Connect with us
48 birthday
top banner (1)

Kasaragod

വിദ്യ വീണ്ടും അറസ്റ്റിൽ

Avatar

Published

on

നീലേശ്വരം: വ്യാജ സർട്ടിഫിക്കറ്റ് ചമയ്ക്കൽ കേസിലെ പ്രതി കെ.വിദ്യയെ നീലേശ്വരം പോലീസ് അറസ്റ്റ് ചെയ്തു.
കരിന്തളം ഗവ:കോളേജിൽ വ്യാജരേഖ ഹാജരാക്കി അതിഥി അധ്യാപികയായി ജോലി നേടി എന്ന പരാതിയിൽ രജിസ്റ്റർ ചെയ്ത കേസിലാണ് വിദ്യ നീലേശ്വരം പോലീസിൽ ഹാജരായി മൊഴി നൽകിയത്. എറണാകുളം മഹാരാജാസ് കോളേജിൽ ജോലി ചെയ്തതായി വ്യാജരേഖയുണ്ടാക്കി കരിന്തളം ഗവ: കോളേജിൽ അതിഥി അധ്യാപികയായി ജോലി ചെയ്തുവെന്ന പ്രിൻസിപ്പൽ ഇൻചാർജ്ജിൻ്റെ പരാതിയിലാണ് തൃക്കരിപ്പൂർ മണിയനൊടി യിലെ മുൻ എസ് എഫ് ഐ നേതാവായിരുന്ന കെ.വിദ്യയ്ക്ക് എതിരെ പോലീസ് കേസ് എടുത്തത്.
സമാനമായ സംഭവത്തിൽ അട്ടപ്പാടി കോളേജ് കേസിൽ അഗളി പോലീസിൽ നൽകിയ മൊഴി തന്നെ ഇവിടെയും ആവർത്തിക്കുകയായിരുന്നു. വ്യാജ സർട്ടിഫിക്കറ്റ് സ്വയം മൊബൈലിൽ നിർമ്മിച്ചതാണ്. മറ്റാരുടെയും സഹായം ഉണ്ടായില്ല. വ്യാജരേഖ നിർമ്മിച്ച ഫോൺ നഷ്ടപ്പെട്ടു എന്നുള്ള മൊഴിയാണ് ആവർത്തിച്ചത്.
എന്നാൽ വ്യാജ രേഖ ഹാജരാക്കി 2022 ജൂൺ മുതൽ 2023 മാർച്ച് വരെ ഒരു വർഷക്കാലം അതിഥി അധ്യാപികയായി കരിന്തളം കോളേജിൽ ജോലി എടുക്കുകയും ശബളം കൈപ്പറ്റുകയും ചെയ്തത് ഏറെ ഗൗരവമുള്ള കേസാണ്. ആ ഗൗരവം പോലീസിൻ്റെ ഭാഗത്ത് കാണുന്നില്ല എന്നതാണ് ഈ കേസിൻ്റെ പ്രത്യേകത. ഇത് സംബന്ധിച്ച് എല്ലാ തെളിവുകളും ലഭിച്ചത് പ്രകാരം വഞ്ചനാകുറ്റം വ്യാജ രേഖ ചമയ്ക്കൽ എന്നിവ ചുമത്തിയാണ് കേസ് എടുത്തത്. ജാമ്യം ലഭിക്കാത്ത കേസായിട്ടു പോലും തെളിവ് നശിപ്പിച്ചു എന്ന പുതിയൊരു കേസ് കൂടി ഉൾപ്പെടുത്തി മൊഴി എടുത്തതിന് ശേഷം അറസ്റ്റ് രേഖപ്പെടുത്തുകയായിരുന്നു. കോടതിയിൽ ഹാജരാക്കിയിട്ട് കസ്റ്റഡി ആവശ്യപ്പെടാൻ പോലീസ് തയ്യാറായില്ല. വിദ്യ എല്ലാറ്റിനും കൃത്യമായിട്ട് മൊഴി നൽകിയിട്ടുണ്ട് എന്നാണ് അന്വേഷണ ഉദ്യോഗസ്ഥർ പറഞ്ഞത്.
അട്ടപ്പാടി കോളേജ് കേസിൽ ഹൈക്കോടതിയിൽ നിന്നും ജാമ്യം ലഭിച്ചിരുന്നു. മൂന്ന് ദിവസത്തിനുള്ളിൽ കരിന്തളം കോളേജ് കേസിൽ നീലേശ്വരം പോലീസിൽ ഹാജരാകണം എന്ന് കോടതി നിർദ്ദേശിച്ചിരുന്നു. ശാരീരികാസ്വാസ്ഥ്യം മൂലം ചൊവ്വാഴ്ച മാത്രമേ ഹാജരാകുകയുള്ളു എന്ന് പോലീസിൽ അറിയിച്ചത് പ്രകാരമാണ് ചൊവ്വാഴ്ച രാവിലെ 11.30 ഓടെ നീലേശ്വരം പോലീസിൽ അന്വേഷണ ഉദ്യോഗസ്ഥരുടെ മുന്നിൽ ഹാജരായത്. ഡിവൈഎസ്പി പി. ബാലകൃഷ്ണൻ നായർ, സി ഐ പ്രേംസദൻ എന്നിവരുടെ നേതൃത്വത്തിലാണ് വിദ്യയെ ചോദ്യം ചെയ്തത്

Advertisement
inner ad
Continue Reading
Advertisement
inner ad
Click to comment

You must be logged in to post a comment Login

Leave a Reply

crime

നൂറിലേറെ സ്ത്രീകളുടെ ചിത്രങ്ങൾ മോർഫ് ചെയ്ത് സമൂഹമാധ്യമങ്ങളിൽ പ്രചരിപ്പിച്ചു; 3 യുവാക്കൾ അറസ്റ്റിൽ

Published

on

ചിറ്റാരിക്കാൽ: വിദ്യാർഥിനികൾ ഉൾപ്പെടെ നൂറിലേറെ സ്ത്രീകളുടെ ചിത്രങ്ങൾ മോർഫ് ചെയ്ത് സമൂഹമാധ്യമങ്ങളിൽ പ്രചരിപ്പിച്ച കേസിൽ 3 യുവാക്കളെ പൊലീസ് അറസ്റ്റ് ചെയ്തു. ഈസ്റ്റ് എളേരി പഞ്ചായത്തിലെ തയ്യേനി സ്വദേശികളായ സിബിൻ ലൂക്കോസ് (21), എബിൻ ടോം ജോസഫ് (19), ജസ്റ്റിൻ ജേക്കബ് (21) എന്നിവരെയാണ് ചിറ്റാരിക്കാൽ പൊലീസ് പിടികൂടിയത്.

Advertisement
inner ad

ഇവരെ പിന്നീട് റിമാൻ‍ഡ് ചെയ്തു. നാട്ടുകാരുടെ പരാതിയെത്തുടർന്നാണ് നടപടി. ഏതാനും ദിവസങ്ങൾക്കു മുൻപാണ് ചില വാട്സാപ് ഗ്രൂപ്പുകളിൽ സ്ത്രീകളുടെ മോർഫ് ചെയ്ത ഫോട്ടോകൾ പ്രചരിക്കുന്ന വിവരം ശ്രദ്ധയിൽപെട്ടത്. ആദ്യം പൊലീസിൽ പരാതി നൽകാൻ പലരും മടിഞ്ഞു. പിന്നീട് ലഭിച്ച പരാതികളുടെ അടിസ്ഥാനത്തിൽ പൊലീസ് നടത്തിയ അന്വേഷണത്തിലാണ് 3 പേർ കുറ്റക്കാരായ യുവാക്കളെ പിടികൂടുന്നത്.

ഇവർക്കെതിരെ ഐടി ആക്ട് 67 എ പ്രകാരമാണ് പൊലിസ് കേസെടുത്തത്. ടെലിഗ്രാം ആപ്പിന്റെ സഹായത്തോടെ തയ്യാറാകുന്ന ഫോട്ടോകൾ യുവാക്കളുടെ ഗ്രൂപ്പുകളിൽ പ്രചരിപ്പിച്ചുവെന്നാണ് സൈബർ സെൽ വിഭാഗം കണ്ടെത്തിയതെന്നും സിനിമാ നടികൾ ഉൾപ്പടെയുള്ളവരുടെ ചിത്രങ്ങളും ഇത്തരത്തി‍ൽ മോർഫ് ചെയ്തു പ്രചരിപ്പിച്ചിട്ടുണ്ടെന്നും പൊലീസ് അധികൃതർ വ്യക്തമാക്കി.ഇതേക്കുറിച്ചു പൊലീസ് വിശതഅന്വേഷണം നടത്തിവരികയാണ്.

Advertisement
inner ad
Continue Reading

Accident

കൂട്ടുകാർക്കൊപ്പം കുളിക്കാൻ ഇറങ്ങിയ 16 കാരൻ പുഴയിൽ മുങ്ങിമരിച്ചു

Published

on

കാസർകോട്: കാഞ്ഞങ്ങാട് കൂട്ടുകാർക്കൊപ്പം കുളിക്കാൻ ഇറങ്ങിയ 16 കാരൻ പുഴയിൽ മുങ്ങിമരിച്ചു. അരയി വട്ടത്തോടിലെ അബ്ദുള്ള കുഞ്ഞിയുടെ മകൻ സിനാൻ ആണ് മരിച്ചത്. പന്ത്രണ്ടോടെ അരയി കാർത്തിക പുഴയിലാണ് സംഭവം. രണ്ട് കൂട്ടുകാർക്കൊപ്പം കുളിക്കാൻ ഇറങ്ങിയതായിരുന്നു കുട്ടി പുഴയിൽ മുങ്ങിത്താഴുകുകയായിരുന്നു എന്നാണ് പുറത്ത് വരുന്ന റിപ്പോർട്ട്.

Continue Reading

Kasaragod

പടന്നക്കാട് പീഡനം; പ്രതിയെ തെളിവെടുപ്പിന് എത്തിച്ചു

Published

on

കാഞ്ഞങ്ങാട്: പടന്നക്കാട് പീഡനക്കേസ് പ്രതി പി.എ സലീമിനെ തെളിവെടുപ്പിനായി എത്തിച്ചു. പെൺകുട്ടിയുടെ വീടിന് സമീപമാണ് തെളിവെടുപ്പിനായി എത്തിച്ചത്. നാട്ടുകാർ പ്രതിയായ സലീമിനെ കണ്ട് അക്രമാസക്തരായി. മുഖംമൂടി അണിയിച്ചാണ് പ്രതിയെ തെളിവെടുപ്പിനായി എത്തിച്ചത്. മുഖമൂടി മാറ്റണമെന്ന് ആവശ്യപ്പെട്ടുകൊണ്ട് നാട്ടുകാർ ബഹളം വെച്ചു.

കഴിഞ്ഞ ബുധനാഴ്ചയാണ് വീട്ടിൽ ഉറങ്ങിക്കിടക്കുകയായിരുന്ന 10 വയസ്സുകാരിയെ തട്ടിക്കൊണ്ടുപോയി പീഡിപ്പിച്ച് സ്വർണാഭരണങ്ങൾ കവർന്നശേഷം വീടിനടുത്തുള്ള പറമ്പിൽ ഉപേക്ഷിച്ചത്. മോഷണമായിരുന്നു ഉദ്ദേശമെന്നും, പെൺകുട്ടി ശബ്ദമുണ്ടാക്കുമോ എന്ന് ഭയന്നാണ് തട്ടിക്കൊണ്ടുപോയതെന്നുമാണ് സലിം പറയുന്നത്. പിന്നാലെയാണ് ലൈംഗിക പീഡനത്തിന് ഇരയാക്കിയത്. കുറ്റങ്ങളെല്ലാം സലിം സമ്മതിച്ചിട്ടുണ്ട്.

Advertisement
inner ad

നാടിനെ നടുക്കിയ പീഡനം നടന്ന് അഞ്ചാം ദിവസമാണ് പ്രതി സലീമിനെപറ്റിയുള്ള വിവരങ്ങൾ അന്വേഷണ സംഘത്തിന് ലഭിക്കുന്നത്. വർഷങ്ങളായി പെൺകുട്ടിയുടെ വീടിനടുത്ത് താമസമാക്കിയ ഇയാൾ സംഭവം നടന്നതിനുശേഷം വീട്ടിൽ നിന്ന് മാറിയത് അന്വേഷണസംഘത്തിന്റെ സംശയം ബലപ്പെടുത്തി. തുടർന്ന് നടത്തിയ അന്വേഷണത്തിലാണ് പ്രതി സലിം തന്നെയെന്ന് ഉറപ്പിച്ചത്. സിസിടിവി ദൃശ്യങ്ങളും തെളിവുകളും സംഭവത്തിൽ നിർണായകമായി. പ്രതിയായ സലീമിന് മേൽപ്പറമ്പ് സ്റ്റേഷനിൽ പോക്സോ കേസും കുടകിൽ മാല മോഷണ കേസും ഇയാൾക്കെതിരെ നിലവിലുണ്ട്.

Advertisement
inner ad
Continue Reading

Featured