Connect with us
48 birthday
top banner (1)

Kerala

കേരളത്തിൽ എൽഡിഎഫിനൊപ്പം ദേശീയതലത്തിൽ ബിജെപിക്കൊപ്പം; ജെഡി-എസിന് പിന്നാലെ എൻസിപിയും

Avatar

Published

on

കൊച്ചി: ജെഡി-എസ് അധ്യക്ഷൻ എച്ച്. ഡി കുമാരസ്വാമിയും പാർട്ടിയും ദേശീയതലത്തിൽ ബിജെപി നേതൃത്വം നൽകുന്ന മുന്നണിയുടെ ഭാഗമായപ്പോൾ കേരളത്തിൽ പാർട്ടി എൽഡിഎഫിനൊപ്പം തന്നെ തുടരുകയായിരുന്നു. ദേശീയതലത്തിൽ ബിജെപിയുടെ സഖ്യകക്ഷിയായും സംസ്ഥാനതലത്തിൽ സിപിഎമ്മിന്റെ സഖ്യകക്ഷിയായും ജെഡി-എസ് പ്രവർത്തിക്കുന്നത് എൽഡിഎഫിന് ഇപ്പോഴും തലവേദനയായി തുടരുകയാണ്. സംഘപരിവാറിനെതിരെ നിലകൊള്ളുന്നുവെന്ന് മേനി പറയുന്ന സിപിഎം അവർക്ക് ഭരണമുള്ള സംസ്ഥാനത്ത് ദേശീയതലത്തിൽ എൻഡിഎയുടെ ഭാഗമായ ജെഡി-എസിന്റെ ഒരാളെ മന്ത്രിയായി തുടരുവാൻ അനുവദിക്കുന്നതിൽ ഇടതുമുന്നണിയിൽ പലർക്കും അമർഷമുണ്ട്. ഇപ്പോഴിതാ ജെഡി-എസിന് പിന്നാലെ എൻസിപിയും സമാന രീതിയിൽ എത്തിയിരിക്കുകയാണ്. കേന്ദ്ര തെരഞ്ഞെടുപ്പ് കമ്മീഷന്റെ അംഗീകാരവും ക്ലോക്ക് ചിഹ്നവും എൻഡിഎയുടെ ഭാഗമായ അജിത് പവാറിന് ലഭിച്ചിരുന്നു. പശ്ചാത്തലത്തിൽ ഇന്നലെ കളമശ്ശേരിയിൽ കൂടിയ സംസ്ഥാന എൻസിപി യോഗം അജിത്‌ പവാറിനൊപ്പം നിലകൊള്ളുവാൻ തീരുമാനിക്കുകയായിരുന്നു. ഈ തീരുമാനമാണ് വീണ്ടും ഇടതുമുന്നണിയെ പ്രതിസന്ധിയിലാക്കിയിരിക്കുന്നത്. ദേശീയതലത്തിൽ എൻഡിഎയ്ക്കൊപ്പം നിലപാട് എടുക്കുമ്പോൾ തന്നെ സംസ്ഥാനതലത്തിൽ ഇടതുമുന്നണിയിൽ തുടരുവാനാണ് എൻസിപിയുടെ തീരുമാനം. മന്ത്രി അടക്കമുള്ള എംഎൽഎമാരും മറ്റു ഭരണഘടന സ്ഥാപനങ്ങളിലെ അംഗങ്ങളും ഈ തീരുമാനങ്ങൾക്ക് അനുസൃതമായി പ്രവർത്തിക്കണമെന്ന് സംസ്ഥാന പ്രസിഡന്റിന്റെ ചുമതല വഹിക്കുന്ന എൻ എ മുഹമ്മദ് കുട്ടി പത്രസമ്മേളനത്തിൽ പറഞ്ഞു. ഇതോടെ ദേശീയതലത്തിൽ ബിജെപിക്കൊപ്പവും സംസ്ഥാനതലത്തിൽ സിഎമ്മിന് ഒപ്പവും നിലകൊള്ളുന്ന പാർട്ടികളുടെ എണ്ണം രണ്ടായി. ഡൽഹിയിൽ കേന്ദ്രസർക്കാരിനെതിരെ സംസ്ഥാനത്തെ മന്ത്രിമാരും എംഎൽഎമാരും സമരത്തിന് ഒരുങ്ങുമ്പോഴാണ് ഈ കൂടുമാറ്റമെന്നതും ശ്രദ്ധേയമാണ്. അജിത് പവാര്‍ ഭൂരിപക്ഷം എംഎല്‍എമാരുമായി ഏകനാഥ് ഷിന്ദേ സര്‍ക്കാരില്‍ ചേര്‍ന്നതോടെയാണ് എന്‍സിപി പിളര്‍ന്നതും ഔദ്യോഗിക പാര്‍ട്ടി ഏതെന്നുമുള്ള ചോദ്യം ഉയര്‍ന്നതും. അതേസമയം, പേരും ചിഹ്നവും അജിത് പവാര്‍ പക്ഷത്തിന് നല്‍കിയ തെരഞ്ഞെടുപ്പ് കമ്മിഷന്‍ തീരുമാനത്തിനെതിരെ സുപ്രീം കോടതിയെ സമീപിക്കുമെന്ന് ശരദ് പവാര്‍ പക്ഷം വ്യക്തമാക്കിയിട്ടുണ്ട്.

Advertisement
VKSHNM NWS KWT 1000 x 180 PX-01
Continue Reading
Advertisement
VKSHNM NWS KWT 1000 x 180 PX-01
Click to comment

You must be logged in to post a comment Login

Leave a Reply

Featured

അടിമാലിയില്‍ കാട്ടാന ആക്രമണത്തില്‍ വയോധിക കൊല്ലപ്പെട്ടു

Published

on

അടിമാലി: ഇടുക്കി അടിമാലി പഞ്ചായത്തിലെ കാഞ്ഞിരവേലിയിൽ കാട്ടാനയുടെ ചവിട്ടേറ്റ വയോധിക മരിച്ചു. കാഞ്ഞിരവേലി മുണ്ടോൻ ഇന്ദിര രാമകൃഷ്‌ണൻ (65) ആണ് മരിച്ചത്. തിങ്കളാഴ്ച രാവിലെ ഏഴുമണിയോടെയാണ് സംഭവം. ഇവരുടെ പുരയിടത്തിലെത്തിയ കാട്ടാനയെ തുരത്തുന്നതിനിടെ കാട്ടാന ഇന്ദിരയുടെ നേരെ തിരിയുകയും ഇവരെ ആക്രമിക്കുകയുമായിരുന്നു.

Advertisement
VKSHNM NWS KWT 1000 x 180 PX-01
Continue Reading

Featured

സിദ്ധാർത്ഥന്റെ മരണം: എസ്എഫ്ഐക്കെതിരെ കുറിപ്പുമായി നടി സ്നേഹാ ശ്രീകുമാർ

Published

on

കൊച്ചി: വയനാട് പൂക്കോട്ടൂർ വെറ്റിനറി ക്യാമ്പസിലെ വിദ്യാർത്ഥി സിദ്ധാർത്ഥന്റെ മരണത്തിന് വഴിയൊരുക്കി എസ് എഫ് ഐക്കെതിരെ രൂക്ഷ വിമർശനവുമായി പ്രശസ്ത സിനിമ-സീരിയൽ താരം സ്നേഹ ശ്രീകുമാർ രംഗത്ത്.

ഫേസ്ബുക്ക് കുറിപ്പ് വായിക്കാം

Advertisement
VKSHNM NWS KWT 1000 x 180 PX-01

justiceforsidharth

നഷ്ടപെട്ടത് ഒരു ജീവൻ ആണ്. അക്രമം കണ്ടു നിന്ന കൂട്ടുകാരോട് ഒന്നും പറയാനില്ല. നിങ്ങളാണോ മിണ്ടാപ്രാണികളെ നോക്കാൻ പോകുന്നത്. ഇത്രയും നീചന്മ്മാരെ ഒരുതരത്തിലും ന്യായികരിക്കാതിരിക്കുക ????ഗുണ്ടകളൊന്നും ക്യാമ്പസ്സിൽ വേണ്ട. എല്ലാത്തിനെയും പിടിച്ചു അകത്തിടണം. പോലീസിന്റെ ഭാഗത്തുനിന്നും എത്രയും പെട്ടെന്ന് നടപടി ഉണ്ടാകണം. മിടുക്കനായ ഒരു കുട്ടിയെയാണ് നമുക്ക് നഷ്ടമായതു. വിദ്യാർത്ഥി സംഘടനകൾ പ്രവർത്തിക്കേണ്ടത് വിദ്യാർത്ഥികളുടെ സംരക്ഷണത്തിനു ആണ്, ഇത്രയും വലിയ പ്രശ്നം മൂന്ന് ദിവസമായി അവിടെ നടന്നിട്ടും അതറിയാതെപോയി എന്നു പറഞ്ഞാൽ വിദ്യാർത്ഥി സംഘടനയും, കോളേജ് അധികാരികളും അവിടെ എന്ത് ചെയ്‌യുകയായിരുന്നു?? അവിടെയുള്ള എല്ലാവരും ഇതിനു ഉത്തരവാദികൾ ആണ്…

Advertisement
VKSHNM NWS KWT 1000 x 180 PX-01
Continue Reading

Fashion

സിദ്ധാർത്ഥന്റെ മരണത്തിൽ പ്രതിഷേധം ശക്തം; ക്യാമ്പസിലേക്ക് ഇന്ന് കെ.എസ്.യു മാർച്ച്

Published

on

വയനാട്: സിദ്ധാർത്ഥന്റെ മരണവുമായി ബന്ധപ്പെട്ട് അറസ്റ്റിലായ എസ്എഫ്ഐ നേതാക്കളായ പ്രതികൾക്ക് മേൽ കൊലക്കുറ്റം ചുമത്തുക, ഡീൻ ഉൾപ്പെടെയുള്ള യൂണിവേഴ്സിറ്റി അധികൃതരെ കൂടി പ്രതി പട്ടികയിൽ ഉൾപ്പെടുത്തുക തുടങ്ങിയ ആവശ്യങ്ങൾ ഉന്നയിച്ച് കെ എസ് യുവിന്റെ നേതൃത്വത്തിൽ ഇന്ന് ക്യാമ്പസിലേക്ക് പ്രതിഷേധ മാർച്ച് നടത്തും. വയനാട് ജില്ലാ കമ്മിറ്റിയുടെ നേതൃത്വത്തിൽ നിലവിൽ നിരാഹാര സമരം പുരോഗമിക്കുകയാണ്. ജില്ലാ പ്രസിഡന്റ് ഗോകുൽദാസിന്റെ നേതൃത്വത്തിൽ ആരംഭിച്ച നിരാഹാര സമരം അഞ്ചു ദിവസങ്ങൾ പിന്നിട്ടിരിക്കുകയാണ്. സിദ്ധാർത്ഥന്റെ മരണവും എസ്എഫ്ഐയുടെ പങ്കും പുറംലോകത്തേക്ക് എത്തിച്ചത് കെഎസ്‌യുവായിരുന്നു. യൂത്ത് ലീഗിന്റെ നേതൃത്വത്തിൽ ഉപവാസ സമരവും ഇന്ന് ആരംഭിക്കും.

അതേസമയം, യുവജന-വിദ്യാർത്ഥി-മഹിളാ വിഭാഗങ്ങളെ ഉൾപ്പെടുത്തിയുള്ള കടുത്ത പ്രതിഷേധത്തിലേക്കാണ് കോൺഗ്രസ് നീങ്ങുന്നത്. പ്രതിഷേധ രീതി ഉൾപ്പെടെ പ്രഖ്യാപിക്കുന്നതിനായി ഇന്ന് രാവിലെ 11 മണിക്ക് കെഎസ്‌യു, യൂത്ത്കോൺഗ്രസ്, മഹിളാ കോൺഗ്രസ് സംസ്ഥാന പ്രസിഡന്റുമാരുടെ സംയുക്ത വാർത്താസമ്മേളനം നടക്കും. കെഎസ്‌യു സംസ്ഥാന പ്രസിഡന്റ് അലോഷ്യസ് സേവ്യർ, മഹിളാ കോൺഗ്രസ് സംസ്ഥാന പ്രസിഡന്റ് ജെബി മേത്തർ എംപി, യൂത്ത് കോൺഗ്രസ് സംസ്ഥാന പ്രസിഡന്റ് രാഹുൽ മാങ്കൂട്ടത്തിൽ തുടങ്ങിയവർ വാർത്താസമ്മേളനത്തിൽ പങ്കെടുക്കും.

Advertisement
VKSHNM NWS KWT 1000 x 180 PX-01
Continue Reading

Featured