Connect with us
WhatsApp Image 2024-05-21 at 1.28.13 AM

Featured

ആവേശം ആകാശത്തോളം, റെക്കോഡ് പ്രതീക്ഷയിൽ പുതുപ്പള്ളി

Avatar

Published

on

  • സി.പി. രാജശേഖരൻ

കോട്ടയം: പുതുപ്പള്ളിക്കോട്ടയിൽ ആവേശത്തിന്റെ വെ‌ടിക്കെട്ടുയർത്തി യുഡിഎഫ് കൊട്ടിക്കലാശം. ഇന്നു നിശബ്ദ പ്രചാരണം. നാളെ രാവിലെ ഏഴു മുതൽ വോട്ടെടുപ്പ്. വൈകുന്നേരം ആറിന് വോട്ടെടുപ്പ് സമാപിക്കും. ക്യൂവിലുള്ളവർക്ക് ആറ് മണിക്കു ശേഷവും വോട്ട് രേഖപ്പെടുത്താൻ അവസരം കിട്ടും. ഈ മാസം എട്ടിനാണ് വോട്ടെണ്ണൽ. 2011ൽ ഉമ്മൻ ചാണ്ടി നേടിയ 33,255 വോട്ടിന്റെ റെക്കോ‍ഡ് ഭൂരിപക്ഷം ഇത്തവണ മകൻ ചാണ്ടി ഉമ്മൻ മറികടക്കുമെന്നാണ് യുഡിഎഫ് കണക്കാക്കുന്നത്. കഴിഞ്ഞ തവണ 9044 വോട്ടുകൾക്ക് ജെയ്ക്ക് സി. തോമസ് ഉമ്മൻ ചാണ്ടിയോടു പരാജയപ്പെട്ടിരുന്നു.
തെരഞ്ഞെടുപ്പ് പ്രഖ്യാപിച്ച നിമിഷം മുതൽ എണ്ണയിട്ട യന്ത്രം കണക്കേയായിരുന്നു പ്രാചാരണം. എ.കെ. ആന്റണി, താരിഖ് അൻവർ, ശശി തരൂർ, കെ. സുധാകരൻ, രമേശ് ചെന്നിത്തല, വി.ഡി. സതീശൻ, ബെന്നി ബഹന്നാൻ, തിരുവഞ്ചൂർ രാധാകൃഷ്ണൻ, കെ. മുരളീധരൻ, പി.സി. വിഷ്ണു നാഥ്, കോടിക്കുന്നിൽ സുരേഷ്, ആർ. ചന്ദ്രശേഖരൻ, പി.കെ. കുഞ്ഞാലിക്കുട്ടി, പി.ജെ. ജോസഫ്, മോൻസ് ജോസഫ്, എൻ.കെ. പ്രേമചന്ദ്രൻ, അനൂപ് ജേക്കബ്, ഡി. ദേവരാജൻ, സി.പി. ജോൺ തുടങ്ങിയ നേതാക്കളെല്ലാം ഇവിടെ ക്യാംപ് ചെയ്യുകയോ ഒന്നിലേറെ ദിവസങ്ങൾ പ്രചാരണത്തിനെത്തുകയോ ചെയ്തിട്ടുണ്ട്.
യുഡിഎഫിന്റെ മാത്രമല്ല, എൽഡിഎഫിന്റെയും എൻഡിഎയുടെയും പ്രചാര വേദികളിലെല്ലാം നിറഞ്ഞു നിന്നത് ഉമ്മൻ ചാണ്ടി ആയിരുന്നു എന്ന പ്രത്യേകതയുമുണ്ട്. എംഎൽഎ, മന്ത്രി, പ്രതിപക്ഷ നേതാവ്, മുഖ്യമന്ത്രി എന്നീ നിലകളിൽ ഉമ്മൻ ചാണ്ടി നടത്തിയിട്ടുള്ള വിലപ്പെട്ട സംഭാവനകൾ മാത്രമല്ല, മനുഷ്യത്വം കൈമുതലാക്കി അദ്ദേഹം ചെയ്ത സേവനങ്ങളാണ് ഈ തെരഞ്ഞെടുപ്പ് കാലത്ത് പുതുപ്പള്ളി ഏറെ ചർച്ച ചെയ്തത്.
പുതുപ്പള്ളിക്കാർ നാളെ വിധി എഴുതുന്നതും ഈ മനുഷ്യത്വത്തിന് അനുകൂലമായിരിക്കും.

ഉമ്മൻ ചാണ്ടിയുടെ പകരക്കാരനെ തേടിയുള്ള തെരഞ്ഞെടുപ്പിൽ വാശിയേറിയ മത്സരമാണ് ഒരുങ്ങിയത്. ചാണ്ടി ഉമ്മനും ജെയ്ക് സി തോമസും ലിജിൻ ലാലും ചേർന്ന് പുതുപ്പള്ളിയെ ഇളക്കിമറിക്കുകയായിരുന്നു. ഉമ്മൻ ചാണ്ടിയുടെ മകൻ ചാണ്ടി ഉമ്മൻ പദയാത്ര നടത്തി കൊട്ടിക്കലാശത്തിൽ പങ്കുടുത്തത്. തന്റെ പിതാവിന്റെ വേർപാട് ഉയർത്തിയ സങ്കടമഴ പെയ്തു തീർന്നിട്ടില്ലാത്തതിനാൽ റോഡ് ഷോയ്ക്കും അലങ്കാരങ്ങൾക്കും മനസ് അനുവദിക്കുന്നില്ലെന്ന് ചാണ്ടി ഉമ്മൻ. ഇടത് മുന്നണി സ്ഥാനാർത്ഥി ജെയ്ക് റോഡ് ഷോയും പ്രസംഗവും നടത്തിയാണ് പ്രവർത്തകർക്ക് ആവേശം പകർന്നത്. ലിജിൻ ലാലും മണ്ഡലത്തിലുടനീളം നിറഞ്ഞു നിന്നു.

ചാണ്ടി ഉമ്മന് വേണ്ടി വോട്ട് തേടി കലാശക്കൊട്ടിനിടെ അച്ചു ഉമ്മൻ റോഡ് ഷോ നടത്തി. തൃക്കാക്കര എം എൽ എ ഉമാ തോമസും അച്ചു ഉമ്മനൊപ്പം റോഡ് ഷോയിൽ പങ്കെടുത്തു. നേരത്തെ കെ പി സി സി അധ്യക്ഷൻ കെ സുധാകരനും ശശി തരൂ‍ർ എം പിയുമടക്കമുള്ളവരും പരസ്യ പ്രചാരണത്തിൻറെ അവസാന ദിവസം ആവേശമാക്കാൻ പുതുപ്പള്ളിയിലെത്തിയിരുന്നു.

Advertisement
1000x200 PX MALAYALI DCTR MDX-02-02

Featured

പ്രതികൂല കാലാവസ്ഥ; വിമാനങ്ങൾ വൈകുന്നതിൽ പ്രതിഷേധം

Published

on

കോഴിക്കോട്: പ്രതികൂല കാലാവസ്ഥയെ തുടർന്ന് കരിപ്പൂരിൽ വിമാനങ്ങൾ വൈകുന്നു. കരിപ്പൂരില്‍ നിന്ന് മസ്‌കറ്റിലേക്കും അബുദാബിയിലേക്കും പോകേണ്ട എയര്‍ ഇന്ത്യാ എക്‌സ്പ്രസ് വിമാനങ്ങളാണ് വൈകുന്നത്. വിമാനങ്ങൾ വൈകുന്നതിൽ യാത്രക്കാരുടെ ഭാഗത്തുനിന്നും ശക്തമായ പ്രതിഷേധമാണ് ഉണ്ടാകുന്നത്.

ആവശ്യമായ ഭക്ഷണവും വെള്ളവും താമസസൗകര്യവും ഒരുക്കിയിട്ടില്ലെന്നാണ് യാത്രക്കാരുടെ പരാതി. ഇന്നലെ രാത്രി 11.10ന് പുറപ്പെടേണ്ടതായിരുന്നു മസ്‌കറ്റിലേക്കുള്ള എയര്‍ ഇന്ത്യാ എക്‌സ്പ്രസ് വിമാനാം. നൂറിലധികം വരുന്ന യാത്രക്കാരാണ് വിമാനത്താവളത്തിൽ പ്രതിഷേധിക്കുന്നത്. വിമാനം നാല് മണിക്കൂര്‍ വൈകുമെന്ന് പറഞ്ഞിരുന്നെങ്കിലും പിന്നീട് അത് നീണ്ടു പോവുകയായിരുന്നു. പ്രതികൂല കാലാവസ്ഥയാണ് വിമാനം വൈകുന്നതിന് കാരണമായി എയര്‍ ഇന്ത്യാ എക്‌സ്പ്രസ് നൽകിയ മറുപടി.

Advertisement
1000x200 PX MALAYALI DCTR MDX-02-02
Continue Reading

Featured

പാ​ല​സ്തീ​നെ സ്വ​ത​ന്ത്ര​ രാ​ജ്യ​മാ​യി അം​ഗീ​ക​രി​ച്ച് മൂ​ന്ന് യൂ​റോ​പ്യ​ന്‍ രാ​ജ്യ​ങ്ങ​ള്‍

Published

on

ജ​റു​സ​ലേം: പാ​ല​സ്തീ​നെ സ്വ​ത​ന്ത്ര​ രാ​ജ്യ​മാ​യി അം​ഗീ​ക​രി​ച്ച് മൂ​ന്ന് യൂ​റോ​പ്യ​ന്‍ രാ​ജ്യ​ങ്ങ​ള്‍. സ്‌​പെ​യ്​ന്‍, അ​യ​ര്‍​ല​ൻ​ഡ്, നോ​ര്‍​വെ എ​ന്നീ രാ​ജ്യ​ങ്ങ​ളാ​ണ് പാ​ല​സ്തീ​ന് അ​നു​കൂ​ല​മാ​യ നി​ല​പാ​ടെ​ടു​ത്ത​ത്. ഈ ​മാ​സം 28 മു​ത​ലാ​ണ് ഈ ​തീരുമാ​നം പ്രാ​ബ​ല്യ​ത്തി​ല്‍ വ​രി​ക. പാ​ല​സ്തീ​ന്‍- ഇ​സ്ര​യേ​ല്‍ യു​ദ്ധം തു​ട​രു​ന്ന പ​ശ്ചാ​ത്ത​ല​ത്തി​ല്‍ ഇ​ത് പാ​ല​സ്തീ​ന് നേ​ട്ട​മാ​ണ്. ഇ​ത് ഇ​സ്ര​യേ​ലി​നെ​തി​രാ​യ നീ​ക്ക​മ​ല്ലെ​ന്നും സമാ​ധാ​ന​ത്തി​ന് വേ​ണ്ടി​യു​ള്ള തീ​രു​മാ​ന​മാ​ണെ​ന്നു​മാ​ണ് സ്‌​പെ​യി​നി​ന്‍റെ വി​ശ​ദീ​ക​ര​ണം.

എ​ന്നാ​ല്‍ ഇ​തി​നെ​തി​രേ ശ​ക്ത​മാ​യ എ​തി​ര്‍​പ്പ് രേ​ഖ​പ്പെ​ടു​ത്തി​ക്കൊ​ണ്ട് ഇ​സ്ര​യേ​ല്‍ രം​ഗ​ത്തു​വ​ന്നി​ട്ടു​ണ്ട്. തീ​രു​മാ​നം പു​റ​ത്തു​വ​ന്ന​തി​ന് പിന്നാലെ അ​യ​ര്‍​ല​ന്‍​ഡി​ലെ​യും നോ​ര്‍​വേ​യി​ലെ​യും ന​യ​ത​ന്ത്ര പ്ര​തി​നി​ധി​ക​ളെ ഇ​സ്ര​യേ​ല്‍ തി​രി​ച്ചു​വി​ളി​ച്ചു. സ്‌​പെ​യി​നി​ലെ ന​യ​ത​ന്ത്ര പ്ര​തി​നി​ധി​ക​ളെ ഉ​ട​ന്‍ തി​രി​ച്ചു​വി​ളി​ക്കു​മെ​ന്നാ​ണ് വി​വ​രം. യു​എ​ന്‍ ര​ക്ഷാ​കൗ​ണ്‍​സി​ല്‍ അം​ഗ​ങ്ങ​ളാ​യ അ​മേ​രി​ക്ക​യും ബ്രി​ട്ട​നും അ​ട​ക്ക​മു​ള്ള രാ​ജ്യ​ങ്ങ​ളാ​ണ് പാ​ല​സ്തീ​നെ സ്വ​ത​ന്ത്ര രാ​ജ്യ​മാ​യി അം​ഗീ​ക​രി​ക്കാ​ന്‍ ത​യാ​റാ​കാ​ത്ത​ത്. ഐ​ക്യ​രാ​ഷ്ട​സ​ഭ​യി​ല്‍ അം​ഗ​ങ്ങ​ളാ​യ 193 രാ​ജ്യ​ങ്ങ​ളി​ല്‍ 140 രാ​ജ്യ​ങ്ങ​ള്‍ മാ​ത്ര​മാ​ണ് പാ​ല​സ്തീ​നെ നി​ല​വി​ല്‍ സ്വ​ത​ന്ത്ര​രാ​ജ്യ​മാ​യി അം​ഗീ​ക​രി​ച്ചി​ട്ടു​ള്ള​ത്.

Advertisement
1000x200 PX MALAYALI DCTR MDX-02-02
Continue Reading

Featured

ബംഗ്ലാദേശിലെ ഭരണകക്ഷി എംപി കൊൽക്കത്തയിൽ കൊല്ലപ്പെട്ടു

Published

on

കൊൽക്കത്ത: കൊൽക്കത്തയിൽ ചികിത്സയ്ക്കായി എത്തി കാണാതായ ബംഗ്ലാദേശിലെ ഭരണകക്ഷിയായ അവാമി ലീഗ് എംപി അൻവാറുൽ അസിം കൊൽക്കത്തയിൽ മരിച്ചതായി ബംഗാൾ പൊലീസ് സ്ഥിരീകരിച്ചതായി ബംഗ്ലാദേശ് മന്ത്രി. ഭരണകക്ഷിയായ അവാമി ലീഗിൻ്റെ എംപിയായ അൻവാറുൽ മെയ് 12 ന് ചികിത്സക്കായി കൊൽക്കത്തയിൽ എത്തിയിരുന്നു. തുടർന്ന് അദ്ദേഹത്തെ കാണാതായി. ബം​ഗ്ലാദേശ് എംപിയുടെ തിരോധാനത്തെ തുടർന്ന് കൊൽക്കത്ത പൊലീസ് കേസ് ഫയൽ ചെയ്ത് അന്വേഷണം തുടങ്ങി. അന്വേഷണത്തിൽ ഇദ്ദേഹത്തിന്റെ അവസാന ലൊക്കേഷൻ നഗരത്തിലെ ന്യൂടൗൺ ഏരിയയ്ക്ക് സമീപമായിരുന്നെന്ന് കണ്ടെത്തി. ഈ പ്രദേശത്തെ ഫ്ലാറ്റിൽ വച്ചാണ് മരിച്ചതെന്ന് പൊലീസ് വൃത്തങ്ങൾ അറിയിച്ചു. എന്നാൽ മൃതദേഹം കണ്ടെടുക്കാനായിട്ടില്ല.

കാളിഗഞ്ച് ഉപാസില അവാമി ലീഗിൻ്റെ പ്രസിഡൻ്റ് കൂടിയായ അൻവാറുൽ അസിം, മെയ് 12 ന് വൈകുന്നേരം 7 മണിക്ക് കൊൽക്കത്തയിലെ തൻ്റെ കുടുംബ സുഹൃത്ത് ഗോപാൽ ബിശ്വാസിനെ കാണാൻ പോയതായി പൊലീസ് പറഞ്ഞു. ഡോക്ടറെ കാണണമെന്ന് പറഞ്ഞ് അൻവാറുൽ പിറ്റേന്ന് ഉച്ചയ്ക്ക് 1:41 ന് ഗോപാലിൻ്റെ വീട്ടിൽ നിന്ന് പോയി. വൈകിട്ട് തിരിച്ചെത്തുമെന്നും പറഞ്ഞു. എന്നാൽ, വൈകുന്നേരം താൻ ദില്ലിയിലേക്ക് പോകുകയാണെന്നും അവിടെ എത്തിയ ശേഷം വിളിക്കാമെന്നും ഗോപാലിനെ അറിയിച്ചു.

Advertisement
1000x200 PX MALAYALI DCTR MDX-02-02

മെയ് 15 ന് അസിം മറ്റൊരു വാട്ട്‌സ്ആപ്പ് സന്ദേശത്തിൽ താൻ ദില്ലിയിലെത്തിയതായും വിഐപികൾക്കൊപ്പമാണെന്നും ഗോപാലിനെ അറിയിച്ചു. ജൂൺ 17 ന്, കുടുംബത്തിന് അദ്ദേഹത്തെ ബന്ധപ്പെടാൻ കഴിയാതെ വന്നതിനെത്തുടർന്ന് അവർ ഗോപാലിനെ വിളിച്ചു. അന്നുതന്നെ കുടുംബം ധാക്കയിൽ പൊലീസിൽ പരാതി നൽകുകയും ചെയ്തു. അൻവാറുൾ അസിമിനെ കൊലപ്പെടുത്തിയത് താനാണെന്ന് ബംഗ്ലാദേശിൽ ഒരാൾ പൊലീസിനോട് സമ്മതിച്ചു. കൊൽക്കത്തയിലെ പൊലീസിനെയും ഇക്കാര്യം അറിയിച്ചു. എന്നാൽ, മൃതദേഹം ഇതുവരെ ന്യൂടൗണിൽ എവിടെനിന്നും കണ്ടെടുക്കാനായിട്ടില്ല. സംഭവത്തിൽ ബിധാനഗർ പോലീസ് കമ്മീഷണറേറ്റ് കൂടുതൽ അന്വേഷണം നടത്തിവരികയാണ്.

Advertisement
1000x200 PX MALAYALI DCTR MDX-02-02
Continue Reading

Featured