Kerala
റഷ്യന്‍ സൈന്യത്തിലേക്കുള്ള നിയമവിരുദ്ധ റിക്രൂട്ട്മെന്റ് അന്വേഷിക്കണം; ഉക്രെയ്‌നില്‍ അകപ്പെട്ട മലയാളികളെ മടക്കിക്കൊണ്ടുവരണം; വിദേശകാര്യമന്ത്രിക്ക് പ്രതിപക്ഷ നേതാവ് കത്തയച്ചു
തിരുവനന്തപുരം: റഷ്യന്‍ സൈന്യത്തിലേക്ക് കേരളത്തില്‍ നിന്ന് ഉള്‍പ്പെടെ യുവാക്കളെ സ്വകാര്യ ഏജന്‍സികള്‍ റിക്രൂട്ട് ചെയ്യുന്നത് സംബന്ധിച്ച വിഷയത്തില്‍ കേന്ദ്ര സര്‍ക്കാരിന്റെ അടിയന്തര ഇടപെടല്‍ ആവശ്യപ്പെട്ട് വിദേശകാര്യ മന്ത്രി എസ്. ജയശങ്കറിന് പ്രതിപക്ഷ നേതാവ് വി.ഡി സതീശന്‍ കത്തയച്ചു. യുദ്ധമേഖലയില്‍ കുടുങ്ങിക്കിടക്കുന്ന മൂന്ന് മലയാളി യുവാക്കളെ മടക്കിക്കൊണ്ടുവരണമെന്നും നിയമവിരുദ്ധ മനുഷ്യക്കടത്ത് ശൃംഖലയുടെ ഭാഗമായ റിക്രൂട്ട്മെന്റ് ഏജന്‍സികള്‍ക്കെതിരെ അന്വേഷണം നടത്തണമെന്നും പ്രതിപക്ഷ നേതാവ് കത്തില്‍ ആവശ്യപ്പെട്ടു.
കത്ത് പൂര്‍ണരൂപത്തിൽ
I am writing to request your immediate intervention on the shocking revelation that some private recruitment companies in Kerala have been recruiting young people to go to war-battered Ukraine after tempting them with the prospect of a lucrative employment in Russia. It is disturbing to learn that three young men from Kerala are among those stranded in war-torn Ukraine after being lured with the promise of a lucrative employment in Russia, only to be forced to engage in the continuing conflict.According to the relatives of the three men, they were taken to Russia by a recruitment agency with the promise of a whopping salary of Rs 2.5 lakh. But when they arrived, their passports and mobile phones were confiscated and were then forced to fight for Russia against Ukraine. It is learned that some of them are injured and their families back home have raised serious apprehension on the safety of the youths stranded in Ukraine. I believe that this is part of a trafficking network that entice young men to work in Russia and send them for the war.I urge your good self to make every effort to bring back all of those who are stuck in the combat zone and to initiate a comprehensive investigation against these recruitment agencies that form part of a large illegal trafficking network.
കൊച്ചി: പേട്ട ജംഗ്ഷന് സമീപം മെട്രോ തൂണിന് അടിയിൽ അഭയം പ്രാപിച്ചിരുന്ന കോയമ്പത്തൂർ സ്വദേശി ജയൻ ഇനി അങ്കമാലി തിരുഹൃദയ സദനത്തിലേക്ക്. ദുരിത ജീവിതമറിഞ്ഞ് തെരുവോരം മുരുകന്റെ നേതൃത്വത്തിലാണ് ജയനെ ഏറ്റെടുത്തത്. മലയാളം സിനിമ സംഘടനയായ ‘അമ്മ’യുടെ ആംബുലൻസിലാണ് മുരുകനും സഹപ്രവർത്തകരും ജയനെ ഏറ്റെടുക്കാൻ എത്തിയത്. തിരുഹൃദയ സദനം ഡയറക്ടർ ആയ ജോയ് ഞാളിയത്ത്, പൊതുപ്രവർത്തകനായ രാജു എന്നിവർ മുരുകനൊപ്പം ഉണ്ടായിരുന്നു.
കൂടാതെ കോൺഗ്രസ് പ്രവർത്തകനായ ഹരീഷ് പൂണിത്തുറയുടെ നേതൃത്വത്തിൽ കൊളത്തേരി റോഡ് റസിഡൻസ് അസോസിയേഷൻ ഭാരവാഹികളും മുരുകനും കൂട്ടർക്കും സഹായത്തിന് എത്തി. വൃത്തിഹീനമായ അന്തരീക്ഷത്തിൽ നിന്നും മാറി കുളിപ്പിച്ച് താടിയും മുടിയും വെട്ടി പുത്തൻ വസ്ത്രങ്ങളും അണിഞ്ഞാണ് ജയനെ തിരുഹൃദയ സദനത്തിലേക്ക് സ്വാഗതം ചെയ്തത്.
മരട് പോലീസിന്റെ അനുമതിയോടെയായിരുന്നു മുരുകനെ ഏറ്റെടുത്തത്. കോവിഡ് സമയത്ത് കേരളത്തിൽ എത്തിയ ജയൻ ഒരു വർഷത്തോളം മെട്രോ തൂണിനടിയിൽ കഴിച്ചുകൂട്ടി. നിരാലംബർക്ക്‌ സഹായം ആകാൻ കഴിയുന്നതിൽ സന്തോഷമുണ്ടെന്നും ജയനെ കുറിച്ചുള്ള വിവരങ്ങൾ അടങ്ങിയ റിപ്പോർട്ട് കേരള ലീഗൽ സർവീസ് സൊസൈറ്റിക്ക് നൽകുമെന്നും ബന്ധുക്കളെ വിവരമറിയിച്ച് കൈമാറുമെന്നും മുരുകൻ പറഞ്ഞു.
തിരുവനന്തപുരം: വ്യാവസായിക പരിശീലന വകുപ്പിലെ ഇൻസ്ട്രക്ടർമാർക്ക് ശനിയാഴ്ച അവധി നൽകണമെന്ന് കേരള എൻജിഒ അസോസിയേഷൻ സംസ്ഥാന പ്രസിഡന്റ് ചവറ ജയകുമാർ ആവശ്യപ്പെട്ടു. വ്യാവസായിക പരിശീലന വകുപ്പിലെ കെടുകാര്യസ്ഥതയ്ക്കെതിരെ കേരള എൻജിഒ അസോസിയേഷൻ സംഘടിപ്പിച്ച പ്രതിഷേധ കൂട്ടായ്മ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
ഐടിഐകളിൽ ട്രെയിനിങ് സമയം കുറവു ചെയ്തുകൊണ്ട് ട്രെയിനികൾക്ക് ശനിയാഴ്ച അവധി നൽകിയിരുന്നു. എന്നാൽ പരിശീലനം നൽകുന്ന അധ്യാപകർ ശനിയാഴ്ചയും ജോലി ചെയ്യണമെന്നാണ് പുതിയ ഉത്തരവ്. വിദ്യാർത്ഥികൾ ഇല്ലാതെ അധ്യാപകർ മാത്രം എത്തണമെന്ന് പറയുന്നതിൽ യുക്തിഭദ്രതമല്ലെന്ന് ചവറ ജയകുമാർ പറഞ്ഞു. ട്രെയിനികളുടെ പരിശീലനസമയം എല്ലാ ദിവസവും ഓരോ ഷിഫ്റ്റിലും 20 മിനിറ്റ് വീതം കൂട്ടിയാണ് അവർക്ക് ശനിയാഴ്ച അവധി നൽകിയത് ജീവനക്കാരും ഇതിനനുസരിച്ച് ഓരോ ദിവസവും 20 മിനിറ്റ് വീതം അധികമായി ജോലി ചെയ്യേണ്ടി വരികയാണ്. ഒരു വർഷം 13 ദിവസം ഇത്തരത്തിൽ അധികമായി ജോലി ചെയ്യേണ്ടിവരും. ശനിയാഴ്ച കൂടി പ്രവർത്തി ദിനം ആക്കിയാൽ ജീവനക്കാരുടെ ജോലിസമയം വീണ്ടും വർദ്ധിക്കും. അധ്യായനത്തിനുള്ള പുതിയ സംവിധാനങ്ങൾ പഠിക്കുന്നതിനും ക്ലാസുകൾ എടുക്കുന്നതിനുള്ള തയ്യാറെടുപ്പിനും അധ്യാപകർക്ക് ശനിയാഴ്ച അവധി അനിവാര്യമാണെന്ന് അദ്ദേഹം പറഞ്ഞു.
നാല് പുതിയ ഐടിഐകൾ ആരംഭിച്ചപ്പോൾ 63 പുതിയ സൃഷ്ടിക്കുന്നതിന് പകരം വകുപ്പിൽ നിലവിലുള്ള 36 എ.സി.ഡി തസ്തികയും 14 ഇ.എസ്. തസ്തികയും രണ്ട് ജൂനിയർ ഇൻസ്ട്രക്ടർ തസ്തികയും നാലു വീതം ഓഫീസ് അറ്റൻഡന്റ് സ്റ്റോർ അറ്റൻഡർ തസ്തികയും പുനർ വിന്യസിക്കുകയായിരുന്നു. അശാസ്ത്രീയമായ ഈ പുനർവിന്യാസം പിൻവലിക്കണം. പുനർവിന്യാസത്തിലൂടെ തസ്തികകൾ നഷ്ടപ്പെട്ടത് ജീവനക്കാരുടെ സ്ഥാനക്കയറ്റത്തെ പ്രതികൂലമായി ബാധിക്കും. ഓൺലൈൻ സ്ഥലമാറ്റം നടപ്പാക്കി എന്ന് പറയുന്നു എങ്കിലും സീനിയോറിറ്റി പാലിച്ച് ക്യൂ ലിസ്റ്റ് തയ്യാറാക്കിയിട്ടില്ല. സ്ഥലംമാറ്റത്തിൽ ഇപ്പോഴും ഇഷ്ടക്കാരെയും സ്വന്തക്കാരെയും തിരുകി കയറ്റുകയാണ് .ഈ വർഷം ഏപ്രിൽ മാസത്തിൽ നടപ്പാക്കേണ്ടിയിരുന്ന ഓൺലൈൻ സ്ഥലംമാറ്റം ഇതുവരെ പൂർത്തിയായിട്ടില്ലെന്നും അദ്ദേഹം കുറ്റപ്പെടുത്തി.
എല്ലാ ഐടിഐകളിലും എട്ട് യൂണിറ്റുകൾക്ക് ഒരു ഗ്രൂപ്പ് ഇൻസ്ട്രക്ടർ വേണമെന്ന മാനദണ്ഡം ഇതുവരെ വകുപ്പ് പാലിച്ചിട്ടില്ല
ക്ലർക്ക് സീനിയർ ക്ലർക്ക് പ്രമോഷന് 1:1 എന്ന അനുപാതം പാലിച്ച് നടപ്പാക്കാനും നടപടി സ്വീകരിച്ചിട്ടില്ല. പരീക്ഷ ജോലികളിൽ ഏർപ്പെടുന്ന ജീവനക്കാർക്ക് അതിന്റെ വേദനം നൽകാൻ പോലും വകുപ്പ് മേധാവികൾ തയ്യാറാകുന്നില്ലെന്നും ചവറ ജയകുമാർ വിമർശിച്ചു.
1971 നിലവിൽ വന്ന സ്പെഷ്യൽ റൂൾ പ്രകാരമാണ് ഇപ്പോഴും ഇൻസ്ട്രക്ടർ നിയമനം നടക്കുന്നത് .ഇത് കാലോചിതമായി പരിഷ്കരിക്കാത്തത് കൊണ്ട് ശമ്പളയിനത്തിൽ ജീവനക്കാർക്ക് വലിയ നഷ്ടമാണ് ഉണ്ടാകുന്നത്. വ്യാവസായിക പരിശീലന വകുപ്പിലെ പ്രശ്നങ്ങൾ പരിഹരിക്കുന്നതിന് അടിയന്തര നടപടികൾ സ്വീകരിക്കണമെന്നും അദ്ദേഹം ആവശ്യപ്പെട്ടു.
ആർ.എസ്. പ്രശാന്ത്കുമാർ അധ്യക്ഷതവഹിച്ച പരിപാടിയിൽ സംസ്ഥാന ജനറൽ സെക്രട്ടറി എ .എം . ജാഫർ ഖാൻ മുഖ്യപ്രഭാഷണം നടത്തി. വി.എസ്. രാകേഷ്, എസ്.പ്രസന്നകുമാർ, ടി ഒ ശ്രീകുമാർ, മോബിഷ്, പി. ജി. പ്രദീപ്, എസ്. ശ്രീജിത്ത്, അനിൽകുമാർ ,എസ്. പി. അഖിൽ, ശരത് കല്ലമ്പലം, എ. ആർ .അജിത്ത്, എസ്.വി.ബിജു., രതീഷ് രാജൻ, ലക്ഷ്മണൻ ,ശിബി, ജി.എസ്. സുനിൽ, ശ്രീ ഗണേഷ് ഷിഹാബ്,ബി തുടങ്ങിയവർ സംസാരിച്ചു.
തിരുവനന്തപുരം: വാമനപുരം പുഴ കാണാൻ കൂട്ടുകാരനൊപ്പം എത്തിയ പത്തുവയസ്സുകാരൻ മുങ്ങിമരിച്ചു.ആറ്റിങ്ങല്‍ ചന്തറോഡിലുള്ള ചന്ദ്രഗീതം വീട്ടില്‍ വാടകയ്ക്ക് താമസിക്കുന്ന അഖില്‍-അനു ദമ്ബതിമാരുടെ മൂത്തമകൻ ശിവനന്ദനാണ് (10) മരിച്ചത്. അവനവഞ്ചേരി ഗവ.എച്ച്‌.എസിലെ അഞ്ചാംക്ലാസ്സ് വിദ്യാർഥിയാണ്.ബുധനാഴ്ച വൈകീട്ട് 5.30 ഓടെയായിരുന്നു സംഭവം. കൂട്ടുകാരനായ വിവേകുമൊത്ത് ആറ്റിങ്ങല്‍ ഇടയാവണം ഭാഗത്ത് വാമനപുരം പുഴ കാണാനെത്തിയതായിരുന്നു ശിവനന്ദൻ. വസ്ത്രങ്ങളഴിച്ചുവച്ച്‌ ആറ്റിലിറങ്ങിയപ്പോള്‍ ചെളിയില്‍ പുതഞ്ഞുപോയി. കയറാൻ പറ്റുന്നില്ലെന്ന് അറിയിച്ചതിനെത്തുടർന്ന് വിവേക് രക്ഷിക്കാൻ ശ്രമിച്ചു. പറ്റാതെ വന്നതോടെ ഓടിപ്പോയി മുതിർന്നവരെ വിവരം അറിയിച്ചു. അവരെത്തുമ്ബോഴേക്കും ശിവനന്ദൻ വെള്ളത്തില്‍ മുങ്ങിപ്പോയിരുന്നു. തുടർന്ന് ആറ്റിങ്ങല്‍ അഗ്നിരക്ഷാസേനയെത്തി കുട്ടിയെ കണ്ടെത്തി പുറത്തെടുത്തെങ്കിലും മരണം സംഭവിച്ചിരുന്നു. ആറ്റിങ്ങല്‍ പോലീസ് തുടർനടപടികള്‍ സ്വീകരിച്ചു. മൃതദേഹം ചിറയിൻകീഴ് താലൂക്കാശുപത്രി മോർച്ചറിയിലേക്ക് മാറ്റി.
-
Kerala2 weeks agoജീവനക്കാരുടെ ശമ്പളബില്ല്
കേന്ദ്രീകൃതമാക്കാനുള്ള നീക്കം,
ശമ്പളം കവര്ന്നെടുക്കാനുള്ള ആസൂത്രിത ശ്രമമാണെന്ന് ; ചവറ ജയകുമാര് -
News4 weeks agoക്ഷാമ ബത്ത കേസിൽ ഇടക്കാല ഉത്തരവ്
-
Featured2 months agoഡി എ: പ്രഖ്യാപനം നിരാശാജനകമെന്ന് സെക്രട്ടേറിയറ്റ് അസോസിയേഷൻ
-
Kerala2 months agoക്ഷാമബത്ത: കുടിശ്ശിക നിഷേധിച്ചാൽ നിയമപരമായി നേരിടും; ചവറ ജയകുമാർ
-
News4 weeks ago
ജീവനക്കാരെ രണ്ടു തട്ടിലാക്കുന്ന നടപടി സർക്കാർ അവസാനിപ്പിക്കണം
-
Education3 months agoമഹാരാജാസിന് ഓട്ടോണമസ് പദവി നഷ്ടപ്പെട്ടിട്ട് നാലുവര്ഷം: കോളേജ് നടത്തുന്ന പരീക്ഷകള് അസാധുവാകും
-
Travel2 months agoനീല വസന്തം; ചതുരംഗപാറ മലനിരകളിൽ പൂത്തുലഞ്ഞ് കുറിഞ്ഞി
-
Education3 months agoവിദേശ വിദ്യാര്ഥികള്ക്ക് നല്കുന്ന സ്റ്റഡി പെര്മിറ്റിന്റെ എണ്ണം കുറയ്ക്കാന് കാനഡ
You must be logged in to post a comment Login