Connect with us
WhatsApp Image 2024-05-21 at 1.28.13 AM

Kerala

വിഴിഞ്ഞം തുറമുഖം 5 വർഷം വൈകിപ്പിച്ചു, കൊല്ലം തുറമുഖത്തെ കൈവിട്ടു

Avatar

Published

on

ആയിരം ദിവസത്തിനുള്ളിൽ വിഴിഞ്ഞം തുറമുഖം പണിതീർത്ത് ആദ്യത്തെ കപ്പലടുപ്പിക്കും എന്ന ധാരണാ പത്രത്തിൽ 2015 ഓഗസ്റ്റ് 17ന് ഒപ്പു വച്ച് പണി ദ്രുതഗതിയിൽ പുരോഗമിക്കുമ്പോഴാണ് 2016 മേയിൽ ഉമ്മൻ ചാണ്ടി സർക്കാർ അധികാരമൊഴിയുന്നത്. ഉമ്മൻ ചാണ്ടി സർക്കാരിന് ഭരണത്തുടർച്ച ലഭിച്ചിരുന്നെങ്കിൽ വിഴിഞ്ഞം തുറമുഖത്ത് 2018 ഓണത്തിന് കപ്പലടുക്കുമായിരുന്നു. ഇന്നലെ മുഖ്യമന്ത്രി പിണറായി വിജയൻ പച്ചക്കൊടി വീശി അടുപ്പിച്ച തുറമുഖ നിർമാണ സാമഗ്രികളുമായി വന്ന കടലാസ് കപ്പലല്ല, കണ്ടെയ്നറുകളും വഹിച്ചുള്ള കൂറ്റൻ മദർഷിപ്പോ, വലിയ ക്രൂയിസ് കപ്പലോ.
പക്ഷേ, പിന്നാലെ വന്ന പിണറായി വിജയൻ സർക്കാർ ആദ്യം ചെയ്തത് ഒരു സിഎജി റിപ്പോർട്ടിന്റെ മറവിൽ വിഴിഞ്ഞം തുറമുഖ പദ്ധതിയിൽ ജുഡീഷ്യൽ അന്വേഷണം പ്രഖ്യാപിച്ച് പദ്ധതി വൈകിപ്പിക്കാനായിരുന്നു. 7,530 കോടി രൂപയുടെ തുറമുഖ പദ്ധതിയിൽ കേരളത്തിന്റെ താത്പര്യം പൂർണമായി സംരക്ഷിച്ചില്ലെന്നായിരുന്നു സിഎജി റിപ്പോർട്ട്. എന്നാൽ, വിഴിഞ്ഞം തുറമുഖ നിർമാണത്തിന്റെ മുഴുവൻ ഉത്തരവാദിത്വവും താൻ ഏറ്റെടുക്കുന്നു എന്നും അന്ന് അത് ചെയ്തിരുന്നില്ലെങ്കിൽ തമിഴ്നാട്ടിലെ കൊളച്ചൽ തുറമുഖത്തിന് അതിന്റെ നേട്ടം കിട്ടുമായിരുന്നു എന്നും ഉമ്മൻ ചാണ്ടി തിരിച്ചടിച്ചു. ഏതായാലും അന്വേഷണ പ്രഹസനവുമായി പിണറായി വിജയൻ നീങ്ങിയില്ല. പക്ഷേ, വിഴിഞ്ഞം തുറമുഖ നിർമാണം ഒച്ചിഴയുന്ന വേഗത്തിലാക്കി. അതുകൊണ്ടാണ് അഞ്ചു വർഷം കൂടി വൈകി ഉദ്ഘാടനം നടത്തി പ്രതീകാത്മകമായെങ്കിലും വിഴിഞ്ഞം തുറമുഖ്യം യാഥാർഥ്യമാക്കിയത്.
വിഴിഞ്ഞം തുറമുഖം പോലാണ് അയൽ ജില്ലയായ കൊല്ലത്തെ പുരാതന തുറമുഖത്തിന്റെ കാര്യം. 2015 ഓഗസ്റ്റ് 14-ന് കൊല്ലം തുറമുഖത്ത് പുതിയ പാസഞ്ചർ ടെർമിനലിന്റെ നിർമ്മാണ പ്രവർത്തനങ്ങൾ മുഖ്യമന്ത്രി ഉമ്മൻചാണ്ടി ഉദ്ഘാടനം ചെയ്തതാണ്. കൊല്ലം നഗരത്തെ ബന്ധിപ്പിക്കുന്ന ദേശീയ ജലപാത-3 തുറക്കുന്നതോടെ രാജ്യത്തെ തന്നെ പ്രധാന യാത്രാ പോർട്ടുകളിൽ ഒന്നായി കൊല്ലം മാറുമെന്നായിരുന്നു അന്ന് അദ്ദേഹം പറഞ്ഞത്. കൊല്ലത്തേക്ക് കൂടുതൽ യാത്രക്കാരെ ആകർഷിക്കാനുള്ള പദ്ധതികളും പ്രഖ്യാപിക്കപ്പെട്ടു. ലക്ഷദ്വീപ് തുറമുഖമായ മിനിക്കോയ്‌ക്ക് വളരെ അടുത്തായതിനാൽ കൊല്ലം തുറമുഖത്തിലേക്ക് പാസഞ്ചർ ഷിപ്പ് സർവീസ് ആരംഭിക്കാൻ ലക്ഷദ്വീപ് സർക്കാരിനു പദ്ധതി ഉണ്ടായിരുന്നു. ഇത് ലക്ഷ്യമിട്ടാണ് കൊല്ലം തുറമുഖത്ത് പുതിയ പാസഞ്ചർ ടെർമിനൽ തുറക്കാൻ അന്നത്തെ സർക്കാർ തീരുമാനിച്ചത്.
മിനിക്കോയിയിൽ നിന്ന് 200 നോട്ടിക്കൽ മൈൽ മാത്രം അകലെയാണു കൊല്ലം എന്നതിനാൽ കൊച്ചി, തിരുവനന്തപുരം,, മധുര തുടങ്ങിയ പ്രധാന നഗരങ്ങളിലേക്കുള്ള ദൂരവും സമയവും കുറയ്ക്കാമെന്ന് ലക്ഷദ്വീപ് ഷിപ്പ് ഓപ്പറേറ്റർമാർ കണക്കു കൂട്ടി. ടൂറിസം മേഖലയിൽ ഇതു വലിയ സാധ്യത ആകുമായിരുന്നു. വ്യാവസായികമായും വലിയ ഗുണം ചെയ്യുമായിരുന്നു.
തുറമുഖ വകുപ്പും കസ്റ്റംസ് ഓഫീസർമാരും ടൂർ ഓപ്പറേറ്റർമാരും ചേർന്ന് 2014 ഏപ്രിൽ മുതൽ കൊല്ലം ആസ്ഥാനമായുള്ള ക്രൂയിസ് ഓപ്പറേഷൻസ് ആരംഭിക്കാൻ സമ്മതിച്ചു. തുടക്കത്തിൽ ആഭ്യന്തര സർവീസുകൾ മാത്രമാണ് ഓഫർ ചെയ്തതെങ്കിലും പിന്നീട് ഇത് അന്താരാഷ്ട്ര സർവീസുകളിലേക്കും വ്യാപിപ്പിച്ചേക്കാമെന്നും ധാരണയുണ്ടായി. ചുറ്റുമുള്ള പ്രദേശങ്ങളുടെ ടൂറിസം സാധ്യതകൾ കാരണം തുറമുഖത്തിന് അന്താരാഷ്ട്ര ക്രൂയിസ് ഓപ്പറേഷനുകൾക്ക് സാധ്യതയുണ്ടെന്ന് ടൂർ ഓപ്പറേറ്റർമാരും കണക്കു കൂട്ടി.
കൊല്ലം തുറമുഖത്ത് നിന്ന് ഹോവർക്രാഫ്റ്റ് സർവീസ് ആരംഭിക്കുന്നതിനുള്ള സാധ്യതകളും അവർ ആരാഞ്ഞിരുന്നു. മൂന്നു മണിക്കൂർ 20 മിനിറ്റ് കൊണ്ട് കൊല്ലം-കൊച്ചി സർവീസ് ആരംഭിക്കാനായിരുന്നു പദ്ധതി.
സിംഗപ്പൂരിൽ നിന്നുള്ള ‘ഇന്റർമറൈൻ’ എന്ന അന്താരാഷ്ട്ര കപ്പൽ 47 വർഷത്തെ നീണ്ട ഇടവേളയ്ക്ക് ശേഷം 2015 ഓഗസ്റ്റ് 30 ന് കൊല്ലത്ത് നങ്കൂരമിട്ടതും അന്നത്തെ യുഡിഎഫ് സർക്കാരിന്റെ വിജയ ഗാഥ. പശ്ചിമ ആഫ്രിക്കൻ രാജ്യമായ ഗിനിയ-ബിസാവിൽ നിന്ന് 5,600 ടൺ അസംസ്‌കൃത കശുവണ്ടിയുമായാണ് അന്നത്തെ കപ്പൽ കൊല്ലം തുറമുഖത്ത് നങ്കൂരമിട്ടത് . ഇത് കൊല്ലം തുറമുഖത്തിന് അന്താരാഷ്‌ട്ര ചരക്ക് കപ്പലുകൾക്ക് ആവശ്യമായ സൗകര്യങ്ങൾ ഒരുക്കുന്നതിന് വഴി തുറക്കുകയും കൊല്ലം നഗരത്തിൽ കശുവണ്ടി വ്യവസായം തഴയ്ക്കാൻ അവസരമൊരുക്കുകയും ചെയ്തു. കൊല്ലം തുറമുഖവും ആഫ്രിക്കയിൽ നിന്നുള്ള അന്താരാഷ്‌ട്ര അസംസ്‌കൃത കശുവണ്ടി കയറ്റുമതിക്കാരും തമ്മിലുള്ള നേരിട്ടുള്ള ഇടപാട് കൊല്ലം നഗരത്തിലെ വൻകിടൻ കശുവണ്ടി ബിസിനസ് ഗ്രൂപ്പുകൾക്ക് പുതിയ പ്രതീക്ഷകൾ നൽകി.
പക്ഷേ, പിന്നീടിതെല്ലാം അവതാളത്തിലായി. ഉമ്മൻ ചാണ്ടി സർക്കാർ വിഭാവന ചെയ്ത ഒരു വികസനവും കൊല്ലം തുറമുഖത്ത് പൂർത്തിയായില്ല. കൂടുതൽ പാസഞ്ചർ ഷിപ്പുകളോ കണ്ടെയ്നർ ഷിപ്പുകളോ വന്നില്ല. കൊല്ലം തുറമുഖത്ത് മൂന്ന് മാസത്തിനുളളിൽ യാത്രാകപ്പലുകൾ വന്നുപോകുന്ന സാഹചര്യം ഉറപ്പാക്കണമെന്ന് ധനമന്ത്രി കെ എൻ ബാലഗോപാൽ കഴിഞ്ഞ ദിവസം പറഞ്ഞിരുന്നു.
തുറമുഖത്തിന്റെ പ്രവർത്തനത്തിന് ആവശ്യമായ പിന്തുണ സർക്കാർതലത്തിൽ നൽകിയിട്ടുണ്ടത്രേ. ഇമിഗ്രേഷൻ സംവിധാനം, സുരക്ഷാക്രമീകരണം തുടങ്ങി കേന്ദ്ര സർക്കാർ അനുമതി ആവശ്യമുള്ളവ അടിയന്തരമായി ലഭ്യമാക്കുന്നതിനുള്ള നടപടികൾ ത്വരിതപ്പെടുത്താൻ പോർട്ട് ഓഫീസറെ ചുമതലപ്പെടുത്തി.
യാത്രാക്കപ്പലുകൾ തുറമുഖത്ത് എത്തുന്നതിനുള്ള സാഹചര്യമാണ് നിലനിൽക്കുന്നത്. ലക്ഷദ്വീപിൽ നിന്നുള്ള കപ്പലുകൾ കൊല്ലം തുറമുഖം വഴി സഞ്ചാരം നടത്തുന്നതിന് സന്നദ്ധവുമാണ്. ഫ്‌ളോട്ടിംഗ് ഡോക്ക് ഉൾപ്പടെ സംവിധാനങ്ങൾ ഏർപ്പെടുത്തുകവഴി ചരക്ക് കപ്പലുകളുടെ വരവും ഉറപ്പാക്കാനാകും. തുറമുഖം പൂർണതോതിൽ പ്രവർത്തനസജ്ജമാക്കുന്നത് സംബന്ധിച്ച് തുറമുഖ വകുപ്പ് മന്ത്രിയുടെ സാന്നിധ്യത്തിൽ ഉന്നതതല യോഗം വിളിക്കുമെന്നും കൊല്ലം ജല്ലിയെ പ്രതിനിധീകരിക്കുന്ന മന്ത്രി ബാലഗോപാൽ പറഞ്ഞു. എന്നാൽ അദ്ദേഹം പറഞ്ഞ കാര്യങ്ങളെല്ലാം എഴുപതു ശതമാനവും കഴിഞ്ഞ ഉമ്മൻ ചാണ്ടി സർക്കാർ പൂർത്തിയാക്കിയതാണ്. അന്നത്തെ സർക്കാരിന്റെ വേഗതയിൽ കാര്യങ്ങൾ നീങ്ങിയിരുന്നെങ്കിൽ ഇപ്പോൾ ധനമന്ത്രി പറയുന്ന കാര്യങ്ങളെല്ലാം 2017നു മുമ്പ് യാഥാർഥ്യമാകുമായിരുന്നു. ഏഴുകൊല്ലം മുൻപ് 60 ശതമാനത്തിലധികം നിർമാണം പൂർത്തിയായ കൊല്ലം- കോട്ടപ്പുറം ദേശീയ ജല പാത പോലും ഇന്ന് നാഥനില്ലാതെ വഴിയാധാരമായി. എന്നിട്ടാണ് വിഴിഞ്ഞം തുറമുഖത്തിന്റെ പേരിൽ സർക്കാരിന്റെ വീരവാദം.

Continue Reading
Advertisement
1000x200 PX MALAYALI DCTR MDX-02-02
Click to comment

You must be logged in to post a comment Login

Leave a Reply

Kerala

സംസ്ഥാനം പ്രതിസന്ധിയിൽ തുടരുമ്പോഴും, കെടുകാര്യസ്ഥതയും ദുര്‍ഭരണവുമാണ് സര്‍ക്കാരിന്റെ മുഖമുദ്ര; പ്രതിപക്ഷ നേതാവ്

Published

on

തിരുവനന്തപുരം: സംസ്ഥാനം പ്രതിസന്ധി ഘട്ടത്തിലൂടെ കടന്നുപോകുമ്പോഴും കെടുകാര്യസ്ഥതയും ദുര്‍ഭരണവുമാണ് സര്‍ക്കാരിന്റെ മുഖമുദ്രയെന്ന് പ്രതിപക്ഷ നേതാവ് വി.ഡി. സതീശന്‍. കേരള സെക്രട്ടേറിയറ്റ് അസോസിയേഷന്റെ 59-ാം വാര്‍ഷിക സമ്മേളനം തിരുവനന്തപുരം ചന്ദ്രശേഖരന്‍ നായര്‍ സ്‌റ്റേഡിയത്തിലെ ഭാഗ്യമാല ഓഡിറ്റേറിയത്തില്‍ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.

സംസ്ഥാനം അതിരൂക്ഷമായ സാമ്പത്തിക പ്രതിസന്ധിയിലാണ്. മറ്റൊരു കാലത്തും ഉണ്ടാകാത്ത തരത്തിലുള്ള മിസ്മാനേജ്‌മെന്റാണ് ധനകാര്യ വകുപ്പിന്റെ ഭാഗത്തു നിന്നും ഉണ്ടാകുന്നത്. ജീവനക്കാര്‍ക്കും പെന്‍ഷന്‍ക്കാര്‍ക്കും 40000 കോടി രൂപയാണ് സര്‍ക്കാര്‍ നല്‍കാനുള്ളത്. 19 ശതമാണം ഡിഎ യും ല്‍കാനുണ്ട്. എന്നാല്‍ ഓഡര്‍ ഇറക്കിയപ്പോള്‍ അനുവദിച്ചത് വെറും രണ്ടു ശതമാനം മാത്രം.
മെഡിസെപ്പ് പദ്ധതി പൂര്‍ണ പരാജയമായി മാറി, മെഡിസെപ്പിലെ പ്രശനങ്ങള്‍ പരിഹരിക്കാന്‍ സര്‍ക്കാരിന്റെ ഭാഗത്തു നിന്നും ഒരു നടപടിയുമില്ല. നികുതി പിരിവ് താറുമാറായി. പിരിവ് വര്‍ധിപ്പിക്കാനായി സര്‍ക്കാര്‍ ഇടപെടുന്നില്ല.

Advertisement
1000x200 PX MALAYALI DCTR MDX-02-02

സര്‍ക്കാരിന്റെ ഒത്താശയോടെ സംസ്ഥാനത്ത് ഗുണ്ടകള്‍ വിളയാടുകയാണ്. സാധാരണക്കാര്‍ക്കു സമാധാനത്തോടെ ജീവിക്കാന്‍ വയ്യെന്നായി. പോലീസിന്റെ മൂക്കിന്‍തുമ്പില്‍ ഗുണ്ടകള്‍ അക്രമം അഴിച്ചുവിടുമ്പോള്‍ അവര്‍ നിസഹായരായി നോക്കി നില്‍ക്കുകയാണ്. മുഖ്യമന്ത്രിക്ക് ആഭ്യന്തര വകുപ്പുമായി യാതൊരു ബന്ധവുമില്ലാത്ത അവസ്ഥയാണ്. മുഖ്യമന്ത്രിയുടെ ഓഫീസിലെ ഉപജാപക സംഘമാണ് പോലീസിനെ നിയന്ത്രിക്കുന്നത്. ഗുണ്ടളെ പേടിച്ച് കാപ്പ നിയമം പോലും നടപ്പിലാക്കുന്നില്ല. സംസ്ഥാനത്തെ ആരോഗ്യവകുപ്പിലും ഗുരുതരമായ വീഴ്ചകളാണ് സംഭവിക്കുന്നത്. കൈയ്ക്കു പകരം നാവില്‍ ശസ്ത്രക്രിയ നടത്തുന്നു. ഇത്തരത്തിലുള്ള പിഴവുകള്‍ സംഭവിക്കുമ്പോഴും റിപ്പോര്‍ട്ട് പരിശോധിക്കട്ടെയെന്നു മാത്രമാണ് ആരോഗ്യ മന്ത്രിയുടെ നിലപാട്. റിപ്പേര്‍ട്ടുകള്‍ പരിശോധിക്കുന്നതല്ലാതെ മറ്റൊന്നും നടക്കുന്നില്ലെന്നും, കേരളത്തെ ഇത്രമാത്രം തകര്‍ത്തെറിഞ്ഞ മറ്റൊരു സര്‍ക്കാര്‍ വേറെ ഉണ്ടായിട്ടില്ലെന്നും വി.ഡി. സതീശന്‍ കൂട്ടിചേര്‍ത്തു.

ഡിസിസി പ്രസിഡന്റ് പാലോട് രവി, കെപിസിസി ജനറല്‍ സെക്രട്ടറി ജി.എസ്. ബാബു, ഐഎന്‍ടിയുസി ജില്ലാ പ്രസിഡന്റ് വി.ആര്‍. പ്രതാപന്‍, അടൂര്‍ പ്രകാശ് എംപി, കൊടിക്കുന്നില്‍ സുരേഷ് എംപി, എം. വിന്‍സെന്റ്് എംഎല്‍എ, മുന്‍ എംഎല്‍എ വര്‍ക്കല കഹാര്‍, ചവറ ജയകുമാര്‍ തുടങ്ങിയവര്‍ പ്രസംഗിച്ചു.

Advertisement
1000x200 PX MALAYALI DCTR MDX-02-02
Continue Reading

Kerala

സ്കൂൾ ഏകീകരണത്തിന്നെതിരെ പൊതു വിദ്യാഭ്യാസ സംരക്ഷണ സമിതി സമരത്തിലേക്ക്

Published

on


തിരുവനന്തപുരം : കേരളത്തിലെ പൊതു വിദ്യാഭ്യാസത്തിന്റെ ഗുണനിലവാരം തകർക്കുന്ന സ്കൂൾ ഏകീകരണം നടപ്പിലാക്കരുതെന്നു പ്രതിപക്ഷ നേതാവ് ആവശ്യപ്പെട്ടു. കൺറ്റോണ്മെന്റ് ഹൗസിൽ ചേർന്ന പൊതു വിദ്യാഭ്യാസ സംരക്ഷണ സമിതി യോഗത്തിൽ സംസാരിക്കുകയായിരുന്നു അദ്ദേഹം. വ്യാപകമായ രീതിയിൽ ഉണ്ടാകുന്ന തസ്തിക നഷ്ടം, വിദ്യാർത്ഥികളുടെ വിദേശ രാജ്യങ്ങളിലേക്കും മറ്റു സിലബസ്സുകളിലേക്കുമുള്ള പലായനം, ഉന്നത വിദ്യാഭ്യാസ മേഖലകളിലെ അനിശ്ചിതത്വം, വിദ്യാഭ്യാസ മേഖലയിലെ ഗുണ നിലവാരതകർച്ച,പാഠ പുസ്തകങ്ങളിലെയും പാട്യപദ്ധതിയിലെയും രാഷ്ട്രീയ വൽക്കരണം, തുടങ്ങിയ വിഷയങ്ങളിൽ അധ്യാപക പ്രക്ഷോഭം സംഘടിപ്പിക്കുവാൻ യോഗം തീരുമാനിച്ചു. യോഗത്തിൽ കെ.അബ്ദുൾ മജീദ്, ആർ.അരുൺകുമാർ, അനിൽ എം ജോർജ്, കെ. ടി.അബ്ദുൾ ലത്തീഫ്, എം. എം. ബിജിമോൻ, എം. എ. ലത്തീഫ്, എ. വി. ഇന്ദുലാൽ, അനിൽ വെഞ്ഞാറമൂട്, എസ്. മനോജ്‌, സി. എ. എൻ. ശിബിലി, റെജി തടിക്കാട്, റിഹാസ്. എം, നൗഷാദ് കോപ്പിലാൻ, ഷമീം അഹമ്മദ്‌, ബ്രീസ്. എം. എസ്. രാജ്, കശ്മീർ തോമസ് തുടങ്ങിയവർ സംസാരിച്ചു.

Continue Reading

Kerala

മഴക്കാല പൂർവ നടപടികളിൽ സർക്കാർ വീഴ്ചവരുത്തി, രണ്ട് ദിവസം മഴപെയ്തതോടെ തലസ്ഥാനം വെള്ളത്തിലായി; വിഡി സതീശൻ

Published

on

തിരുവനന്തപുരം: കെടുകാര്യസ്ഥതയാണ് സർക്കാരിൻ്റെ മുഖമുദ്രയെന്ന് ഒരിക്കൽ കൂടി തെളിഞ്ഞിരിക്കുകയാണെന്ന് പ്രതിപക്ഷ നേതാവ് വി.ഡി. സതീശൻ. രണ്ട് ദിവസം മഴപെയ്തതോടെ തലസ്ഥാന നഗരം ഉൾപ്പെടെ വെള്ളത്തിനടിയിലായി. മഴക്കാല പൂർവ നടപടികളൊന്നും തദ്ദേശ വകുപ്പ് സ്വീകരിച്ചിട്ടില്ല. ഇതുമായി ബന്ധപ്പെട്ട് തദ്ദേശ സ്ഥാപനങ്ങൾക്ക് നിർദ്ദേശങ്ങളും നൽകിയില്ലെന്നും ഓട വൃത്തിയാക്കുകയോ വെള്ളം പോകാനുള്ള സംവിധാനം ഒരുക്കുകയോ ചെയ്‌തിട്ടില്ലെന്നും വി.ഡി.
സതീശൻ ചൂണ്ടിക്കാട്ടി.

ദേശീയ പാതയുടെ പണി നടക്കുന്ന
സ്ഥലങ്ങളിലെല്ലാം വൈദ്യുത ലൈനുകളും ജല
വിതരണ പൈപ്പുകളും വിച്ഛേദിച്ചിട്ടുണ്ടെന്ന്
അദ്ദേഹം പറഞ്ഞു. പലയിടങ്ങളിലും വെള്ളം
ഒഴുകിപ്പോകാനുള്ള സൗകര്യങ്ങൾ പോലുമില്ല.
ദേശീയപാത നിർമ്മാണം അശാസ്ത്രീയമെന്ന്
ചൂണ്ടിക്കാട്ടി മുഖ്യമന്ത്രിക്ക് കത്ത്
നൽകിയെങ്കിലും സർക്കാർ അനങ്ങിയില്ലെന്ന്
വി.ഡി. സതീശൻ പറഞ്ഞു.

Advertisement
1000x200 PX MALAYALI DCTR MDX-02-02
Continue Reading

Featured