Kerala
സബ് ട്രഷറിയില് നിന്ന് 12.10 ലക്ഷം രൂപ തട്ടിയെടുത്തു: അഞ്ച് ട്രഷറി ജീവനക്കാര്ക്ക് സസ്പെന്ഷന്
കഴക്കൂട്ടം: വ്യാജ ചെക്ക് ഉപയോഗിച്ച് കഴക്കൂട്ടം സബ് ട്രഷറിയില്നിന്ന് 12.10 ലക്ഷം രൂപ തട്ടിയെടുത്തതായി കണ്ടെത്തി. സംഭവത്തില് അഞ്ച് ട്രഷറി ജീവനക്കാരെ സസ്പെന്ഡ് ചെയ്തു. ജൂനിയര് സൂപ്രണ്ടുമാരായ സാലി, സുജ, അക്കൗണ്ടന്റുമാരായ ഷാജഹാന്, വിജയരാജ്, ഗിരീഷ് എന്നിവരെയാണ് അന്വേഷണവിധേയമായി സസ്പെന്ഡ് ചെയ്തത്.
മരിച്ചവരുടെ അക്കൗണ്ടുകളില്നിന്ന് പണം തട്ടിയതായി ധനവകുപ്പിലെ പരിശോധനസംഘം കണ്ടെത്തി. സംഭവത്തില് കഴക്കൂട്ടം പൊലീസ് കേസ് രജിസ്റ്റര് ചെയ്തു.
ശ്രീകാര്യം ചെറുവക്കല് സ്വദേശി എം. മോഹനകുമാരിയുടെ അക്കൗണ്ടില്നിന്നുമാത്രം രണ്ടരലക്ഷം രൂപയാണ് നഷ്ടമായത്. ഇവര് കഴക്കൂട്ടം സബ് ട്രഷറി ഓഫിസര്ക്കും പൊലീസിലും പരാതി നല്കി. ജൂണ് മൂന്ന്, നാല് തീയതികളിലാണ് പണം പിന്വലിച്ചത്. മൂന്നിന് രണ്ട് ലക്ഷം രൂപയും നാലിന് 50,000 രൂപയും പിന്വലിച്ചു. പണം പിന്വലിച്ചത് വ്യാജ ചെക്ക് ഉപയോഗിച്ചാണെന്ന് കണ്ടെത്തി.
കഴിഞ്ഞമാസം പുതിയ ചെക്ക് ബുക്ക് നല്കിയെന്നാണ് ട്രഷറി അധികൃതരുടെ വിശദീകരണം. എന്നാല്, ചെക്ക് ബുക്കിന് താന് അപേക്ഷ നല്കിയിരുന്നില്ലെന്നും പുതിയ ചെക്കിലെ ഒപ്പ് വ്യാജമാണെന്നും മോഹനകുമാരി പറയുന്നു. ട്രഷറിയില് പണം പിന്വലിക്കാനെത്തിയപ്പോഴാണ് തട്ടിപ്പ് മനസ്സിലായതത്രെ. ഇവരുടെ പരാതിയില് നടന്ന പരിശോധനയിലാണ് മരണപ്പെട്ട രണ്ടുപേരുടെ അക്കൗണ്ടില്നിന്ന് പണം കവര്ന്നത് ശ്രദ്ധയില്പെട്ടത്.
മരണപ്പെട്ട ഗോപിനാഥന് നായരുടെ അക്കൗണ്ടില് നിന്ന് 6,70,000 രൂപയും മരണപ്പെട്ട സുകുമാരന്റെ അക്കൗണ്ടില് നിന്ന് 2,90,000 രൂപയുമാണ് തട്ടിയെടുത്തത്. ട്രഷറിയിലെ സി.സി ടി.വി കാമറ ഓഫ് ചെയ്തതിനുശേഷമാണ് പണംതട്ടല് എന്ന് കണ്ടെത്തി. കൂടുതല്പേരില്നിന്ന് പണം തട്ടിയിട്ടുണ്ടോ എന്നും പരിശോധിക്കുന്നുണ്ട്.
പുതിയ ചെക്ക് ബുക്കുകള് ഉപയോഗിച്ചാണ് ഉദ്യോഗസ്ഥര് പണം തട്ടിയത്. കഴക്കൂട്ടം പൊലീസും സ്ഥലത്ത് പരിശോധന നടത്തി. പണം തട്ടിയെടുത്തത് ആരെന്ന് തെളിഞ്ഞാല് അറസ്റ്റുള്പ്പെടെ നടപടികള് ഉണ്ടാകുമെന്ന് കഴക്കൂട്ടം അസിസ്റ്റന്റ് കമീഷണര് പറഞ്ഞു. വരും ദിവസങ്ങളിലും കൂടുതല് പരിശോധന നടക്കും
Kerala
കഞ്ചിക്കോട് മദ്യനിര്മാണ ശാല: ടെണ്ടര് പോലും വിളിക്കാതെ എന്തു ചട്ടമാണ് പാലിച്ചതെന്ന് രമേശ് ചെന്നിത്തല
തിരുവനന്തപുരം: ടെണ്ടര് വിളിക്കാതെയും യാതൊരു നടപടിക്രമങ്ങള് പാലിക്കാതെയും ഓയാസിസ് കമേഴ്സ്യല് പ്രൈവറ്റ് ലിമിറ്റഡ് എന്ന സ്ഥാപനത്തിന് പാലക്കാട് കഞ്ചിക്കോട് ഡിസ്റ്റിലറി തുടങ്ങാന് അനുമതി നല്കിയതിന്റെ കാരണം അഴിമതിയാണെന്ന് കോണ്ഗ്രസ് പ്രവര്ത്തക സമിതി അംഗം രമേശ് ചെന്നിത്തല. മന്ത്രി എം. ബി രാജേഷ് കാര്യങ്ങള് ജനങ്ങള്ക്കു മുമ്പാകെ വിശദീകരിക്കണമെന്നും അദ്ദേഹം ആവശ്യപ്പെട്ടു.ഈ കമ്പനിയുടെ കൈയില് നിന്ന് അപേക്ഷ വാങ്ങി മന്ത്രിസഭയുടെ മുന്നില് അനുമതിക്കു സമര്പ്പിച്ചത് എക്സൈസ് മന്ത്രിയാണ്. ഈ കമ്പനിയില് രാജേഷിനും ഇടതു സര്ക്കാരിനുമുള്ള പ്രത്യേക താല്പര്യം വെളിവാക്കണം. മദ്യനയത്തിന്റെ അടിസ്ഥാനത്തിലാണ് ഇത് ചെയതത് എന്നാണ് മന്ത്രി രാജേഷ് പറയുന്നത്. അങ്ങനെയെങ്കില് ടെണ്ടര് വിളിക്കണ്ടേ.
എല്ലാ ചട്ടങ്ങളും പാലിച്ചുവെന്നാണ് അദ്ദേഹത്തിന്റെ അവകാശവാദം. ടെണ്ടര് പോലും വിളിക്കാതെ എന്തു ചട്ടമാണ് പാലിച്ചത്. കേരളത്തില് 17 ല്പരം ഡിസ്റ്റിലറികളില് ഇ.എന്.എ ഉല്പാദനത്തിന് ലൈസന്സ് നല്കിയിട്ടുള്ള സര്ക്കാര് പൊതുമേഖലാ സ്ഥാപനമായ മലബാര് ഡിസ്റ്റിലറീസിന് എന്തുകൊണ്ടാണ് അനുമതി നല്കാതിരുന്നത്.തൃശൂര് ജില്ലയിലെ തിരുവില്വാമലയില് സ്വകാര്യമേഖലയിലെ സൂപ്പര് സ്റ്റാര് ഡിസ്റ്റിലറീസ് എന്ന സ്ഥാപനത്തില് മരച്ചീനിയില് നിന്ന് മദ്യം ഉല്പാദിപ്പിക്കാന് സര്ക്കാര് കൊണ്ടുവന്ന പദ്ധതിയുടെ ഇപ്പോഴത്തെ അവസ്ഥയെന്താണ്. കമ്പനീസ് ആക്ട് പ്രകാരം രജിസ്റ്റര് ചെയ്ത സ്ഥാപനമാണ് ഒയാസിസ് എന്നാണ് മന്ത്രി എംബി രാജേഷ് പറയുന്നത്. ഇന്ത്യയിലെ ഏതെങ്കിലും കമ്പനിക്ക് ഈ ആക്ട് പ്രകാരം രജിസ്റ്റര് ചെയ്യാതെ പ്രവര്ത്തിക്കാന് കഴിയുമോ.
രാജേഷ് എന്തൊക്കെയാണ് പറയുന്നത് എന്ന് അദ്ദേഹത്തിന് തന്നെ അറിയില്ല. കഴിഞ്ഞ തവണ യാതൊരു പരിചയവുമില്ലാത്ത കടലാസ് കമ്പനികള്ക്ക് ഡിസ്റ്റിലറി അനുവദിച്ചു കൊടുത്തത് ഓര്ത്തായിരിക്കും മന്ത്രി ഇപ്പോള് സംസാരിക്കുന്നത്. അന്ന് പ്രതിപക്ഷത്തിന്റെ ശക്തമായ എതിര്പ്പ് കാരണമാണ് ആ പദ്ധതി നടക്കാതെ വന്നത്.കേരളത്തിലെ ഡിസ്റ്റിലറികള് ഒരു വര്ഷം ഉല്പാദിപ്പിക്കുന്ന മദ്യം ഇവിടെ ചെലവാകുന്നുണ്ടോ എന്ന കാര്യം കൂടി മന്ത്രി വ്യക്തമാക്കണം. 1999 ലെ എക്സിക്യൂട്ടിവ് ഓര്ഡര് നിനില്ക്കുന്ന കാലത്തോളം ഇവിടെ പുതിയ ഡിസ്റ്റിലറികള് അനുവദിക്കാന് പാടുള്ളതല്ല.
കൊച്ചി: സിയാലില് അതിവേഗ ഇമിഗ്രേഷന് പദ്ധതിയ്ക്ക് തുടക്കമായി. ഉദ്യോഗസ്ഥ സഹായമില്ലാതെ ഇമിഗ്രേഷന് നടപടിക്രമങ്ങള് പൂര്ത്തിയാക്കാന് കഴിയുന്ന കേന്ദ്ര ആഭ്യന്തര മന്ത്രാലയത്തിന്റെ പദ്ധതി ഫാസ്റ്റ് ട്രാക്ക് ഇമിഗ്രേഷന് – ട്രസ്റ്റഡ് ട്രാവലര് പ്രോഗ്രാമിനാണ് തുടക്കമായത്.
ആഭ്യന്തര യാത്രക്കാര്ക്ക് ബോര്ഡിങ് പാസ് രഹിത പ്രവേശനമൊരുക്കുന്ന ഡിജി-യാത്ര സംവിധാനം നേരത്തെ തന്നെ സിയാലില് പ്രവര്ത്തനമാരംഭിച്ചിട്ടുണ്ട്. എഫ്.ടി.ഐ – ടി.ടി.പി സംവിധാനത്തിലൂടെ രാജ്യാന്തര യാത്രക്കാര്ക്ക് 20 സെക്കന്ഡുകള് കൊണ്ട് ഇമിഗ്രേഷന് നടപടികള് പൂര്ത്തിയാക്കാനാവും. അറൈവല്, ഡിപ്പാര്ച്ചര് മേഖലകളിലായി നാല് വീതം ബയോമെട്രിക് ഇ -ഗേറ്റുകള് ഫാസ്റ്റ് ട്രാക്ക് ഇമിഗ്രേഷനായി സജ്ജീകരിച്ചിട്ടുണ്ട്. ഇന്ത്യക്കാര്ക്കും ഓവര്സീസ് സിറ്റിസണ് ഓഫ് ഇന്ത്യ (ഒ.സി.ഐ.) കാര്ഡുടമകള്ക്കും ആഭ്യന്തര മന്ത്രാലയത്തിന്റെ പ്രത്യേക പോര്ട്ടല് വഴി അപേക്ഷ സമര്പ്പിക്കാം.
പാസ്പോര്ട്ട് ഉള്പ്പെടെയുള്ള രേഖകള് വിജയകരമായി അപ്ലോഡ് ചെയ്താല് അടുത്ത ഘട്ടമായ ബയോമെട്രിക് എന്റോള്മെന്റിലേയ്ക്ക് കടക്കാം. മുഖവും വിരലടയാളവും രേഖപ്പെടുത്താനുള്ള എന്റോള്മെന്റ് കൗണ്ടറുകള് കൊച്ചി വിമാനത്താവളത്തില് പ്രവര്ത്തിക്കുന്ന എഫ്.ആര്.ആര്.ഒ ഓഫീസിലും ഇമിഗ്രേഷന് കൗണ്ടറുകളിലും ഒരുക്കിയിട്ടുണ്ട്. ഒറ്റത്തവണ രജിസ്ട്രേഷന് പൂര്ത്തിയാക്കുന്നവര്ക്ക് പിന്നീടുള്ള എല്ലാ രാജ്യാന്തര യാത്രകള്ക്കും സ്മാര്ട് ഗേറ്റുകള് ഉപയോഗപ്പെടുത്താം. ഇതോടെ നടപടികള് പൂര്ത്തിയാക്കാന് വരി നിന്നുള്ള കാത്തുനില്പ്പും ഒഴിവാകും.
സ്മാര്ട് ഗേറ്റില് ആദ്യം പാസ്പോര്ട്ട് സ്കാന് ചെയ്യണം. രജിസ്റ്ററേഷന് നടത്തിയിട്ടുണ്ടെങ്കില് ഗേറ്റുകള് താനെ തുറക്കും. തുടര്ന്ന് രണ്ടാം ഗേറ്റിലെ ക്യാമറയില് മുഖം കാണിക്കാം. സിസ്റ്റം നിങ്ങളുടെ മുഖം തിരിച്ചറിയുന്നതോടെ ഗേറ്റ് തുറക്കുകയും ഇമിഗ്രേഷന് നടപടി പൂര്ത്തിയാവുകയും ചെയ്യും.
ആലപ്പുഴ: കുറുവ സംഘത്തിലെ രണ്ട് പേര് ആലപ്പുഴ മണ്ണഞ്ചേരി പൊലീസിന്റെ പിടിയില്. തമിഴ്നാട് പൊലീസിന്റെ പിടികിട്ടാപുള്ളികളാണ് പിടിയിലായത്. കറുപ്പയ്യയും നാഗരാജുവും ആണ് പിടിയിലായിരിക്കുന്നത്. ഇവരെ ഇടുക്കി രാജകുമാരിയില് നിന്ന് പൊലീസ് കസ്റ്റഡിയിലെടുത്തത്. അതേസമയം, കസ്റ്റഡിയിലെടുത്തവര്ക്ക് നിലവില് കേരളത്തില് കേസുകള് ഇല്ലെന്നാണ് പൊലീസ് പറയുന്നത്.
മണ്ണഞ്ചേരിയില് രജിസ്റ്റര് ചെയ്ത കുറുവ സംഘത്തിനെതിരായ കേസന്വേഷണത്തിന്റെ ഭാഗമായി കസ്റ്റഡിയില് എടുത്തതാണ് ഇവരെ. തുടര്ന്നുള്ള അന്വേഷണത്തിലാണ് പിടിയിലായവര് തമിഴ്നാട് പൊലീസിന്റെ പിടികിട്ടാപുള്ളികള് ആണെന്ന് അറിയുന്നത്. നാഗര്കോവില് പൊലീസിന് പ്രതികളെ കൈമാറും.
ശാസ്താംകോട്ട തടാക സംരക്ഷണം: സർക്കാരും എംഎൽഎയും ഉത്തരവാദിത്വം കാട്ടണം: പി എസ് അനുതാജ്
ലോറിയില് നിന്ന് മരം ഇറക്കുന്നതിനിടെ ദേഹത്ത് വീണ് ലോഡിങ് തൊഴിലാളി മരിച്ചു
കഞ്ചിക്കോട് മദ്യനിര്മാണ ശാല: ടെണ്ടര് പോലും വിളിക്കാതെ എന്തു ചട്ടമാണ് പാലിച്ചതെന്ന് രമേശ് ചെന്നിത്തല
-
Kerala2 months agoജീവനക്കാരുടെ ശമ്പളബില്ല്
കേന്ദ്രീകൃതമാക്കാനുള്ള നീക്കം,
ശമ്പളം കവര്ന്നെടുക്കാനുള്ള ആസൂത്രിത ശ്രമമാണെന്ന് ; ചവറ ജയകുമാര് -
News1 month agoക്ഷാമബത്ത കേസില് ഇടക്കാല ഉത്തരവ്
-
News2 months agoക്ഷാമ ബത്ത കേസിൽ ഇടക്കാല ഉത്തരവ്
-
Featured3 months agoഡി എ: പ്രഖ്യാപനം നിരാശാജനകമെന്ന് സെക്രട്ടേറിയറ്റ് അസോസിയേഷൻ
-
Kerala3 months agoക്ഷാമബത്ത: കുടിശ്ശിക നിഷേധിച്ചാൽ നിയമപരമായി നേരിടും; ചവറ ജയകുമാർ
-
News2 months ago
ജീവനക്കാരെ രണ്ടു തട്ടിലാക്കുന്ന നടപടി സർക്കാർ അവസാനിപ്പിക്കണം
-
News1 month agoസര്ക്കാര് ജീവനക്കാരും അധ്യാപകരുംഅനിശ്ചിത കാല പണിമുടക്കിലേക്ക്: സെറ്റോ
-
Featured5 days agoസംസ്ഥാനത്ത് നാളെ 6 ജില്ലകൾക്ക് അവധി
You must be logged in to post a comment Login