Connect with us
top banner (3)

Ernakulam

കെ ഫോൺ ഉദ്ഘാടന ചടങ്ങ് യുഡിഎഫ് ബഹിഷ്കരിക്കും,
എതിർക്കുന്നത് അഴിമതിയെ എന്ന് സതീശൻ

Avatar

Published

on

കൊച്ചി: കെ ഫോൺ ഉദ്ഘാടനച്ചടങ്ങ് യു.ഡി.എഫ് ബഹിഷ്‌ക്കരിക്കുമെന്ന് പ്രതിപക്ഷ നേതാവ് വി.ഡി. സതീശൻ മാധ്യമങ്ങളോട് പറഞ്ഞു.
കെ ഫോൺ ഉദ്ഘാടന ചടങ്ങും അതുമായി ബന്ധപ്പെട്ട എല്ലാ പരിപാടികളും യു.ഡി.എഫ് ബഹിഷ്‌ക്കരിക്കും. പദ്ധതിക്ക് യു.ഡി.എഫ് എതിരല്ല. പക്ഷെ അതിന് പിന്നിൽ നടന്ന അഴിമതിയെ എതിർക്കുന്നതു കൊണ്ടാണ് ബഹിഷ്‌ക്കരിക്കാൻ തീരുമാനിച്ചത്. രേഖകൾ സഹിതമാണ് പ്രതിപക്ഷം അഴിമതി ആരോപണം ഉന്നയിച്ചത്. എന്നിട്ടും പ്രതികരിക്കാൻ മുഖ്യമന്ത്രി ഇതുവരെ തയാറായിട്ടില്ലെന്ന് അദ്ദേഹം കുറ്റപ്പെടുത്തി.

2017-ൽ കെ- ഫോൺ പ്രഖ്യാപിച്ചപ്പോൾ 18 മാസം കൊണ്ട് 20 ലക്ഷം പേർക്ക് സൗജന്യ ഇന്റർനെറ്റ് നൽകുമെന്നാണ് പറഞ്ഞിരുന്നത്. ഏഴ് വർഷം കഴിഞ്ഞിട്ടും പതിനാലായിരം പേർക്ക് മാത്രമാണ് കണക്ഷൻ കൊടുക്കുന്നത്. 1028 കോടിയായിരുന്ന എസ്റ്റിമേറ്റ് തുക 50 ശതമാനം ഉയർത്തി 1531 കോടിയാക്കി. അഴിമതി ക്യാമറ ഇടപാടിലെ അതേ കമ്പനികൾ തന്നെയാണ് കെ ഫോണിലും ലാഭം തട്ടിയെടുക്കുന്നത്. മുഖ്യമന്ത്രിയുമായോ മുഖ്യമന്ത്രിയുടെ ഓഫീസുമായോ ബന്ധപ്പെട്ട കറക്കു കമ്പനികൾക്കല്ലാതെ മറ്റാർക്കും കരാറുകളൊന്നും കിട്ടില്ല. എസ്.ആർ.ഐ.ടിയിലേക്കോ പ്രസാഡിയയിലേക്കോ പണം എത്തുന്ന രീതിയിൽ ഗവേഷണം നടത്തിയുള്ള അഴിമതിയാണ് എല്ലായിടത്തും നടപ്പാക്കുന്നത്. ഏത് പാതയിൽ കൂടി സഞ്ചരിച്ചാലും ഒരു പെട്ടിയിരിക്കുന്ന സ്ഥലത്തേക്കെത്തും. ക്യാമറയിൽ നടന്നത്തിയതിനേക്കാൾ വ്യാപക അഴിമതിയാണ് കെ ഫോണിൽ നടന്നത്.

Advertisement
1000x200 PX MALAYALI DCTR MDX-02-02

പ്രതിപക്ഷം എന്ത് ആരോപണം ഉന്നയിച്ചാലും അതുമായി ബന്ധപ്പെട്ടതിനൊക്കെ സർക്കാർ തീയിടും. ബ്രഹ്‌മപുരം, മെഡിക്കൽ സർവീസസ് കോർപറേഷൻ അഴിമതികളിലും ഇതാണ് നടന്നത്. സെക്രട്ടേറിറ്റുമായി ബന്ധപ്പെട്ട് ആരോപണം ഉന്നയിച്ചാൽ അപ്പോൾ അവിടെ തീയിടും. പ്രതിപക്ഷം ഇനിയും ആരോപണങ്ങൾ ഉന്നയിച്ചാൽ ഭരണകക്ഷി കേരളത്തിന് തന്നെ തീയിടുന്ന അവസ്ഥയാണ് നിലനിൽക്കുന്നത്. അഴിമതിക്ക് മറയിടാനാണ് സർക്കാർ ശ്രമിക്കുന്നതെന്നും സതീശൻ കുറ്റപ്പെടുത്തി.

സംസ്ഥാനത്തിന്റെ ഏത് കടമെടുപ്പ് പരിധിയാണ് കുറച്ചതെന്ന് സംസ്ഥാന സർക്കാരോ കേന്ദ്ര സർക്കാരോ വ്യക്തമാക്കിയിട്ടില്ല. അതിന്റെ വിശദാംശങ്ങൾ ലഭ്യമായാൽ മാത്രമെ അക്കാര്യത്തിൽ പ്രതിപക്ഷത്തിന് പ്രതികരിക്കാനാകൂ. ഇതുമായി ബന്ധപ്പെട്ട് ധനകാര്യമന്ത്രിയുടെ ഒരു ഫേസ്ബുക്ക് പോസ്റ്റ് മാത്രമാണ് വന്നിരിക്കുന്നത്. കടമെടുപ്പ് പരിധി വെട്ടിക്കുറച്ചതുമായി ബന്ധപ്പെട്ട എന്തെങ്കിലും രേഖകളുണ്ടെങ്കിൽ അത് പ്രസിദ്ധീകരിക്കാൻ ധനകാര്യമന്ത്രി തയാറാകണം. അല്ലാതെ കാള പെറ്റെന്നു കേട്ട് കയറെടുക്കേണ്ട കാര്യം പ്രതിപക്ഷത്തിനില്ലെന്നും സതീശൻ വ്യക്തമാക്കി.

Advertisement
1000x200 PX MALAYALI DCTR MDX-02-02
Continue Reading
Advertisement
1000x200 PX MALAYALI DCTR MDX-02-02
Click to comment

You must be logged in to post a comment Login

Leave a Reply

Ernakulam

ഗു​ണ്ടാ നേ​താ​വി​ന്‍റെ വിരു​ന്നി​ല്‍ പ​ങ്കെ​ടു​ത്ത സം​ഭ​വം; ര​ണ്ട് പോ​ലീ​സു​കാ​ര്‍​ക്ക് സ​സ്‌​പെ​ന്‍​ഷന്‍

Published

on

കൊ​ച്ചി: കൊച്ചിയിലെ ഗു​ണ്ടാ നേ​താ​വി​ന്‍റെ വിരു​ന്നി​ല്‍ പ​ങ്കെ​ടു​ത്ത സം​ഭ​വ​ത്തി​ല്‍ ര​ണ്ട് പോ​ലീ​സു​കാ​ര്‍​ക്ക് സ​സ്‌​പെ​ന്‍​ഷ​ന്‍. ഡി​വൈ​എ​സ്പി എം.​ജി.​സാ​ബു​വി​ന്‍റെ ഡ്രൈ​വ​റെ​യും എ​ആ​ര്‍ ക്യാ​മ്പി​ലെ മ​റ്റൊ​രു പോ​ലീ​സു​കാ​ര​നെ​യു​മാ​ണ് സ​സ്‌​പെ​ന്‍​ഡ് ചെ​യ്ത​ത്. ആ​ല​പ്പു​ഴ ജി​ല്ലാ പോ​ലീ​സ് മേ​ധാ​വി​യു​ടേ​താ​ണ് ന​ട​പ​ടി.

ഗു​ണ്ടാ​നേ​താ​വാ​യ ത​മ്മ​നം ഫൈ​സ​ലി​ന്‍റെ അങ്ക​മാ​ലി​യി​ലെ വീ​ട്ടി​ലാ​ണ് ഞാ​യ​റാ​ഴ്ച ആ​ല​പ്പു​ഴ​യി​ലെ ക്രൈം ​ഡി​റ്റാ​ച്ച്‌​മെ​ന്‍റി​ല്‍​നി​ന്നു​ള്ള ഡി​വൈ​എ​സ്പി എം.​ജി.​സാ​ബു​വും, പോ​ലീ​സ് ഡ്രൈ​വ​റും മ​റ്റ് ര​ണ്ട് പോ​ലീ​സു​കാ​രും വി​രു​ന്നി​ന് എ​ത്തി​യ​ത്. ഇ​തി​നി​ടെ അ​ങ്ക​മാ​ലി എ​സ്‌​ഐ പ​രി​ശോ​ധ​ന​യ്‌​ക്കെ​ത്തി​യ​പ്പോ​ള്‍ ഡി​വൈ​എസ്പി ശു​ചി​മു​റി​യി​ല്‍ ക​യ​റി ഒ​ളി​ക്കു​ക​യാ​യി​രു​ന്നു.

Advertisement
1000x200 PX MALAYALI DCTR MDX-02-02

ഗു​ണ്ട​ക​ളെ പി​ടി​കൂ​ടാ​നു​ള്ള പ​ദ്ധ​തി​യാ​യ ആ​ഗ് ഓ​പ്പ​റേ​ഷ​ന്‍റെ ഭാ​ഗ​മാ​യാ​ണ് ത​മ്മ​നം ഫൈ​സ​ലി​ന്‍റെ വീ​ട്ടി​ല്‍ പോ​ലീ​സെ​ത്തി​യ​ത്. പി​ന്നാ​ലെ ഫൈ​സ​ല്‍ അ​ട​ക്ക​മു​ള്ള ഗു​ണ്ട​ക​ളെ ക​രു​ത​ല്‍ ത​ട​ങ്ക​ലി​ലാ​ക്കി പോ​ലീ​സ് സം​ഘം മ​ട​ങ്ങു​ക​യാ​യി​രു​ന്നു.

Advertisement
1000x200 PX MALAYALI DCTR MDX-02-02
Continue Reading

Ernakulam

ചാപ്പകടപ്പുറത്ത് ചാളക്കൊയ്ത്ത്

Published

on

എളങ്കുന്നപ്പുഴ: മീൻക്ഷാമത്തെ തുടർന്നു 4 മാസം കഴിഞ്ഞു കടലിൽ ഇറങ്ങിയ മൽത്സ്യ തൊഴിലാളികൾക്ക് ലഭിച്ചത് വലിയമുട്ടച്ചാള. രാവിലെ എളങ്കുന്നപ്പുഴ ചാപ്പകടപ്പുറത്തു നിന്നു കടലിൽ പോയ 3 വഞ്ചികൾക്കു ചാള ലഭിച്ചതോടെ കൂടുതൽ വഞ്ചികൾ കടലിൽ ഇറങ്ങി. കി.ഗ്രാമിന് 220 രൂപയ്ക്കു ആരംഭിച്ച വിൽപ്പന പിന്നീട് 200 രൂപയിലേക്കു താഴ്ന്നു. വഞ്ചികൾക്കു 50,000 രൂപ വരെ ലഭിച്ചു.

Advertisement
1000x200 PX MALAYALI DCTR MDX-02-02

മീൻക്ഷാമത്തെ തുടർന്നു ഉപജീവനം പ്രതിസന്ധിയിലായിരുന്ന മത്സ്യത്തൊഴിലാളികൾക്കു ചാളയുടെ വരവ് ആശ്വാസമേകി. പെരിയാറിൽ വിഷജലം ഒഴുക്കിയതിനെ തുടർന്നു നിരാശയിൽ ഇരിക്കുന്നതിനിടയിലാണ് അപ്രതീക്ഷിതമായ ഈ ചാളക്കൊയ്ത്ത്. മീൻക്ഷാമം നേരിടുന്ന ആഭ്യന്തര മാർക്കറ്റിലും ചാളയുടെ വരവ് ഉണർവേകി.

Advertisement
1000x200 PX MALAYALI DCTR MDX-02-02
Continue Reading

Ernakulam

മത്സ്യക്കുരുതി; മലിനീകരണ നിയന്ത്രണ ബോർഡിന് വീഴ്ച പറ്റിയെന്ന് ഫോർട്ടുകൊച്ചി സബ് കളക്ടറുടെ റിപ്പോർട്ട്

Published

on

കൊച്ചി: പെരിയാറിലെ മത്സ്യക്കുരുതിയിൽ മലിനീകരണ നിയന്ത്രണ ബോർഡിന് വീഴ്ച പറ്റിയെന്ന് ഫോർട്ടുകൊച്ചി സബ് കലക്ടറുടെ റിപ്പോർട്ട്.
മത്സ്യത്തൊഴിലാളികളെ ഉൾക്കൊള്ളിച്ചുകൊണ്ടുള്ള നിരീക്ഷണ സംവിധാനം കൊണ്ടുവരാനുള്ള നിർദ്ദേശവും റിപ്പോർട്ടിലുണ്ട്. സബ് കലക്ടറുടെ റിപ്പോർട്ട് രാവിലെ ചീഫ് സെക്രട്ടറിയ്ക്ക് കൈമാറി. മലിനീകരണ നിയന്ത്രണ ബോർഡ് നൽകിയ അന്വേഷണ റിപ്പോർട്ട് തള്ളിക്കളഞ്ഞുകൊണ്ടുള്ളതാണ് സബ് കലക്ടർ കെ മീരയുടെ റിപ്പോർട്ട്. മത്സ്യക്കുരുതിക്ക് കാരണം വെള്ളത്തിലെ ഓക്സിജന്റെ അളവ് കുറഞ്ഞതാണ് എന്നതായിരുന്നു മലിനീകരണ നിയന്ത്രണ ബോർഡിൻ്റെ കണ്ടെത്തൽ.

മലിനീകരണ നിയന്ത്രണ ബോർഡിന്റെ റിപ്പോർട്ടിൽ വ്യവസായ സ്ഥാപനങ്ങളിൽ നിന്ന് പെരിയാറിലേക്ക് തള്ളുന്ന രാസമാലിന്യത്തെ കുറിച്ച് സൂചിപ്പിച്ചിരുന്നില്ല. എന്നാൽ ഇതിനെ തള്ളിക്കൊണ്ടായിരുന്നു കുഫോസ് പഠന സമിതിയുടെ റിപ്പോർട്ട്. പെരിയാറിൽ അമോണിയയും ഹൈഡ്രജൻ സൾഫൈഡും അപകടകരമായ അളവിൽ ഉണ്ടെന്ന് റിപ്പോർട്ടിൽ പറയുന്നു. രാസവസ്തുക്കൾ ഉള്ളിൽ ചെന്നതിൻ്റെ ആന്തരിക ക്ഷതം മത്സ്യങ്ങൾക്കുണ്ടായിരുന്നെന്നും കുഫോസിലെ ഏഴംഗ പഠനസമിതി കണ്ടെത്തിയിരുന്നു. ഇതിന്റെ അടിസ്ഥാനത്തിലാണ് പെരിയാറിലെ രാസമാലിന്യത്തെ കുറിച്ച് കൂടുതൽ അന്വേഷണം നടത്തണമെന്ന നിർദേശം ഉൾക്കൊള്ളിച്ചുകൊണ്ട് സബ് കലക്ടർ റിപ്പോർട്ട് നൽകിയിരിക്കുന്നത്.

Advertisement
1000x200 PX MALAYALI DCTR MDX-02-02
Continue Reading

Featured