Connect with us
48 birthday
top banner (1)

Kerala

പൊലീസ് ക്വാർട്ടേഴ്സിൽ കാട്ടുപന്നി, ആക്രമിക്കപ്പെട്ടവരുടെ നില​ഗുരുതരം

Avatar

Published

on

ശാസ്താംകോട്ട: കൊല്ലം – തേനി ദേശീയപാതയിൽ ചക്കുവള്ളി ടൗണിനോട് ചേർന്ന് പ്രവർത്തിക്കുന്ന ശൂരനാട് പൊലീസ് സ്റ്റേഷനിലെ കാട് മൂടിയ ക്വാർട്ടേഴ്സുകളിൽ കാട്ടുമൃഗങ്ങളുടെ സാന്നിധ്യം സ്ഥരീകരിക്കുന്നു. കാട്ടുപന്നിയുടെ ആക്രമണത്തിൽ കഴിഞ്ഞ ദിവസം യുവതി അടക്കം വഴിയാത്രക്കാരായ രണ്ട് പേർക്ക് ​ഗുരുതരമായി പരിക്കേറ്റിരുന്നു. ശൂരനാട് വടക്ക് പടിഞ്ഞാറ്റം കിഴക്ക് സദനത്തിൽ വീട്ടിൽ ബാബു (68), ചരുവിള കിഴക്കതിൽ മഞ്ജു സുരേഷ് (40) എന്നിവർക്കാണ് പരിക്കേറ്റത്. ശാസ്താംകോട്ടയിലെ സ്വകാര്യ ആശുപത്രിയിൽ പ്രവേശിപ്പിച്ച ഇരുവരെയും ഇന്നലെ താലൂക്ക് ആശുപത്രിയിലേക്ക് മാറ്റി. ഇവരുടെ നില ​ഗുരുതരമായി തുടരുകയാണ്.
അപ്രതീക്ഷിത ആക്രമണത്തിൽ മഞ്ജു സുരേഷിന്റെ ഇരു കൈകളും ഒടിഞ്ഞു തൂങ്ങി. ശൂരനാട് വടക്ക് ഗ്രാമപഞ്ചായത്തിൽ പെരുങ്കുളം വാർഡിലെ ജനവാസ മേഖലയിലാണ് കാടുമൂടിയ ക്വാർട്ടേഴ്സുകൾ സ്ഥിതി ചെയ്യുന്നത്. പൊട്ടിപ്പൊളിഞ്ഞ ക്വാർട്ടേഴ്സുകൾ വർഷങ്ങളായി ഉപേക്ഷിക്കപ്പെട്ട നിലയിലാണ്. ഇവി‌ടെ നിന്ന് കഷ്ടിച്ച് നൂറു മീറ്റർ മാത്രം അകലെയാണ് പോരുവഴി ​ഗവ. ഹയർ സെക്കൻഡറി സ്കൂളും തിരുവിതാംകൂർ ദേവസ്വം ബോർഡ് സെൻട്രൽ സ്കൂളും സ്ഥിതി ചെയ്യുന്നത്.
വിവിധ കേസുകളിൽ പിടിച്ചെടുക്കുന്ന വാഹനങ്ങൾ ഇവിടെയാണ് പൊലീസ് സൂക്ഷിക്കുന്നത്. ഇതുവഴി മുമ്പ് ഉണ്ടായിരുന്ന നടവഴി പൊലീസ് അടച്ചതും കാട് മൂടാൻ കാരണമായതായി നാട്ടുകാർ പറയുന്നു. തൊഴിലുറപ്പ് പദ്ധതിയിൽ പൊതുസ്ഥലം വൃത്തിയാക്കൽ എന്ന പദ്ധതിയിൽ ഉൾപ്പെടുത്തി ഈ സ്ഥലങ്ങളൊക്കെ വൃത്തിയാക്കുക പതിവായിരുന്നു. ഇപ്പോൾ അതൊന്നും ഇല്ലാത്തത് കാരണം വന്യജീവികൾ തമ്പടിക്കുകയാണ്.
കുറച്ചു നാൾ മുൻപ് ഈ പ്രദേശത്ത് പുലിയെ കണ്ടതായി വലിയ പ്രചാരമുണ്ടായിരുന്നു. പുലിയുടേതെന്നു തോന്നുന്ന ചിത്രങ്ങളും കാല്പാടുകളും പ്രചരിക്കപ്പെട്ടതോടെ ജനങ്ങൾ പരിഭ്രാന്തിയിലായിരുന്നു. എന്നാൽ വലിയൊരു കാട്ടു പൂച്ച വാഹനമിടിച്ചു ചത്തതോ‌ടെ പുലിപ്പേടി മാറി. അപ്പോഴാണ് കാട്ടുപന്നി പ്രത്യക്ഷപ്പെട്ടത്. കുന്നത്തൂർ താലൂക്കിലെ വിവിധ പ്രദേശങ്ങളിൽകാട്ടുപന്നിയുടെ ആക്രമണം പതിവാണ്. പത്തനാപുരത്തും നടുറോഡിൽ കാട്ടുപന്നികളിറങ്ങിയിരുന്നു. കുറച്ചു നാൾ മുൻപ് ചാത്തന്നൂർ, പാരിപ്പള്ളി മേഖലയിൽ കരടിയെ കണ്ടതും ജനങ്ങളെ പരിഭ്രാന്തിയിലാക്കിയിരുന്നു. കൊല്ലം ജില്ലയിലെ ജനവാസ കേന്ദ്രങ്ങളിൽ പലപ്പോഴും വന്യമൃ​ഗങ്ങളുടെ ശല്യമുണ്ടാകുന്നു. പത്തനാപുരത്ത് തിരക്കേറിയ ജനവാസ കേന്ദ്രത്തിൽ കാട്ടുപോത്തിറങ്ങി ഒരാളെ കുത്തിക്കൊലപ്പെടുത്തിയ സംഭവം ഇപ്പോഴും നടുക്കത്തോടെയാണ് നാട്ടുകാർ ഓർക്കുന്നത്.

ഫോട്ടോ..

Advertisement
inner ad

ശൂരനാട് പൊലീസ് സ്റ്റേഷന് സമീപം കാട് പിടിച്ച് കിടക്കുന്ന ക്വാർട്ടേഴ്സ് പരിസരം

കാട്ടുപന്നിയുടെ ആക്രമണത്തിൽ ഗുരുതര പരിക്കേറ്റ ബാബു, മഞ്ജു സുരേഷ് എന്നിവർ ആശുപത്രിയിൽ

Advertisement
inner ad

Death

സാമ്പത്തിക ബുധിമുട്ടിനെ തുടർന്ന് അച്ഛനും മകനും വിഷം കഴിച്ചു; അച്ഛൻ മരിച്ചു

Published

on

പാലക്കാട്: കൊല്ലങ്കോട് അച്ഛനും മകനും വിഷം കഴിച്ചു. അച്ഛൻ മരിച്ചു. എലവഞ്ചേരി പെരുങ്ങോട്ടുകാവ് കാവുങ്ങൽ വീട്ടിൽ എം. വേലൻകുട്ടി (89) ആണ് മരിച്ചത്‌. മകൻ ഉണ്ണിക്കൃഷ്ണൻ (58) ജില്ലാ ആശുപത്രിയിൽ തീവ്രപരിചരണ വിഭാഗത്തിലാണ്. വിഷം കഴിക്കുന്ന സമയത്ത് വീട്ടിൽ ആരുമില്ലായിരുന്നുവെന്നാണു സൂചന. വെള്ളിയാഴ്ച രാത്രിയിലാണ് ഇരുവരെയും വിഷം കഴിച്ച് അവശനിലയിൽ ബന്ധുക്കൾ കാണുന്നത്.

Advertisement
inner ad

മരിച്ച വേലൻകുട്ടിയുടെ അസുഖവും സാമ്പത്തിക പ്രയാസങ്ങളും കാരണമാണ് ഇരുവരും വിഷം കഴിച്ചതെന്നാണ് കൊല്ലങ്കോട് പൊലീസ് പറയുന്നത്. വേലൻകുട്ടി കഴുത്തിൽ അർബുദ ബാധിതനായതിനെ തുടർന്നു വീട്ടിൽ വിശ്രമത്തിലായിരുന്നു. ഉണ്ണികൃഷ്ണൻ ലോറി ഡ്രൈവറാണ്. വേലൻകുട്ടിയുടെ മൃതദേഹം ജില്ലാ ആശുപത്രി മോർച്ചറിയിൽ.

Advertisement
inner ad
Continue Reading

Kerala

തൃശൂരിൽ മാത്രമല്ല പാലക്കാടും നേരിയ ഭൂചലനം

Published

on

പാലക്കാട്: തൃശ്ശൂരിൽ മാത്രമല്ല പാലക്കാടും നേരിയ ഭൂചലനം അനുഭവപെട്ടു. ഭൂചലനം അനുഭവപ്പെട്ടത്. പാലക്കാട് ജില്ലയുടെ പടിഞ്ഞാറൻ മേഖലയിൽ ഇന്ന് രാവിലെയാണ് ഭൂചലനമുണ്ടായത്. ഇന്നു രാവിലെ എട്ടു മണിക്കുശേഷം തിരുമിറ്റക്കോട്, കക്കാട്ടിരി, ചാലിശ്ശേരി, നാഗലശ്ശേരി, കോട്ടപ്പാടം, കോതച്ചിറ, എഴുമങ്ങാട്, കപ്പൂർ, മതുപ്പുള്ളി, കുമരനെല്ലൂർ തുടങ്ങിയ സ്ഥലങ്ങളിലാണ് ഭൂമിക്കടിയിൽനിന്ന് മുഴക്കം അനുഭവപ്പെട്ടത്. വീടുകളുടെ ജനച്ചില്ലുകൾക്ക് കുലുക്കം അനുഭവപ്പെട്ടു. ഇതോടെ ആളുകൾ പരിഭ്രാന്തരായി.

Advertisement
inner ad
Continue Reading

Accident

ചൂണ്ടയിടാൻ പോയ കുട്ടികൾ മുങ്ങിമരിച്ചു

Published

on

കോട്ടയം: കുളത്തിൽ ചൂണ്ടയിടാൻ പോയ രണ്ടുകുട്ടികൾ കുളത്തിൽ വീണു മരിച്ചു. കോട്ടയം തൃക്കൊടിത്താനത്താണ് അപകടമാണ്ടായത്. കുറിച്ചി സ്വദേശി അഭിനവ് (12) മാടപ്പള്ളി സ്വദേശി ആദർശ് (15) എന്നിവരാണ് മരിച്ചത്.

Advertisement
inner ad
Continue Reading

Featured