സ്ത്രീ സുരക്ഷ : പിണറായി സർക്കാരിന്റെ കണ്ണുതുറപ്പിക്കുമെന്ന് മഹിളാ കോൺഗ്രസ് അധ്യക്ഷ ജെബി മേത്തർ

കൊച്ചി : സ്ത്രീ സുരക്ഷയുടെ കാര്യത്തിൽ പിണറായി സർക്കാരിന്‍റെ കണ്ണു തുറപ്പിക്കുമെന്ന് നിയുക്ത മഹിളാ കോൺഗ്രസ് പ്രസിഡന്‍റ് ജെബി മേത്തർ. സംസ്ഥാനത്ത് വനിതാ കമ്മീഷൻ നോക്കുകുത്തിയായി മാറിയെന്നും ജെബി മേത്തർ പറഞ്ഞു.

കേരളത്തിൽ സ്ത്രീ സുരക്ഷ ഒരു ചോദ്യ ചിഹ്നമായി മാറിയെന്ന് ജെബി മേത്തർ ചൂണ്ടിക്കാട്ടി. നീതിപാലകർ തന്നെ വനിതകളെ വേട്ടയാടുകയാണ്. കുട്ടികൾക്കും സ്ത്രീകൾക്കുമെതിരായ അതിക്രമങ്ങൾക്കെതിരെ മഹിളാ കോൺഗ്രസ് സമര രംഗത്തിറങ്ങുമെന്നും ജെബി വ്യക്തമാക്കി. സംസ്ഥാനത്തെ വനിതാ കമ്മീഷൻ നിർജീവമാണ്. സ്ത്രീകളുടെ പ്രശ്നങ്ങളിൽ ക്രിയാത്മകമായ ഒരു ഇടപെടലിനും വനിതാ കമ്മീഷന് കഴിയുന്നില്ലെന്ന് ജെബി ചൂണ്ടിക്കാട്ടി. പുതിയ ദൗത്യം വെല്ലുവിളികൾ നിറഞ്ഞതാണ്. മഹിളാ കോൺഗ്രസിന്‍റെ സംഘടനാ സംവിധാനം ശക്തമാക്കി കോൺഗ്രസിന് പുതു ചൈതന്യം പകരുകയാണ്  ലക്ഷ്യം.

Related posts

Leave a Comment