Connect with us
48 birthday
top banner (1)

Kerala

ജെയ്ക്ക് തോമസിന്റെ ബന്ധുക്കളുടെ വോട്ടും കിട്ടി: കെ. സുധാകരൻ

Avatar

Published

on

കോട്ടയം: കേരളം കണ്ട ഏറ്റവും വലിയ അഴിമതി ഭരണത്തിനു ജനങ്ങൾ നൽകിയ തിരിച്ചടിയാണ് പുതുപ്പള്ളിയിലെ ഉജ്വല വിജയമെന്ന് കെപിസിസി പ്രസിഡന്റ് കെ. സുധാകരൻ. ഉമ്മൻ ചാണ്ടിയുടെ പേരിലുള്ള സഹതാപവോട്ടല്ല, അദ്ദേഹത്തെ വേട്ടയാടിയവർക്കു പുതുപ്പള്ളിയുടെ മറുപടിയാണ് ഈ ഫലം. അതു സാധ്യമാക്കിയത് കോൺ​ഗ്രസും യുഡിഎഫും മാത്രമല്ല. സിപിഎമ്മിന്റെയും ബിജെപിയുടെയും മറ്റ് കക്ഷികളുടെയു വോട്ടുകളുണ്ട്. കേരളത്തിലെ രാഷ്‌ട്രീയത്തിൽ വരാനിരിക്കുന്ന വലിയ മാറ്റങ്ങളുടെ സൂചനയാണിതെന്നും ഡിസിസി ഓഫീസിൽ നടത്തിയ വാർത്താ സമ്മേളനത്തിൽ അദ്ദേഹം വ്യക്തമാക്കി. യുഡിഎഫിന്റെ തിളക്കമാർന്ന വിജയത്തിന് അദ്ദേഹം പുതപ്പള്ളിയിലെ വോട്ടർമാരോടു നന്ദി അറിയിച്ചു.
ഉമ്മൻ ചാണ്ടിയെ പുതുപ്പള്ളി മാത്രമല്ല കേരളം മുഴുവൻ സ്നേഹിക്കുന്നു. അത്ര സമുന്നതമായ വ്യക്തിത്വമാണ് അദ്ദേഹത്തിന്റേത്. പക്ഷേ, പുതുപ്പള്ളി തെരഞ്ഞെടുപ്പ് ഫലം സഹതാപ തരം​ഗമായി കാണാനാവില്ല. ഇടതുപക്ഷ ഭരണ വിരുദ്ധ ജനവികാരമാണ് പുതുപ്പള്ളിയിലുണ്ടായത്. ഇടതു മുന്നിണിയുടെ വോട്ടുകൾ കുറഞ്ഞത് അതിന്റെ സൂചകമാണ്. പാമ്പാടിയിൽ ഇടതു സ്ഥാനാർഥിയുടെ ബൂത്തിൽ പോലും യുഡിഎഫിനാണ് ഭൂരിപക്ഷം. അതായത് അവിടെ അദ്ദേഹത്തിന്റെ ബന്ധുക്കൾ പോലും യുഡിഎഫിന് വോട്ട് രേഖപ്പെടുത്തിയിട്ടുണ്ടാവണം. അത്രമാത്രം വെറുക്കപ്പെട്ടിരിക്കുന്നു ഇടതു ഭരണം. ഇടതു പ്രചാരണങ്ങൾക്കു നേതൃത്വം നൽകിയ മന്ത്രി വി.എൻ. വാസവന്റെ ബൂത്തിൽ പോലും ജെയ്ക്ക് പിന്നിലായി. ഇതെന്തു കൊണ്ടു സംഭവിച്ചെന്ന് സിപിഎം പരിശോധിക്കണം. യുഡിഎഫ് ബിജെപിയുടെ വോട്ട് മറിച്ചു എന്നായിരുന്നു സിപിഎം സെക്രട്ടറിയുടെ മുൻകൂർ ജാമ്യം. ശരിയാണ് ബിജെപിയുടെ വോട്ടും ഞങ്ങൾക്കു കിട്ടിയിട്ടുണ്ട്. അതിനെക്കാൾ കൂടുതൽ ഇടതു മുന്നണിയിൽ നിന്നും കിട്ടിയിട്ടുണ്ടെന്നും സുധാകരൻ ചൂണ്ടിക്കാട്ടി.

Continue Reading
Advertisement
inner ad
Click to comment

You must be logged in to post a comment Login

Leave a Reply

Idukki

ഇടുക്കിയില്‍ കാട്ടാനയാക്രമണത്തില്‍ ഒരാള്‍ക്ക് ദാരുണാന്ത്യം

Published

on

കാന്തല്ലൂര്‍: ഇടുക്കിയില്‍ കാട്ടാന ആക്രമണത്തില്‍ ഒരാള്‍ക്ക് ദാരുണാന്ത്യം. ചെമ്പക്കാട് സ്വദേശി ബിമല്‍(57) എന്നയാളാണ് മരിച്ചത്. ചിന്നാര്‍ വന്യജീവി സങ്കേതത്തില്‍ വ്യാഴാഴ്ച രാവിലെയാണ് സംഭവം. വനം വകുപ്പിന്റെ പാമ്പാര്‍ ലോഗ് ഹൗസിലേക്കുള്ള വഴി വെട്ടിത്തെളിക്കുന്നതിനായി എത്തിയതായിരുന്നു ബിമൽ ഉൾപ്പെടെയുള്ള ഒമ്പതംഗ സംഘം. ഇക്കൂട്ടത്തിൽ രണ്ട സ്ത്രീകളും ഉണ്ടായിരുന്നു. സംഘം നടന്നുപോകുന്നതിനിടെയാണ് ആനയുടെ ആക്രമണമുണ്ടാകുന്നത്. ആനയുടെ മുന്നിൽ അകപ്പെട്ട ബിമലിന് രക്ഷപ്പെടാനായില്ലെന്നാണ് കൂടെയുണ്ടായവര്‍ പറയുന്നത്. ഗുരുതരമായി പരിക്കേറ്റ ബിമലിനെ വനം വകുപ്പിന്റെ വാഹനത്തില്‍ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല.

Continue Reading

Kozhikode

റാ​ഗിങ് പരാതി; കോഴിക്കോട് മെഡിക്കൽ കോളേജിലെ 11 എംബിബിഎസ് വിദ്യാർഥികൾക്ക് സസ്പെൻഷൻ

Published

on

കോഴിക്കോട്: കോഴിക്കോട് മെഡിക്കൽ കോളേജിൽ ഒന്നാം വർഷ എംബിബിഎസ് വിദ്യാർഥികളെ റാഗ് ചെയ്ത സീനിയർ വിദ്യാർഥികൾക്ക് സസ്പെൻഷൻ. പതിനൊന്ന് രണ്ടാം വർഷ വിദ്യാർഥികളെയാണ് സസ്പെൻഡ് ചെയ്തത്. ഒന്നാം വർഷ വിദ്യാർഥികൾ നൽകിയ പരാതിയുടെ അടിസ്ഥാനത്തിലായിരുന്നു നടപടി. കോളേജ് ഹോസ്റ്റലിൽ വെച്ച് സീനിയർ വിദ്യാർഥികൾ ശാരീരികമായും മാനസികമായും ഉപദ്രവിച്ചെന്നായിരുന്നു ജൂനിയർ വിദ്യാർത്ഥികൾ നൽകിയ പരാതിയിൽ പറയുന്നത്. വിദ്യാർത്ഥികളുടെ പരാതിയിൽ അഞ്ചംഗ സമിതി നടത്തിയ അന്വേഷണ റിപ്പോർട്ടിന്റെ അടിസ്ഥാനത്തിലാണ് വിദ്യാർഥികളെ പ്രിൻസിപ്പൽ സസ്‌പെൻഡ് ചെയ്തത്. തുടർ നടപടികൾക്കായി പ്രിൻസിപ്പൽ മെഡിക്കൽ കോളജ് പൊലീസിനു റിപ്പോർട്ട് കൈമാറി.

Continue Reading

Ernakulam

ഷാരോൺ വധക്കേസ്: ശിക്ഷ റദ്ദാക്കണമെന്ന് ഗ്രീഷ്മ; അപ്പീൽ ഹൈക്കോടതി ഇന്ന് പരിഗണിക്കും

Published

on

കൊച്ചി: ഷാരോൺ വധക്കേസിൽ വധശിക്ഷയ്ക്ക് വിധിക്കപ്പെട്ട പ്രതി ഗ്രീഷ്മ അപ്പീലുമായി ഹൈക്കോടതിയെ സമീപിച്ചു. അപ്പീൽ ഹൈക്കോടതി ഇന്ന് പരിഗണിക്കും. നെയ്യാറ്റിൻകര അഡീഷണൽ സെഷൻസ് കോടതിയുടെ ശിക്ഷാവിധി റദ്ദാക്കണമെന്ന് എന്നാവശ്യപ്പെട്ടുകൊണ്ടാണ് ഗ്രീഷ്മ ഹൈക്കോടതിയെ സമീപിച്ചിരിക്കുന്നത്.

ഷാരോണ്‍ വധക്കേസില്‍ ഒന്നാം പ്രതി ഗ്രീഷ്മയ്ക്കും ഗ്രീഷ്മയുടെ അമ്മാവനും മൂന്നാം പ്രതിയുമായ നിര്‍മല്‍ കുമാറിനും ശിക്ഷ വിധിച്ചിരുന്നു. ഗ്രീഷ്മയ്ക്ക് വധശിക്ഷയാണ് കോടതി വിധിച്ചത്. മൂന്നാം പ്രതിയായ നിർമൽ കുമാറിന് മൂന്ന് വർഷം തടവ് ശിക്ഷയും വിധിച്ചു. ഗ്രീഷ്മയ്ക്ക് രണ്ട് ലക്ഷം രൂപ പിഴയും നിർമൽകുമാറിന് 50,000 രൂപയും പിഴ ചുമത്തിയിരുന്നു. നെയ്യാറ്റിന്‍കര അഡീഷണല്‍ സെഷന്‍സ് കോടതിയാണ് ശിക്ഷ വിധിച്ചത്.

Advertisement
inner ad
Continue Reading

Featured