_{കുവൈറ്റ് സിറ്റി : സാരഥി കുവൈറ്റിന്റെ രജത ജൂബിലി യുടെ ഭാഗമായി ഫഹഹീൽ യൂണിറ്റ് നേതൃത്വം കൊടുത്ത സ്നേഹസ്പർശം രണ്ടാം ഘട്ടം കേരളാ വിഷനോടൊപ്പം എന്റെ കണ്മണിക്ക് ആദ്യ സമ്മാനം’ ഉദ്‌ഘാടനം ചെയ്തു. കേരളത്തിലെ സർക്കാർ ആശുപത്രികളിൽ ജനിക്കുന്ന വളരെ പിന്നോക്ക അവസ്ഥയിൽ ഉള്ള 50 പിഞ്ചു കുട്ടികൾക്ക് അവശ്യ വസ്തുക്കൾ അടങ്ങുന്ന ബേബി കിറ്റുകൾ എത്തിക്കുക എന്നതാണ് പദ്ധതി. 2025 മാർച്ച്‌ മാസം 14ന് വെള്ളിയാഴ്ച രാവിലെ പത്തു മണിക്ക് ചേർത്തല താലൂക്ക് ആശുപത്രിയിൽ വെച്ച് ചേർത്തല മുൻസിപ്പൽ ചെയർപേഴ്സൺ ഷർലി ഭാർഗവന്റെയും കേരള കേബിൾ ടി വി ഓപ്പറേറ്റീവ് അസോസിയേഷൻ സ്റ്റേറ്റ് പ്രസിഡന്റ് പ്രവീൺ മോഹന്റെയും സാന്നിധ്യത്തിൽ എസ് സി എഫ് ഇ അക്കാദമിയുടെസഹകരണത്തോടുകൂടിയാണ് ദ്ധതിയുടെ വിതരണോൽഘാടനം നടന്നത്. സാരഥിയുടെ നാട്ടിലെ വിദ്യാഭ്യാസ സ്ഥാപനം ആയ സാരഥി സെന്റർ ഫോർ എക്സലൻസ് (എസ് സി എഫ് ഇ) ചെയർമാൻ അഡ്വ. എൻ. എസ് അരവിന്ദാക്ഷൻ, ഹോസ്പിറ്റൽ സൂപ്രണ്ട് ഡോ. സുജ അലോഷ്യസിന് ആദ്യ ബേബികിറ്റ് കൈമാറി. സാരഥി ട്രസ്റ്റ് ചെയർമാൻ ജിതിൻദാസ്, എസ് സി എഫ് ഇ ഡയറക്ടർ റിട്ട്. കേണൽ എസ് വിജയൻ എന്നിവർ ഉൾപ്പെടെ ഒട്ടേറെ പേര് സന്നിഹിതരായിരുന്നു.}

_{കുവൈറ്റ്‌ സിറ്റി : ആലപ്പുഴ ജില്ലാ പ്രവാസി അസോസിയേഷൻഅബ്ബാസിയ ആസ്പയർ ഇന്റർനാഷണൽ സ്കൂൾ ഓഡിറ്റോറിയത്തിലെ അമ്പിളി ദിലി നഗറിൽ വെച്ച് നടത്തുന്ന മെഗാ പ്രോഗ്രാം കിഴക്കിന്റെ വെനീസ് ഉത്സവ് – 2025 ഫ്ലയർ പ്രകാശനം ചെയ്തു. ഏപ്രിൽ 4 വെള്ളിയാഴ്ച 4 മണി മുതൽ നടക്കുന്ന പരിപാടിയുടെ ഫ്ലയർ പ്രകാശനം അബ്ബാസിയ എവർഗ്രീൻ ഓഡിറ്റോറിയത്തിൽ അജ്പക് പ്രസിഡന്റ്‌ കുര്യൻ തോമസ് പൈനുംമൂട്ടിലിന്റെ അധ്യക്ഷതയിൽ കൂടിയ യോഗത്തിൽ ബി ഇ സി ഹെഡ് ഓഫ് ബിസിനസ്‌ രാംദാസ് നായർ നിർവഹിച്ചു. അജ്പക് ഒമ്പതാം വാർഷികത്തോട് അനുബന്ധിച്ച് നടത്തുന്ന പൊതു സമ്മേളനത്തിൽ പ്രശസ്ത മലയാള സിനിമ നടനും തിരക്കഥാകൃത്തുമായ രഞ്ജി പണിക്കർ മുഖ്യ അതിഥി ആയിരിക്കും. ശ്രീരാഗ് ഭരതൻ, സോണിയ ആമോദ്, അനൂപ് കോവളം, ആദർശ് ചിറ്റാർ, ജയദേവ് കലവൂർ തുടങ്ങിയവർ അവതരിപ്പിക്കുന്ന ഗാനസന്ധ്യയും ഉണ്ടായിരിക്കുന്നതാണ്.}

_{രാജീവ് നടുവിലെമുറി, ബാബു പനമ്പള്ളി, മാത്യു ചെന്നിത്തല, ലിസൻ ബാബു, കുട കൺവീനർ മാർട്ടിൻ മാത്യു, എന്നിവർ ആശംസകൾ അറിയിച്ചു. അനിൽ വള്ളികുന്നം, ബാബു തലവടി, കൊച്ചുമോൻ പള്ളിക്കൽ, ലിബു പായിപ്പാടൻ, രാഹുൽദേവ്, സജീവ് കായംകുളം, സിബി പുരുഷോത്തമൻ, സുമേഷ് കൃഷ്ണൻ, അജി ഈപ്പൻ, സാം ആന്റണി, ഷീന മാത്യു, അനിത അനില്‍, സാറമ്മ ജോൺസ്, സുനിത രവി, ബിന്ദു മാത്യു, കീർത്തി സുമേഷ്, ലക്ഷ്മി സജീവ്, ഷിഞ്ചു ഫ്രാൻസിസ്, ലിനോജ്‌ വർഗീസ്, ജിബി തരകൻ, തോമസ് പള്ളിക്കൽ, ബിജി പള്ളിക്കൽ, സുരേഷ് കുമാർ കെ. എസ്, ജോമോൻ ജോൺ, വിനോദ് ജേക്കബ്, ശരത് കുടശ്ശനാട്, ആദർശ് ദേവദാസ് എന്നിവർ പങ്കെടുത്തു. ജനറൽ സെക്രട്ടറി സിറിൽ ജോൺ അലക്സ് ചമ്പക്കുളം സ്വാഗതവും പ്രോഗ്രാം കമ്മിറ്റി ജനറൽ കൺവീനർ മനോജ് പരിമണം നന്ദിയും രേഖപ്പെടുത്തി.}

Advertisement

inner ad

_{കുവൈറ്റ് സിറ്റി : കായംകുളം എൻ ആർ ഐസ് – കുവൈറ്റ് ഇഫ്താർ സംഗമം നടത്തി. പ്രസിഡന്‍റ് കെ. ജി ശ്രീകുമാറിന്റെ അദ്ധ്യക്ഷതയിൽ സംഘടിപ്പിച്ച പരിപാടി ഒ.ഐ.സി.സി വർക്കിംഗ് ജനറൽ സെക്രട്ടറി ബി. എസ് പിള്ള ഉത്‌ഘാടനം നിർവഹിച്ചു. പ്രഭാഷകനും, ഖുർആൻ പണ്ഡിതനുമായ നൗഷാദ് മദനി കാക്കവയൽ മുഖ്യപ്രഭാഷണം നടത്തി. മംഗഫ് മെമ്മറീസ് ഹാളിൽ വെച്ച് നടന്ന പരിപാടിയിൽ ജനറൽ സെക്രട്ടറി അബ്ദുൽ വഹാബ് സ്വാഗതവും, പ്രോഗ്രാം കൺവീനർ ഗോപാലകൃഷ്ണൻ നന്ദിയും പറഞ്ഞു. ഖലീൽ, അരുൺ സോമൻ, ബിജു ഖാദർ, സജൻ ഭാസ്കരൻ, മധുകുട്ടൻ, അനീഷ് ആനന്ദ്, അമീൻ, അനീഷ് സ്വാമിദാസൻ, ഹരി പത്തിയൂർ എന്നിവർ പരിപാടികൾക്ക് നേതൃത്വം നൽകി.}