Connect with us
,KIJU

Featured

നെഹ്റു- ​ഗാന്ധി കുടുംബത്തെ നിരന്തരം
അധിക്ഷേപിക്കുന്നവർക്ക് എന്ത് ശിക്ഷ?

Avatar

Published

on

“​ഗുജറാത്ത് ഹൈക്കോടതിയിൽ നിന്നും സെഷൻസ് കോടതിയിൽ നിന്നും മജിസ്ട്രേട്ട് കോടതിയിൽ നിന്നും ഗുജറാത്തിൽ നിന്നു പൊതുവിലും ഞങ്ങൾക്ക് ലഭിച്ച നിയമശാസ്ത്രം അതുല്യമാണ്, കാരണം അപകീർത്തി നിയമത്തിന്റെ നിയമശാസ്ത്രത്തിൽ ഇതിന് സമാന്തരമോ മുൻവിധിയോ ഇല്ല,” രാഹുൽ ​ഗാന്ധിക്കെതിരായ മാനനഷ്ടക്കേസിൽ സ്റ്റേ അനുവദിക്കാതിരുന്ന ​ഗുജറാത്ത് ഹൈക്കോടതി വിധിയോട്, രാഹുൽ ​ഗാന്ധിക്കു വേണ്ടി ഹാജരായ. പ്രമുഖ അഭിഭാഷകൻ അഭിഷേക് സിംഗ്‌വി പറഞ്ഞ വാക്കുകളാണിത്. പക്ഷേ, ഇന്ത്യയുടെ നീതി ന്യായ സംവിധാനങ്ങളിൽ പൂർണ വിശ്വാസമുണ്ടെന്നു പറഞ്ഞ് സിം​ഗ്‌വി, തങ്ങൾ ഉടൻ സുപ്രീം കോടയിൽ പോകുമെന്നും അവിടെ നീതി ലഭിക്കുമെന്നും അറിയിച്ചു.

അഭിഷേക് സിംഗ്‌വി


സുപ്രീം കോടതിയിൽ രാഹുൽ ​ഗാന്ധിക്കു നീതി കിട്ടിയേക്കാം. അപ്പോഴും അദ്ദേഹം കുറ്റവിമുക്തനായി മടങ്ങിയെത്താതിരിക്കാനുള്ള കരുക്കൾ ആർഎസ്എസ്- സംഘപരിവാര സംഘങ്ങൾ നീക്കിത്തുടങ്ങി.

പൂന, താനെ, ഹരിദ്വാർ, റാഞ്ചി, പറ്റ്ന, അഹമ്മദാബാദ്, മുംബൈ, ​ഗോഹട്ടി, ഭിവാണ്ഡി എന്നിവിടങ്ങളിലെ 12 കോടതികളിൽ രാഹുൽ ​ഗാന്ധിക്കെതിരേ സമാനമായ ക്രിമിനൽ കേസുകൾ നൽകി കാത്തിരിക്കയാണ്. എല്ലായിടത്തും ഹർജി ഫയൽ ചെയ്തിരിക്കുന്നത് ബിജെപിയുടെയോ ആർഎസ്എസിന്റെയോ പ്രവർത്തകരാണ്. എല്ലാ കള്ളന്മാർക്കും മോദി എന്ന് പൊതുവായി പേര് വന്നത് എങ്ങനെ എന്ന രാഹുലിന്റെ ഒരു പരാമർശമാണ് ഈ കേസിനെല്ലാം ആധാരം.

Advertisement
inner ad
പൂർണേഷ് മോദി

ഈ പരാമർശവുമായി പരാതിക്കാരനായ പൂർണേഷ് മോദിക്ക് ഒരു ബന്ധവുമില്ല. ഇന്ത്യയിലെ ധനകാര്യ സ്ഥാപനങ്ങളെ കബളിപ്പിച്ച് 12,000 കോടി രൂപ അപഹരിച്ച നീരവ് മോദിയെക്കുറിച്ചായിരുന്നു രാഹുൽ പറഞ്ഞത്. അതും നേരിട്ടല്ല പരോക്ഷമായി. ഈ പരാമർശത്തിൽ മാന നഷ്ടമുണ്ടെങ്കിൽ അത് നീരവ് മോദിക്കാണ്. അദ്ദേഹമിപ്പോഴും വിദേശത്ത് ജയിലിലാണ്.
രാജ്യത്തെ മുച്ചൂടും കട്ടുമുടിക്കുന്നവർക്കു കുടപിടിക്കുകയാണ് പ്രധാനമന്ത്രി നരേന്ദ്ര മോദിയെന്നായിരുന്നു പരാമർശത്തിന്റെ അർഥം.
അതു കേട്ടു പൊള്ളിയത് പൂർണേഷ് മോ​ദിക്കല്ല, സാക്ഷാൽ നരേന്ദ്ര മോദിക്കായിരുന്നു. തുടക്കത്തിൽ മോദി അതത്ര കാര്യമാക്കിയതുമില്ല. അതുകൊണ്ടാണ് മജിസ്ട്രേട്ട് കോടതിയിലെ കേസ് ആദ്യം ആരും ശ്രദ്ധിക്കാതെ പോയത്. ഈ കേസ് കോടതികളിൽ നിലനിൽക്കില്ലെന്നിരിക്കെ, ആദ്യത്തെ മജിസ്ട്രേട്ടും പരാതിക്കാരനുമൊക്കെ പിന്മാറിയിരുന്നു.


ഭാരത് ജോഡോ പദയാത്രയിലുടനീളം രാഹുൽ മോദി വിരുദ്ധ പ്രചാരണം നടത്തി. ലക്ഷോപലക്ഷം ഇന്ത്യക്കാർ അതേറ്റുപിടിച്ചു. ഭാരത് ജോ‍ഡോ പദയാത്രയിലൂടെ കരുത്തനായ രാഹുൽ ​ഗാന്ധി ചില്ലറക്കാനല്ലെന്ന് മോദി മനസിലാക്കാൻ തുടങ്ങി. പിന്നാലെ ഹിമാചൽ പ്രദേശിലും കർണാടകത്തിലും ഭരണം നഷ്ടപ്പെടുക കൂടി ചെയ്തപ്പോൾ ബിജെപിയും നരേന്ദ്ര മോദിയും ഭയന്നു വിറച്ചു. കാൽച്ചുവട്ടിലെ മണ്ണ് ഒലിച്ചു പോകുന്നത് അവർ വ്യക്തമായി മനസിലാക്കി. പെട്ടെന്നാണ് പൂർണേഷ് മോദിയുടെ കേസിനു ബലം വച്ചത്. കേസിൽ അനുകൂലമായ വിധി പറയുമെന്ന് ഉറപ്പുള്ള ഒരാളെ പുതിയ മജിസ്ട്രേട്ടാക്കി നിയമിച്ചു. വിചാരണ വേ​ഗത്തിൽ പൂർത്തിയാക്കി രാഹുൽ ​ഗാന്ധിക്കു പരമാവധി ശിക്ഷ വാങ്ങിക്കൊടുത്തു.


വിശ്വാസ്യതയുടെ തരിമ്പ് പോലുമില്ലാത്ത ഈ ശിക്ഷാ വിധിക്കു തൊട്ടു പിന്നാലെ രാഹുൽ ​ഗാന്ധിയുടെ ലോക്സഭാം​ഗത്വം റദ്ദാക്കി ഔദ്യോ​ഗിക വസതി ഒഴിപ്പിച്ചു. ഇനിയെങ്കിലും രാഹുൽ നിശബ്ദനാകുമെന്നു കരുതിയ നരേന്ദ്ര മോദിക്കു പിഴച്ചു. പിന്നീട് കൂടുതൽ കരുത്തനായ രാഹുൽ ​ഗാന്ധിയെയാണ് അദ്ദേഹം കണ്ടത്. എങ്കിൽപ്പിന്നെ ഉന്മൂലനം എന്ന വജ്രായുധം തന്നെ പുറത്തെടുത്തിരിക്കയാണ് മോദി. രാഹുലിനെ എന്നേക്കുമായി ജയിലിലടയ്ക്കുകയെന്ന ഒരിക്കലും നടക്കാത്ത പൂതി. അതാണു തുടരെയുള്ള കേസുകൾ.
സമാനമായൊരു കേസ് ഓർമ വരുന്നു.
1922 മാർച്ച് 18.
ബ്രിട്ടീഷ് ഭരണകൂടം ഇന്ത്യയിൽ നടത്തുന്ന കൊള്ളയ്ക്കും നെറികേടുകൾക്കുമെതിരേ ​ഗാന്ധി​ജിയുടെ പത്രാധിപത്യത്തിലുള്ള യം​ഗ് ഇന്ത്യയിൽ പ്രസിദ്ധപ്പെടുത്തിയ മൂന്നു ലേഖനങ്ങൾ ദേശദ്രോഹമെന്നു പറഞ്ഞുള്ള വിചാരണ പഴയ ​ഗുജറാത്തിലെ അഹമ്മദാബാദ് ഡിസ്ട്രിക്റ്റ് ആൻഡ് സെഷൻസ് കോടതിയിൽ പുരോ​ഗമിക്കുന്നു.
ന്യായാധിപന്റെ കസേരയിലിരിക്കുന്നത് ആർ.എസ്. ബ്രൂംഫീൽഡ്. പ്രതിക്കൂട്ടിൽ രണ്ടു പേർ. ഒന്ന് മോഹൻ ദാസ് കരം ചന്ദ് ​ഗാന്ധി- യം​ഗ് ഇന്ത്യ പത്രാധിപർ. രണ്ടാമൻ എസ്.ജി ബങ്കർ- യം​ഗ് ഇന്ത്യ പ്രസാധകൻ.
ജഡ്ജി: നിങ്ങൾ കുറ്റം ചെയ്തതായി തെളിഞ്ഞിരിക്കുന്നു. നിങ്ങളുടെ അഭിപ്രായം എന്താണ്?
​ഗാന്ധി: ഞാൻ ബ്രിട്ടീഷ് രാജാവിന് എതിരല്ല. രാജാവ് ഏർപ്പെടുത്തിയിരിക്കുന്ന സർക്കാരിനും എതിരല്ല. പക്ഷേ, അവർ ചെയ്യുന്ന കൊള്ളരുതായ്മകളെയാണ് എതിർക്കുന്നത്. അവർ ഇന്ത്യയെ കൊള്ളയടിക്കുകയാണ്. അത് അനുവദിക്കില്ല.
കോ‌ടതി: നിങ്ങൾ ഭരണകൂടത്തിനെതിരാണെന്ന് ആവർത്തിക്കുന്നു. അതിനാൽ നിങ്ങളെ ശിക്ഷിക്കുന്നു.
​ഗാന്ധി: ഞാൻ എന്റെ കടമയാണ് നിർവഹിക്കുന്നത്. അതിനെയാണ് നിങ്ങൾ ശിക്ഷിക്കുന്നത്.
​ഗാന്ധിജിയെയും ബങ്കറെയും കോടതി ശിക്ഷിച്ചു. പക്ഷേ, മഹാവിചാരണ എന്നു പ്രസിദ്ധമായ ഈ കേസിൽ ​ഗാന്ധിജി കൂടുതൽ കരുത്തനായി. ബ്രിട്ടീഷ് ഭരണകൂടത്തെ കെട്ടുകെട്ടിക്കാനുള്ള മഹാപ്രയാണത്തിന് അതു കരുത്തായി. പിന്നെയും എത്രയോ തവണ ​ഗാന്ധിജിയെ ബ്രിട്ടീഷുകാർ ജെയിലിടച്ചു. പക്ഷേ, കഷ്ടിച്ച് 25 വർഷം കൂടി മാത്രമേ അവർക്ക് ഈ രാജ്യത്തെ കൊള്ളയടിക്കാൻ കഴിഞ്ഞൂള്ളൂ. സൂര്യനസ്തിമിക്കാത്ത സാമ്രാജ്യത്വ ശക്തികളെ ഉണ്ണാവ്രതം കൊണ്ടും സഹന സമരം കൊണ്ടും ​ഗാന്ധിജി കെട്ടുകെട്ടിച്ചു.

2023ലും ​ഗുജറാത്തിലെ മജിസ്ട്രേട്ടു കോടതിയുടെയും സെഷൻസ് കോടതിയുടെയും ഹൈക്കോടതിയുടെയും ന്യായാസനങ്ങളിലിരിക്കുന്നവർ അതേ വിധിന്യായങ്ങൾ ആവർത്തിക്കുന്നു, അവരോട് പ്രതിക്കൂട്ടിൽ നിന്ന് രാഹുൽ ​ഗാന്ധിയും ഉറക്കെ വിളിച്ചു പറയുന്നു: ഇല്ല ഞാൻ രാജ്യദ്രോഹക്കുറ്റം ചെയ്തിട്ടില്ല. ഞാൻ ജനങ്ങളോടു സത്യങ്ങൾ വിളിച്ചു പറയുന്നതേയുള്ളൂ.. അതെന്റെ കടമയാണ്. ആ കടമയെയാണ് നിങ്ങൾ ശിക്ഷിക്കുന്നത്!

Advertisement
inner ad

നെഹ്റു കുടംബത്തെയും അതിന്റെ സന്തതി പരമ്പരകളെയും നിരന്തരം അപമാനിച്ചും അപകീർത്തിപ്പെടുത്തിയുമല്ലേ, നരേന്ദ്ര മോദിയും ബിജെപിയും അധികാരത്തിലെത്തിയത്? അതിന്റെ പേരിൽ നരേന്ദ്ര മോദിക്കും അതിന്റെ അസഖ്യം എംപിമാർക്കും എംഎൽഎമാർക്കും എതിരേ ഏതെങ്കിലും കോൺ​ഗ്രസുകാരന് പരാതി നൽകാം. അങ്ങനെയൊരു പരാതി ഫയലിൽ സ്വീകരിച്ച് ഇവർക്കാർക്കെങ്കിലും പരമാവധി ശിക്ഷ നൽകി അധികാരത്തിനു പുറത്തിരുത്തുമോ, ഏതെങ്കിലും ഒരു കോടതി? ഒരിക്കലുമില്ല. കാരണം നമ്മുടെ നീതി ന്യായ സംവിധാനങ്ങൾ അമിതമായ രാഷ്ട്രീയ വിധേയത്വം കാണിച്ചു തുടങ്ങിയിരിക്കുന്നു. അധികാരകേന്ദ്രങ്ങൾ അവയെ അത്രമാത്രം സ്വാധീനവലയത്തിലാക്കിയിരിക്കുന്നു. അതാണ് അഭിഷേക് സം​ഗ്‌വിയെപ്പോലുള്ള നിയമ വിദ​ഗ്ധർ ജനങ്ങൾക്കു മുന്നിൽ തുറന്നു കാണിക്കുന്നത്.


​ഗുജറാത്ത് ഹൈക്കോടതി വിധിയോട് എഐസിസി ജനറൽ സെക്രട്ടറി കെ.സി. വേണു​ഗോപാലിന്റെ പ്രതികരണവും ശ്രദ്ധേയം. ഏതു കോടതി ശിക്ഷിച്ചാലും രാഹുൽ ​ഗാന്ധിയെ നിശബ്ദനാക്കാനോ നിർവീര്യനാക്കാനോ ആർക്കും കഴിയില്ല. അദ്ദേഹം പോരാട്ടം തുടരുക തന്നെ ചെയ്യും. കോടതി വിധി ഒരിക്കലും രാഹുലിനോ കോൺ​ഗ്രസിനോ തിരിച്ചടിയല്ല. പുതിയ അവസരമാണ്. രാഷ്‌ട്രീയത്തിൽ ജനകീയ കോടതിയുടേതാണ് അന്തിമ വിധി. അത് രാഹുൽ ​ഗാന്ധിക്ക് അനുകൂലമാവുമെന്ന കാര്യത്തിൽ ഒരു തർക്കവുമില്ല.

Advertisement
inner ad
Continue Reading
Advertisement
inner ad
Click to comment

You must be logged in to post a comment Login

Leave a Reply

Delhi

തൃണമൂൽ എംപി മഹുവ മൊയ്ത്രയെ ലോക്സഭയിൽ നിന്ന് പുറത്താക്കി

Published

on

ന്യൂഡൽഹി: തൃണമൂൽ കോൺഗ്രസ് എംപി മഹുവ മൊയ്ത്രയെ ലോക്സഭയിൽ നിന്ന് പുറത്താക്കി. മഹുവ മൊയ്ത്രയ്‍ക്കെതിരായ എത്തിക്സ് കമ്മറ്റി റിപ്പോർട്ട് ലോക്സഭയിൽ ചർച്ചയ്ക്ക് വച്ച ശേഷമായിരുന്നു പുറത്താക്കൽ. ചോദ്യത്തിന് പണം വാങ്ങിയെന്ന ആരോപണത്തിന്റെ അടിസ്ഥാനത്തിൽ മഹുവയെ പാർലമെന്‍റിൽ നിന്ന് നീക്കണമെന്നാണ് റിപ്പോർട്ട് ശുപാർശ ചെയ്യുന്നത്. എന്നാൽ മഹുവ മൊയ്ത്രയെ പുറത്താക്കാൻ ലോകസഭയ്ക്ക് അധികാരമില്ലെന്ന് കോണ്‍ഗ്രസ് ഉൾപ്പെടെയുള്ള പ്രതിപക്ഷ കക്ഷികൾ വാദിച്ചെങ്കിലും സ്പീക്കര്‍ ഓം ബിര്‍ള അംഗീകരിച്ചില്ല. ഏഴ് മിനിറ്റെങ്കിലും സംസാരിക്കാൻ മഹുവയെ അനുവധിക്കണമെന്ന തൃണമൂല്‍ കോണ്‍ഗ്രസിന്‍റെ ആവശ്യവും സ്പീക്കര്‍ അംഗീകരിച്ചില്ല. വോട്ടെടുപ്പ് ബഹിഷ്കരിച്ച് പ്രതിപക്ഷം സഭ വിട്ടതോടെ ലോക്സഭ തിങ്കളാഴ്ചത്തേക്ക് പിരിഞ്ഞു.

Continue Reading

Featured

മുഖ്യമന്ത്രിയെയും മകളെയും ഇഡിക്കു പേടി: സതീശൻ

Published

on

കൊച്ചി: മുഖ്യമന്ത്രിയുടെ മകൾ വീണാ വിജയന്റെ കമ്പനിയിലേക്ക് സി.എം.ആർ.എൽ കോടിക്കണക്കിന് രൂപ നൽകിയത് കള്ളപ്പണം വെളുപ്പിക്കലാണെന്ന് പ്രതിപക്ഷ നേതാവ് വി.ഡി. സതീശൻ. കള്ളപ്പണം അലക്കി വെളുപ്പിച്ച കേസിൽ എന്തുകൊണ്ടാണ് ഇഡി ഇടപെടാത്തതെന്നും അദ്ദേഹം വാർത്താ സമ്മേളനത്തിൽ ചോദിച്ചു. ബിജെപിയുമായി പിണറായി രഹസ്യബന്ധം ഉണ്ടാക്കിയതു കൊണ്ടാണ് 38 തവണയും ലാവലിൻ കേസ് മാറ്റിവച്ചത്. മാസപ്പടിയെ കുറിച്ച് മാധ്യമങ്ങൾ ചോദിച്ചപ്പോൾ മുഖ്യമന്ത്രിക്ക് ഇഷ്ടപ്പെട്ടില്ല. കോൺഗ്രസ് മുഖ്യമന്ത്രിമാർക്കെതിരെ അന്വേഷണം നടത്തുന്ന ഇ.ഡി പിണറായി വിജയനെതിരെ അന്വേഷണം നടത്താത്തത് എന്തുകൊണ്ടാണ്? കള്ളപ്പണം വെളുപ്പിച്ചെന്ന് ഇൻകം ടാക്‌സിന്റെ ക്വാസി ജുഡീഷ്യൽ ബോഡി പരസ്യമായി പറഞ്ഞിട്ടും ഇ.ഡി അന്വേഷിച്ചില്ല. ബി.ജെ.പിയുമായി ധാരണയുള്ളത് കൊണ്ടാണ് അന്വേഷിക്കാത്തതെന്നും സതീശൻ കുറ്റപ്പെടുത്തി.

സമാധാനപരമായി പ്രതിഷേധിച്ച യൂത്ത് കോൺഗ്രസ്- കെ.എസ്.യു പ്രവർത്തകരെ ആലുവയിലും അങ്കമാലിയിലും ഡി.വൈ.എഫ്.ഐ – സി.പി.എം ക്രിമിനലുകൾ ക്രൂരമായി മർദ്ദിച്ചു. നവകേരള സദസിനെതിരെ പച്ചക്കറി കടയിൽ ഇരുന്ന് അഭിപ്രായം പറഞ്ഞ 72 വയസുകാരനെ സി.ഐ.ടി.യു ക്രിമിനൽ സംഘം ആക്രമിച്ചു. ചായക്കടകളിലും പച്ചക്കറി കടകളിലും ഹോട്ടലുകളിലുമൊക്കെ രാഷ്ട്രീയം പറയുന്നത് കേരളത്തിൽ പതിറ്റാണ്ടുകളായി നിലനിൽക്കുന്ന രീതിയാണ്. കടയിൽ നിന്ന് പോലും മുഖ്യമന്ത്രിക്കും നവകേരള സദസിനും എതിരെ അഭിപ്രായം പറയാൻ പാടില്ലെന്നാണ് പുതിയ രീതി. ക്രിമിനൽ പ്രവർത്തനങ്ങളെ രക്ഷാപ്രവർത്തനമെന്ന് ഓമനപ്പേരിട്ട് വിളിച്ച മുഖ്യമന്ത്രിയാണ് എല്ലാ അക്രമങ്ങൾക്കും കാരണം. സമാധാനപരമായി പ്രതിഷേധിക്കാൻ പാടില്ലാത്ത സംസ്ഥാനമായി കേരളം മാറി. എഴുത്തുകാരനായ സഖറിയ പറഞ്ഞതു പോലെ ഇനി കേരളത്തിലെ കറുത്ത കുടയുടെ ഭാവി എന്താകുമെന്ന് പരിശോധിക്കേണ്ട അവസ്ഥയിലാണ് എത്തിനിൽക്കുന്നത്.

Advertisement
inner ad

പരസ്യമായി കലാപ ആഹ്വാനം നടത്തിയ ആദ്യത്തെ മുഖ്യമന്ത്രിയാണ് പിണറായി വിജയൻ. നവകേരള സദസ് പ്രതിപക്ഷം ബഹിഷ്‌ക്കരിക്കുന്നു എന്നതാണ് മുഖ്യമന്ത്രിയുടെ പരാതി. ഈ അശ്ലീല നാടകത്തിൽ ഞങ്ങൾ പങ്കാളികളായിരുന്നെങ്കിൽ ജനങ്ങൾ ഞങ്ങളെ പുച്ഛിച്ച് തള്ളുമായിരുന്നു. പ്രതിപക്ഷം ചോദിച്ച ചോദ്യങ്ങൾക്കൊന്നും ഇതുവരെ മുഖ്യമന്ത്രി മറുപടി നൽകിയിട്ടില്ല.

മുഖ്യമന്ത്രിയും മന്ത്രിമാരും 44 ദിവസം ഭരണസിരാ കേന്ദ്രത്തിൽ നിന്നും എന്തിനാണ് മാറി നിൽക്കുന്നത്? ബജറ്റിന്റെ പ്രാരംഭ ചർച്ച നടത്തേണ്ട സമയത്ത് ധനമന്ത്രിയോ പോലും തിരുവനന്തപുരത്തേക്ക് വിടുന്നില്ല. മുഖ്യമന്ത്രിയും മന്ത്രിമാരും പറവൂരിൽ പ്രതിപക്ഷ നേതാവിനും പ്രതിപക്ഷത്തിനും എതിരെ രൂക്ഷമായ ആക്രമണമാണ് നടത്തിയത്. ജനങ്ങളുടെ ചെലവിൽ രാഷ്ട്രീയം പറയാനുള്ള വേദിയായി മുഖ്യമന്ത്രിയും മന്ത്രിമാരും നവകേരള സദസിനെ പ്രയോജനപ്പെടുത്തുകയാണ്. ഇത് എങ്ങനെ സർക്കാരിന്റെ സദസാകും? നാട്ടുകാരുടെ ചെലവിലല്ല രാഷ്ട്രീയ പ്രവർത്തനം നടത്തേണ്ടത്. പറവൂരിലെ എല്ലാ കടകളിലും വൈദ്യുത അലങ്കാരം നടത്തണമെന്ന് ലേബർ വകുപ്പ് ഉദ്യോഗസ്ഥർ ആവശ്യപ്പെട്ടു. ജി.എസ്.ടി ഉദ്യോഗസ്ഥരാണ് പണപ്പിരിവിന് ഇറങ്ങിയിരിക്കുന്നത്. എന്നിട്ടും നാട്ടുകാരുടെ ചെലവിൽ നടത്തുന്ന പരിപാടിയിലാണ് മുഖ്യമന്ത്രിയും മന്ത്രിമാരും പ്രതിപക്ഷത്തെ വിമർശിക്കുന്നത്.

Advertisement
inner ad

യു.ഡി.എഫ് തീരുമാനം ആര് പറയണമെന്ന് ഞങ്ങൾ തീരുമാനിച്ചോളാം. മുഖ്യമന്ത്രിയോട് ചോദിച്ചിട്ടല്ല യു.ഡി.എഫ് അഭിപ്രായം പറയുന്നത്. എൽ.ഡി.എഫിലേതു പോലെ വിദൂഷകൻമാരുടെ സദസല്ല യു.ഡി.എഫ്. വിദൂഷകാരുടെയും വിധേയരുടെയും രാജസദസാണ് പിണറായിയുടെ രാജസദസ്. മുഖ്യമന്ത്രിയുടെ മുഖത്ത് നോക്കി അഭിപ്രായം പറയാനുള്ള ധൈര്യം ഏതെങ്കിലും മന്ത്രിമാർക്കുണ്ടോ? വിധേയരുടെ സംഘമാണ് പിണറായിയുടെ മന്ത്രിസഭ. കോൺഗ്രസിൽ രാജക്കൻമാരും വിദൂഷകരുമില്ല. യു.ഡി.എഫിന്റെ അഭിപ്രായം ആര് പറയണമെന്ന് മുഖ്യമന്ത്രി തീരുമാനിക്കേണ്ട. പിണറായി വിജയനാണ് കോൺഗ്രസിൽ ജനാധിപത്യം ഇല്ലെന്ന് പറയുന്നത്. എന്തൊരു ജനാധിപത്യമാണ് സി.പി.എമ്മിൽ. മന്ത്രിസഭയിലും പാർട്ടിയിലും പോക്കറ്റിൽ നിന്നും പേപ്പർ എടുത്ത് ഇതാണ് തീരുമാനം എന്ന് പറഞ്ഞ് മറ്റുള്ളവരെ ഭയപ്പെടുത്തി അനുസരിപ്പിക്കുന്ന ആളാണ് പിണറായി വിജയൻ. ഞങ്ങൾക്കിടയിൽ കുത്തിത്തിരിപ്പ് നടത്താൻ പിണറായി വരേണ്ട. പാർട്ടി സെക്രട്ടറിയായിരുന്നപ്പോൾ മുഖ്യമന്ത്രിയായിരുന്ന അച്യുതാനന്ദനെതിരെ കുത്തിത്തിരിപ്പ് നടത്തിയ പാരമ്പര്യമുള്ള ആളാണ് പിണറായി വിജയൻ. പഴയ കഥകളൊന്നും ഞങ്ങളെക്കൊണ്ട് പറയിപ്പിക്കേണ്ട.

പറവൂരിൽ വികസന മുരടിപ്പാണെന്നാണ് മന്ത്രി സജി ചെറിയാൻ പറഞ്ഞത്. വായ പോയ കോടാലിയാണ് സജി ചെറിയാൻ. ഗോൾവാൾക്കറിന്റെ ബെഞ്ച് ഓഫ് തോട്ട്‌സിന് സമാനമായ അഭിപ്രായം പറഞ്ഞ് മന്ത്രി സ്ഥാനം പോയ ആളാണ്. കേരളത്തിൽ കൃഷി ചെയ്തില്ലെങ്കിലും ഒരു കുഴപ്പവുമില്ലെന്നും തമിഴ്‌നാട്ടിൽ നിന്നും ആന്ധ്രയിൽ നിന്നും അരി വരുമെന്നും പറഞ്ഞ ആളാണ്. കർഷകരുടെയും കർഷക തൊഴിലാളികളുടെ പാർട്ടിയാണെന്ന് പറയുന്നവർ ഇതുപോലുള്ള ആളുകളെ എങ്ങനെയാണ് ചുമന്നുകൊണ്ട് നടക്കുന്നത്. പ്രതിപക്ഷ നേതാവ് എറണാകുളം ജില്ലയ്ക്ക് അപമാനമാണെന്നാണ് ഉന്നതവിദ്യാഭ്യാസ മന്ത്രി പറഞ്ഞത്. കണ്ണൂർ വി.സി നിയമനത്തിൽ ഇടപെട്ടെന്ന സുപ്രീം കോടതി വിധി കഴുത്തിൽ ആഭരണമായി കൊണ്ടു നടക്കുന്ന ആളാണ് ഈ മന്ത്രി. രാജി വച്ച് പുറത്ത് പോകണമെന്ന് ആവശ്യപ്പെട്ടതിന്റെ ദേഷ്യമാണ് അവർ പറവൂരിൽ തീർത്തത്. ഞാൻ എറണാകുളത്തിന് അപമാനമാണോയെന്ന് ജനങ്ങൾ തീരുമാനിക്കും. മന്ത്രിക്ക് വായിൽക്കൊള്ളുന്ന വർത്തമാനം പറഞ്ഞാൽ പോരെ. മന്ത്രി സ്ഥാനം പോലും നഷ്ടപ്പെടുന്ന ഘട്ടത്തിലാണ് ആ മന്ത്രി നിൽക്കുന്നത്. ഉന്നതവിദ്യാഭ്യാസ രംഗത്തെ തകർത്ത് തരിപ്പണമാക്കി. കേരള ചരിത്രത്തിലെ ഏറ്റവും പരിതാപകരമായ അവസ്ഥയിലാണ് ഉന്നതവിദ്യാഭ്യാസ രംഗം. തീരദേശ സദസ് നടത്തി വാങ്ങിയ പരാതികളിൽ മന്ത്രി സജി ചെറിയാൻ എന്തെങ്കിലും നടപടി എടുത്തോ? മന്ത്രിമാർ നടത്തിയ തലൂക്ക് അദാലത്തിൽ ലഭിച്ച ലക്ഷക്കണക്കിന് പരാതികൾ തുറന്നു പോലും നോക്കിയില്ല. എന്നിട്ടാണ് 11 ലക്ഷം പരാതികൾ ലഭിച്ചെന്ന് മുഖ്യമന്ത്രി അഭിമാനത്തോടെ പറയുന്നത്. സർക്കാർ ദയനീയ സ്ഥിതിയിൽ ആയതുകൊണ്ടാണ് ഇത്രയും പരാതികൾ കിട്ടുന്നത്. ഒരു പരാതിക്കും പരിഹാരമില്ല. നെല്ല് സംഭരണത്തിന്റെ പണം ഇതുവരെ നൽകിയിട്ടില്ല. നാളികേര സംഭരണം പോലും നടപ്പാക്കാൻ പറ്റാത്ത കൃഷിമന്ത്രിയാണ് പ്രതിപക്ഷത്തെ വിമർശിക്കുന്നത്. ഭരണം തോന്നിയ പോലെയാണ് നടക്കുന്നത്.

Advertisement
inner ad

മെഡിക്കൽ വിദ്യാർത്ഥിനിയുടെ ആത്മഹത്യയിൽ ആദ്യ ദിവസം പൊലീസ് ആത്മഹത്യ കുറിപ്പ് ഉൾപ്പെടെ മറച്ചുവച്ചു. രണ്ടാമത്തെ ദിവസമാണ് ആത്മഹത്യാ കുറിപ്പിന്റെ അടിസ്ഥാനത്തിൽ കേസെടുത്തത്. 24 മണിക്കൂർ പ്രതിയായ ഡോക്ടറെ രക്ഷപ്പെടുത്താൻ ശ്രമിച്ചു. കുട്ടിയെ തട്ടിക്കൊണ്ട് പോയ കേസിലെ ദുരൂഹതയും ഇതുവരെ മാറിയിട്ടില്ല. എ.ഡി.ജി.പി പറഞ്ഞതെല്ലാം പരസ്പരവിരുദ്ധമാണ്. ആരെയൊക്കെയോ രക്ഷിക്കാനുള്ള ശ്രമമാണ് ഈ രണ്ടു കേസിലും പൊലീസ് നടത്തുന്നത്. പൊലീസും വകുപ്പുകളുമൊക്കെ തോന്നിയ വഴിക്ക് പോകുകയാണ്. വിധേയരുടെ സംഘമാണ് കേരളത്തിലെ മന്ത്രിസഭ.

നവകേരള സദസിൽ യു.ഡി.എഫ് എം.എൽ.എമാർ പങ്കെടുത്തിരുന്നെങ്കിൽ അഭിപ്രായം പറയാമായിരുന്നല്ലോയെന്നാണ് മുഖ്യമന്ത്രി പറഞ്ഞത്. എൽ.ഡി.എഫ് എം.എൽ.എമാരുടെ അഭിപ്രായം കേൾക്കാൻ തയാറാകാത്ത മുഖ്യമന്ത്രിയാണ് പഠിപ്പിക്കാൻ വരുന്നത്. മുഖ്യമന്ത്രി വരുമ്പോൾ മന്ത്രിമാർ പോലും പ്രസംഗം നിർത്തുകയാണ്. നേരത്തെ കൂടുതൽ പ്രസംഗിച്ച ശൈലജ ടീച്ചറിന് കിട്ടയതോടെ ഒരു എം.എൽ.എമാരും മിണ്ടിയിട്ടില്ല. നവകേരള സദസ് കൊണ്ട് കേരളത്തിന് എന്ത് ഗുണമാണ് ഉണ്ടായത്. സാമ്പത്തിക ഞെരുക്കം കാരണം സ്‌കൂൾ യുവജോത്സവം ഒരു പന്തലിൽ ഒതുക്കിയവരാണ് സാധാരണക്കാരിൽ നിന്നും പണം പരിച്ച് ആർഭാഡം നടത്തുന്നത്. നവകേരള സദസു കൊണ്ട് കേരളത്തിന് ഒരു ഗുണവുമില്ല.

Advertisement
inner ad

ക്രൂരമായാണ് പ്രതിഷേധങ്ങളെ നേരിടുന്നത്. മാധ്യമ പ്രവർത്തകരെയും ആക്രമിച്ചു. ഇത് ഭീകര ഭരണമാണോ? മുഖ്യമന്ത്രി ഏകാധിപതിയാണോ? രാജാവ് കളിക്കുകയാണോ? രാജാവാണെന്നാണ് സ്വയം വിചാരിക്കുന്നത്. രാജഭരണ കാലത്ത് പോലും ഇതുപോലെ ഉണ്ടായിട്ടില്ല. കണ്ണൂരിൽ പൊലീസ് എഫ്.ഐ.ആർ എടുത്ത കേസാണ് മുഖ്യമന്ത്രി മാതൃകാപരമാണെന്നും തുടരണമെന്നും പറഞ്ഞത്. അതുകൊണ്ടാണ് മുഖ്യമന്ത്രിക്ക് ക്രിമിനൽ മനസാണെന്ന് പറഞ്ഞത്. മുഖ്യമന്ത്രി അക്രമത്തിന് ആഹ്വാനം ചെയ്യുകയാണ്. കരിങ്കൊടി കാട്ടി പ്രതിഷേധിക്കാൻ പാടില്ലെന്ന് പറയാൻ പിണറായി എന്താ രാജാവാണോ? യൂണിഫോമിൽ എത്തിയാണ് അങ്കമാലിയിൽ ഡി.വൈ.എഫ്.ഐ ആക്രമിച്ചത്. അക്രമത്തെ കുറിച്ച് അറിയില്ലെങ്കിൽ മുഖ്യമന്ത്രി പൊലീസ് മന്ത്രി സ്ഥാനം മറ്റാർക്കെങ്കിലും ഒഴിഞ്ഞ് കൊടുക്കണം. നവകേരള സദസ് തിരുവനന്തപുരത്ത് എത്തുമ്പോൾ ജനങ്ങളാൽ വെറുക്കപ്പെട്ട പരിപാടിയായി മാറും. ആട്ടിത്തെളിച്ചവരാണ് പരിപാടിയിൽ പങ്കെടുക്കുന്നത്. എന്നിട്ടാണ് ആളെ കൂട്ടിയെന്ന് അഭിമാനം പറയുന്നത്. എല്ലാവരെയും ഭീഷണിപ്പെടുത്തിയാണ് പരിപാടിക്ക് എത്തിച്ചത്. നവകേരള സദസായതുകൊണ്ട് പട്ടികജാതിക്കാരന്റെ മൃതദേഹം സസ്‌ക്കരിക്കാൻ അനുവദിച്ചില്ല. സ്‌കൂളുകളുടെ മതിൽ പോലും ഇടിച്ച് നടത്തുന്ന ഈ പരിപാടിയെ അശ്ലീല നാടകം എന്നല്ലാതെ എന്ത് വിളിക്കും?

വി.ഡി സതീശൻ ഏറ്റവും മോശം പ്രതിപക്ഷ നേതാവാണെന്ന് മുഖ്യമന്ത്രി പറഞ്ഞതാണ് എനിക്ക് കിട്ടിയ ഏറ്റവും വലിയ സർട്ടിഫിക്കറ്റ്. കേരളത്തെ മുടിഞ്ഞ തറവാടാക്കി മാറ്റുകയും കേരളം കണ്ട ഏറ്റവും മോശം മുഖ്യമന്ത്രിയായി മാറുകയും ചെയത് പിണറായി വിജയൻ നല്ല പ്രതിപക്ഷ നേതാവാണെന്ന് പറഞ്ഞിരുന്നെങ്കിൽ എന്റെ കഥ അന്ന് കഴിഞ്ഞേനെ. ഇത്രയും നല്ല സർട്ടിഫിക്കറ്റ് എനിക്ക് ഇതുവരെ ആരും തന്നിട്ടില്ല. എല്ലാ മണ്ഡലങ്ങളിലും എനിക്കെതിരെ പറയുന്നുണ്ട്. നാട്ടുകാരുടെ ചെലവിൽ സ്റ്റേജ് കെട്ടിയല്ല പ്രതിപക്ഷത്തെയും കോൺഗ്രസിനെയും വിമർശിക്കേണ്ടത്. കയ്യിൽ ഒന്നും ഇല്ലാത്തതു കൊണ്ടാണ് വായിൽ തോന്നിയത് പറയുന്നത്.

Advertisement
inner ad

കൊല്ലത്ത് സി.പി.എമ്മും സി.പി.ഐയും തമ്മിൽ അടിയാണ്. അതുകൊണ്ടാണ് മുഖ്യമന്ത്രിക്ക് യു.ഡി.എഫിലെ ഐക്യം കണ്ടിട്ട് സഹിക്കാനാകാത്തത്. കുറെക്കാലം ലീഗിന്റെ പിന്നാലെ നടന്നു മതിയായി. വിധേയരുടെ അടിമക്കൂട്ടമല്ല യു.ഡി.എഫ്. ഇവറ്റകളെന്ന വാക്ക് സജി ചെറിയാൻ ഉപയോഗിക്കുന്ന വാക്കാണ്. ഇവിടെ ഒരുത്തനും കൃഷി ചെയ്യേണ്ടെന്ന് പറഞ്ഞവനെ മന്ത്രിസഭയിൽ ചുമക്കേണ്ട ഗതികേടിലാണ് പിണറായി വിജയൻ. അധികാരത്തിന്റെ അഹങ്കാരം തലയ്ക്കു പിടിച്ചാൽ സാധാരണക്കാരെ കാണില്ലെന്നും സതീശൻ ചൂണ്ടിക്കാട്ടി.

Advertisement
inner ad
Continue Reading

Featured

മാസപ്പ‌ടി കേസിൽ മുഖ്യമന്ത്രിക്കും മകൾക്കും നോട്ടീസ് അയയ്ക്കാൻ ഹൈക്കോടതി

Published

on

കൊച്ചി: സിഎംആർഎല്ലിൽ നിന്ന് മാസപ്പടി വാങ്ങിയെന്ന ആരോപണത്തിൽ മുഖ്യമന്ത്രി പിണറായി വിജയൻ, മകൾ വീണ എന്നിവരടക്കം കക്ഷികൾക്ക് നോട്ടീസ് അയയ്ക്കാൻ ഹൈക്കോടതി ഉത്തരവ്. എതിർകക്ഷികളുടെ വാദംകൂടി കേൾക്കണമെന്നും ഹൈക്കോടതി നിർദേശിച്ചു. യു ഡി എഫ് നേതാക്കളായ രമേശ് ചെന്നിത്തല, പി കെ. കുഞ്ഞാലിക്കുട്ടി അടക്കം 12 പേർക്കാണ് നോട്ടീസ് അയക്കുക.
മാസപ്പടി വിവാദം സംബന്ധിച്ച് വിജിലൻസ് അന്വേഷണം ആവശ്യപ്പെട്ട് നൽകിയ ഹർജി മൂവാറ്റുപുഴ വിജിലൻസ് കോടതി തള്ളിയതിനെതിരായ ഹർജിയിലാണ് ജസ്റ്റിസ് കെ ബാബുവിന്റെ വിധി. ആരോപണത്തിൽ മുഖ്യമന്ത്രി പിണറായി വിജയൻ, മകൾ വീണ എന്നിവരടക്കം കക്ഷികൾക്ക് നോട്ടീസ് അയയ്ക്കാൻ ഹൈക്കോടതി ഉത്തരവിട്ടു. എതിർകക്ഷികളുടെ വാദംകൂടി കേൾക്കണമെന്നും ഹൈക്കോടതി നിർദേശിച്ചു. നോട്ടീസ് വരട്ടെയെന്നായിരുന്നു മുഖ്യമന്ത്രിയുടെ പ്രതികരണം.
നേരത്തെ കേസിലെ ഹർജിക്കാരൻ മരിക്കുകയും കുടുംബം കേസുമായി മുന്നോട്ട് ഫോകാൻ താൽപര്യമില്ലെന്ന് വ്യക്തമാക്കുകയും ചെയ്തിരുന്നു. പിന്നാലെ അമിക്കസ്ക്യൂറിയെ നിയോഗിച്ച കോടതി വസ്തുതാന്വേഷണം നടത്തി. ഹർജി തള്ളിയ മൂവാറ്റുപുഴ വിജിലൻസ് ജഡ്ജിന്റെ നടപടി തെറ്റാണെന്ന് ചൂണ്ടിക്കാട്ടി അമിക്കസ്ക്യൂറി റിപ്പോർട്ടും നൽകി. ഈ റിപ്പോർട്ട് കൂടി പരിഗണിച്ചാണ് സിംഗിൾ ബെഞ്ചിന്റെ ഇപ്പോഴത്തെ നടപടി.

Continue Reading

Featured