Connect with us
48 birthday
top banner (1)

Kerala

ചെളിവെള്ളം കൊണ്ട് മുഖം കഴുകുന്ന
പാർട്ടിയും സെക്രട്ടറിയും

Avatar

Published

on

എം.വി ഗോവിന്ദൻ പണ്ട് മാഷായിരുന്നു. കണ്ണൂർ ജില്ലയിലെ ഇരിങ്ങൽ യുപി സ്കൂളിലെ പഴയ ഡ്രില്ല് സാർ. സ്കൂളിൽ പോകുന്നതിനെക്കാൾ മെച്ചം പാർട്ടി ഓഫീസിൽ പോകുന്നതാണെന്നു മനസിലായപ്പോൾ ജോലി രാജിവച്ചു. അതേതായാലും നന്നായി. സത്യം പറയാനും പഠിപ്പിക്കാനുമുള്ളതാണ് സ്കൂളുകൾ.  എന്നാൽ ഗോവിന്ദന്റെ പാർട്ടി ഇപ്പോൾ കള്ളം മാത്രമേ പറയാറുള്ളൂ. കള്ളത്തരങ്ങളേ പഠിപ്പിക്കാറുള്ളൂ. യഥാ രാജാ, തഥാ പ്രജ എന്ന നീതി ശാസ്ത്രമാണ് അവിടെ ഇപ്പോൾ നടപ്പാക്കുന്നത്. അതിനു ചൂട്ടുപിടിക്കാൻ ഗോവിന്ദനെക്കാൾ മികച്ചൊരു സെക്രട്ടറിയെ കിട്ടാനുമില്ല.


ദോഷം പറയരുത്. ഇഎംഎസ് നമ്പൂതിരിപ്പാട് മുതൽ പണറായി വിജയൻ വരെയുള്ള മുൻഗാമികളാരും പാർട്ടിക്ക്  ഇത്രയ്ക്കു ചീത്തപ്പേര് കേൾപ്പിച്ചിട്ടില്ല. അതുകൊണ്ട് അവരുടെ കാലത്ത് പാർട്ടിക്കാർക്കെങ്കിലും അവരോടു കൂറും വിധേയത്വവുമുണ്ടായിരുന്നു. അതൊക്കെ കണ്ടും കേട്ടും ആഗ്രഹിച്ചുമാണ് സീനിയർ നേതാവ് ഇ.പി ജയരാജനെ മൂലയ്ക്കിരുത്തി  എം. വി. ഗോവിന്ദൻ പാർട്ടിയുടെ അമരത്തെത്തിയത്. അതിനു ശേഷം അദ്ദേഹം കെട്ടിയാടുന്നതെല്ലാം കോമളി വേഷങ്ങളാണ്. സ്വന്തം പാർട്ടിയിൽ നടക്കുന്ന നാണംകെട്ട കാര്യങ്ങളൊന്നും കാണാൻ അദ്ദേഹത്തിനു കഴിയുന്നില്ല. അഥവാ അതെല്ലാം കണ്ടില്ലെന്നു നടിക്കുന്നു.


മറ്റു രാഷ്‌ട്രീയ കക്ഷികളെയോ, അതിന്റെ നേതാക്കളെയോ വീക്ഷിക്കുന്നതല്ല അദ്ദേഹത്തിന്റെ പണിയെന്ന കാര്യം തന്നെ അദ്ദേഹം മറക്കുന്നു. സ്വന്തം പാർട്ടിയെയും അതിന്റെ കേഡറുകളെയും  നേതാക്കളെയും നേരായ വഴിക്കു നടത്തണമെന്ന പ്രാഥമിക ഉത്തരവാദിത്വം പോലും മറക്കുന്നു.

 ഒരു കാലത്ത് മുഖ്യമന്ത്രി പണറായി വിജയന്റെ വലംകൈയായിരുന്ന സ്വപ്ന സുരേഷ് എന്ന കൊടുംക്രിമിനൽ ഗോവിന്ദന്റെ സഹപ്രവർത്തകരെക്കുറിച്ച്  എന്തൊക്കെയാണു പറഞ്ഞത്? മുൻ മന്ത്രിയും മുതിർന്ന നേതാവുമായ കടകംപള്ളി സുരേന്ദ്രനെ വീട്ടിൽ കയറ്റാൻ കൊള്ളില്ലെന്നു വരെ പറഞ്ഞിട്ട് ചൊവ്വേ നേരേയൊന്നു മുരടനക്കിയില്ല, ഗോവിന്ദൻ. (അന്നദ്ദേഹം പാർട്ടി സെക്രട്ടറിയല്ല). ഡോ. തോമസ് ഐസക്ക്  മൂന്നാറിനു പോകാൻ ക്ഷണിച്ചെന്നു സ്വപ്ന പറഞ്ഞിട്ടും പാർട്ടി മിണ്ടിയതേയില്ല. അന്നത്തെ സ്പീക്കർ ശ്രീരാമകൃഷ്ണൻ അർധരാത്രിക്കു തന്നെ വിളിച്ചു ഫ്ലാറ്റിലേക്കു ചെല്ലണമെന്നു പറഞ്ഞ കാര്യം സ്വപ്ന വളിപ്പെടുത്തിയിട്ടും ഒരന്വേഷണവും നടത്തിയില്ല പാർട്ടി. പറയുന്നത് കള്ളമാണെങ്കിൽ തനിക്കെതിരേ മാനനഷ്ടത്തിനു കേസെടുക്കാൻ വെല്ലുവിളിക്കുക മാത്രമല്ല, ഇക്കാര്യങ്ങളെല്ലാം തുറന്നു പറഞ്ഞു സ്വപ്ന പുസ്തകം വരെ എഴുതിയിട്ടും പാർട്ടി പതറിയില്ല.

Advertisement
inner ad

സ്വന്തം പാർട്ടി സഖാവിനെ പാർട്ടി ഓഫീസിൽ വച്ചു പീഡിപ്പിച്ചെന്ന പരാതി നേരിട്ട പാലക്കാട് ജില്ലാ സെക്രട്ടേറിയറ്റ് അംഗം പി.കെ. ശശിക്കു പ്രമോഷൻ കൊടുത്ത് കെടിഡിസി ചെയർമാനാക്കിയ പാർട്ടിയാണ് ഗോവിന്ദന്റേത്. മറ്റൊരു വനിതാ സഖാവിന്റെ പരാതിയിൽ പാർട്ടി നടപടി നേരിട്ട പി. ശശിയെ മുഖ്യമന്ത്രിയുടെ പൊളിറ്റിക്കൽ സെക്രട്ടറിയാക്കാനും മടിക്കാത്ത പാർട്ടിയാണത്. അങ്ങനെ എത്രയെത്ര അനാശാസ്യ ആക്ഷേപങ്ങളാണ് ഗോവിന്ദൻ മാഷുടെ പാർട്ടി നേരിടുന്നത്. അങ്ങനെ ഒരാൾക്ക് ആത്മാഭിമാനം പൊള്ളിപ്പോകുന്നവന്റെ മനോനില മനസിലാകില്ല. അതുകൊണ്ടാണ് കെപിസിസി പ്രസിഡന്റ് കെ. സുധാകരനെതിരേ നട്ടാൽ കുരുക്കാത്ത കള്ളക്കഥ മെനയാൻ ഉളിപ്പ് തോന്നാതിരുന്നത്.

 അതുകൊണ്ടു തന്നെയാണ് സംസ്ഥാന പോലീസിന്റെ ചമ്മട്ടിയേന്തുന്ന പാർട്ടിയുടെ അമരക്കാരനായിട്ടും ഗോവിന്ദൻ പറഞ്ഞത് കളവാണെന്ന് പൊലീസിനു  തുറന്നു പറയേണ്ടി വന്നത്.

Advertisement
inner ad

പ്രചാര രംഗത്ത് കേരളത്തിൽ വൻകിട പത്രങ്ങളോടു മത്സരിക്കുന്ന തരത്തിൽ ദേശാഭിമാനിയെ വളർത്താൻ സിപിഎമ്മിനു കഴിഞ്ഞു എന്നു സമ്മതിക്കാം. ഭരണസ്വാധീനം ഉപയോഗിച്ചു  ഭീഷണി  പ്പെടുത്തിയും തൊഴിലുറപ്പ് തൊഴിലാളികളെ കൊണ്ടു പോലും വരി സംഖ്യ എടുപ്പിച്ചും കച്ചവടക്കാരുടെ കടപൂട്ടിക്കുമെന്നുമൊക്കെ ഭീഷണിപ്പെടുത്തിയിട്ടാണെങ്കിലും ദേശാഭിമാനിക്കു കേരളത്തിൽ നല്ല പ്രചാരമുണ്ട്. പക്ഷേ, അതൊരു ന്യൂസ് പേപ്പറല്ല,  കള്ളങ്ങൾ വിളമ്പാനുള്ള വേസ്റ്റ് പേപ്പറാണെന്ന് ഇപ്പോൾ ജനങ്ങൾ തിരിച്ചറിയുന്നു. കെപിസിസി പ്രസിഡന്റ് കെ. സുധാകരനെ പോക്സോ കേസിൽ കുടുക്കാൻ വരെ ആ പത്രം തൂലിക ചലിപ്പിക്കുന്നു.

Advertisement
inner ad

കെപിസിസി പ്രസിഡന്റിനെതിരേ പ്രയോഗിച്ചതു പോലുള്ള നുണ ബോംബുകൾ ദേശാഭിമാനിക്കും സിപിഎം നേതാക്കൾക്കും പുത്തരിയല്ല. 2019 ജൂലൈ 13ന് അന്നത്തെ ദേശാഭിമാനിയുടെ സൂപ്പർ സ്റ്റോറിയുടെ തലക്കെട്ട് ഇങ്ങനെയായിരുന്നു, “ആന്തൂരിലെ സത്യം ഫോണിൽ തെളിയുന്നു”. രണ്ടു പതിറ്റാണ്ടു കാലത്തോളം വിദേശത്തു ചോര നീരാക്കി നേടിയ സമ്പാദ്യം നാട്ടിൽ നിക്ഷേപിച്ച് ഇനിയുള്ള കാലം കുടുംബത്തോടൊപ്പം ജീവിക്കാൻ കൊതിച്ചെത്തിയ സാജൻ പാറായിൽ എന്ന സിപിഎം സഹയാത്രികന്റെ ഭാര്യക്കെതിരേ കൊടുത്ത വാർത്തയുടെ തലക്കെട്ടായിരുന്നു അത്. എന്തായിരുന്നു ഈ വാർത്തയുടെ അടിസ്ഥാനം? സാജൻ ആന്തൂർ നഗസഭയിൽ നിർമിച്ച പാർഥാ കൺവെൻഷൻ സെന്ററിന് അനുമതി ലഭിക്കാൻ പാർട്ടി ആവശ്യപ്പെട്ട മുഴുവൻ പാരിതോഷികങ്ങളും നൽകിയിരുന്നു. എന്നാൽ എവിടെയോ അതിന്റെ പങ്ക് എത്തിയില്ല. ഗോവിന്ദൻ മാഷുടെ ഭാര്യ പി.കെ. ശ്യാമളയായിരുന്നു അന്ന് ആന്തൂർ മുനിസിപ്പൽ ചെയർ പേഴ്സൺ. പി. ജയരാജൻ പാർട്ടി ജില്ലാ സെക്രട്ടറിയും.  സാജനു വേണ്ടി ജയരാജൻ പല തവണ ശ്യാമളയെ കണ്ട് സഹായം ചോദിച്ചിരുന്നു. എന്നാൽ ആരു പറഞ്ഞാലും താൻ ജീവിച്ചിരിക്കുന്ന കാലത്തോളം പാർഥാ കൺവെൻഷൻ സെന്ററിന് അനുമതി നൽകില്ലെന്ന് ശ്യാമള തീർത്തു പറഞ്ഞു. അതിന്റെ അടുത്ത ദിവസമാണ് സാജൻ ജീവനൊടുക്കിയത്.

അന്ന് ആന്തൂരിൽ പാർട്ടി വലിയ പ്രതിസന്ധിയിലായി. സാജന്റെ മരണത്തെക്കുറിച്ച് അന്വേഷിക്കണമെന്നും കുറ്റക്കാരെ ശിക്ഷിക്കണമെന്നും ആവശ്യപ്പെട്ട് അന്നത്തെ ഡിസിസി പ്രസിഡന്റ് സതീശൻ പാച്ചേനിയുടെ നേതൃത്വത്തിൽ ആന്തൂരിൽ ഒരു കാൽനട പ്രചാരണ ജാഥ നടന്നു. ഈ ജാഥയിൽ വൻ ജനപങ്കാളിത്തമാണ് ഉണ്ടായത്. അതിൽ വിറളി പിടിച്ച സിപിഎം പ്രാദേശിക നേതൃത്വത്തിന്റെ മൂശയിൽ വിരിഞ്ഞ വ്യാജ വാർത്തയാണ് നേരത്തേ പറഞ്ഞ തലക്കെട്ടിലൂടെ ദേശാഭമാനി പുറത്തു വിട്ടത്.

 സാജൻ പാറായിൽ ആത്മഹത്യ ചെയ്യാൻ കാരണം അദ്ദേഹത്തിന്റെ ഭാര്യയുടെ ചില അവിശുദ്ധ ബന്ധങ്ങളാണെന്നായിരുന്നു വാർത്തയുടെ ധ്വനി. പ്രാണന്റെ പ്രാണനും ജീവിത സമ്പാദ്യങ്ങളുമെല്ലാം നഷ്ടപ്പെട്ടുപോയ ഒരു സാധു വീട്ടമ്മയുട ഹൃദയനൊമ്പരം കാണാനുള്ള കണ്ണുപോലുമില്ലാതെ, വ്യാജ വാർത്ത ചമച്ച് അവരെക്കൂടി കൊലയ്ക്കു കൊടുക്കാനായിരുന്നു അന്നു പാർട്ടിക്കും അതിന്റെ പത്രത്തിനും തിടുക്കം. അതിലും വലുതല്ലല്ലോ കെ. സുധാകരനെതരേ പാർട്ടി പത്രവും സെക്രട്ടറിയും ഉയർത്തിയ വ്യാജ വാർത്ത.

Advertisement
inner ad

 തീയിൽ കുരുത്ത് കരുത്തോടെ വളർന്ന സുധാകരനെ വാട്ടിത്തളർത്താൻ ഗോവിന്ദൻ മാഷുടെ മണ്ണെണ്ണ വിളക്കിനു കഴിയില്ല. പക്ഷേ,  ഗോവിന്ദനിൽ നിന്നു സാമ്യാന്യ നീതി പ്രതീക്ഷിച്ചിട്ടു കാര്യമില്ല. രണ്ടു മാസം മുൻപ് അദ്ദേഹം നയിച്ച ജനകീയ പ്രതിരോധ ജാഥ ഉദാഹരണം.  അധികാരത്തിന്റെ അഹങ്കാരവും ഭരണത്തിന്റെ സ്വാധീനവും കുമിഞ്ഞുകൂടിയ സമ്പത്തുമൊക്കെ ഉണ്ടായിട്ടും മിക്കയിടത്തും ശുഷ്കമായ ആൾക്കൂട്ടമാണ് ഗോവിന്ദനെ വരവേൽക്കാനെത്തിയത്. അതിന്റെ ക്ഷോഭം മുഴുവൻ എല്ലാ വേദികളിലും അദ്ദേഹം പ്രകടമാക്കുകയും ചെയ്തു. തൃശൂർ മാളയിലെത്തിയപ്പോൾ പാവപ്പെട്ട മൈക്ക് ഓപ്പറേറ്ററെ ജനക്കൂട്ടത്തിനു നടുവിൽ അടച്ചാക്ഷേപിക്കാനുള്ള വിപദി ധൈര്യം പോലും പ്രകടിപ്പിച്ച് നാണംകെട്ടു ഗോവിന്ദൻ.

ആൾമാറാട്ടം, വ്യാജരേഖ, അഴിമതി, ധൂർത്ത്, സ്ത്രീപീഡനം, മയക്കുമരുന്ന്, ക്യാംപസ് അട്ടിമറി തുടങ്ങി ജീർണതയുടെ കൊടുമുടിയിലാണ് സിപിഎമ്മും അതിന്റെ മിക്ക നേതാക്കളും, മുഖ്യമന്ത്രി പോലും. അതിന്റെയൊക്ക വൈകൃതം മറയ്ക്കാൻ, ജനങ്ങൾക്കൊപ്പം നിന്നു പ്രവർത്തിക്കുന്ന പ്രതിപക്ഷ നേതാക്കളെ കരി വാരി തേക്കാൻ ശ്രമിക്കുന്നത്, ചെളിവെള്ളം കൊണ്ട് മുഖം കഴുകുന്നതിനു സമാനമാണ് എന്നു മാത്രം പറയട്ടെ.

Advertisement
inner ad

Kerala

കേരളത്തിലെ മദ്യനയ അഴിമതി, സിപിഎമ്മിന്റെ ഇലക്ട്രൽ ബോണ്ടാണെന്ന്; കെപിസിസി പ്രസിഡന്റ് കെ. സുധാകരൻ എംപി

Published

on

കണ്ണൂർ: ഇലക്ട്രൽ ബോണ്ട് ഉപയോഗിച്ച് ബിജെപി സഹസ്രകോടികൾ പിരിച്ചെടുത്തതിനു സമാനമായി സിപിഎം കേരളത്തിൽ മദ്യനയം ഉപയോഗിച്ച് കോടികൾ പിരിച്ചെടുത്തെന്ന് കെപിസിസി പ്രസിഡന്റ് കെ. സുധാകരൻ എംപി. യാതൊരു മാനദണ്ഡവും പാലിക്കാതെ ടൂറിസം വകുപ്പ് ഹെറിറ്റേജ് ഹോട്ടലുകൾക്ക് ബാറുകൾ അനുവദിച്ചതിലും വലിയ അഴിമതി നടന്നിട്ടുണ്ട്. ഇവയെക്കുറിച്ച് അടിയന്തര അന്വേഷണത്തിനു സർക്കാർ തയാറാകണം.

തിരഞ്ഞെടുപ്പ് കാലത്ത് ബാർ ഉടമകളിൽനിന്ന് കോടികൾ ബലംപ്രയോഗിച്ച് പിരിച്ചെടുത്തെന്നും പണം നല്കാത്തവരെ കള്ളക്കേസിൽ കുടുക്കിയെന്നും ഏപ്രിൽ 12ന് മുഖ്യമന്ത്രിക്ക് ബാർ ഉടമകൾ പരാതി നല്കി. ഇതു തന്നെയാണ് ബിജെപി കേന്ദ്രത്തിൽ ചെയ്തത്. വൻകിട പദ്ധതികൾ വൻകിടക്കാർക്ക് ചുളുവിലയ്ക്ക് നൽകുകയും അതിന്റെ കമ്മീഷൻ ഇലക്ട്രൽ ബോണ്ടായി വാങ്ങുകയും വിസമ്മതിച്ചവർക്കെതിരെ കേന്ദ്ര ഏജൻസികളെ ഉപയോഗിച്ച്കേസെടുക്കുകയുമാണ് അവിടെ ചെയ്തത്. മോദിയിൽനിന്ന് ശിഷ്യത്വം സ്വീകരിച്ച് പിണറായി വിജയൻ ഇവിടെ മദ്യനയത്തിൽ അതു നടപ്പാക്കിയെന്ന് സുധാകരൻ പറഞ്ഞു.

Advertisement
inner ad

തിരഞ്ഞെടുപ്പുകാലത്ത് മുഖ്യമന്ത്രിയുടെ പേരു പറഞ്ഞാണ് കോടികൾ പിരിച്ചെടുത്തതെന്നു ബാറുടമകളുടെ പരാതിയിൽ പറയുന്നു. ഇതിന്മേൽ ഇതുവരെ അന്വേഷണമോ നടപടിയോ ഇല്ല. ബാർ ഉടമകളിൽനിന്ന് വീണ്ടും രണ്ടരലക്ഷം രൂപ വീതം പിരിക്കുന്നതു സംബന്ധിച്ചും അന്വേഷണമില്ല. ബാർ ഉടമകളുടെ യോഗത്തിൽനിന്ന് ശബ്ദസന്ദേശം എങ്ങനെ പുറത്തുപോയി എന്നതു മാത്രമാണ് അന്വേഷിക്കുന്നത്. ഇതൊന്നും അന്വേഷിക്കാത്തവരാണ് തിരുവഞ്ചൂർ രാധാകൃഷ്ണൻ എംഎൽഎയുടെ മകൻവാട്ട്സ്ആപ് ഗ്രൂപ്പിൽ അംഗമാണെന്ന് പറഞ്ഞ് അന്വേഷണത്തിന് നോട്ടീസ് അയച്ചത്.

സത്യസന്ധമായ അന്വേഷണം നടന്നാൽ അതു കുടുംബത്തിലേക്കു നീളും എന്നതാണ് മുഖ്യമന്ത്രിയെ ഭയപ്പെടുത്തുന്നത്. എക്സൈസ് മന്ത്രിയെ നോക്കുകുത്തിയാക്കി ടൂറിസം മന്ത്രി നേരിട്ടാണ് മദ്യനയം തൂക്കിവിറ്റത്. ടൂറിസം മന്ത്രിയുടെ ഇടപെടലിൽ സഹികെട്ട് അവസാനം താനാണ് എക്സൈസ് മന്ത്രി എന്നുപോലും മന്ത്രി എം.ബി. രാജേഷിനു നിയമസഭയിൽ പറയേണ്ടി വന്നു. നിയമം അനുശാസിക്കുന്ന മാനദണ്ഡങ്ങൾ പാലിക്കാത്ത കെട്ടിടങ്ങൾക്ക് ടൂറിസം വകുപ്പ് ഹെറിറ്റേജ് പദവി നല്‌കി അവിടങ്ങളിൽ ബാറുകൾ അനുവദിക്കുന്നതാണ് മറ്റൊരു അഴിമതി. തമിഴ്‌നാട്ടിൽനിന്നും മറ്റും പുരാതന വീടുകൾ ഇളക്കികൊണ്ടുവന്നാണ് ഇവിടെ പല കെട്ടിടങ്ങളും ഹെറിറ്റേജ് പദവി നേടിയതെന്ന് സുധാകരൻ ചൂണ്ടിക്കാട്ടി.

Advertisement
inner ad
Continue Reading

Featured

കു​വൈ​ത്ത് ദുരന്തത്തിൽ ധ​ന​സ​ഹാ​യം പ്രഖ്യാ​പി​ച്ച് എം.​എ. യൂ​സ​ഫ​ലി​യും രവി പി​ള്ള​യും

Published

on

തി​രു​വ​ന​ന്ത​പു​രം: കു​വൈ​ത്തിലെ ദുരന്തത്തിൽ മ​രി​ച്ച മ​ല​യാ​ളി​ക​ളു​ടെ കു​ടു​ബ​ത്തി​ന് ധ​ന​സ​ഹാ​യം പ്ര​ഖ്യാ​പി​ച്ച് വ്യ​വ​സാ​യി​ക​ളാ​യ എം.​എ. യൂ​സ​ഫ​ലി​യും രവി പി​ള്ള​യും. അ​പ​ക​ട​ത്തി​ൽ മ​രി​ച്ച​വ​രു​ടെ കു​ടും​ബ​ങ്ങ​ള്‍​ക്ക് നോ​ർ​ക്ക വൈ​സ് ചെ​യ​ർ​മാ​നും ലു​ലു ഗ്രൂ​പ്പ് ചെ​യ​ർ​മാ​നു​മാ​യ എം.​എ. യൂ​സ​ഫ​ലി അ​ഞ്ചു​ല​ക്ഷം രൂ​പ വീ​ത​വും ര​വി പി​ള്ള ര​ണ്ട് ല​ക്ഷം രൂ​പ വീ​ത​വും ന​ല്‍​കും. ഇ​വ​ര്‍ ഇ​ക്കാ​ര്യം മു​ഖ്യ​മ​ന്ത്രി​യെ അ​റി​യി​ച്ചു. നോ​ര്‍​ക്ക മു​ഖേ​ന​യാ​ണ് ഈ ​സ​ഹാ​യം ല​ഭ്യ​മാ​ക്കു​ക.

തീ​പി​ടി​ത്ത​ത്തി​ൽ മ​രി​ച്ച മ​ല​യാ​ളി​ക​ളു​ടെ കു​ടും​ബാം​ഗ​ങ്ങ​ള്‍​ക്ക് സം​സ്ഥാ​ന സ​ര്‍​ക്കാ​ര്‍ അ​ഞ്ച് ല​ക്ഷം രൂ​പ വീ​തം ധ​ന​സ​ഹാ​യം പ്ര​ഖ്യാ​പി​ച്ചി​ട്ടു​ണ്ട്. പ​രി​ക്കേ​റ്റ മ​ല​യാ​ളി​ക​ള്‍​ക്ക് ഒ​രു ല​ക്ഷം രൂ​പ വീ​തം ന​ല്‍​കാ​നും വ്യാ​ഴാ​ഴ്ച ചേ​ര്‍​ന്ന പ്ര​ത്യേ​ക മ​ന്ത്രിസ​ഭാ​യോ​ഗം തീ​രു​മാ​നി​ച്ചു.

Advertisement
inner ad
Continue Reading

Featured

കുവൈറ്റ് ദുരന്തത്തിൽ മരിച്ച 24 മലയാളികളിൽ 22 പേരെ തിരിച്ചറിഞ്ഞു;12 പേർ ഗുരുതരാവസ്ഥയിൽ

Published

on

തിരുവനന്തപുരം: കുവൈറ്റിലെ ദുരന്തത്തിൽ മരിച്ച 24 മലയാളികളിൽ 22 പേരെ തിരിച്ചറിഞ്ഞതായി നോർക്ക. 12 പേർ ഐസിയുവിൽ ഗുരുതരാവസ്ഥയിൽ ചികിത്സയിലാണെന്നുമാണ് നോർക്കയ്ക്ക് ലഭിച്ച വിവരം. മൃതദേഹങ്ങൾ ഇന്ന് തന്നെ നാട്ടിൽ എത്തിച്ചേക്കും. തിരിച്ചറിഞ്ഞ മൃതദേഹങ്ങളുടെ പോസ്റ്റ്മോർട്ടം കഴിഞ്ഞതായും നോർക്ക അറിയിച്ചു. അതേസമയം, മരിച്ചവരിൽ 45 ഇന്ത്യക്കാർ ഉൾപ്പെട്ടതായി കുവൈത്ത് അധികൃതർ അറിയിച്ചു. 3 ഫിലിപ്പിനോ പൗരന്മാരും തിരിച്ചറിയാത്ത ഒരാളും അപകടത്തിൽ മരിച്ചതായി അധികൃതർ വ്യക്തമാക്കി.വിവിധ സംഘടനകൾ ചേർന്നുള്ള രക്ഷദൗത്യം പുരോഗമിച്ചു വരികയാണ്. പരിക്കേറ്റവർക്ക് പൂർണമായും ചികിത്സ സൗകര്യം ഒരുക്കിയിട്ടുണ്ട്. തീപിടുത്തം ഉണ്ടായപ്പോൾ തൊഴിലാളികൾക്ക് പുറത്തിറങ്ങാനായില്ല. പ്രവാസികളുടെ ജീവിത സാഹചര്യം മെച്ചപ്പെടണം. പ്രവാസികളുടെ താമസ സൗകര്യത്തിന് ദുരന്തം വലിയൊരു പാഠമാണെന്നും കെ.വി. അബ്ദുൽഖാദർ പറഞ്ഞു. അതിനിടെ, മൃതദേഹങ്ങൾ ഇന്ത്യയിൽ എത്തിക്കാൻ വിമാനങ്ങൾ തയാറാക്കാൻ കുവൈറ്റ് അമീർ നിർദ്ദേശം നൽകി. ഇതിനായി കുവൈറ്റും സഹായം നൽകും. മരിച്ചവരുടെ കുടുംബങ്ങൾക്ക് സാമ്പത്തിക സഹായം നൽകാനും കുവൈറ്റ് അമീർ ഉത്തരവിട്ടതായി കുവൈറ്റ് മാധ്യമങ്ങൾ അറിയിച്ചു. സാധ്യമായ എല്ലാ സഹായങ്ങളും അപകടത്തിൽപ്പെട്ടവർക്ക് ലഭ്യമാക്കാൻ നോർക്കയുടെ ആഭിമുഖ്യത്തിലും പ്രവാസികളുടെ മുൻകൈയിലും ശ്രമം നടക്കുന്നുണ്ട്. ഹെൽപ്പ് ഡെസ്ക്കും ഗ്ലോബൽ കോൺടാക്ട് സെൻ്ററും മുഴുവൻ സമയവും പ്രവർത്തിക്കുന്നുണ്ട്.

Continue Reading

Featured