Connect with us
inner ad

Featured

വിശ്വ മഹാകവി ടാഗോർ
തിരസ്കരിക്കപ്പെടുമ്പോൾ

Avatar

Published

on

  • പിൻപോയിന്റ്
    ഡോ. ശൂരനാട് രാജശേഖരൻ

പശ്ചിമ ബംഗാളിലെ ശാന്തിനികേതൻ വിശ്വഭാരതി കേന്ദ്ര സർവകലാശാലയ്ക്ക് യുഎൻ നൽകിയ പൈതൃക പദവിയുടെ ഫലകത്തിൽ നിന്ന് അതിന്റെ സ്ഥാപകൻ രവീന്ദ്ര നാഥ ടാഗോറിന്റെ പേര് ഒഴിവാക്കിയ നടപടി ലോകത്തിനു മുന്നിൽ ഇന്ത്യയെ നാണം കെ‌ടുത്തിയിരിക്കുന്നു.
ടാഗോറിനു പകരം ഫലകത്തിൽ പ്രധാനമന്ത്രി നരേന്ദ്ര മോദിയെ ആചാര്യ പദവി നൽകി ആലേഖനം ചെയ്ത അഭിനവ ഫാഷിസത്തെ എങ്ങനെ വിശേഷിപ്പിക്കണമെന്ന് അറിയില്ല. സംഘടനാ ചുമതലയുള്ള എഐസിസി ജനറൽ സെക്രട്ടറി കെ.സി. വേണു ഗോപാലിന്റെ ഒരു ട്വീറ്റാണ് അതിനുള്ള മറുപടി.


‘എവിടെ മനസ് നിർഭയവും ശിരസ് സമുന്നതവും ആയിരിക്കുന്നുവോ, ആ സ്വാതന്ത്ര്യ സ്വർഗത്തിലേക്ക് ദൈവമേ, എന്റെ രാജ്യം ഉയരേണമേ എന്നാണ് രവീന്ദ്ര നാഥ ടാഗോർ പ്രാർഥിച്ചത്. എന്നാൽ, ഭയത്തിന്റെയും വെറുപ്പിന്റെയും മുഖ്യ പ്രയോക്താവായ നരേന്ദ്ര മോദി ശാന്തിനികേതന്റെ കവാടത്തിൽ ടഗോറിന്റെ പേര് ഒഴിവാക്കി സ്വയം ആചാര്യനായി അടയാളപ്പെടുത്തപ്പെട്ടിരിക്കുന്നു. വഞ്ചനയ്ക്ക് അതിരില്ലാതായിരിക്കുന്നു.’ ഇതാണ് ആ ട്വീറ്റ്.
രവീന്ദ്രനാഥ ടാഗോർ ഒരു രാഷ്‌ട്രീയക്കാരനേ ആയിരുന്നില്ല. അതേ സമയം ലോകം കണ്ട മികച്ച രാഷ്‌ട്ര തന്ത്രജ്ഞരിൽ ഒരാളായിരുന്നു. കോൺഗ്രസിലടക്കം ഒരു പദവിയും വഹിച്ചിട്ടുമില്ല. പക്ഷേ, കോൺഗ്രസ് നയിച്ച സ്വാതന്ത്ര്യ സമരത്തിന്റെ തീച്ചൂളയിൽ ഒരു കർമസാക്ഷിയായി എപ്പോഴും അദ്ദേഹം മുന്നിലുണ്ടായിരുന്നു. മോഹൻദാസ് കരംചന്ദ് ഗാന്ധിയെന്ന സ്വാതന്ത്ര്യ സമരനായകനെ ആദ്യമായി “മഹാത്മാവ്” എന്നു വിളിച്ചത് ടാഗോറാണ്. ഗുരു വിളിച്ച ഈ ചെല്ലപ്പേരിലാണ് ഗാന്ധിജി ഇന്ത്യക്കാരുടെയെല്ലാം മഹാത്മാവായത്. ലോകം മുഴുവൻ ആരാധിക്കുന്ന ഗാന്ധിജിയെപ്പോലും തമസ്കരിക്കാനുള്ള നീക്കത്തിലാണ് ബിജെപി. ഗാന്ധിജിയെ മാത്രമല്ല, ചരിത്ര പുരുഷന്മാരെ മുഴുവൻ ചരിത്രത്തിൽ നിന്നു പടിയിറക്കുന്നു. അതിന്റെ ഒടുവിലത്തെ ഉദാഹരണമാണ് രവീന്ദ്ര നാഥ ടാഗോറിന്റെ കാര്യത്തിൽ സംഭവിച്ചത്.


പശ്ചിമ ബംഗാളിലെ ബിർഭൂം ജില്ലയിലെ വിശ്വഭാരതി സർവകലാശാല ഉൾപ്പെട്ട ശാന്തി നികേതൻ കഴിഞ്ഞ മാസം 17ന് ഐക്യരാഷ്‌ട്ര സഭയുടെ ലോക പൈതൃക പട്ടികയിൽ ഇടം നേടി. തുടർന്ന് രണ്ടു കവാടങ്ങളിലായി സർവകലാശാല അധികൃതർ രണ്ടു ഫലകങ്ങൾ സ്ഥാപിച്ചു. പക്ഷേ, രണ്ടിലും ടാഗോറിന്റെ പേര് ഒഴിവാക്കിയതാണ് വിവാദങ്ങളുടെ അടിസ്ഥാനം. പകരം, സർവകലാശാലയുടെ ചാൻസിലറായ പ്രധാനമന്ത്രി നരേന്ദ്ര മോദി, വൈസ് ചാൻസിലർ ബിദ്യുത് ചക്രബർത്തി എന്നിവരുടെ പേരുകൾ കൊത്തിവച്ചു. കാലാവധി കഴിയാറായ ബിദ്യുത് ചക്രവർത്തിയുടെ കാലാവധി നീട്ടിക്കിട്ടാനുള്ള തന്ത്രമാണ് വിവാദ ഫലകങ്ങൾക്കു പിന്നിലെന്ന ആരോപണവും ഉയർന്നിട്ടുണ്ട്.


ഇന്ത്യയിൽ ഫാഷിസം ഇതുപോലെ പത്തി വിടർത്തിയാടിയ ഒരു അവരസരമില്ല. 1948 ജനുവരി മുപ്പതിന് ഗാന്ധിജിയെ വെടിവച്ചു കൊന്നപ്പോൾ അതു വേണ്ടായിരുന്നു എന്നു പിന്നീടു തിരുത്തിപ്പറഞ്ഞ ആർഎസ്എസ് നേതാക്കൾ പോലുമുണ്ട്. എന്നാൽ, പുതിയ ഇന്ത്യയുടെ പിതാവാണ് നരേന്ദ്ര മോദി എന്ന് മുതിർന്ന ബിജെപി നേതാവ് ദേവേന്ദ്ര ഫട്നാവിസിന്റെ ഭാര്യ അമൃത ഫട്നാവിസ് ഒന്നിലേറെ തവണ ആവർത്തിച്ചു പറഞ്ഞപ്പോൾ അതു തെറ്റാണെന്ന് പറയാൻ ഒരു ബിജെപിക്കാരനും ഇതുവരെ മുന്നോട്ടു വന്നിട്ടില്ല. ഒരിക്കൽ നിഷ്ഠുരമായി കൊലപ്പെടുത്തിയ ഗാന്ധിജിയെ ഫാഷിസം വീണ്ടും വീണ്ടും കൊലപ്പെടുത്തിക്കൊണ്ടേയിരിക്കുന്നു.

ഇന്ത്യ എന്ന രാജ്യം ലോകത്തിനു മുന്നിൽ പ്രതിഷ്ഠിക്കപ്പെട്ടിരിക്കുന്നത് മൂന്നു മഹദ് വ്യക്തികളുടെ പേരിലാണ്. രാഷ്‌ട്ര പിതാവ് മഹാത്മാ ഗാന്ധി, രാഷ്‌ട്ര ശില്പി പണ്ഡിറ്റ് നെഹ്റു, സാഹിത്യ നൊബേൽ ജേതാവ് രവീന്ദ്ര നാഥ് ടാഗോർ എന്നീ പേരുകളിൽ. മാഞ്ഞു പോയ ഇന്ത്യയിൽ നിന്ന് ഈ ദേശത്തിന്റെ വീരപുത്രന്മാരായ ഗാന്ധിജിയെയും പണ്ഡിറ്റ് നെഹറുവിനെയും രവീന്ദ്ര നാഥ് ടാഗോറിനെയുമൊക്കെ മായിച്ചു കളയാൻ വളരെ എളുപ്പമാണ്. എല്ലാവരും ഭയക്കുന്നതു പോലെ, ഇന്ത്യയെ കാത്തിരിക്കുന്ന പുതിയ ഭരണഘടന കൂടി വരുന്നതോടെ ദാദാ സാഹിബ് അംബേദ്കറും ചരിത്രത്തിൽ നിന്നു മാഞ്ഞുപോകും.


നാനാജാതി മതസ്ഥരും പരസഹസ്രം സംസ്കാരങ്ങളും ആയിരത്തോളം ഭാഷകളുമുള്ള 140 കോടി ജനങ്ങളെ, “ജനഗണ മനയധി നായക ജയഹേ, ഭാരത ഭാഗ്യവിധാത” എന്ന ദേശീയതയുടെ പളുങ്ക് മാലയിൽ കോർത്തിണക്കിയ മഹാഗുരുവിനെയാണ് അദ്ദേഹത്തിന്റെ തന്നെ ആശ്രമകവാടത്തിൽ നിന്ന് മായിച്ചു കളഞ്ഞത്. സാഹിത്യത്തിന്റെ നൊബേൽ യൂറോപ്പിനു പുറത്തേക്കു കൊണ്ടു വന്ന ആദ്യ കവിയാണ് ടാഗോർ. അതിന്റെ പേരിൽ ബ്രിട്ടീഷ് ഭരണകൂടം അദ്ദേഹത്തിനു ‘സർ’ ബഹുമതി നൽകി ആദരിച്ചു. എന്നാൽ, 1919ൽ ജാലിയൻ വാലാബാഗ് കൂട്ടക്കൊലയിൽ പ്രതിഷേധിച്ച് ഈ പദവി അദ്ദേഹം ഉപേക്ഷിച്ചു. സർ പദവി തിരികെ നൽകിയ ആദ്യത്തെ ഇന്ത്യക്കാരനാണ് ടാഗോർ.

അറിവ്, ജ്ഞാനം, സത്യം, സൗന്ദര്യം എന്നീ രൂപങ്ങളിൽ നമ്മിലേക്ക് ഇറങ്ങിവന്ന ടാഗോറിനെപ്പോലുള്ള പ്രബുദ്ധനായ ഒരു രാഷ്ട്രതന്ത്രജ്ഞന്റെ പേര് ചരിത്രത്തിൽ നിന്നു മായിക്കുമ്പോൾ, വിദ്യാഭ്യാസത്തെക്കുറിച്ചുള്ള അദ്ദേഹത്തിന്റെ ചിന്തകളെയും അവയുടെ പ്രസക്തിയെയും ഓർക്കുന്നത് നല്ലതാണ്. ടാഗോർ സ്ഥാപിച്ച വിശ്വഭാരതിയും ശാന്തിനികേതനും ഇന്ത്യൻ വിദ്യാഭ്യാസം, ഗ്രാമീണ പുനർനിർമ്മാണം, ബഹുജന വിദ്യാഭ്യാസം, പാൻ-ഏഷ്യൻ, ആഗോള സാംസ്കാരിക വിനിമയം എന്നിവയ്ക്കുള്ള അതുല്യ മാതൃകകളായിരുന്നു.
അദ്ദേഹത്തിന്റെ അഭിപ്രായത്തിൽ, ഏറ്റവും ഉയർന്ന വിദ്യാഭ്യാസം കേവലം വിവരങ്ങൾ നൽകുന്നതിലല്ല, മറിച്ച് നമ്മുടെ ജീവിതത്തെ എല്ലാ അസ്തിത്വങ്ങളോടും യോജിച്ച് നിലനിർത്തുന്നതാണ്. സംഗീതം, സാഹിത്യം, കല, നൃത്തം, നാടകം എന്നിവയോടുള്ള അദ്ദേഹത്തിന്റെ സ്നേഹത്തിലും അഭിനിവേശത്തിലും ഇത് വ്യക്തമാണ്, അദ്ദേഹത്തിന്റെ അഭിപ്രായത്തിൽ, ആത്മാവിനെ സമ്പന്നമാക്കാൻ ഇവ വളരെ അത്യാവശ്യമാണ്.

Advertisement
1000x200 PX MALAYALI DCTR MDX-02-02


ഗ്രാമീണ ജനതയുടെ ശാക്തീകരണത്തിനും ഗ്രാമങ്ങളുടെ പുനർനിർമ്മാണത്തിനുമുള്ള ഏക മാർഗം വിദ്യാഭ്യാസമാണെന്ന് ടാഗോർ നന്നായി മനസ്സിലാക്കി. സ്വന്തം സാംസ്കാരിക പ്രത്യേകത നിലനിറുത്തിക്കൊണ്ട് വ്യത്യസ്ത സംസ്കാരങ്ങളുടെ ഏറ്റവും മികച്ച വശങ്ങൾ വിലമതിക്കാനുള്ള ഒരു ഉപകരണമായി വിദ്യാഭ്യാസത്തിന്റെ ശക്തി അദ്ദേഹം തിരിച്ചറിഞ്ഞു. വിദ്യാഭ്യാസമില്ലാത്ത ജനങ്ങളിൽ വ്യാപിച്ചുകിടക്കുന്ന ഭൗതികവും സാംസ്കാരികവുമായ ദാരിദ്ര്യത്തെക്കുറിച്ചുള്ള അവബോധമാണ് അദ്ദേഹം ആഴത്തിൽ മനസിലാക്കിയതും പരിഹരിക്കാൻ ശ്രമിച്ചതും. അധഃസ്ഥിതരുടെയും ഗ്രാമീണരുടെയും ഉന്നമനത്തിനായി അദ്ദേഹം വിദ്യാർത്ഥികളെയും അധ്യാപകരെയും സാക്ഷരതാ പരിശീലനത്തിലും സാമൂഹിക പ്രവർത്തനത്തിലും സഹകരണ പദ്ധതികളുടെ പ്രോത്സാഹനത്തിലും ഉൾപ്പെടുത്തി. ഇതിലധികമായി എന്താണ് ഒരു വിദ്യാഭ്യാസ വിചക്ഷണനിൽ നിന്ന് നമുക്ക് ലഭിക്കേണ്ടത്?


ലോകം നമിക്കുന്ന വിശ്വ ഗുരുവിനെയാണ് ഒരു പരമവിശിഷ്ട പൈതൃക അടയാളത്തിൽ നിന്ന് ബോധപൂർവം ഒഴിവാക്കിയത്.. ഇന്ത്യയുടെ ആദ്യത്തെ സാഹിത്യ നൊബേൽ ജേതാവായ വിശ്വമഹാകവി രവീന്ദ്ര നാഥ ടാഗോർ ഉയർത്തിപ്പിടിച്ച മൂല്യങ്ങളുടെ നിരാസമാണത്. അതിൽ അക്ഷന്തവ്യമായ പൈതൃക നിന്ദയുണ്ട്. ചരിത്ര നിഷേധമുണ്ട്. സാംസ്കാരിക ശൂന്യതയുണ്ട്. അതിരുകളില്ലാത്ത മാനവികതയുടെ തിരസ്കാരവും വളരെയധികമുണ്ട്.
എങ്ങനെയാണ് അധികാരം ഇത്രയധികം വികൃതമാകുന്നത്? ഞാനാണു രാജ്യം എന്നു വിളിച്ചു പറഞ്ഞത് ഫ്രാൻസിലെ ലൂയി പതിന്നാലാമൻ രാജാവാണ്. അതും പതിനേഴാം നൂറ്റാണ്ടിന്റെ മധ്യത്തിൽ. ഇത് ഇരുപത്തൊന്നാം നൂറ്റാണ്ടാണ്. ലൂയി പതിന്നാലാമൻ രാജപാരമ്പര്യം അവകാശപ്പെടുന്ന സ്വേച്ഛാധിപതിയായാരുന്നു. പ്രധാനമന്ത്രി നരേന്ദ്ര മോദിയെ അധികാരത്തിലെത്തിച്ചത് ഈ രാജ്യത്തെ ജനങ്ങളാണ്. അദ്ദേഹത്തിന് ഭരണ സിംഹാസനം നൽകിയ രാജ്യത്തെയും അതിനവസരമൊരുക്കിയ ചരിത്രപുരുഷന്മാരെയും മറന്നും ബോധപൂർവം മായിച്ചും സാർവത്രിക വെറുപ്പിന്റെ മൊത്തവ്യാപാര ശാല തുറന്നുമുള്ള ഈ പോക്ക് വിനാശത്തിലേക്കുള്ള ദുരന്തയാത്രയാണെന്നു മാത്രം ഓർമിപ്പിക്കട്ടെ.

Advertisement
1000x200 PX MALAYALI DCTR MDX-02-02
Continue Reading
Advertisement
1000x200 PX MALAYALI DCTR MDX-02-02
Click to comment

You must be logged in to post a comment Login

Leave a Reply

Choonduviral

ഇന്ദിരയായി തിളങ്ങി അജിത ശിവപ്രസാദ്; തെരഞ്ഞെടുപ്പ് പ്രചാരണത്തിൽ സജീവം

Published

on

ആദർശ് മുക്കട

മുൻ പ്രധാനമന്ത്രിയും കോൺഗ്രസ് പ്രസ്ഥാനത്തിന്റെ പ്രധാനപ്പെട്ട നേതാക്കളിൽ ഒരാളുമായിരുന്ന ഇന്ദിരാ ഗാന്ധിയുമായി രൂപസാദൃശ്യമുള്ള അജിത ശിവപ്രസാദ് കേരളത്തിലെ വിവിധ മണ്ഡലങ്ങളിൽ തെരഞ്ഞെടുപ്പ് പ്രചാരണത്തിലെ കൗതുക കാഴ്ചയാണ്. എറണാകുളം വെണ്ണല സ്വദേശിയാണ് അജിത ശിവപ്രസാദ്. വർഷങ്ങൾക്ക് മുമ്പ് തന്നെ സാമൂഹിക മാധ്യമങ്ങളിൽ സജീവമായിരുന്നു അജിത. അങ്ങനെയിരിക്കെ ഒരു വഴിപാടിന്റെ ഭാഗമായി തിരുപ്പതി ക്ഷേത്രത്തിലെത്തി തല മുണ്ഡനം ചെയ്തിരുന്നു. അതിനുശേഷം ഇൻസ്റ്റഗ്രാമിലും മറ്റും റീലുകൾ പോസ്റ്റ് ചെയ്തപ്പോഴാണ് പലരും ഇന്ദിരാ ഗാന്ധിയുമായി രൂപസാദൃശ്യമുള്ള കാര്യം കമന്റുകളായി രേഖപ്പെടുത്തിയത്. ആദ്യമൊന്നും വലിയ കാര്യമായി എടുത്തില്ലെങ്കിലും പിന്നീട് കമന്റുകളുടെയും അത്തരം അഭിപ്രായങ്ങളുടെയും എണ്ണം വർദ്ധിച്ചുവന്നു. അങ്ങനെയിരിക്കെ ഒരിക്കൽ ഇന്ദിരാഗാന്ധി മുമ്പ് നടത്തിയ ഒരു പ്രസംഗം അജിത റീലായി സാമൂഹിക മാധ്യമങ്ങളിൽ പോസ്റ്റ് ചെയ്യുകയായിരുന്നു. ഈ വീഡിയോ വളരെ വേഗത്തിൽ വൈറൽ ആകുകയായിരുന്നു. മികച്ച പ്രതികരണങ്ങൾ വന്നതോടെ വീണ്ടും സമാനമായ റീലുകൾ വീണ്ടും ചെയ്തു. ചെറുപ്പം മുതൽക്കേ തനിക്ക് ഇന്ദിരാ ഗാന്ധിയെ ഇഷ്ടമായിരുന്നുവെന്നും പിന്നീട് കൂടുതൽ ശ്രമിച്ചെന്നും ഇപ്പോൾ ജീവനുതുല്യം ഇഷ്ടപ്പെടുന്നുവെന്നും അജിത പറയുന്നു.

Advertisement
1000x200 PX MALAYALI DCTR MDX-02-02
പ്രിയങ്ക ഗാന്ധിയ്ക്കൊപ്പം അജിത

‘ഞാൻ ജനിച്ചതും വളർന്നതും കോൺഗ്രസ് പശ്ചാത്തലമുള്ള ഒരു കുടുംബത്തിലാണ്. അതുകൊണ്ടുതന്നെ ചെറുപ്പം മുതൽക്കേ ഇന്ദിരാ ഗാന്ധിയെയും കോൺഗ്രസ് നേതാക്കളെയും ശ്രദ്ധാപൂർവ്വം വീക്ഷിച്ചിട്ടുണ്ട്. ഇന്ത്യയിൽ നിലനിന്നിരുന്ന ജനാധിപത്യത്തിനും മതേതരത്വത്തിനും ഇന്ന് മൂല്യച്യുതി സംഭവിച്ചിട്ടുണ്ട്. അത്തരം ആശയധാരകളെ മുറുകെപ്പിടിച്ച നേതാവായിരുന്നു ഇന്ദിരാഗാന്ധി. പ്രിയങ്ക ഗാന്ധിയെയും രാഹുൽ ഗാന്ധിയെയും കാണുവാൻ കഴിഞ്ഞ നിമിഷം എന്റെ ജീവിതത്തിലെ ഏറ്റവും വിലപ്പെട്ട ഒന്നായി കരുതുന്നു. ‘പ്രിയങ്ക ഗാന്ധിയെ കണ്ട നിമിഷം സന്തോഷം കൊണ്ട് സംസാരിക്കുവാൻ വാക്കുകൾ പോലും കിട്ടുന്നില്ലായിരുന്നു. പ്രിയങ്ക തന്നെ ചേർത്തുപിടിച്ച് തന്റെ മുടിയെ പറ്റി പറഞ്ഞത് വളരെ സന്തോഷം സമ്മാനിച്ചു. പാലക്കാട് വച്ച് രാഹുൽഗാന്ധിയെ കണ്ടപ്പോഴും സമാനമായ അനുഭവം തന്നെയാണ് ഉണ്ടായത്. ലോക്സഭ തെരഞ്ഞെടുപ്പ് പ്രചാരണം അവസാന ഘട്ടത്തിലേക്ക് നീങ്ങുമ്പോൾ സ്ഥാനാർത്ഥികൾക്ക് വേണ്ടി സജീവമാണ് അജിത. കഴിഞ്ഞ ദിവസങ്ങളിൽ പാലക്കാട് മണ്ഡലത്തിൽ യുഡിഎഫ് സ്ഥാനാർഥി വി കെ ശ്രീകണ്ഠനുവേണ്ടിയും പത്തനംതിട്ടയിൽ യുഡിഎഫ് സ്ഥാനാർഥി ആന്റോ ആന്റണിക്ക് വേണ്ടിയും അജിത പ്രചാരണ പരിപാടികളിൽ പങ്കെടുത്തിരുന്നു. ഭർത്താവ് ശിവപ്രസാദിന്റെയും മക്കളായ ആദിത്തിന്റെയും അർജുന്റെയും നിറഞ്ഞ പ്രോത്സാഹനത്തെ പറ്റിയും അജിത പറയുന്നു.

രാഹുൽ ഗാന്ധിയ്ക്കൊപ്പം അജിത
Continue Reading

Featured

സൈബർ ആക്രമണം: മലക്കം മറിഞ്ഞ് കെ കെ ശൈലജ

Published

on

വടകര: സൈബർ ആക്രമണ ആരോപണത്തിൽ മലക്കം മറിഞ്ഞ് സിപിഎം നേതാവും വടകര എൽഡിഎഫ് സ്ഥാനാർത്ഥിയുമായ കെ കെ ശൈലജ. യുഡിഎഫ് സ്ഥാനാർഥി ഷാഫി പറമ്പിലിന്റെ അറിവോടെ തന്റെ ചിത്രം ചേർത്തുള്ള വീഡിയോ ദൃശ്യങ്ങൾ വ്യാപകമായി യുഡിഎഫ് പ്രവർത്തകർ പ്രചരിപ്പിക്കുന്നു എന്നതായിരുന്നു കെ കെ ശൈലജയുടെ ആദ്യ ആരോപണം. എന്നാൽ ഇപ്പോൾ അത്തരത്തിൽ വീഡിയോ ദൃശ്യങ്ങൾ ഉള്ളതായി താൻ പറഞ്ഞിട്ടില്ല എന്നാണ് ശൈലജ പറഞ്ഞിരിക്കുന്നത്.

Continue Reading

Featured

സൈബർ കുറ്റകൃത്യങ്ങൾക്ക എതിരെ നടപടി വേണം: കെ കെ രമ എംഎൽഎ

Published

on

കുറ്റ്യാടി: വടകര മണ്ഡലത്തിലെ യു ഡി എഫ് സ്ഥാനാർഥി ഷാഫി പറമ്പിലിനും യു ഡി എഫിന്റെ വനിതനേതാക്കൾക്കും എതിരെ സി പി എം നടത്തുന്ന നീചമായ പ്രചാരണങ്ങൾക്ക് എതിരെ ശക്തമായ നടപടി സ്വീ കരി ക്കണമെന്ന് കെ കെ രമ എം എൽ എ ആവശ്യപ്പെട്ടു. ഇടതു സൈബർ പ്രചാർണം സകല മര്യാദകളും ലംഘിക്കുകയാണ്. വ്യാജ വീഡിയോകൾ നിർമിച്ചും പൊതുമണ്ഡലത്തിൽ അസഭ്യം പറഞ്ഞും അവർ വിലസുകയാണ്. അവർക്കെതിരെ നൽകുന്ന പരാതികൾ പോലീസ് പരിഗണിക്കുന്നേ ഇല്ല. ഇവർക്കെതിരെ വിധിയെഴുതാൻ ഈ തെരഞ്ഞെടുപ്പിനെ ഉപയോഗിക്കണമെന്നും കെകെ രമ ആവശ്യപ്പെട്ടു. കുറ്റ്യാടി പഞ്ചായത്ത്‌ 79ആം ബൂത്ത്‌ യു ഡി എഫ് കുടുംബസംഗമം ഉദ്ഘാടനം ചെയ്തു സംസാരിക്കുക ആയിരുന്നു അവർ. സി വി മൊയ്‌തു മാസ്റ്റർ അധ്യക്ഷം വഹിച്ചു. തിരുവള്ളൂർ പഞ്ചായത്ത്‌ പ്രസിഡന്റ്‌ പ്രസിഡന്റ്‌ സബിത മണക്കുനി, വി പി മൊയ്‌തു, എ കെ വിജീഷ്, എ സി മജീദ്. കെ പി മജീദ്. പി പി ആലിക്കുട്ടി, ടി എം അമ്മദ്, കെ സി നൗഷാദ്, പി സുബൈർ, സന്ധ്യ കരണ്ടോട്, എസ് ജെ സജീവ് കുമാർ തുടങ്ങിയവർ സംസാരിച്ചു.

Continue Reading

Featured