ലോകത്തിലെ തന്നെ ആദ്യത്തെ ബിഎസ് 6 (സ്റ്റേജ് II) ഇലക്ട്രിഫൈഡ് ഫ്ലെക്സ് ഫ്യൂവൽ വാഹനത്തിന്റെ പ്രൊട്ടോടൈപ്പ് അവതരിപ്പിച്ച് പ്രമുഖ വാഹന നിർമാതാക്കളായ ടൊയോട്ട കിർലോസ്കർ മോട്ടോഴ്സ്. സുസ്ഥിരതയിലൂന്നിയുള്ള പ്രവർത്തനങ്ങളുടെ ഭാഗമായി മറ്റൊരു നാഴികകല്ല് അടയാളപ്പെടുത്തിയിരിക്കുകയാണ് ടൊയോട്ട ഇതിലൂടെ. ഫോസിൽ ഇന്ധനത്തിന്റെ വലിയ രീതിയിലുള്ള ഉപഭോഗത്തിന് ബദൽ മാർഗമാകുന്നതിനും സമഗ്രമായ കുറഞ്ഞ കാർബൺ ഉദ്‌വമനം കൈവരിക്കാനും കഴിയും. ഇന്ത്യയുടെ ദേശീയ ലക്ഷ്യങ്ങളോടുള്ള അചഞ്ചലമായ പ്രതിബദ്ധതയുടെ ഭാഗമായാണ് ടൊയോട്ട കിർലോസ്കർ മോട്ടോഴ്സ് രാജ്യത്തെ അതുല്യമായ ഊർജ്ജ ഭൂപ്രകൃതിയുമായി പൊരുത്തപ്പെടുന്ന സാങ്കേതികവിദ്യകൾ സജീവമായി പിന്തുടരുന്നത്. രാജ്യം പ്രാധാന്യം നൽകുന്നതിന് അനുസൃതമായ നൂതനവും ഹരിതവുമായ മൊബിലിറ്റി സൊല്യൂഷനുകൾ അവതരിപ്പിക്കുന്നതിനുള്ള ടൊയോട്ട കിർലോസ്കർ മോട്ടോഴ്സിന്റെ അർപ്പണബോധവും നിരന്തരമായ ശ്രമങ്ങളും വീണ്ടും സ്ഥിരീകരിക്കുകയും പ്രകടമാക്കുകയും ചെയ്യുന്നതാണ് സുപ്രധാനമായ ഈ നാഴികകല്ല്.

ടൊയോട്ട അവതരിപ്പിച്ചിരിക്കുന്ന ഇലക്‌ട്രിഫൈഡ് ഫ്‌ളെക്‌സ് ഫ്യുവൽ വാഹനത്തിന്റെ പ്രോട്ടോടൈപ്പ് ഏറ്റവും ആരാധകരുള്ള ഇന്നോവ ഹൈക്രോസിൽ നിർമ്മിച്ചതാണ്. ഇന്ത്യയിലെ എമിഷൻ മാനദണ്ഡങ്ങളോട് കിടപിടിക്കുന്ന രീതിയിൽ രൂപകൽപ്പന ചെയ്തിരിക്കുന്ന ബിഎസ് 6 (സ്റ്റേജ് II) ഇലക്ട്രിഫൈഡ് ഫ്ലെക്സ് ഫ്യൂവൽ വാഹനത്തിന്റെ ലോകത്തിലെ ആദ്യത്തെ പ്രോട്ടോടൈപ്പാണിത്. പ്രോട്ടോടൈപ്പിനായുള്ള അടുത്ത ഘട്ടങ്ങളിൽ കൂടുതൽ സൂക്ഷ്മമായ കാലിബ്രേഷൻ, ഹോമോലോഗേഷൻ, സർട്ടിഫിക്കേഷൻ എന്നിവ ഇതിൽ ഉൾപ്പെടുന്നു. ഹരിതവും കൂടുതൽ സ്വാശ്രയവുമായ ഭാവിയിലേക്കുള്ള ഇന്ത്യൻ വാഹന വ്യവസായത്തിന്റെ യാത്രയിലെ ഒരു സുപ്രധാന നിമിഷത്തെ ഇത് സൂചിപ്പിക്കുന്നു.

Advertisement

inner ad

ഊർജ്ജ സാന്ദ്രത കുറവായതിനാൽ എഥനോളിന്റെ കുറഞ്ഞ ഇന്ധനക്ഷമതയാണ് ഫ്ലെക്സ് ഇന്ധന വാഹനങ്ങൾക്കുള്ള വെല്ലുവിളി. ഈ വെല്ലുവിളിയെ നേരിടുന്നതിനാണ് ആഗോളതലത്തിൽ ഫ്ലെക്‌സ് ഫ്യുവൽ എഞ്ചിനും ഇലക്ട്രിക് പവർട്രെയിനും ഉള്ള ഒരു നൂതന ഹരിത സാങ്കേതികവിദ്യയായി ഇലക്‌ട്രിഫൈഡ് ഫ്ലെക്‌സ് ഫ്യുവൽ വെഹിക്കിളുകൾ അവതരിപ്പിക്കുന്നത്. അതിനാൽ, 40 ശതമാനം ദൂരവും 60 ശതമാനം സമയവും ഇലക്ട്രിക് മോഡിൽ (നിർദ്ദിഷ്‌ട പരീക്ഷണ സാഹചര്യങ്ങളിൽ) പെട്രോൾ എഞ്ചിൻ അടച്ച് ഓടാൻ കഴിയുന്ന ശക്തമായ ഹൈബ്രിഡ് ഇലക്ട്രിക് വെഹിക്കിളിന്റെ (SHEV) കാര്യത്തിലെന്നപോലെ, ഇതിന്റെ ഉപയോഗം ഫ്‌ളെക്‌സ് ഫ്യുവൽ എഞ്ചിനുമായി ചേർന്ന് ഇലക്‌ട്രിക് പവർട്രെയിൻ മെച്ചപ്പെടുത്തിയ ഇന്ധനക്ഷമതയിലൂടെ ഈ വെല്ലുവിളിയെ മറികടക്കുന്നു.

അതിവേഗം വളരുന്ന വലിയ സമ്പദ് വ്യവസ്ഥയായ ഇന്ത്യയിൽ ക്രൂഡ് ഓയിൽ ഇറക്കുമതിക്കൊപ്പം തന്നെ ഫോസിൽ ഇന്ധന ഉപഭോഗവും കൂടുതലാണ്. സഞ്ചാര കാര്യങ്ങളിലെ ആവശ്യകതകളിലുള്ള വലിയ വർദ്ധനവ് കാരണം, നിലവിൽ ഗതാഗത മേഖലയിലാണ് 50 ശതമാനത്തോളവും എണ്ണ ഉപഭോഗവും വേണ്ടി വരുന്നത്. ഇന്ത്യയിൽ ഗതാഗത മേഖലയിലെ ഊർജ ഉപഭോഗം 2030-ൽ 200 Mtoe (മില്ല്യൺ ടൺ എണ്ണയ്ക്ക് തുല്യമായ)യായി ഇരട്ടിക്കുമെന്നാണ് കണക്കുകൾ വ്യക്തമാക്കുന്നത്. ഉയർന്ന ഫോസിൽ ഇന്ധന ഉപഭോഗം വലിയ രീതിയിലുള്ള കാർബൺ പുറന്തള്ളലിനും കാരണമാകും. അതുകൊണ്ട് തന്നെ ഫോസിൽ ഇന്ധനങ്ങളിൽ നിന്ന് അതിവേഗം മാറ്റമുണ്ടാകേണ്ടത് അത്യന്താപേക്ഷിതമാണ്.

Advertisement

inner ad