Connect with us
inner ad

Featured

ഫെഡറൽ സംവിധാനമെന്ന
തുറുപ്പുചീട്ട്

Avatar

Published

on

  • നിരീക്ഷകൻ
    ഗോപിനാഥ് മഠത്തിൽ

ബിജെപി ഇന്നൊരു ഉത്തരേന്ത്യൻ ഭരണപ്പാർട്ടി മാത്രമാണ്. അവിടെനിന്ന് നാലുവർഷം മുമ്പ് നേടിയ ഭൂരിപക്ഷത്തിൻറെ ബലത്തിൽ കേന്ദ്രഭരണം പിടിച്ചെടുത്ത ബിജെപിയും പ്രതിപക്ഷസംസ്ഥാന സർക്കാരുകൾക്കുനേരെ കേന്ദ്ര ഏജൻസികളെക്കൊണ്ട് പ്രതികാരം വീട്ടാൻ തുടങ്ങിയിട്ട് അത്രയും വർഷത്തെത്തന്നെ പഴക്കമുണ്ട്. മോദി സർക്കാരിൻറെ ഒന്നാംഘട്ട ഭരണത്തിൽ നിന്ന് വ്യത്യസ്തമായി തികച്ചും ജനാധിപത്യവിരുദ്ധമായ പ്രവർത്തനങ്ങളാണ് രണ്ടാംഘട്ട സർക്കാർ ആവിഷ്ക്കരിച്ചുകൊണ്ടിരിക്കുന്നത്. ഇപ്പോൾ കേന്ദ്ര ബിജെപി സർക്കാരിൻറെ പ്രധാന ലക്ഷ്യം തമിഴ്നാട്ടിലെ ഡിഎംകെ സർക്കാരിനെ എങ്ങനെയും മാനംകെടുത്തി കുറച്ച് എംപിമാരെ അടുത്ത ലോകസഭാ തിരഞ്ഞെടുപ്പിൽ സ്വന്തമാക്കണമെന്നാണ്. അതിന് എന്തെല്ലാം അടവുകളാണ് മാസങ്ങൾക്കുമുമ്പേ പ്രധാനമന്ത്രി പയറ്റിത്തുടങ്ങിയിട്ടുള്ളത്. കുറെ ഹൈന്ദവ സന്യാസിമാരെ തമിഴ്നാട്ടിലെ ഏതോ മഠത്തിൽ നിന്ന് ഡൽഹിയിലേയ്ക്ക് ക്ഷണിച്ചുവരുത്തി ലോക്സഭാ സ്പീക്കറുടെ ചെയറിനരികെ ചെങ്കോല് പ്രതിഷ്ഠിച്ച സംഭവം തമിഴ് ജനതയുടെ ഹൃദയം വശീകരിക്കാനുള്ള ഒരു തന്ത്രമായിരുന്നു. ഈ സന്യാസിമാർക്കൊക്കെ സാധാരണക്കാരായ ജനങ്ങൾക്കിടയിൽ എത്രമാത്രം സ്വാധീനം ഉണ്ടെന്നുള്ള കാര്യം പ്രത്യേകം ചിന്തിക്കേണ്ട വിഷയമാണ്. അവരൊക്കെ ഏതെല്ലാം വിധത്തിൽ ആത്മീയരംഗത്ത് പ്രസിദ്ധരാണെന്നുള്ള കാര്യവും അറിയില്ല.

മഠാധിപന്മാരായ അത്തരം സന്യാസിമാരുടെ മുമ്പിൽ ഒരു മതേതരരാജ്യത്തിൻറെ പ്രധാനമന്ത്രി സാഷ്ടാംഗം നമസ്ക്കാരം നടത്തി ഇന്ത്യയെ ലജ്ജിപ്പിച്ച ചിത്രവും കാണാനിടയായി. അത് ഭാരതത്തെ ഒരു ഹിന്ദുരാജ്യമാക്കാനുള്ള അദമ്യമായ മോഹത്തിൻറെ പ്രതിഫലനവും അദ്ദേഹത്തിൻറെ വ്യക്തിപരമായ കാര്യവുമായി തള്ളിക്കളയാവുന്നതേയുള്ളൂ. പക്ഷേ ചെങ്കോലും അതുമായി ബന്ധപ്പെട്ട തമിഴ് സന്യാസിമാരെ ഡൽഹിക്ക് ക്ഷണിച്ച് ആദരിച്ചതിനു പിന്നിലും ഗൂഢമായ രാഷ്ട്രീയതന്ത്രമാണുള്ളത്. തമിഴ്നാട്ടിൽ ബിജെപിയുടെ എൻഡിഎ സഖ്യത്തിൽ ഉൾപ്പെടുന്നത് എഐഎഡിഎംകെയാണ്. പശുവും ചത്തു മോരിലെ പുളിയും പോയി എന്നപോലെയാണ് ആ പാർട്ടി ഇപ്പോൾ തമിഴ്നാട്ടിൽ. എംജി ആറും ജയലളിതയും മൺമറഞ്ഞപ്പോൾ എഐഎഡിഎംകെയുടെ നിയന്ത്രണം ആരുടെ കയ്യിലാണെന്ന് അവിടുത്തെ ജനങ്ങൾക്ക് അറിയില്ല. പനീർശെൽവത്തിൻറെ കയ്യിലോ പളനിസ്വാമിയുടെ കയ്യിലോ അങ്ങനെ വേരറ്റ പാർട്ടിയുമായി സഖ്യം തുടർന്നിട്ടും വലിയ കാര്യമില്ലെന്ന് ബിജെപിക്ക് അറിയാം. അപ്പോൾ ആത്മീയതന്ത്രങ്ങളും വിരട്ടലുംകൊണ്ട് എങ്ങനെ കൂടുതൽ സീറ്റുനേടാമെന്ന ചിന്തയിലാണിപ്പോൾ ബിജെപി. സാമാന്യജനങ്ങൾക്കുപോലും പേരറിയാത്ത സന്യാസിമാരെക്കൊണ്ട് കാര്യം നേടാൻ കഴിഞ്ഞില്ലെങ്കിൽ ഇഡിയെക്കൊണ്ട് വിരട്ടി, രണ്ടിടി കൊടുത്ത് എങ്ങനെ അടുത്ത തവണകൂടി അധികാരം നേടാമെന്ന ചിന്തയുടെ അനന്തരഫലമാണ് സ്റ്റാലിൻ മന്ത്രിസഭയിലെ സെന്തിൽ ബാലാജിയുടെ അറസ്റ്റും തുടർന്നുണ്ടായ സംഭവവികാസങ്ങളും. ഡിഎംകെ എന്ന തമിഴ്നാട്ടിലെ ഭരണപ്പാർട്ടിയെ ജനമധ്യത്തിൽ നാണംകെടുത്തി അല്ലെങ്കിൽ വെടക്കാക്കി തനിക്കാക്കുന്ന രാഷ്ട്രീയതന്ത്രം. അടുത്തിടെ കേന്ദ്ര ആഭ്യന്തരമന്ത്രി അമിത്ഷാ ചെന്നെയിൽ വന്നപ്പോൾ പ്രത്യാശപ്രകടിപ്പിച്ചത് അടുത്ത ലോക്സഭാ തിരഞ്ഞെടുപ്പിൽ എൻഡിഎ സഖ്യം 25 സീറ്റെങ്കിലും നേടുമെന്നാണ്. ഷായുടെ ആ ലക്ഷ്യത്തിലേക്ക് എൻഡിഎ എത്തണമെങ്കിൽ മണ്ണു പാകപ്പെടുത്തൽ അനിവാര്യമാണ്. അതിന് ബിജെപി സ്വീകരിച്ച വളഞ്ഞ വഴികളാണ് ചെങ്കോലും സെന്തിൽ ബാലാജിയുടെ അറസ്റ്റും.
ഇന്ത്യയുടെ ഫെഡറൽ സംവിധാനത്തെ തൻകാര്യ നേട്ടത്തിനായി സമർത്ഥമായി ഉപയോഗിക്കുന്ന പാർട്ടിയാണ് ബിജെപി. അവരിപ്പോൾ ദക്ഷിണേന്ത്യയിൽ ഉണ്ടായിരുന്ന ഏകസംസ്ഥാനമായ കർണ്ണാടക നഷ്ടപ്പെട്ട് മാനംനോക്കി നടക്കുകയാണ്. പിന്നെയുള്ള ഏക ആശ്വാസം കേന്ദ്രഭരണം ഉണ്ടെന്നുള്ളതാണ്. ആ അധികാരം ഉപയോഗിച്ച് ദക്ഷിണേന്ത്യൻ സംസ്ഥാനങ്ങളെ എങ്ങനെ വിരട്ടി കാര്യം സാധിക്കാനുള്ള തന്ത്രപ്പാടിലാണിപ്പോൾ അവർ.
അതിൻറെ ഒടുവിലത്തെ ഉദാഹരണമാണ് സെന്തിലിനോടും ഡിഎംകെയോടുമുള്ള ഇഡി നടപടികൾ. അതിനായി സെന്തിലിനെതിരെ ഇഡി ചുരണ്ടിയെടുത്തത് കാലഹരണപ്പെട്ട പത്തുവർഷം മുമ്പുള്ള കേസും. ഇത് സ്റ്റാലിനെ വല്ലാതെ ക്രുദ്ധനാക്കി. ഞാൻ തിരിച്ചടിച്ചാൽ നിങ്ങൾ നിലംതൊടാതെ ഓടുമെന്ന് തമിഴിൽ അദ്ദേഹം പച്ചയ്ക്ക് പറയുകമാത്രമല്ല പ്രവർത്തിക്കുകയും ചെയ്തു. സിപിഎം നേതാവും മധുര എംപിയുമായ സുവെങ്കടേശനെതിരെ വ്യാജവാർത്ത പ്രചരിപ്പിച്ചതിൻറെ പേരിൽ തമിഴ്നാട് ബിജെപി സെക്രട്ടറി എസ്.ജി. സൂര്യയെ അറസ്റ്റു ചെയ്തത് അതിൻറെ ഭാഗമാണ്. ജാതിസംഘർഷം സൃഷ്ടിക്കുക എന്ന ലക്ഷ്യത്തോടെ വിദ്വേഷ പ്രചരണം നടത്തി എന്ന കുറ്റം ചുമത്തിയാണ് സൂര്യയെ സെൻട്രൽ ജയിലിൽ അടച്ചിരിക്കുന്നത്. അങ്ങനെ കേന്ദ്രസർക്കാരും പ്രതിപക്ഷ സംസ്ഥാനസർക്കാരും തമ്മിലുള്ള യുദ്ധത്തിന് തുടക്കമായി. ഇനി വരുന്ന ലോകസഭാ തിരഞ്ഞെടുപ്പിനകം എന്തൊക്കെ ചതുരംഗക്കളികൾ കാണാൻ കിടക്കുന്നു. ഈ യുദ്ധത്തിൻറെ അടിയൊഴുക്കായി കാണേണ്ട പ്രധാന കാര്യം ഫെഡറൽസംവിധാനത്തിൻറെ അരികുപിടിച്ച് കേന്ദ്രസർക്കാർ പ്രതിപക്ഷ സംസ്ഥാന സർക്കാരുകൾക്കെതിരെ നടത്തുന്ന പ്രതികാര നടപടികളാണ്. അതേസമയം ആ സംവിധാനത്തിൻറെ മറ്റൊരു നല്ല വശമായ, കേന്ദ്രം സംസ്ഥാന സർക്കാരുകൾക്ക് കൊടുക്കേണ്ട വിഹിതം പൂർണ്ണമായും കൊടുക്കുന്നതുമില്ല. കടമെടുക്കാനുള്ള പരിധി വെട്ടിക്കുറയ്ക്കുകയും ചെയ്തു. അമേരിക്കൻ സന്ദർശനം കഴിഞ്ഞ് മടങ്ങിയെത്തിയ മന്ത്രി കെ.എൻ.ബാലഗോപാലിൻറെ കേന്ദ്രത്തോടുള്ള പ്രധാനപരാതി കടമെടുപ്പ് പരിധിയിൽ കേരളത്തിന് ഏഴായിരം കോടിക്കുകൂടി അർഹതയുണ്ടെന്നാണ്. ഇന്ത്യ എന്ന മഹത്തായ രാഷ്ട്ര സംവിധാനത്തെ എങ്ങനെ ബിജെപി സമർത്ഥമായി ഉപയോഗിക്കുന്നു എന്നതിന് തെളിവാണിത്.

വാൽക്കഷണം:
സംസ്ഥാന സിപിഎം സെക്രട്ടറി എൻ.വി.ഗോവിന്ദൻ അറിയാതെ ഒരുകാര്യം ഇതിനകം വിവാദമായിരിക്കുന്നു. എസ്എഫ്ഐ കായംകുളം മുൻ ഏരിയാ സെക്രട്ടറി നിഖിൽതോമസ് ബികോം ജയിക്കാതെ എംകോമിന് പഠിക്കുന്നു. ഗോവിന്ദൻ അറിഞ്ഞാൽ ഇത് മാധ്യമസൃഷ്ടിയാണെന്നും ആടിനെ പട്ടിയാക്കുന്ന പണിയാണെന്നും പറഞ്ഞുകളയും. ബികോം പാസ്സായി എംകോമിന് പഠിക്കുന്ന കുട്ടികൾ പോയി നിഖിലിൻറെ ചന്തി കടിക്കുകയോ അല്ലെങ്കിൽ എസ്എഫ്ഐയിൽ ചേരുകയോ ഇനി തരമുള്ളൂ. പിന്നെ പരാതിക്കാരി എസ്എഫ്ഐ ജില്ലാകമ്മിറ്റി അംഗമായ ഒരു വിദ്യാർത്ഥിനി എന്നതാണ് അൽപ്പം ആശ്വാസം.

Advertisement
1000x200 PX MALAYALI DCTR MDX-02-02
Continue Reading
Advertisement
1000x200 PX MALAYALI DCTR MDX-02-02
Click to comment

You must be logged in to post a comment Login

Leave a Reply

Choonduviral

‘വാമൂടിക്കെട്ടി തെരഞ്ഞെടുപ്പ് കമ്മീഷൻ’ ; പ്രധാനമന്ത്രി നരേന്ദ്ര മോദിയുടെ വർഗീയ വിദ്വേഷ പ്രസംഗത്തിൽ പ്രതികരിക്കാനില്ലെന്ന് മറുപടി

Published

on

ന്യൂഡൽഹി: പ്രധാനമന്ത്രി നരേന്ദ്ര മോദിയുടെ വർഗീയ വിദ്വേഷ പ്രസംഗത്തിൽ പ്രതികരിക്കാനില്ലെന്ന് തെരഞ്ഞെടുപ്പ് കമ്മീഷന്‍. വർഗീയ പരാമശം ശ്രദ്ധയില്‍പ്പെടുത്തിയെങ്കിലും പ്രതികരിക്കാനില്ലെന്നാണ് തെരഞ്ഞെടുപ്പ് കമ്മീഷന്‍ വ്യക്തമാക്കിയത്.

മോദി നടത്തിയ പ്രസംഗത്തിലെ മുസ്‌ലിം വിരുദ്ധ പരാമര്‍ശത്തില്‍ പ്രതിപക്ഷം നടപടിയാവശ്യം ശക്തമാക്കുന്നതിനിടെയാണ് തെരഞ്ഞെടുപ്പ് കമ്മീഷന്‍ ഇക്കാര്യം വ്യക്തമാക്കുന്നത്. പരാമര്‍ശത്തില്‍ മോദിക്കെതിരേ പരാതി കിട്ടിയോ എന്ന ചോദ്യത്തിനും കമ്മീഷന്‍ മറുപടി നല്‍കിയില്ല.രാജസ്ഥാനിലെ ബന്‍സ്വാരയില്‍ നടന്ന ബിജെപിയുടെ തെരഞ്ഞെടുപ്പ് യോഗത്തിലാണ് മോദി വർഗീയ പരാമര്‍ശം നടത്തിയത്. കോണ്‍ഗ്രസ് അധികാരത്തിലെത്തിയാല്‍ രാജ്യത്തിന്‍റെ സ്വത്ത് മുസ്‌ലിംകള്‍ക്ക് വീതിച്ച്‌ നല്‍കുമെന്നായിരുന്നു മോദിയുടെ പരാമര്‍ശം.

Advertisement
1000x200 PX MALAYALI DCTR MDX-02-02

കോണ്‍ഗ്രസ് അധികാരത്തിലെത്തിയാല്‍ രാജ്യത്തിന്‍റെ സ്വത്ത് നുഴഞ്ഞുകയറ്റക്കാര്‍ക്കും കൂടുതല്‍ കുട്ടികളുള്ളവര്‍ക്കും നല്‍കുമെന്നും, അതിന് നിങ്ങള്‍ തയാറാണോ എന്നുമാണ് മോദി പ്രസംഗത്തിനിടെ ചോദിച്ചത്. വർഗീയ പരാമര്‍ശത്തിനെതിരേ കോണ്‍ഗ്രസ് രംഗത്തെത്തിയിരുന്നു. മോദിയുടേത് വിദ്വേഷ പ്രസംഗമാണെന്നും അതിലൂടെ ജനശ്രദ്ധ തിരിക്കുകയാണെന്നും കോണ്‍ഗ്രസ് ദേശീയധ്യക്ഷന്‍ മല്ലികാര്‍ജുന്‍ ഖാര്‍ഗെ ആരോപിച്ചു. പ്രധാനമന്ത്രി സ്ഥാനത്തിന്‍റെ അന്തസ് ഇത്രത്തോളം താഴ്ത്തിയ ഒരാള്‍ ചരിത്രത്തില്‍ വേറെയില്ലെന്നും അദ്ദേഹം വിമർശിച്ചു.

Advertisement
1000x200 PX MALAYALI DCTR MDX-02-02
Continue Reading

Featured

ഷാരോൺ വധക്കേസ്; പ്രതി ഗ്രീഷ്മയ്ക്ക് തിരിച്ചടി

Published

on

ന്യൂഡൽഹി: പാറശാല ഷാരോൺ വധക്കേസിലെ അന്തിമ റിപ്പോർട്ട് റദ്ദാക്കണമെന്നാവശ്യപ്പെട്ട് ഒന്നാംപ്രതി ഗ്രീഷ്മ നൽകിയ ഹ‍ര്‍ജി സുപ്രീം കോടതി തളളി. ക്രൈംബ്രാഞ്ച് ഡിവൈഎസ്പിക്ക് അന്തിമ റിപ്പോർട്ട് ഫയൽ ചെയ്യാൻ നിയമപരമായ അധികാരമില്ലെന്നായിരുന്നു ഗ്രീഷ്മയുടെ വാദം. സ്റ്റേഷൻ ഹൗസ് ഓഫീസർക്ക് മാത്രമേ അന്തിമ റിപ്പോർട്ട് ഫയൽ ചെയ്യാൻ കഴിയൂവെന്നാണ് ഹർജിയിൽ ചൂണ്ടിക്കാട്ടുന്നത്. നേരത്തെ ഈ ആവശ്യം ഹൈക്കോടതി തള്ളിയിരുന്നു. ഗ്രീഷ്മയുമായി അടുപ്പത്തിലായിരുന്ന ഷാരോണിനെ വീട്ടിലേക്ക് വിളിച്ചുവരുത്തി കഷായത്തിലും ജ്യൂസിലും വിഷം കൊടുത്തു കൊന്നുവെന്നാണ് കേസ്.

Continue Reading

Choonduviral

പരാജയഭീതിയിൽ മോദി വിദ്വേഷ പ്രചാരണം നടത്തുന്നു: കെ.സി വേണുഗോപാൽ

Published

on

കൊച്ചി: തെരഞ്ഞെടുപ്പിനെ മോദി എത്രമാത്രം ഭയപ്പെടുന്നു എന്നുള്ളതിനു തെളിവാണ് അദ്ദേഹം നടത്തിയ വിദ്വേഷ പ്രസംഗമെന്ന് എഐസിസി ജനറൽ സെക്രട്ടറി കെ.സി വേണുഗോപാൽ. ഒരു പ്രധാനമന്ത്രി സംസാരിക്കേണ്ട ഭാഷയിലല്ല മോദി സംസാരിക്കുന്നത്. ഇന്ത്യയിൽ ഏറ്റവും കൂടുതൽ നുണ പ്രചരിപ്പിക്കുന്ന ആളാണ് മോദിയെന്നും വേണുഗോപാൽ പറഞ്ഞു. കൊച്ചിയിൽ വാർത്താസമ്മേളനത്തിൽ സംസാരിക്കുകയായിരുന്നു അദ്ദേഹം. കോൺഗ്രസ് പ്രകടന പത്രികയെ കുറിച്ച് അവാസ്തവമായ കാര്യങ്ങളാണ് മോദി പ്രചരിപ്പിക്കുന്നത്. പ്രകടന പത്രികയിൽ ഇല്ലാത്ത കാര്യങ്ങൾ പറഞ്ഞ് വർഗീയ ധ്രുവീകരണം നടത്താനാണ് മോദി ശ്രമിക്കുന്നത്. കോൺഗ്രസ് പ്രകടന പത്രിക കൈമാറാൻ കോൺഗ്രസ് അധ്യക്ഷൻ പ്രധാനമന്ത്രിയുടെ അപ്പോയിൻമെൻ്റ് തേടിയിട്ടുണ്ട്. പ്രധാനമന്ത്രി കോൺഗ്രസിന്റെ പ്രകടന പത്രിക വായിച്ചു പഠിക്കട്ടെ. മോദിയുടെ വിദ്വേഷ പ്രചാരണത്തിൽ പ്രതിഷേധിച്ച് കോൺഗ്രസ് നേതാക്കളും സ്‌ഥാനാർഥികളും കോൺഗ്രസ് പ്രകടന പത്രിക മോദിക്ക് അയച്ചുകൊടുക്കും.മോദിയുടെ പ്രസംഗത്തിനെതിരെ കോൺഗ്രസ് തെരഞ്ഞെടുപ്പ് കമ്മീഷന് പരാതി നൽകും.

ഒരു ലക്ഷം പേർ ഒപ്പിട്ട നിവേദനവും കമ്മീഷന് കൈമാറും. വിദ്വേഷ പ്രസംഗങ്ങളുടെ ചരിത്രത്തിലെ ഏറ്റവും ഭീകരമായ വിദ്വേഷ പ്രസംഗമാണ് മോദി നടത്തിയത്.ഇത് തെരഞ്ഞെടുപ്പ് ചട്ടലംഘനവും പരസ്യമായ കലാപാഹ്വാനവുമാണ്. പൗരത്വ ബില്ലിനെ കൃത്യമായി പാർലമെൻ്റിൽ കർൺഗ്രസ് എതിർത്തു. മതത്തിൻ്റെ അടിസ്ഥാനത്തിൽ സിഎഎ നടപ്പാക്കില്ലെന്ന് രാഹുൽ പറഞ്ഞു. എന്നിട്ടും മോദി നുണ പ്രചരിപ്പിക്കുകയാണ്.പരാജയ ഭീതിയുടെ വിഭ്രാന്തിയിൽ നിന്നുണ്ടായ പ്രസംഗമാണ് മോദിയുടേതെന്നും വേണുഗോപാൽ ആരോപിച്ചു. മോദി രാജ്യത്തെ ജനങ്ങളെ വിഭജിക്കുവാൻ ശ്രമിക്കുകയാണ്. മണിപ്പൂരിലും ഇതേ തന്ത്രമാണ് മോദി സ്വീകരിച്ചത്. തന്റെ പേരെടുത്ത് പറഞ്ഞുള്ള മോദിയുടെ വിമർശനം പച്ചക്കള്ളമാണ്. രാജ്യസഭ രേഖകൾ എടുത്തു നോക്കിയാൽ എന്റെ ഡിബേറ്റുകളെ കുറിച്ചറിയാം, ഞാൻ കേരളത്തെ കുറിച്ചും ചോദിച്ചിട്ടുണ്ട്. ബിജെപി എംപിമാർ ചോദിച്ചതിനേക്കാൾ കൂടുതൽ ചോദ്യങ്ങൾ ഞാൻ ചോദിച്ചിട്ടുണ്ട്. എന്തിനാണ് പ്രധാനമന്ത്രി ഇങ്ങനെ കള്ളം പറയുന്നതെന്നും വേണുഗോപാൽ ചോദിച്ചു.കെപിസിസി ആക്ടിംഗ് പ്രസിഡന്റ് എം.എം ഹസൻ, ഡിസിസി പ്രസിഡന്റ് മുഹമ്മ്ദ് ഷിയാസ്, കോൺഗ്രസ് നേതാക്കളായ ദീപ്തി മേരി, അബ്ദുൾ മുത്തലിബ്, ഷാനിമോൾ ഉസ്‌മാൻ, കെ.പി ശ്രീകുമാർ എന്നിവറം വാർത്താസമ്മേളനത്തിൽ പങ്കെടുത്തു.

Advertisement
1000x200 PX MALAYALI DCTR MDX-02-02
Continue Reading

Featured