Kerala
വടശേരിക്കോണം പ്രതികൾ മയക്കുമരുന്നിന് അടിമകൾ, മുൻകൂട്ടി ആസൂത്രണം ചെയ്ത കൊലപാതകം
വർക്കല: വടശേരിക്കോണത്തെ നടുക്കിയ കൊലപതകത്തിൽ ഭയം മാറാതെ നാട്ടുകാർ. സ്ഥിരം മദ്യപാനികളു മയക്കുമരുന്നിന് അടിമകളുമാണ് പ്രതികൾ. ഇവരെ പേടിച്ച് സന്ധ്യ കഴിഞ്ഞാൽ സ്ത്രീകളാരും വഴി നടക്കാറില്ലെന്നും അയൽവാസികൾ. രാത്രിയായാൽ ഈ പ്രദേശം മുഴുവൻ ഇവരുൾപ്പെട്ട സംഘത്തിന്റെ നിയന്ത്രണത്തിലാണത്ര. മദ്യവും മയക്കുമരുന്നും സ്ഥിരം ഉപയോഗിക്കുന്നവരാണ് പ്രതികളെന്നും അതുപയോഗിച്ചുള്ള നിരവധി പ്രശ്നങ്ങൾ ഇവരുൾപ്പെട്ട സംഘം പ്രദേശത്ത് നടത്തിയിട്ടുണ്ടെന്നും പൊലീസും പറയുന്നു.
ജെജെ പാലസിൽ ജിഷ്ണു(26), സഹോദരൻ ജിജിൻ(25), സുഹൃത്തുക്കളായ വടശേരിക്കോണം മനുഭവനിൽ മനു(26), കെ.എസ്.നന്ദനത്തിൽ ശ്യാംകുമാർ(26) എന്നിവരാണ് കേസിൽ പ്രതികൾ. പ്രതികളെ റിമാൻഡ് ചെയ്തതിനെ തുടർന്ന് കൂടുതൽ ചോദ്യം ചെയ്യലിനും തെളിവെടുപ്പിനും തയ്യാറെടുക്കുകയാണ് പൊലീസ്. ഇവർ കുറ്റം സമ്മതിച്ചിട്ടുണ്ട്.
വർക്കല വടശേരിക്കോണത്ത് ശ്രീലക്ഷ്മിയിൽ രാജു (61)വിനെ മുഖ്യപ്രതി ജിജിൻ മൺവെട്ടികൊണ്ട് തലയ്ക്കടിച്ചുകൊല്ലുകയായിരുന്നു. വിവാഹവീട്ടിൽ പ്രശനമുണ്ടാക്കണം എന്ന ഉദ്ദേശ്യത്തോടെ തന്നെയാണ് പ്രതികൾ എത്തിയത്. ഇതിനായി ഇവർ മുന്നൊരുക്കങ്ങളും നടത്തിയിരുന്നു എന്നും പൊലീസ് പറയുന്നു. പുറമേ നിന്ന് വീട് നിരീക്ഷിച്ചിരുന്ന പ്രതികൾ എതിർക്കാൻ ശേഷിയുള്ള ആരും വീട്ടിലില്ലെന്ന് ഉറപ്പിച്ച ശേഷമാണ് വീട്ടിലെത്തിയത്.
കൊലപാതകത്തിൽ പങ്കെടുത്ത പ്രതികളെല്ലാം ലഹരിക്ക് അടിമകളാണെന്നാണ് നാട്ടുകാർ പറയുന്നത്. ജിഷ്ണുവും സഹോദരനും എല്ലാവരോടും തട്ടിക്കയറുന്ന സ്വഭാവക്കാരാണത്രേ. ഇതിൽ ജിഷ്ണുവിൻ്റെ അനുജൻ ജിജിൻ എപ്പോഴും അക്രമാസക്തനാണ്. സ്ഥിരമായി മയക്കുമരുന്ന്ഉപയോഗിക്കുന്നവരാണ് സഹോദരൻമാരെന്നും പൊലീസ് പറയുന്നു. വിവാഹ വീട്ടിൽ ഇവർ എത്തിയത് മയക്കുമരുന്ന് ഉപയോഗിച്ചാണെന്നും വ്യക്തമായി.
Kerala
വിവാഹം കഴിച്ചെന്ന് തെറ്റിദ്ധരിപ്പിച്ച് 15 കാരിയെ പീഡിപ്പിച്ചു; യുവാവും, ഒത്താശ ചെയ്ത പെൺകുട്ടിയുടെ മാതാവും അറസ്റ്റിൽ
പത്തനംതിട്ട: പതിനഞ്ചുകാരിയെ തെറ്റിദ്ധരിപ്പിച്ച് താലികെട്ടിയ ശേഷം മൂന്നാറിലെത്തിച്ച് ലൈംഗികമായി പീഡിപ്പിച്ച യുവാവിനെയും വിവാഹത്തിന് ഒത്താശ ചെയ്ത പെണ്കുട്ടിയുടെ മാതാവിനെയും പോലീസ് പോക്സോ കേസില് അറസ്റ്റ് ചെയ്തു. ഇലന്തൂര് ഇടപ്പരിയാരം വല്യകാലയില് വീട്ടില് അമല് പ്രകാശ് (25), കുട്ടിയുടെ അമ്മ(35) എന്നിവരാണ് മലയാലപ്പുഴ പോലീസിന്റെ പിടിയിലായത്. ഫോണ് മുഖേനെ വലയിലാക്കിയ പെണ്കുട്ടിയെയാണ് വിവാഹവാഗ്ദാനം ചെയ്ത് താലി ചാര്ത്തുകയും പീഡിപ്പിക്കുകയും ചെയ്തത്. ഇതിന് ഒത്താശ ചെയ്തുവെന്ന് വെളിവായതിനെ തുടര്ന്നാണ് കുട്ടിയുടെ അമ്മയെ അറസ്റ്റ് ചെയ്തത്.
കുട്ടിയെ കാണാതായതിനു മലയാലപ്പുഴ പോലീസ് പിതാവിന്റെ മൊഴിപ്രകാരം കേസെടുത്തിരുന്നു. ശനിയാഴ്ച രാവിലെ 10 മണി മുതല് കുട്ടിയെ കാണാതായി എന്നായിരുന്നു പരാതി. കുട്ടിയെ മാതാവിന്റെ സഹായത്തോടെ വീട്ടില് നിന്നും അമല് വിളിച്ചിറക്കിക്കൊണ്ടു പോകുകയായിരുന്നു. ചുട്ടിപ്പാറയിലെത്തിച്ച് മാതാവിന്റെ സാന്നിധ്യത്തില് കഴുത്തില് താലിചാര്ത്തി വിവാഹം കഴിച്ചെന്നു പറഞ്ഞ് വിശ്വസിപ്പിച്ച് അന്ന് വൈകിട്ട് മൂന്നാറിലേക്ക് കൊണ്ടുപോയി. അമ്മയും ഒപ്പം പോയി.ഞായറാഴ്ച രാവിലെ മൂന്നാര് ടൗണിനു സമീപം ഹോട്ടലില് മുറിയെടുത്ത് താമസിച്ചു. മാതാവ് ശുചിമുറിയില് പോയ തക്കം നോക്കി അമല് കുട്ടിയെ ബലാല്സംഗം ചെയ്യുകയായിരുന്നു. ജില്ലാ പോലീസ് സൈബര് സെല്ലിന്റെ സഹായത്തോടെ മൊബൈല് ഫോണ് ലൊക്കേഷന് തിരിച്ചറിഞ്ഞ അന്വേഷണസംഘം തിങ്കളാഴ്ച രാവിലെ ഏഴു മണിയോടെ മൂവരെയും കണ്ടെത്തി. പെണ്കുട്ടിയെ കോന്നി നിര്ഭയ ഹെന്റി ഹോമിലെത്തിച്ചു. കുട്ടിയുടെ മൊഴിയുടെ അടിസ്ഥാനത്തില് അമലിനെതിരെ ബലാല്സംഗത്തിനും പോക്സോ നിയമപ്രകാരവുമുള്ള വകുപ്പുകള് ചേര്ത്ത് കേസ് രജിസ്റ്റര് ചെയ്യുകയായിരുന്നു.
സംരക്ഷണചുമതലയുള്ള വ്യക്തിയെന്ന നിലയ്ക്ക് ഉത്തരവാദിത്തം നിര്വഹിക്കാത്തതിന്റെ പേരില് മാതാവിനെ ബാലനീതി നിയമത്തിലെ ബന്ധപ്പെട്ട വകുപ്പുപ്രകാരം അറസ്റ്റ് ചെയ്തു. തുടര് നടപടികള് പൂര്ത്തിയാക്കി പ്രതികളെ കോടതിയില് ഹാജരാക്കി.
കൊച്ചി: എറണാകുളം തൃപ്പൂണിത്തുറ ഇരുമ്പനത്ത് ഫ്ലാറ്റിൽ നിന്ന് വീണ് വിദ്യാർഥി മരിച്ചു. ഇരുമ്പനം സ്വദേശി മിഹിൽ (15) ആണ് മരിച്ചത്. തൃപ്പൂണിത്തുറ പൊലീസ് കേസെടുത്തു. ബുധനാഴ്ച വൈകുന്നേരം നാലുമണിയോടെയായിരുന്നു അപകടമുണ്ടായത്. 42 നിലയുള്ള ആഢംബര ഫ്ലാറ്റിന്റെ 26-ാം നിലയിൽ നിന്നായിരുന്നു ഒൻപതാം ക്ലാസ് വിദ്യാർഥി താഴേക്ക് വീണത്.
തിരുവനന്തപുരം: നെയ്യാറ്റിന്കര ഗോപന് സ്വാമിയുടെ സമാധി കേസ് വിവാദത്തിൽ ഒടുവിൽ തീരുമാനമായി. ഗോപന് സ്വാമിയെ സമാധി ചെയ്ത കല്ലറയിലെ സ്ലാബ് പൊളിച്ചുമാറ്റി നാളെ പരിശോധന നടത്തും. ഉച്ചയ്ക്ക് മുമ്പ് നടപടിക്രമങ്ങള് പൂര്ത്തിയാക്കാനാണ് ധാരണ. ബാരിക്കേഡ് വെച്ച് ആളുകളെ തടയും. ആവശ്യമെങ്കില് ഭാര്യയെയും മക്കളെയും കരുതല് തടങ്കലില് വെക്കാനും തീരുമാനിച്ചിട്ടുണ്ട്. കല്ലറ പൊളിക്കരുതെന്ന കുടുംബത്തിന്റെ ഹര്ജി ഇന്ന് ഹൈക്കോടതി തള്ളിയിരുന്നു. ഗോപന് സ്വാമിയുടെ മരണസര്ട്ടിഫിക്കറ്റും കോടതി ആവശ്യപ്പെട്ടിരുന്നു. ഗോപന് സ്വാമി എങ്ങനെയാണ് മരിച്ചതെന്ന് ചോദിച്ച ഹൈക്കോടതി സ്വാഭാവിക മരണമെങ്കില് കുടുംബത്തിന്റെ ആവശ്യം അംഗീകരിക്കാമെന്നും വ്യക്തമാക്കി.മരണം രജിസ്റ്റര് ചെയ്തോയെന്നും ഹൈക്കോടതി കുടുംബത്തോട് ചോദിച്ചിരുന്നു. മരണ സര്ട്ടിഫിക്കറ്റ് ഇല്ലെങ്കില് അസ്വഭാവിക മരണം ആയി കണക്കാക്കേണ്ടിവരുമെന്നും അല്ലെങ്കില് അന്വേഷണം തടയാനാവില്ലെന്നും ഹൈക്കോടതി വ്യക്തമാക്കി. കല്ലറ തുറക്കുന്നത് അന്വേഷണത്തിന്റെ ഭാഗമാണെന്നും എഫ്ഐആര് രജിസ്റ്റര് ചെയ്യാനും കല്ലറ തുറക്കാനും പൊലീസിന് അധികാരമുണ്ടെന്നും കോടതി അറിയിച്ചു.
-
Kerala2 months agoജീവനക്കാരുടെ ശമ്പളബില്ല്
കേന്ദ്രീകൃതമാക്കാനുള്ള നീക്കം,
ശമ്പളം കവര്ന്നെടുക്കാനുള്ള ആസൂത്രിത ശ്രമമാണെന്ന് ; ചവറ ജയകുമാര് -
News1 month agoക്ഷാമബത്ത കേസില് ഇടക്കാല ഉത്തരവ്
-
News2 months agoക്ഷാമ ബത്ത കേസിൽ ഇടക്കാല ഉത്തരവ്
-
Featured3 months agoഡി എ: പ്രഖ്യാപനം നിരാശാജനകമെന്ന് സെക്രട്ടേറിയറ്റ് അസോസിയേഷൻ
-
Kerala3 months agoക്ഷാമബത്ത: കുടിശ്ശിക നിഷേധിച്ചാൽ നിയമപരമായി നേരിടും; ചവറ ജയകുമാർ
-
News2 months ago
ജീവനക്കാരെ രണ്ടു തട്ടിലാക്കുന്ന നടപടി സർക്കാർ അവസാനിപ്പിക്കണം
-
News1 month agoസര്ക്കാര് ജീവനക്കാരും അധ്യാപകരുംഅനിശ്ചിത കാല പണിമുടക്കിലേക്ക്: സെറ്റോ
-
Featured3 days agoസംസ്ഥാനത്ത് നാളെ 6 ജില്ലകൾക്ക് അവധി
You must be logged in to post a comment Login