തിരുവനന്തപുരം: മുംബൈ മലയാളിയായ യുവതിക്ക് നേരെയുണ്ടായ പൊലീസിന്റെ ക്രൂരത ഞെട്ടിപ്പിക്കുന്ന സംഭവമാണെന്ന് പ്രതിപക്ഷ നേതാവ് വി.ഡി സതീശൻ പ്രതികരിച്ചു. മുഖ്യമന്ത്രിയുടെ മൂക്കിൻ തുമ്പത്ത് നടന്ന സംഭവമാണിത്. ഇതിന് കാരണം പൊലീസിന്റെ നിരുത്തരവാദിത്വ സമീപനമാണ്. സ്ത്രീകൾക്ക് കയറി ചെല്ലാൻ പറ്റാത്ത സ്ഥലമായി പൊലീസ് സ്റ്റേഷനുകൾ മാറിയെന്നും അദ്ദേഹം കുറ്റപ്പെടുത്തി. പരാതിക്കാരെ ദുർനടപ്പുകാരായി ചിത്രീകരിക്കുകയാണ് പൊലീസെന്നും അദ്ദേഹം ചൂണ്ടിക്കാട്ടി. വേട്ടക്കാരന്‍റെ അടുക്കലേക്ക് തന്നെ ഇരകളെ വിട്ടുകൊടുക്കുന്നതാണോ പൊലീസ് സംരക്ഷണം. സർക്കാർ ഉത്തരം പറയണം. ഈ സംഭവത്തിൽ സമഗ്ര അന്വേഷണം വേണമെന്നും അദ്ദേഹം ആവശ്യപ്പെട്ടു.
മുംബൈ മലയാളിയായ യുവതിക്ക് നേരെയുണ്ടായ പൊലീസിന്റെ ക്രൂരത: പരാതിക്കാരെ പൊലീസ് ദുർനടപ്പുകാരാക്കുന്നു, ഞെട്ടിപ്പിക്കുന്ന സംഭവമെന്ന് വി.ഡി സതീശൻ
