Connect with us
48 birthday
top banner (1)

crime

പ്രകൃതിവിരുദ്ധ ലൈംഗിക പീഡനം: എച്ച്ഐവി ബാധിതന് 3 ജീവപര്യന്തം

Avatar

Published

on

പുനലൂർ: 10 വയസ്സുകാരനെ പ്രകൃതിവിരുദ്ധ ലൈംഗിക പീഡനത്തിനിരയാക്കിയെന്ന കേസിൽ എച്ച്ഐവി ബാധിതനായ 49 വയസ്സുകാരന് മൂന്ന് ജീവപര്യന്തവും 22 വർഷം കഠിന തടവും 1,05,000 രൂപ പിഴയും ശിക്ഷ വിധിച്ചു. ഇന്ത്യയിൽ തന്നെ അത്യപൂർവമായതും ഹീനവും നിന്ദ്യവുമാണ് ഈ കേസിന് ആസ്‌പദമായ സംഭവങ്ങളെന്നു കോടതി നിരീക്ഷിച്ചു. 2020ൽ ആണ് കേസിനാസ്‌പദമായ സംഭവം. ഇന്ത്യൻ ശിക്ഷാനിയമത്തിലെയും പോക്സോ നിയമത്തിലെയും വിവിധ വകുപ്പുകളിലാണ് ശിക്ഷ. പിഴ ഒടുക്കിയില്ലെങ്കിൽ 9 മാസം കൂടി കഠിനതടവും വിധിച്ചിട്ടുണ്ട്. പുനലൂർ ഫാസ്റ്റ് ട്രാക്ക് സ്പെഷൽ കോടതി ഡിസ്ട്രിക്ട് ജഡ്‌ജി ടി.ഡി.ബൈജുവാണ് ശിക്ഷ വിധിച്ചത്. പ്രോസിക്യൂഷൻ ഭാഗത്തുനിന്ന് 19 സാക്ഷികളെ വിസ്തരിച്ചു. 28 രേഖകളും ഹാജരാക്കി.

Advertisement
inner ad

crime

ജയിലിൽ ലഹരി വസ്തു എത്തിക്കാൻ വിസമ്മതിച്ച കൂട്ടാളിയെ വീടുകയറി വെട്ടി ഗുണ്ടാസംഘം

Published

on

തിരുവനന്തപുരം: വിയ്യൂർ ജയിലിൽ ലഹരി വസ്തു എത്തിക്കാത്തതിൽതുടർന്ന് കൂട്ടാളിയെ ഗുണ്ടാ സംഘം വീട് കയറി വെട്ടി പരുക്കേൽപിച്ചു. പൂജപ്പുര തൃക്കണ്ണാപുരം ടഗോർ റോഡ് സിഎസ്ഐ പള്ളിക്ക് സമീപം ശ്രീവിനായകത്തിൽ ശരത്തിനെയാണു വെട്ടിപ്പരിക്കേൽപ്പിച്ചത്. സംഭവത്തിൽ മലയിൻകീഴ് പെരുകാവ് പിടാരം സ്വദേശികളായ ഷമീർ (24), വിനീഷ് (24) തൃക്കണ്ണാപുരം ഞാലിക്കോണം പുതുവൽ പുത്തൻവീട്ടിൽ ഗോകുൽ മഹേന്ദ്രൻ (25) എന്നിവരെ പൂജപ്പുര പൊലീസ് അറസ്റ്റ് ചെയ്തു. വെട്ടുകത്തി ഉപയോഗിച്ച് വെട്ടിയും ഹെൽമറ്റ് കൊണ്ട് അടിച്ച് കഴുത്തിലും പരുക്കേൽപിച്ചു.

Advertisement
inner ad

ഇവർ ഒട്ടേറെ ക്രിമിനൽ കേസുകളിൽ പ്രതികളാണ്. വിയ്യൂർ സെൻട്രൽ ജയിലിൽ തടവിൽ കഴിയുന്ന ശ്രീജിത്ത് ഉണ്ണി എന്ന ഗുണ്ടയുടെ സംഘത്തിൽപെട്ടവരാണ് വെട്ടേറ്റയാളും പ്രതികളും. ഇവർ പലതവണ ശ്രീജിത്ത് ഉണ്ണിക്ക് ജയിലിൽ ലഹരി എത്തിച്ചെന്ന് പൊലീസ് പറയുന്നു. കഞ്ചാവ് നിറച്ച കുപ്പി മതിലിനു സമീപത്തു നിന്നു ജയിൽ വളപ്പിലേക്ക് എറിഞ്ഞു കൊടുക്കും. ശരത്ത് ആണ് കൃത്യസ്ഥാനത്ത് കുപ്പി എറിയുന്നത്. ഗോകുൽ ജയിലിൽ നിന്നും ഇറങ്ങി രണ്ടാം ദിവസമാണ് ആക്രമണം നടത്തിയത്. ബൈക്ക്, 40,000 രൂപ വിലവരുന്ന മൊബൈൽഫോൺ, 7000 രൂപ അടങ്ങിയ പഴ്സ് എന്നിവയും കവർന്നു.

Advertisement
inner ad
Continue Reading

crime

അമേരിക്കന്‍ പ്രസിഡന്റ് ജോ ബൈഡന്റെ മകന്‍ ഹണ്ടര്‍ ബൈഡന്‍ കുറ്റക്കാരനാണെന്ന് കോടതി

Published

on

വില്‍മിംഗ്ടണ്‍ (യുഎസ്): നിയമവിരുദ്ധമായി തോക്ക് വാങ്ങാന്‍ കള്ളം പറഞ്ഞതിന് അമേരിക്കന്‍ പ്രസിഡന്റ് ജോ ബൈഡന്റെ മകന്‍ ഹണ്ടര്‍ ബൈഡന്‍ കുറ്റക്കാരനാണെന്ന് കോടതി. തോക്ക് കൈവശം വെക്കാന്‍ മയക്കുമരുന്ന് ഉപയോഗത്തെക്കുറിച്ചുള്ള പ്രസ്താവനയില്‍ ഹണ്ടര്‍ ബൈഡന്‍ കള്ളം പറയുകയായിരുന്നെന്നാണ് കോടതി കണ്ടെത്തിയത്. ചൊവ്വാഴ്ചയാണ് ഡെലവെയറിലെ വില്‍മിംഗ്ടണ്‍ ഫെഡറല്‍ കോടതി ജൂറി അദ്ദേഹത്തിനെതിരായ മൂന്ന് കാര്യങ്ങളിലും കുറ്റക്കാരനാണെന്ന് കണ്ടെത്തിയത്.

2018ല്‍ അനധികൃതമായി റിവോള്‍വര്‍ വാങ്ങിയതുമായി ബന്ധപ്പെട്ട കേസില്‍ തോക്ക് വ്യാപാരിയോട് കള്ളം പറയുക, അപേക്ഷയില്‍ തെറ്റായ അവകാശവാദം ഉന്നയിക്കുക, 11 ദിവസത്തേക്ക് നിയമവിരുദ്ധമായി തോക്ക് കൈവശം വെക്കുക എന്നീ കുറ്റങ്ങളിലാണ് ഹണ്ടര്‍ ബൈഡന്‍ വിചാരണ നേരിട്ടത്. 25 വര്‍ഷം വരെ തടവുശിക്ഷ അനുഭവിക്കാവുന്ന കുറ്റമാണ് അദ്ദേഹത്തിനെതിരെ ചുമത്തിയിരിക്കുന്നത്.

Advertisement
inner ad

എല്ലാ ആരോപണങ്ങളും ഹണ്ടര്‍ ബൈഡന്‍ നിഷേധിച്ചിട്ടുണ്ട്. അടുത്ത വിചാരണ സെപ്റ്റംബര്‍ അഞ്ചിന് ലോസ് ആഞ്ജലസില്‍ നടക്കുമെന്ന് റോയിട്ടേഴ്സ് റിപ്പോര്‍ട്ട് ചെയ്യുന്നു.

Advertisement
inner ad
Continue Reading

crime

അടുത്ത ബന്ധുക്കൾ കേസിൽ കുടുങ്ങിയെന്നു തെറ്റിദ്ധരിപ്പിക്കും; പണം തട്ടുന്ന അന്തർ സംസ്ഥാന സംഘങ്ങൾ സജീവം

Published

on

ആലുവ: അടുത്ത ബന്ധുക്കളും മറ്റും കേസിൽ കുടുങ്ങിയെന്നു തെറ്റിദ്ധരിപ്പിച്ചു പണം തട്ടുന്ന അന്തർ സംസ്ഥാന സംഘങ്ങൾ സജീവമെന്നു പൊലീസ്. കഴിഞ്ഞ ദിവസം കീഴ്മാട് എടയപ്പുറം സ്വദേശിയെ കബളിപ്പിക്കാൻ ശ്രമിച്ചെങ്കിലും ഹിന്ദിയിൽ നന്നായി മറുപടി പറഞ്ഞതിനാൽ നടന്നില്ല. ഇതോടെ പതറിയ തട്ടിപ്പുകാരൻ സംഭാഷണം അവസാനിപ്പിച്ചു. ഫോൺ ഓഫാക്കുകയും ചെയ്തു. മുംബൈ, ഡൽഹി എന്നിവിടങ്ങളിൽ നിന്നു ഫോണിൽ ബന്ധപ്പെട്ടാണു സംഘം പണം തട്ടാൻ ശ്രമിക്കുന്നതെന്നും അവർ പറയുന്നു.

Advertisement
inner ad

കഴിഞ ദിവസമാണ് എടയപ്പുറം സ്വദേശിയുടെ മകൾക്കു ദുബായിലാണ് ജോലി. അമ്മയുടെ ഫോണിലേക്കാണ് 12 അക്ക നമ്പറിൽ നിന്നു കോൾ എത്തിയത്. മകൾ ലഹരിക്കേസിൽ ഡൽഹി പൊലീസിന്റെ നിരീക്ഷണത്തിലാണെന്നു പറഞ്ഞതോടെ വീട്ടമ്മ ഫോൺ ഭർത്താവിനു കൈമാറി. മകൾ രക്ഷപ്പെടണമെങ്കിൽ തങ്ങൾ ആവശ്യപ്പെടുന്നതു ചെയ്യണമെന്നായിരുന്നു നിർദേശം. കാനഡയിൽ ആണു മകൾക്കു ജോലിയെന്നു പിതാവു കളവു പറഞ്ഞപ്പോൾ കനേഡിയൻ പൊലീസ് അറിയിച്ചതനുസരിച്ചാണ് ഇവിടെ അന്വേഷണം നടക്കുന്നതെന്നായി വിശദീകരണം. സംഭവം തട്ടിപ്പാണെന്നു മനസ്സിലായ പിതാവ് ഹിന്ദിയിൽ ക്ഷുഭിതനായി സംസാരിച്ചതോടെ ഫോൺ കട്ടായി. വിളിച്ചയാളുടെ പ്രൊഫൈൽ ചിത്രം പൊലീസ് വേഷത്തിലാണ്.
തട്ടിപ്പുകാർ വിളിക്കുന്നത് ഇന്റർനെറ്റ് കോളായതിനാൽ അവരെ കണ്ടെത്തുക പ്രയാസമാണെന്നു പൊലീസ് പറഞ്ഞു.

Advertisement
inner ad
Continue Reading

Featured