെ കൺവെൻഷൻ സെന്റർ സ്യുട് ഹോട്ടലിൽ സംഘടിപ്പിച്ച സ്വീകരണ യോഗത്തിൽ സംസാരിക്കുകയായിരുന്നു പാർലമെന്റിലെവിദേശ കാര്യസ്റ്റാന്റിംഗ് കമ്മിറ്റി ചെയർമാൻ കൂടിയായ ശ്രീ ശശി തരൂർ. ഒഐസിസി നാഷണൽ കമ്മിറ്റി ഒരുക്കിയ സ്വീകരണയോഗത്തിൽ നാഷണൽ കമ്മിറ്റി പ്രസിഡന്റ്‌ വര്ഗീസ് പുതുകുളങ്ങര അധ്യക്ഷനായിരുന്നു. സംഘടനാ ജനറൽ സെക്രട്ടറി ബി.എസ് പിള്ള സ്വാഗതം പറഞ്ഞു. മുൻ കെപിസിസി മിഡിൽ ഈസ്റ്റ്‌ ഡിജിറ്റൽ മീഡിയ കൺവീനർ ഇക്ബാൽ പൊക്കുന്ന് ആശംസകൾ അറിയിച്ചു.}

Advertisement

inner ad

_{ഐസിസി നാഷണൽ കമ്മറ്റിയുടെയുടെ ഉപഹാരം ഡോക്ടർ ശശി തരൂർ എം പിക്ക് പ്രസിഡന്റ് വര്ഗീസ് പുതുകുളങ്ങരയും ഇക്ബാൽ പൊക്കുന്നിന് സെക്രട്ടറി നിസ്സാം തിരുവനന്തപുരവും നൽകി. ഡോക്ടർ ശശി തരൂരിന്റെ കാരികേച്ചർ യൂത്ത് വിംഗ് ആലപ്പുഴ മെമ്പർ സാം മാത്യു സമ്മാനിച്ചു. നാഷണൽ കമ്മറ്റി ഭാരവാഹികളായ സാമൂവൽ ചാക്കോ കാട്ടൂർ കളിക്കൽ, വര്ഗീസ് ജോസഫ് മാരാമൺ, ജോയ് ജോൺ തുരുത്തിക്കര,ജോയ് കരവാളൂർ, റിഷി ജേക്കബ് എന്നിവർ വേദിയിൽ സന്നിഹിതരായിരുന്നു. ഒഐസിസി ജില്ലാ ഭാരവാഹികൾ പോഷക സംഘടനാ പ്രതിനിധികൾ വനിതാ വിഭാഗം പ്രവർത്തകർ മീഡിയ പ്രവർത്തകർ തുടങ്ങി നിരവധി പേർ പങ്കെടുത്തു പ്രോഗ്രാം ജനറൽ കൺവീനർ ബിനു ചെമ്പാലയം നന്ദിയും സെക്രട്ടറി സുരേഷ് മാത്തൂർ ഏകോപനവും നടത്തി. ഏറെആവേശത്തോടെയാണ് ഒഐസിസി പ്രവർത്തകർ ഡോ. ശശി തരൂർ എം പി യെ സ്വീകരണയോഗത്തിലേക്ക് ആനയിച്ചത്.}