Ernakulam
വൈപ്പിൻ തീരം ഭീതിയിൽ; എടവനക്കാട് ശക്തമായ തിരമാല
വൈപ്പിൻ: വൈപ്പിൻ തീരത്ത് കടൽ കയറ്റം രൂക്ഷമായി തുടരുന്നു. ദ്വീപിന്റെ മധ്യമേഖലയായ എടവനക്കാടാണ് തിരമാലകൾ ഇന്നലെ ഏറെ ശക്തമായത്. പഴങ്ങാട് കടപ്പുറത്ത് ശക്തമായ തിരയടിയിൽ മണൽബണ്ട് തകർന്നതിനെ തുടർന്നു വൻതോതിൽ വെള്ളം കരയിലേക്ക് എത്തി. ഇവിടെയുള്ള പോക്കറ്റ് റോഡുകളും 50 ലേറെ വീടുകളും രൂക്ഷമായ വെള്ളക്കെട്ടിന്റെ പിടിയിലാണ്. രാവിലെ ജോലിക്കിറങ്ങിയ പലർക്കും വൈകിട്ട് കടൽക്ഷോഭവും വെള്ളക്കെട്ടും മൂലം വീടുകളിലേക്ക് മടങ്ങാൻ ബുദ്ധിമുട്ടാണ്.
ഇക്കുറി കാലവർഷം ആരംഭിച്ചതിനു ശേഷമുള്ള ഏറ്റവും ശക്തമായ കടൽകയറ്റമാണ് ഇന്നലെ ഉണ്ടായതെന്ന് പഴങ്ങാട് കടപ്പുറം നിവാസികൾ പറയുന്നു. പോക്കറ്റ് റോഡുകളെല്ലാം വെള്ളത്തിൽ മുങ്ങിയതിനെ തുടർന്ന് അതുവഴി കടന്നുപോയ ഒട്ടേറെ ഇരുചക്രവാഹനങ്ങൾ പ്രവർത്തനരഹിതമായി.
ഈ ഭാഗത്തേക്കുള്ള യാത്ര മാർഗവും അടഞ്ഞ അവസ്ഥയിലാണ്. ഉച്ചയോടെ ആരംഭിച്ച കടൽ കയറ്റം വൈകിട്ട് വരെ നീണ്ടു. പൊലീസും റവന്യു അധികൃതരും സ്ഥലത്ത് എത്തിയെങ്കിലും വെള്ളക്കയറ്റം മൂലം തീരത്തേക്ക് പോകാൻ കഴിഞ്ഞില്ല. ജലാശയങ്ങളും നിറഞ്ഞു കവിഞ്ഞ അവസ്ഥയിലാണ്. ചെമ്മീൻകെട്ടുകൾ കര കവിഞ്ഞ് ഒഴുകിയതോടെ മീനും ചെമ്മീനും പുറത്തേക്ക് ഒഴുകി നഷ്ടമാവുകയും ചെയ്തു. ഇതു മൂലം വൻ നഷ്ടമാണ് പ്രതീക്ഷിക്കുന്നതെന്ന് കർഷകർ പറഞ്ഞു.
മറ്റു തീരങ്ങളിലും തിരമാലകൾ ശക്തമായിരുന്നുവെങ്കിലും സ്ഥിതിഗതികൾ ഇത്രയ്ക്ക് രൂക്ഷമായില്ല. നായരമ്പലം വെളിയത്താം പറമ്പ്, എടവനക്കാട് അണിയിൽ തുടങ്ങിയ സ്ഥലങ്ങളിലും കടൽകയറ്റം അനുഭവപ്പെട്ടു. വെളിയത്താംപറമ്പിൽ ഇടക്കാലത്ത് നിർമിച്ച ജിയോ ബാഗ് തിരമാലകളെ ഒരു പരിധിവരെ പ്രതിരോധിക്കുന്നുണ്ടെങ്കിലും ശാശ്വതമായ പരിഹാരമല്ലെന്ന് നാട്ടുകാർ ചൂണ്ടിക്കാട്ടി. തിരമാലകൾ ശക്തമായാൽ എപ്പോൾ വേണമെങ്കിലും ജിയോ ബാഗുകൾ തകരാവുന്ന സ്ഥിതിയാണ്.
കനത്ത മഴയെ തുടർന്നുള്ള വെള്ളക്കെട്ട് കിഴക്കൻ തീരത്തും ജനജീവിതം ദുഃസഹമാക്കിയിരിക്കുകയാണ്. പുഴയോട് ചേർന്നുള്ള പ്രദേശങ്ങളിൽ താമസിക്കുന്നവർ വീടുകളിൽ വെള്ളം കയറിയതിനെത്തുടർന്ന് മറ്റിടങ്ങളിലേക്ക് മാറിയിട്ടുണ്ട്. ചെമ്മീൻകെട്ടുകളോട് ചേർന്നുള്ള വീടുകളും വെള്ളക്കെട്ട് ഭീഷണിയിലാണ്. ഉൾപ്രദേശങ്ങളിലെ പോക്കറ്റ് റോഡുകൾ മുങ്ങിയ അവസ്ഥയിലാണ്. മഴ തുടർന്നാൽ ക്യാംപുകളിലേക്ക് മാറേണ്ടി വരുമോയെന്ന ആശങ്കയിലാണ് നാട്ടുകാർ.
കൊച്ചി: വയനാട് പുനരധിവാസത്തിനായി എസ്ഡിആര്‍എഫില്‍നിന്ന് ചിലവഴിക്കാനാവുന്ന തുകയെകുറിച്ചുള്ള കണക്കുകൾ വ്യക്തമാക്കാത്ത സംസഥാന സർക്കാരിനെ വിമർശിച്ച് ഹൈക്കോടതി. കൃത്യമായ കണക്കുകള്‍ നൽകാതെ എങ്ങനെയാണ് കേന്ദ്രം പണം നൽകുന്നതെന്ന് ഡിവിഷന്‍ ബെഞ്ച് ചോദിച്ചു. വയനാട് പുനഃരധിവാസവുമായി ബന്ധപ്പെട്ട് സംസ്ഥാന സര്‍ക്കാരിന്റെ എസ്.ഡി.ആര്‍. ഫണ്ടിലെ വിഷാദശാംശങ്ങൾ നൽകാൻ ഫിനാന്‍ഷ്യല്‍ ഓഫീസര്‍ നേരിട്ട് ഹാജരായിട്ടുപോലും കഴിഞ്ഞില്ല.
എസ്.ഡി.ആര്‍.എഫില്‍ എത്ര പണമുണ്ടെന്ന ഹൈക്കോടതിയുടെ ചോദ്യത്തിന് 677 കോടി എന്ന് സംസ്ഥാന സര്‍ക്കാർ മറുപടി നൽകി. കേന്ദ്രസര്‍ക്കാര്‍ എത്ര രൂപ നല്‍കി എന്ന ചോദ്യത്തിന് രണ്ടു തവണയായി ആകെ 291 കോടി രൂപ എസ്.ഡി.ആര്‍.എഫിലേക്ക് നല്‍കിയെന്നും സംസ്ഥാനം അറിയിച്ചു. ഇതില്‍ 97 കോടി രൂപ സംസ്ഥാനത്തിന്റെ വിഹിതവും കൂടി ചേര്‍ത്താണുള്ളത്. ഇതില്‍ 95 കോടി രൂപ സംസ്ഥാന സര്‍ക്കാര്‍, വയനാട്ടിലേത് അടക്കമുള്ള മറ്റ് ദുരന്തനിവാരണ പ്രവര്‍ത്തനങ്ങള്‍ക്ക് ചെലവഴിക്കുകയും ചെയ്തു. ഇനി അവശേഷിക്കുന്നത് 677 കോടി രൂപയാണ്. ഇതില്‍ എത്ര തുക വയനാടിന്റെ പുനഃരധിവാസത്തിനായി ഉപയോഗിക്കുമെന്ന് ചോദ്യത്തിനാണ് സർക്കാരിന് ഉത്തരമില്ലാതെ പോയത്. കണക്കുകള്‍ വ്യാഴാഴ്ച സമര്‍പ്പിക്കാമെന്ന് സര്‍ക്കാര്‍ അറിയിച്ചതോടെ വാദം പന്ത്രണ്ടാം തീയതിയിലേക്ക് മാറ്റി.
കൊച്ചി: കൈക്കൂലി വാങ്ങുന്നതിനിടെ കൊച്ചി കോർപറേഷനിലെ ഹെല്‍ത്ത് ഇൻസ്പെക്ടർ ആർ എസ് മധു വിജിലൻസ് പിടിയിലായി. കോർപറേഷന്റെ പള്ളുരുത്തി സോണല്‍ ഓഫീസിന് സമീപത്ത് വെച്ചായിരുന്നു സംഭവം.കെട്ടിടത്തിന് എൻ ഒ സി നല്‍കുന്നതുമായി ബന്ധപ്പെട്ട് 10000 രൂപ കൈക്കൂലി വാങ്ങുന്നതിനിടെ വിജിലൻസ് സംഘം കൈയ്യോടെ പിടികൂടുകയായിരുന്നു. മധു കൈക്കൂലി ആവശ്യപ്പെട്ടതായി പരാതിക്കാരൻ നേരത്തെ വിജിലൻസിനെ അറിയിച്ചിരുന്നു. ഇത് പ്രകാരം വിജിലൻസ് ഉദ്യോഗസ്ഥർ സ്ഥലത്തെത്തി. പരാതിക്കാരൻ മധുവിന് മുൻ ധാരണപ്രകാരം പണം നല്‍കിയ ഉടൻ വിജിലൻസ് ഇദ്ദേഹത്തെ പിടികൂടുകയായിരുന്നു.
കൊച്ചി: ടീ കോമിന് നഷ്ടപരിഹാരം നൽകാനുള്ള നീക്കം ദുരൂഹമെന്ന് പ്രതിപക്ഷ നേതാവ് വി.ഡി. സതീശൻ. വീഴ്ച വരുത്തിയത് ആരാണെന്നും സതീശൻ ചോദിച്ചു. കരാർ ലംഘനം നടന്നിരുന്നു. 2005 ൽ കൃത്യമായ എംഒയു ഉണ്ടായിരുന്നുവെന്നും അദ്ദേഹം മാധ്യമങ്ങളോട് പറഞ്ഞു.
ഭൂമി കച്ചവടമാണ് സർക്കാരിൻ് ലക്ഷ്യം. ടീകോമിനോട് നഷ്ടപരിഹാരം ചോദിച്ചാൽ അത് വ്യവഹാരത്തിലേക്ക് പോകുമെന്ന് ഭയന്ന് ഭൂമി കൈമാറ്റം ചെയ്യുന്നതിന് വേണ്ടിയാണ് ആരും അറിയാതെ മന്ത്രിസഭാ യോഗത്തിൽ പാസാക്കി ഭൂമി വിൽക്കാനുള്ള നടപടികളുമായി സർക്കാർ മുന്നോട്ട് പോകുന്നതെന്നും സതീശൻ ചൂണ്ടികാട്ടി.
തൊഴിൽ തോത് കുറഞ്ഞാൽ നഷ്ടപരിഹാരം നൽകണമെന്ന് വ്യവസ്ഥ ഉണ്ടായിരുന്നു. എന്നാൽ അച്യുതാനന്ദൻ സർക്കാർ വ്യവസ്ഥകൾ മാറ്റി. അപ്പോഴും ടീ കോമിന് വീഴ്ച സംഭവിച്ചാൽ നഷ്ടപരിഹാരം ഈടാക്കാൻ വ്യവസ്ഥ ഉണ്ടായിരുന്നു. 8 വർഷത്തിൽ സർക്കാർ പരിശോധനനടത്തിയില്ല. ഭൂമി കച്ചവടം മാത്രമാണ് സർക്കാർ ലക്ഷ്യമെന്ന് വി.ഡി. സതീശൻ പറഞ്ഞു. അതേസമയം ടീ കോമിന് നഷ്ടപരിഹാരം നൽകരുത് പിന്മാറണമെന്ന് വി.ഡി. സതീശൻ ആവശ്യപ്പെട്ടു.
-
Kerala6 days agoജീവനക്കാരുടെ ശമ്പളബില്ല്
കേന്ദ്രീകൃതമാക്കാനുള്ള നീക്കം,
ശമ്പളം കവര്ന്നെടുക്കാനുള്ള ആസൂത്രിത ശ്രമമാണെന്ന് ; ചവറ ജയകുമാര് -
News3 weeks agoക്ഷാമ ബത്ത കേസിൽ ഇടക്കാല ഉത്തരവ്
-
Featured2 months agoഡി എ: പ്രഖ്യാപനം നിരാശാജനകമെന്ന് സെക്രട്ടേറിയറ്റ് അസോസിയേഷൻ
-
Kerala1 month agoക്ഷാമബത്ത: കുടിശ്ശിക നിഷേധിച്ചാൽ നിയമപരമായി നേരിടും; ചവറ ജയകുമാർ
-
News3 weeks ago
ജീവനക്കാരെ രണ്ടു തട്ടിലാക്കുന്ന നടപടി സർക്കാർ അവസാനിപ്പിക്കണം
-
Education3 months agoമഹാരാജാസിന് ഓട്ടോണമസ് പദവി നഷ്ടപ്പെട്ടിട്ട് നാലുവര്ഷം: കോളേജ് നടത്തുന്ന പരീക്ഷകള് അസാധുവാകും
-
Education3 months agoഓണപ്പരീക്ഷയ്ക്ക് ഇന്ന് തുടക്കം; യുപി വിഭാഗത്തിന് നാളെ മുതല്
-
Travel2 months agoനീല വസന്തം; ചതുരംഗപാറ മലനിരകളിൽ പൂത്തുലഞ്ഞ് കുറിഞ്ഞി
You must be logged in to post a comment Login