Featured
സംസ്ഥാനത്തെ ഇന്ധന പമ്പുകളില് വ്യാപക ക്രമക്കേട്: ഇന്ധനത്തിന്റെ അളവ് അനുവദനീയമായതിലും കുറവ്
തിരുവനന്തപുരം: സംസ്ഥാനത്തെ ഇന്ധന പമ്പുകളില് അളവുതൂക്ക പരിശോധന വിഭാഗം നടത്തിയ പരിശോധനയില് കണ്ടെത്തിയത് വ്യാപക ക്രമക്കേട്. സര്ക്കാറിന്റെ സിവില് സപ്ലൈസ് പമ്പുകളില് അടക്കം 50 പമ്പുകളിലാണ് ഇന്ധനത്തിന്റെ അളവ് അനുവദനീയമായതിലും കുറവാണെന്ന് കണ്ടെത്തിയത്.
പമ്പുകളിലെ അളവുപാത്രം മുദ്ര ചെയ്യാത്തതിനടക്കം 510 പമ്പുകള്ക്കെതിരെ ലീഗല് മെട്രോളജി വിഭാഗം കേസെടുക്കുകയും 9.69 ലക്ഷം രൂപ പിഴ ചുമത്തുകയും ചെയ്തു. പാലക്കാട് (61) ജില്ലയിലാണ് കൂടുതല് ക്രമക്കേട് കണ്ടെത്തിയത്. എറണാകുളം (55) തിരുവനന്തപുരം (53) ജില്ലകളാണ് തൊട്ടുപിറകില്. വയനാട്ടിലാണ് (15) ഏറ്റവും കുറവ് കേസുകള്.
രണ്ടര വര്ഷത്തിനിടെ നടത്തിയ പരിശോധനയിലാണ് ക്രമക്കേട് കണ്ടെത്തിയത്. അഞ്ച് ലിറ്റര് ഇന്ധനം വില്ക്കുമ്പോള് 25 മില്ലിലിറ്റര് കൂടുകയോ കുറയുകയോ ചെയ്യുന്നതില് നിയമത്തില് ഇളവുണ്ട്. എന്നാല്, ചില പമ്പുകളില് 100 മുതല് 120 മില്ലിലീറ്റര് വരെ വ്യത്യാസമാണ് കണ്ടെത്തിയത്.
ലോസ് ആഞ്ജലിസിന് വടക്ക് ഭാഗത്ത് പുതിയ കാട്ടുതീ രൂപപ്പെട്ടു. ബുധനാഴ്ച രാവിലെയാണ് പുതിയ തീപ്പിടിത്തം ഉണ്ടായതെന്നാണ് കാലിഫോര്ണിയ ഡിപ്പാര്ട്ട്മെന്റ് ഓഫ് ഫോറസ്ട്രി ആന്ഡ് ഫയര് പ്രൊട്ടക്ഷന് അറിയിച്ചു. കാസ്റ്റൈക് തടാകത്തിന് സമീപമുള്ള കുന്നിന് പ്രദേശത്ത് നിന്ന് തുടങ്ങിയ കാട്ടുതീ ഏതാനും മണിക്കൂറുകള്ക്കുള്ളില് പതിനായിരത്തോളം ഏക്കറിൽ തീ വ്യാപിച്ചു. ലോസ് ആഞ്ജലിസില് വന് നാശത്തിന് കാരണമായ കാട്ട്തീയ്ക്ക് ശേഷമാണ് പുതിയ കാട്ടുതീ ഉണ്ടായത്. ശക്തമായ കാറ്റും വരണ്ടകാലവസ്ഥയും തീ കൂടുതല് വ്യാപിക്കാന് കാരണമായി. ലോസ് ആഞ്ജലിസിന് ഏകദേശം 56 കിലോമീറ്റര് വടക്ക്, സാന്താ ക്ലാരിറ്റ നഗരത്തിന് സമീപം സ്ഥിതി ചെയ്യുന്ന തടാകത്തിന് ചുറ്റുമുള്ള 31,000 ആളുകളെ ഒഴിപ്പിക്കാന് ഉത്തരവിട്ടു.
മുംബൈ: സിനിമാതാരം നിമിഷ സജയന്റെ പിതാവ് സജയന് നായര് (63) അന്തരിച്ചു. മുംബൈയിൽ താനെ ജില്ലയിലെ അംബര്നാഥ് വെസ്റ്റില് ഗാംവ്ദേവി റോഡില് ന്യൂകോളനിയിലുള്ള ക്ലാസിക് അപ്പാര്ട്ടുമെന്റിലായിരുന്നു താമസം. കുറച്ചുനാളായി രോഗബാധിതനായി ചികത്സയിലായിരുന്നു. കൊല്ലം ജില്ലയിലെ കടയ്ക്കല് സ്വദേശിയാണ്. ഭാര്യ: ബിന്ദു സജയന്. മക്കള്: നിമിഷ സജയന്, നീതു സജയന്.
Featured
ട്രെയിന് തീപിടിച്ചെന്ന് അഭ്യൂഹം; ട്രാക്കിലേക്ക് ചാടി യാത്രക്കാർ; എതിർദിശയില് വന്ന എക്സ്പ്രസ് ട്രെയിനിടിച്ച് 11 മരണം
മുംബൈ: മഹാരാഷ്ട്രയിലെ ജല്ഗാവ് ജില്ലയില് കർണാടക എക്സ്പ്രസ് ഇടിച്ച് അപകടത്തിൽ മരണ സംഖ്യ ഉയരുന്നു. മരണ സംഖ്യ 11 ആയെന്നും ഇനിയും വർധിക്കാൻ സാധ്യതയുണ്ടെന്നും ദേശീയമാധ്യമങ്ങൾ റിപ്പോർട്ട് ചെയ്തു. ബുധനാഴ്ച വൈകിട്ട് 4.19ന് പരണ്ട റെയില്വേ സ്റ്റേഷന് സമീപമാണ് അപകടമുണ്ടായത്. റെയില്വേ ഉദ്യോഗസ്ഥർ പറയുന്നതനുസരിച്ച്, പുഷ്പക് എക്സ്പ്രസിലെ യാത്രക്കാർ ട്രെയിനിൻ്റെ ചക്രങ്ങളില് നിന്ന് പുക ഉയർന്നതിനെത്തുടർന്ന് തീപിടുത്തമുണ്ടാകുമെന്ന് ഭയന്ന് രക്ഷപ്പെടാനുള്ള ശ്രമത്തില് തിടുക്കത്തില് ട്രാക്കിലേക്ക് ചാടിയതാണ് ദുരന്തത്തിന് വഴിയൊരുക്കിയത്. ലഖ്നൗവില് നിന്ന് മുംബൈയിലേക്ക് പോവുകയായിരുന്നു ട്രെയിൻ.
തൊട്ടടുത്ത ട്രാക്കില് ഇറങ്ങിയപ്പോള് ഇവരെ എതിർദിശയില് വന്ന കർണാടക എക്സ്പ്രസ് ഇടിക്കുകയായിരുന്നു. ജല്ഗാവ്, പച്ചോര സ്റ്റേഷനുകള്ക്കിടയില് നടന്ന സംഭവത്തില് നിരവധി പേർക്ക് പരുക്കേല്ക്കുകയും ചെയ്തു.
പ്രാഥമിക റിപ്പോർട്ടുകള് പ്രകാരം, പുഷ്പക് എക്സ്പ്രസ്സില് തീപിടിത്തമുണ്ടായെന്ന കിംവദന്തികള് യാത്രക്കാരില് പരിഭ്രാന്തി സൃഷ്ടിച്ചു. ചിലർ അവരുടെ ജീവൻ രക്ഷിക്കാനുള്ള ശ്രമത്തില് ഓടുന്ന ട്രെയിനില് നിന്ന് ചാടുകയായിരുന്നു. ബെംഗളൂരു എക്സ്പ്രസ് അവരെ ഇടിക്കുകയായിരുന്നു.
ജില്ലാ ഭരണകൂടത്തില് നിന്നുള്ള ഉദ്യോഗസ്ഥർ സംഭവസ്ഥലത്തേക്ക് പുറപ്പെട്ടിട്ടുണ്ട്. രക്ഷാപ്രവർത്തനം പുരോഗമിക്കുകയാണ്. മരിച്ചവരുടെ കൃത്യമായ എണ്ണവും പരുക്കേറ്റവരുടെ നിലയും ഇനിയും സ്ഥിരീകരിച്ചിട്ടില്ല
-
Kerala2 months agoജീവനക്കാരുടെ ശമ്പളബില്ല്
കേന്ദ്രീകൃതമാക്കാനുള്ള നീക്കം,
ശമ്പളം കവര്ന്നെടുക്കാനുള്ള ആസൂത്രിത ശ്രമമാണെന്ന് ; ചവറ ജയകുമാര് -
News1 month agoക്ഷാമബത്ത കേസില് ഇടക്കാല ഉത്തരവ്
-
News2 months agoക്ഷാമ ബത്ത കേസിൽ ഇടക്കാല ഉത്തരവ്
-
Featured3 months agoഡി എ: പ്രഖ്യാപനം നിരാശാജനകമെന്ന് സെക്രട്ടേറിയറ്റ് അസോസിയേഷൻ
-
Kerala3 months agoക്ഷാമബത്ത: കുടിശ്ശിക നിഷേധിച്ചാൽ നിയമപരമായി നേരിടും; ചവറ ജയകുമാർ
-
News2 months ago
ജീവനക്കാരെ രണ്ടു തട്ടിലാക്കുന്ന നടപടി സർക്കാർ അവസാനിപ്പിക്കണം
-
News5 days agoപണിമുടക്ക് നോട്ടീസ് നൽകി
-
News1 month agoസര്ക്കാര് ജീവനക്കാരും അധ്യാപകരുംഅനിശ്ചിത കാല പണിമുടക്കിലേക്ക്: സെറ്റോ
You must be logged in to post a comment Login