സിൽവർ ലൈൻ, ​ഗവർണർ വിവാദങ്ങൾ ചർച്ച ചെയ്യാൻ യുഡിഎഫ് യോ​ഗം തുടങ്ങി

തിരുവനന്തപുരം: യുഡിഎഫ് ഉന്നതാധികാര സമതി യോ​ഗം കന്റോൺമെന്റ് ഹൗസിൽ തുടങ്ങി. സിൽവർ ലൈൻ പദ്ധതിക്കെതിരായ പ്രക്ഷോഭം ശക്തിപ്പെടുത്തുക, ​ഗവർണർ ആരിഫ് മുഹമ്മദ് ഖാന്റെ സ്വേച്ഛാധിപത്യ- രാഷ്‌ട്രീയ താത്പര്യങ്ങൾക്കു പ്രതിരോധം തീർക്കുക തുടങ്ങിയവയാണ് മുഖ്യ അജൻഡ. യുഡിഎഫ് ചെയർമാനും പ്രതിപക്ഷ നേതാവുമായ വി.ഡി. സതീശന്റെ അധ്യക്ഷതിയിലാണു യോ​ഗം. കെപിസിസി പ്രസിഡന്റ് കെ. സുധാകരൻ, മുൻ മുഖ്യമന്ത്രി ഉമ്മൻ ചാണ്ടി, മുൻ പ്രതിപക്ഷ നേതാവ് രമേശ് ചെന്നിത്തല. യുഡിഎഫ് കൺവീനർ എം.എം ഹസൻ, മുസ്ലിം ലീ​ഗ് ജനറൽ സെക്രട്ടറി പി.കെ. കുഞ്ഞാലിക്കുട്ടി, കെപിഎ മജീദ്, ഘടകക്ഷി നേതാക്കളായ പി.ജെ. ജോസഫ്, മോൻസ് ജോസഫ്, അനൂപ് ജേക്കബ്, എ.എ. അസീസ്, ജി. ദേവരാജൻ, സിപി ജോൺ തുടങ്ങിയവർ പങ്കെടുക്കുന്നു.

Related posts

Leave a Comment