Featured
പുതുപ്പള്ളി ആവേശത്തേരിൽ, മണ്ഡലം നിറഞ്ഞ് ചാണ്ടി ഉമ്മൻ
കോട്ടയം: ഉപതെരഞ്ഞെടുപ്പിന്റെ തിരക്കിലേക്ക് പുതുപ്പള്ളി നിയോജക മണ്ഡലം. ഇന്നലെ തെരഞ്ഞെടുപ്പ് തീയതി പ്രഖ്യാപിച്ച് മണിക്കൂറുകൾക്കകം യുഡിഎഫ് സ്ഥാനാർഥിയെ കോൺഗ്രസ് പ്രഖ്യാപിച്ചതോടെ പ്രചാരണ പ്രവർത്തനങ്ങൾക്കും തുടക്കമായി. കഴിഞ്ഞ 53 വർഷം മണ്ഡലത്തെ പ്രതിനിധീകരിച്ച പ്രിയ നേതാവ് ഉമ്മൻ ചാണ്ടി തന്നെയാണ് ഇത്തവണയും പ്രചാരണത്തിന് നേതൃത്വം നൽകുന്നത്. ഭൗതികദേഹമില്ലെങ്കിലും ഉമ്മൻ ചാണ്ടിയുടെ ആത്മാവ് തങ്ങൾക്കൊപ്പമുണ്ടെന്ന് പ്രവർത്തകരും നേതാക്കളും ഒന്നടങ്കം വിശ്വസിക്കുന്നു.
മണ്ഡലത്തിലുയർ‍ന്ന ഫ്ലക്സുകളിലെല്ലാം ഉമ്മൻ ചാണ്ടിയുടെ ചിത്രമുണ്ട്. ഒപ്പം സ്ഥാനാർഥിയും ഉമ്മൻ ചാണ്ടിയുടെ മകനുമായ ചാണ്ടി ഉമ്മനും.
നൂറു കണക്കിന് പ്രവർത്തകരാണ് ഇന്നു രാവിലെ പുതുപ്പള്ളി വലിയ പള്ളിയിലെത്തി ഉമ്മൻ ചാണ്ടിയുടെ കബറിടത്തിനു മുന്നിൽ പ്രാർഥിച്ചത്. മെഴുകുതിരി കത്തിച്ചും പുഷ്പാർച്ചന നടത്തിയും അവർ തങ്ങളുടെ നേതാവിനെ അനുസ്മരിച്ചു. ചാണ്ടി ഉമ്മനും രാവിലെ കബറിടത്തിലെത്തി അച്ഛന്റെ അനുഗ്രഹം വാങ്ങിയ ശേഷം മണ്ഡലത്തിലേക്കിറങ്ങി. ഇന്നലെ രാത്രി മുതൽ തന്നെ പ്രചാരണങ്ങൾക്കു തുടക്കം കുറിച്ചു. ഉമ്മൻ ചാണ്ടിയുടെ പ്രവർത്തന മികവും മാതൃകയും അസാധ്യമെങ്കിലും ഒരു പരിധിവരെ അതെല്ലാം പിന്തുടരാൻ ശ്രമിക്കുമെന്ന് ചാണ്ടി ഉമ്മൻ. ഉമ്മൻ ചാണ്ടി തുടങ്ങിവച്ചതും തുടർന്നു പോന്നതുമായ പദ്ധതികളും പ്രവർത്തനങ്ങളും ഏറ്റെടുത്ത് പൂർത്തിയാക്കുക ശ്രമകരമായ ജോലിയാണ്. എങ്കിലും അദ്ദേഹത്തിന്റെ അനുഗ്രഹത്തോടെ എല്ലാം സാധ്യമാകുമെന്നും ചാണ്ടി ഉമ്മൻ.
പുതുപ്പള്ളിയിലെ സ്ഥാനാർഥി നിർണയം നേതാക്കളെല്ലാം ഏക മനസോടെ കൈക്കൊണ്ടതാണെന്ന് എൈസിസി ജനറൽ സെക്രട്ടറി കെ.സി. വേണു ഗോപാൽ അറിയിച്ചു. പുതുപ്പള്ളിയിൽ വിജയം അനായാസമാണ്. പക്ഷേ, ഉമ്മൻ ചാണ്ടിയില്ലാത്ത തെരഞ്ഞെടുപ്പും പ്രവർത്തനങ്ങളും വിഷമമേറിയതാണെന്നും അദ്ദേഹം പറഞ്ഞു. പുതുപ്പള്ളിയിൽ യുഡിഎഫ് വിജയിക്കുന്നതിലല്ല, ഭൂരപിക്ഷം ഉയർത്തുന്നതിലാണ് കാര്യമെന്ന് പ്രതിപക്ഷ നേതാവ് വി.ഡി. സതീശൻ പറഞ്ഞു. പ്രവർത്തകർ ഏകമനസോടെ ചാണ്ടി ഉമ്മനു വേണ്ടി രംഗത്തിറങ്ങും. ഉമ്മൻ ചാണ്ടിക്കു നൽകുന്ന കൃതജ്ഞത കൂടിയാവും ഈ തെരഞ്ഞെടുപ്പ് ഫലമെന്നും സതീശൻ ചൂണ്ടിക്കാട്ടി.
പുതുപ്പള്ളിയിൽ യുഡിഎഫ് സ്ഥാനാർഥി ചാണ്ടി ഉമ്മൻ റെക്കോഡ് ഭൂരിപക്ഷത്തിൽ വിജയിക്കുമെന്ന് മുൻ പ്രതിപക്ഷ നേതാവ് രമേശ് ചെന്നിത്തല അവകാശപ്പെട്ടു പഴുതില്ലാത്ത പ്രവർത്തനമാണ് പുതുപ്പള്ളിയിൽ നടത്തുക. ഇടതു മുന്നണിക്കു മേലുള്ള വൻ രാഷ്‌ട്രീയ വിജയമാണ് പുതുപ്പള്ളിയിൽ യുഡിഎഫ് കാത്തിരിക്കുന്നതെന്നും അദ്ദേഹം പറഞ്ഞു.
ന്യൂഡല്‍ഹി: ജയിലുകളില്‍ ജാതിവിവേചനം പാടില്ലെന്ന് സുപ്രീംകോടതി. ചീഫ് ജസ്റ്റിസ് ഡി വൈ ചന്ദ്രചൂഡ് അധ്യക്ഷനായ ബെഞ്ചിന്റേതാണ് ഉത്തരവ്. കേരളം ഉള്‍പ്പടെയുള്ള സംസ്ഥാനങ്ങളിലെ ജയില്‍ മാനുവല്‍ ചോദ്യം ചെയ്തുള്ള ഹര്‍ജിയിലാണ് സുപ്രീം കോടതി ഉത്തരവ്. ജയിൽ ചട്ടം എല്ലാ സംസ്ഥാനങ്ങളും മൂന്ന് മാസത്തിനുള്ളില്‍ പരിഷ്‌കരിക്കണമെന്നും ജയില്‍പുള്ളികള്‍ക്ക് മാന്യമായി ജീവിക്കാനുള്ള സാഹചര്യം ഉണ്ടാകണമെന്നും സുപ്രീംകോടതി അഭിപ്രായപ്പെട്ടു. ജയിലിൽ ഒരു തരത്തിലുമുള്ള വിവേചനം പാടില്ലെന്നും സംരക്ഷണം നല്കുന്നതിനുവേണ്ടി മാത്രമേ ജാതി പരിഗണിക്കാവൂ എന്നും സുപ്രീം കോടതി പറഞ്ഞു. സ്വാതന്ത്രം ലഭിച്ച് 75 വര്‍ഷങ്ങൾക്ക് ശേഷവും ജാതിവിവേചനം നിലനിൽക്കുന്നുണ്ടെന്നും കോടതി അഭിപ്രായപ്പെട്ടു.
മുഖ്യമന്ത്രി പിണറായി വിജയനെതിരെ വീണ്ടും രൂക്ഷ വിമർശനവുമായി പിവി അൻവർ എംഎൽഎ. ദ ഹിന്ദു ദിനപത്രത്തിന് നൽകിയ വിവാദ അഭിമുഖത്തിന്റെ പൂർണ ഉത്തരവാദിത്വം മുഖ്യമന്ത്രിയുടെ ഓഫീസിനാണെന്ന് അൻവർ ആരോപിച്ചു. പി.ആർ ഏജൻസിയുമായി മുഖ്യമന്ത്രിയുടെ ഓഫീസിന് പങ്കുണ്ടെന്നതിൽ സംശയമില്ലെന്നും മുഖ്യമന്ത്രിയുടെ ഓഫീസ് നാടകം കളിയ്ക്കുകയാണെന്നും അൻവർ കൂട്ടിച്ചേർത്തു. അഭിമുഖം തെറ്റാണെങ്കിൽ എന്തുകൊണ്ടാണ് ഹിന്ദുവിനെതിരെ പരാതി നൽകാത്തതെന്നും അൻവർ ചോദിച്ചു.
ഒരു ജില്ലയെ അവഹേളിക്കുന്ന തരത്തിലുള്ള പരാമർശമാണ് മുഖ്യമന്ത്രിയുടെ ഭാഗത്ത് നിന്നും ഉണ്ടായത്. എഡിജിപിയേയും പി ശശിയേയും മുഖ്യമന്ത്രിയ്ക്ക് പേടിയാണെന്നും പാർട്ടി മുഖ്യമന്ത്രിയെ പേടിക്കുന്നത് എന്തിനാണെന്ന് അൻവർ പറഞ്ഞു. ആർ എസ് എസ് ഏറ്റവും മഹത്തരമായ സംഘടനയാണ് എന്ന് പറഞ്ഞത് കേരള സ്പീക്കറാണ്. കണ്ണൂരിലെ ജനങ്ങൾ അതിന് മറുപടി നൽകണമെന്നും അൻവർ പറഞ്ഞു. കൂടാതെ കെടി ജലീലിനെയും അൻവർ വിമർശിച്ചു. കെ.ടി ജലീൽ മറ്റാരുടേയോ കാലിൽ ആണ് നിൽക്കുന്നതെന്നും അദ്ദേഹത്തിന് അതെ സാധിക്കൂവെന്നും കാര്യങ്ങൾ ധീരമായി ഏറ്റെടുക്കാനുള്ള ശേഷിയില്ലാത്തതുകൊണ്ടാണതെന്നും അൻവർ വ്യക്തമാക്കി.
കണ്ണൂര്‍: എഡിജിപി എം ആര്‍ അജിത് കുമാറിനെതിരെ പുതിയ ആരോപണവുമായി കോണ്‍ഗ്രസ് പ്രവര്‍ത്തകസമിതി അംഗം രമേശ് ചെന്നിത്തല. എഡിജിപി ആര്‍എസ്എസ് നേതാവ് വത്സന്‍ തില്ലങ്കേരിയുമായി നാല് മണിക്കൂറിലധികം കൂടിക്കാഴ്ച നടത്തി. എന്താണ് ഇത്രയും സമയം ചര്‍ച്ച ചെയ്യാനുള്ളതെന്നും ഇതൊക്കെ മുഖ്യമന്ത്രിയുടെ അറിവോടെ നടക്കുന്ന കാര്യമാണെന്നും അതുകൊണ്ടാണ് മുഖ്യമന്ത്രി എഡിജിപിയെ സംരക്ഷിക്കുന്നതെന്നും ചെന്നിത്തല പറഞ്ഞു.
പി ആർ ഏജൻസി മുഖേന അഭിമുഖം നൽകുന്നത് സംഘപരിവാറിനെ സഹായിക്കാനാണെന്നും ഉടഞ്ഞ വിഗ്രഹം നന്നാക്കാന്‍ പിആര്‍ ഏജന്‍സിക്ക് സാധ്യമല്ലെന്നും പിണറായി വിജയന്‍ ഉടഞ്ഞ വിഗ്രഹമാണെന്നും ചെന്നിത്തല കൂട്ടിച്ചേർത്തു. നവകേരള സദസും പിആര്‍ ഏജന്‍സിയുടെ തന്ത്രമായിരുന്നുവെന്നും പക്ഷേ പൊളിഞ്ഞു പോയെന്നും അദ്ദേഹം കുറ്റപ്പെടുത്തി. മാത്രമല്ല മലപ്പുറത്തെ ജനങ്ങളോട് മുഖ്യമന്ത്രി പരസ്യമായി മാപ്പ് പറയണം. സപിഐ സംസ്ഥാന സെക്രട്ടറി ബിനോയ് വിശ്വത്തിനെതിരെയും അദ്ദേഹം വിമർശനം ഉന്നയിച്ചു. സിപിഎമ്മിന്റെ കയ്യിലെ പാവയാണ് ബിനോയ് വിശ്വമെന്നും അദ്ദേഹം പറഞ്ഞു.
-
Featured2 months agoപാലിയേക്കര ടോള്: കരാര് കമ്പനിക്ക് 2128.72 കോടി രൂപ പിഴ ചുമത്തി ദേശീയപാത അതോറിറ്റി
-
News1 month agoജീവനക്കാരുടെ അവകാശങ്ങൾക്ക് തടസ്സം നിൽക്കുമെന്ന് സർക്കാർ
-
Business2 months agoസംസ്ഥാനത്ത് കോഴി വില കുത്തനെ കുറഞ്ഞു
-
Education3 weeks agoമഹാരാജാസിന് ഓട്ടോണമസ് പദവി നഷ്ടപ്പെട്ടിട്ട് നാലുവര്ഷം: കോളേജ് നടത്തുന്ന പരീക്ഷകള് അസാധുവാകും
-
Business3 months agoജിയോയ്ക്കും എയർടെല്ലിനും പിന്നാലെ വോഡാഫോൺ ഐഡിയയും; മൊബൈൽ റീചാർജ് നിരക്ക് വർധിപ്പിച്ചു
-
Ernakulam2 months agoശനിയാഴ്ച പ്രവൃത്തിദിനം ഹൈക്കോടതിവിധി സർക്കാരിന് കനത്ത തിരിച്ചടി: കെ പി എസ് ടി എ
-
News2 months agoസംഭാവന എല്ലാവരിൽ നിന്നും സ്വീകരിക്കാനുള്ള ഭേദഗതി ഉത്തരവിൽ വരുത്തണം: സെറ്റോ
-
News2 months ago
സർക്കാർ നിർദ്ദേശങ്ങൾ ശമ്പള സംഭാവന നിർബന്ധമാക്കുന്നത്: സെക്രട്ടേറിയറ്റ് ആക്ഷൻ കൗൺസിൽ
You must be logged in to post a comment Login