Health
ലോക ഹൃദയ ദിനം: സൈക്ലത്തോൺ നടത്തി മെഡിട്രീന
ലോക ഹൃദയ ദിനത്തോടനുബന്ധിച്ച് കൊല്ലം മെഡിട്രീന ആശുപത്രിയിൽ വിപുലമായ പരിപാടികൾ നടന്നു. രാവിലെ കൊല്ലം ആശ്രാമം മൈതാനത്തു നിന്നും ആരംഭിച്ച സൈക്ലത്തോൺ കൊല്ലം ജില്ലാ കലക്‌ടർ അഫ്‌സാന പർവീൺ ഉദ്ഘാടനം ചെയ്തു. കാർഡിയോളജി വിഭാഗം സീനിയർ കൺസൾട്ടൻറ് ഡോ മനു ഹൃദയ ദിന സന്ദേശം നൽകി. വിവിധ സൈക്കിൾ ക്ളബ്ബുകളുടെ സഹകരണത്തോടെ നടന്ന സൈക്ലത്തോൺ കൊല്ലം അയത്തിൽ മെഡിട്രീന ആശുപത്രി അങ്കണത്തിലാണ് സമാപിച്ചത്. ഹൃദയ ദിനത്തിൻ്റെ ഭാഗമായി ഒരാഴ്ച്ച നീണ്ടു നിന്ന സൗജന്യ ഹൃദ്രോഗ പരിശോധനാ ക്യാമ്പ് നൂറു കണക്കിന് രോഗികൾക്ക് പ്രയോജനകരമായി. രാജ്യാന്തര തലത്തിൽ പ്രശസ്തനായ ഇൻറ്റർവെൻഷണൽ കാർഡിയോളജിസ്റ്റ് ഡോ പ്രതാപ് കുമാറാണ് മെഡിട്രീന ഹോസ്പിറ്റൽ ഗ്രൂപ്പിൻ്റെ സാരഥി. നാഷണൽ ഇൻറ്റർവൻഷണൽ കൗൺസിലിൻ്റെ തലപ്പത്ത് എത്തുന്ന ആദ്യ മലയാളിയാണ് അദ്ദേഹം. രാജ്യത്തെ അതിസങ്കീർണ്ണ ബലൂൺ ശസ്ത്രക്രിയാ രംഗത്ത് ഒന്നാം സ്ഥാനത്താണ് മെഡിട്രീന ഹോസ്പിറ്റൽ ഗ്രൂപ്പ്. ആശുപത്രി സൂപ്രണ്ട് ഡോ എലിസബത്ത് ജോൺ സക്കറിയ, സി ഓ ഓ രജിത് രാജൻ, മറ്റു ഡോക്ടർമാർ, ജീവനക്കാർ എന്നിവർ മെഡിട്രീന ആശുപത്രി ഹൃദയ ദിന പരിപാടികളിൽ പങ്കാളികളായി. സൈക്ലത്തോൺ ഭാഗമായ ക്ലബ്ബ് അംഗങ്ങൾക്ക് ചടങ്ങിൽ സർട്ടിഫിക്കറ്റുകളും, മെഡലും വിതരണം ചെയ്തു.
കൊച്ചി : അന്താരാഷട്ര ഭിന്നശേഷി ദിനത്തോടനുബന്ധിച്ച് ഭിന്നശേഷിക്കാർക്കും അവരെ പരിചരിക്കുന്നവർക്കുമായി വ്യത്യസ്ത ആഘോഷങ്ങളുമായി കൊച്ചി ആസ്റ്റർ മെഡ്സിറ്റി. ആസ്റ്റർ മെഡ്സിറ്റിയിലെ ഫിസിക്കൽ മെഡിസിൻ ആന്റ് റീഹാബിലിറ്റേഷൻ വകുപ്പിലെ രോഗികൾക്ക് വേണ്ടി ഹൗസ് ബോട്ടിൽ വിനോദ യാത്രയായിരുന്നു ഒരുക്കിയിരുന്നത്. പരിപാടിയുടെ ഉദ്ഘാടനം ഹൈബി ഈഡൻ എം.പി നിർവഹിച്ചു.
ഭിന്നശേഷിക്കാരായ രോഗികൾക്ക് വേണ്ടി ആസ്റ്റർ മെഡ്സിറ്റി നടത്തുന്നത് ഏറ്റവും മാതൃകാപരമായ സേവനങ്ങളാണെന്ന് അദ്ദേഹം പറഞ്ഞു. അവർക്ക് വേണ്ടി പൂർണ അർപ്പണബോധത്തോടെ ഏറ്റവും കൃത്യമായ ചികിത്സരീതികളാണ് ആവിഷ്കരിക്കുന്നതെന്ന് നേരിട്ട് കണ്ട് മനസിലാക്കിയ കാര്യമാണ്. ഇത് ഏറെ പ്രശംസനീയമാണെന്നും ഹൈബി ഈഡൻ എം.പി കൂട്ടിച്ചേർത്തു.
ആസ്റ്റർ മെഡ്സിറ്റിയിൽ നടന്ന ചടങ്ങിൽ ആസ്റ്റർ ഇന്ത്യ വൈസ് പ്രസിഡന്റ് ഫർഹാൻ യാസിൻ, ആസ്റ്റർ മെഡ്സിറ്റി ഫിസിക്കൽ മെഡിസിൻ ആന്റ് റീഹാബിലിറ്റേഷൻ വിഭാഗം സീനിയർ കൺസൾട്ടന്റ് ഡോ. കെ.എം മാത്യു, അസിസ്റ്റന്റ് ചീഫ് ഓഫ് മെഡിക്കൽ സർവീസസ് ഡോ. ജവാദ് അഹമ്മദ്, ഓപ്പറേഷൻസ് മേധാവി ധന്യ ശ്യാമളൻ, ആശുപത്രി ജീവനക്കാർ തുടങ്ങിയവർ പങ്കെടുത്തു. ദിനാചരണത്തോടനുബന്ധിച്ച് ആശുപത്രി ജീവനക്കാരുടെയും രോഗികളുടെയും വിവിധ പരിപാടികൾ സംഘടിപ്പിച്ചിരുന്നു.
കോഴിക്കോട്: നിപ ബാധിച്ച രണ്ട് പേർ രോഗ മുക്തരായി. ചികിത്സയിൽ കഴിഞ്ഞ ഒമ്പത് വയസുകാരൻ ഉൾപ്പെടെയാണ് നെഗറ്റീവായത്.ഒമ്പത് വയസുകാരനും മാതൃസഹോദരനും കോഴിക്കോട് സ്വകാര്യ ആശുപത്രിയിലാണ് ചികിത്സയിൽ കഴിഞ്ഞിരുന്നത്. നിപ ബാധിച്ച് മരിച്ച മരുതോങ്കര സ്വദേശിയുടെ മകനാണ് ഒമ്പതു വയസുകാരൻ.
അതീവ ഗുരുതര നിലയിലാണ് കുട്ടിയെ ആദ്യം ആശുപത്രിയിൽ പ്രവേശിപ്പിച്ചിരുന്നത്. വെന്റിലേറ്ററിന്റെ സഹായത്തോടെയാണ് ചികിത്സ തുടർന്നത്. പിന്നീട് ഘട്ടം ഘട്ടമായി ആരോഗ്യനില മെച്ചപ്പെടുകയായിരുന്നു.ഇവരെ ഇനി വീട്ടിൽ നിരീക്ഷണത്തിലാക്കുമെന്നും ആരോഗ്യവകുപ്പ് അറിയിച്ചു.
കൊച്ചി: ഇന്ത്യയില്‍ മുതിര്‍ന്നവരുടെ പരിചരണ രംഗത്ത് പ്രമുഖരായ അതുല്യ സീനിയര്‍ കെയര്‍ കൊച്ചിയില്‍ മറവി രോഗികള്‍ക്കായി പരിചരണ സേവനം ആരംഭിക്കുന്നു. അതുല്ല്യയുടെ സീനിയര്‍ കെയര്‍ അടിസ്ഥാന സൗകര്യങ്ങള്‍ വികസിപ്പിക്കുന്നതിന്റെ ഭാഗമായാണ് മറവി രോഗികള്‍ക്കുള്ള സേവനം അവതരിപ്പിക്കുന്നത്. അതുല്യയുടെ സീനിയര്‍ കെയര്‍ സൗകര്യങ്ങള്‍ ആയിരത്തിലധികം വരുന്ന കിടക്കകളില്‍ ലഭ്യമാണ്. ഡിമെന്‍ഷ്യ പോലുള്ള ഗുരുതരമായ അവസ്ഥകളില്‍ കഴിയുന്ന മുതിര്‍ന്നവര്‍ക്ക് സമഗ്രവും പ്രത്യേകവുമായ പരിചരണം നല്‍കുകയെന്നത് അതുല്യയുടെ പ്രതിബദ്ധതയുടെ സാക്ഷ്യമാണ്.
അതുല്യ ഡിമെന്‍ഷ്യ കെയര്‍ സര്‍വീസ് മുതിര്‍ന്നവരുടെ ശാരീരികവും വൈകാരികവും വൈജ്ഞാനികവുമായ ആവശ്യങ്ങള്‍ നിറവേറ്റുന്നതിന് ബഹുമുഖ സമീപനമാണ് സ്വീകരിക്കുന്നത്. സമര്‍പ്പിതരായ ഡോക്ടര്‍മാര്‍,നഴസുമാര്‍ തുടങ്ങിയവരുടെ പ്രത്യേക ടീമുണ്ട്. അള്‍ഷിമേഴ്‌സ്, വാസ്‌കുലര്‍ ഡിമെന്‍ഷ്യ, ലെവി ബോഡി ഡിമെന്‍ഷ്യ, ഫ്രണ്ടോടെമ്പറല്‍ ഡിമെന്‍ഡഷ്യ തുടങ്ങി മറവി രോഗത്തിന്റെ വിവിധ തലങ്ങളിലെ പരിപാലനത്തില്‍ വിദഗ്ധരാണ് ഇവര്‍.
ഊഷ്മളതയുടെയും സുരക്ഷിതത്വത്തിന്റെയും ധാരണയുടെയും അന്തരീക്ഷം സൃഷ്ടിക്കുക എന്നതാണ് തങ്ങളുടെ ലക്ഷ്യമെന്നും ഒരിക്കല്‍ തങ്ങള പരിചരിച്ചവരെ നിസാരമായി കാണാതെ അവരുടെ ശുശ്രൂഷ ഉത്തരവാദിത്തമായി ഏറ്റെടുക്കാനാണ് തങ്ങള്‍ ഇവിടെ എത്തിയിരിക്കുന്നതെന്നും സ്ഥാപകനും സിഇഒയുമായ ജി.ശ്രീനിവാസന്‍ പുതിയ സേവനത്തെ കുറിച്ച് പറഞ്ഞു.
ഇവിടത്തെ ഓരോ താമസക്കാര്‍ക്കും സമഗ്രവും വ്യക്തിഗതവുമായ പരിചരണ പദ്ധതികള്‍ നല്‍കുന്നതിന് തങ്ങള്‍ പ്രതിജ്ഞാബദ്ധരാണെന്നും അവരുടെ അന്തസ് നിലനിര്‍ത്താനും പ്രവര്‍ത്തനങ്ങള്‍ ആസ്വദിക്കാനും ഉയര്‍ന്ന നിലവാരത്തിലുള്ള മെഡിക്കല്‍ പരിചരണം ലഭിക്കാനുമുള്ള ഒരു അന്തരീക്ഷം വളര്‍ത്തിയെടുക്കുകയാണ് തങ്ങളുടെ ലക്ഷ്യമെന്നും സ്ഥാപകനും എംഡിയുമായ ഡോ.കാര്‍ത്തിക് നാരായണ്‍ പറഞ്ഞു.
ഡിമെന്‍ഷ്യ എന്നാല്‍ മറവി മാത്രമല്ല, ആ വ്യക്തിയുടെ ദൈനംദിന ജീവിതത്തെ തന്നെ ബാധിക്കുന്നു, അങ്ങനെ വ്യക്തിത്വത്തെയും. മെഡിക്കല്‍, വൈകാരികം, സാമൂഹികം തുടങ്ങി എല്ലാ തലത്തിലും അതുല്യയില്‍ സമ്പൂര്‍ണ പിന്തുണയുണ്ടാകുമെന്നും ശൂശ്രൂഷയില്‍ മാത്രം ഒതുങ്ങുന്നതല്ല തങ്ങളുടെ സമീപനമെന്നും ബന്ധപ്പെടാനും മനസിലാക്കാനും ശാക്തീകരിക്കുന്നതുമാകുമെന്നും ഡോ,നാരായണ്‍ വിശദമാക്കി.
ആശയവിനിമയത്തില്‍ സുതാര്യത, രോഗലക്ഷണങ്ങള്‍ ലഘൂകരിക്കല്‍, താമസക്കാരുടെ മൊത്തത്തിലുള്ള ക്ഷേമവും ജീവിത നിലവാരവും മെച്ചപ്പെടുത്തുക തുടങ്ങിയവയിലൂന്നിയുള്ളതാണ് അതുല്യ ഡിമെന്‍ഷ്യ കെയറിന്റെ സമീപനം. സുരക്ഷിതവും ഗാര്‍ഹികവുമായ അന്തരീക്ഷം, ആകര്‍ഷകമായ പ്രവര്‍ത്തനങ്ങള്‍, വ്യക്തിഗത പരിചരണ പദ്ധതികള്‍, അനുകമ്പയുള്ള പരിചരണം എന്നിവയാല്‍ ഡിമെന്‍ഷ്യ പരിചരണത്തില്‍ അതുല്യ സുവര്‍ണ നിലവാരം പുലര്‍ത്തുന്നു.
‘എന്റെ മരണത്തിന് ഉത്തരവാദി സർക്കാർ മാത്രം’; കുട്ടനാട്ടിലെ കർഷക ആത്മഹത്യ പാർലമെന്റിൽ ഉന്നയിച്ച്; ജെബി മേത്തർ എംപി
രജപുത്ര കർണിസേന അധ്യക്ഷൻ സുഖ്ദേവ് സിങ് ഗോഗമേദിയയെ, അജ്ഞാത സംഘം വെടിവെച്ചു കൊല്ലപ്പെടുത്തി
സംസ്ഥാനത്ത് അടുത്ത അഞ്ചു ദിവസം മഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്
-
Kerala3 months agoവീണ ജോർജിനെ മാറ്റണം; ജനങ്ങൾക്ക് വേണ്ടിയാണ് പറയുന്നതെന്ന് ഡോ. എസ്.എസ്. ലാൽ
-
Kerala2 months agoകരുവന്നൂർ ബാങ്ക് തട്ടിപ്പ് കേസ്: മുഖ്യപ്രതി സതീഷ്കുമാർ ഒരു കോടി രൂപ നൽകിയെന്ന് വെളിപ്പെടുത്തലുമായി ജ്വല്ലറി ഉടമ
-
Kerala3 months agoഗണേഷ്കുമാർ ആറ് മാസം തടവിൽ പാർപ്പിച്ചു; സോളാർ കേസിലെ പരാതിക്കാരിയുടെ വെളിപ്പെടുത്തൽ
-
Featured2 months ago‘സർക്കാരിനെതിരെ വിധിയെഴുതി വിദ്യാർത്ഥികളും’; എംജി സർവകലാശാല തിരഞ്ഞെടുപ്പിൽ കെഎസ്യു മുന്നേറ്റം
-
News2 months agoപിറന്നാൾ ദിനത്തിൽ കുഞ്ഞിന് വ്യത്യസ്തമായൊരു സമ്മാനമൊരുക്കി മാതാവ്
-
Palakkad1 month agoപാലക്കാട് ജില്ലയിലെ ക്യാമ്പസുകളിൽ കെഎസ്യു തേരോട്ടം
-
Kerala1 month ago
പങ്കാളിത്ത പെൻഷൻ ഉടൻ പിൻവലിക്കണം; സെക്രട്ടേറിയറ്റ് അസോസിയേഷൻ -
Alappuzha3 months agoഡോ. പ്രീതി അഗസ്റ്റിന് ഒന്നാം റാങ്ക്
You must be logged in to post a comment Login