crime
സ്ത്രീകളെ ആക്രമിച്ച് ആഭരണങ്ങള് കവരും; അനു വധക്കേസ് പ്രതി 29 വര്ഷമായി സ്ഥിരം കുറ്റവാളി
കോഴിക്കോട്: പേരാമ്പ്ര അനു വധക്കേസിലെ പ്രതി മുജീബ് റഹ്മാന് 29 വര്ഷമായി സ്ഥിരം കുറ്റവാളിയെന്ന് പൊലീസ്. വിവിധ ജില്ലകളിലായി 56 കേസുകളിലോളം പ്രതിയാണ് ഇയാൾ. സ്ത്രീകളെ ആക്രമിച്ച് സ്വര്ണാഭരണങ്ങള് കവരുന്നത് പതിവാക്കിയ മുജീബ് റഹ്മാനെ നിരീക്ഷിക്കുന്നതില് പൊലീസ് സംവിധാനവും പരാജയപ്പെട്ടു.
പത്തൊമ്പതാം വയസില് പിടിച്ചുപറിയില് തുടങ്ങിയ ഇയാൾ ഏറെ വൈകാതെ തന്നെ വാഹന മോഷണത്തിലേക്ക് കടന്നു. കേരളത്തില് നിന്ന് കാറുകള് മോഷ്ടിച്ച് തമിഴ്നാട്ടിലെത്തിച്ച് കുപ്രസിദ്ധ വാഹന മോഷ്ടാവ് വീരപ്പന് റഹീമിന് കൈമാറും. 2001 മുതല് 10 വര്ഷം ഇതായിരുന്നു പതിവ്. മോഷണം പിടിച്ചുപറി എന്നിവക്കൊപ്പം സ്ത്രീകളെ ആക്രമിച്ച് ബലാത്സംഗം ചെയ്യുകയും ആഭരണങ്ങള് കവരുന്നതുമായിരുന്നു മുജീബിന്റെ രീതി.
2020 ല് മുത്തേരിയില് വയോധികയെ, ഭീഷണിപ്പെടുത്തി ഓട്ടോയില് കയറ്റി കെട്ടിയിട്ട് പീഡിപ്പിച്ചു. പേരാമ്പ്രയില് അനുവിനെ തലക്കടിച്ച് ബോധരഹിതയാക്കിയാണ് വെള്ളത്തില് ചവിട്ടി താഴ്ത്തി. തൃശൂര് മുതല് കാസര്ഗോഡ് വരെ വിവിധ പൊലീസ് സ്റ്റേഷനുകളിലായി 56 കേസുകള് മുജീബിനെതിരെ നിലവിലുണ്ട്. എന്നാല് ശിക്ഷിക്കപ്പെട്ടത് വളരെ ചുരുക്കം കേസുകളില് മാത്രം.
കൊടുംകുറ്റവാളിയായ ഇയാള്ക്ക് സമൂഹത്തില് സ്വര്യവിഹാരത്തിന് എങ്ങനെ അവസരമൊരുങ്ങി എന്നതാണ് അവശേഷിക്കുന്ന ചോദ്യം. സമാനമായ കുറ്റകൃത്യങ്ങള് ആവര്ത്തിച്ചിട്ടും എന്തുകൊണ്ട് ഇയാള് പൊലീസിന്റെ നിരീക്ഷണ വലയത്തിലുണ്ടായില്ല. നേരത്തെയുണ്ടായ കുറ്റകൃത്യങ്ങളില് ശക്തമായ ശിക്ഷ നടപടി ഉണ്ടായിരുന്നുവെങ്കില് അനുവിന് ഈ ദുര്ഗതി സംഭവിക്കില്ലായിരുന്നുവെന്ന് മുത്തേരിയിലെ അതിജീവിത പറഞ്ഞു.
തിരുവനന്തപുരം: കഠിനംകുളത്ത് യുവതിയെ കഴുത്തിൽ കുത്തേറ്റ് മരിച്ച നിലയിൽ കണ്ടെത്തി. വെഞ്ഞാറമൂട് സ്വദേശി ആതിരയെയാണ് (30) രാവിലെ പതിനൊന്നരയോടെ വീടിനുള്ളിൽ മരിച്ച നിലയിൽ കണ്ടെത്തിയത്. ക്ഷേത്രത്തിലെ പൂജാരിയായ ഭർത്താവ് അഞ്ചരയോടെ അമ്പലത്തിൽ പോയി മടങ്ങിയെത്തിയപ്പോഴാണ് ഭാര്യ ആതിരയെ കുത്തേറ്റ് മരിച്ചനിലയിൽ വീട്ടിനുള്ളിൽ കണ്ടത്.
രാവിലെ 8.30 ന് ശേഷമാണ് സംഭവം നടന്നതെന്നാണ് വിവരം. 8.30 ന് മകനെ സ്കൂളിൽ പറഞ്ഞയച്ചപ്പോൾ യുവതി വീട്ടിൽ ഉണ്ടായിരുന്നു. ഇൻസ്റ്റഗ്രാം വഴി പരിചയപ്പെട്ട എറണാകുളം സ്വദേശിയായ യുവാവിനെ കഠിനംകുളം പോലീസ് അന്വേഷിക്കുകയാണ്. യുവതിയുടെ സ്കൂട്ടറും സംഭവസ്ഥലത്തുനിന്നും കാണാതായി. കൊലയ്ക്കു ശേഷം യുവതിയുടെ സ്കൂട്ടറുമായാണ് അക്രമി രക്ഷപ്പെട്ടത് എന്നാണ് നിഗമനം.
കൊച്ചി: സൈബര് തട്ടിപ്പിന്റെ ഇരയായി ഹൈകോടതി മുന് ജഡ്ജിയും. ഓഹരിവിപണിയില് വന്തുക ലാഭം വാഗ്ദാനം ചെയ്ത് നടത്തിയ തട്ടിപ്പില് ജസ്റ്റിസ് എ ശശിധരന് നമ്പ്യാര്ക്ക് 90 ലക്ഷം രൂപ നഷ്ടമായി. ഓണ്ലൈന് ഷെയര് ട്രേഡിങ് വഴി 850 ശതമാനം ലാഭം വാഗ്ദാനം ചെയ്തായിരുന്നു തട്ടിപ്പ്. ജഡ്ജിയുടെ പരാതിയില് തൃപ്പൂണിത്തുറ ഹില് പാലസ് പൊലീസ് രണ്ടുപേര്ക്കെതിരെ കേസെടുത്തിട്ടുണ്ട്.
കഴിഞ്ഞ ഡിസംബറിലായിരുന്നു സംഭവം. നാലാംതീയതി മുതല് 30-ാം തീയതി വരെ പലതവണകളായാണ് തട്ടിപ്പ് സംഘം ജഡ്ജിയില് നിന്ന് പണം തട്ടിയത്. വാട്സ്ആപ്പ് വഴിയാണ് തട്ടിപ്പ് സംഘം ജഡ്ജിയെ പരിചയപ്പെട്ടത്. ആദിത്യബിര്ള ഇക്വിറ്റി ഗ്രൂപ്പിന്റെ പേരിലായിരുന്നു തട്ടിപ്പ്. ആദിത്യബിര്ള ഇക്വിറ്റി ഗ്രൂപ്പിന്റെ പ്രതിനിധികള് എന്ന് പറഞ്ഞ് പരിചയപ്പെടുത്തിയവരാണ് തട്ടിപ്പ് നടത്തിയതെന്ന് പരാതിയില് പറയുന്നു.
തുടര്ന്ന് 850 ശതമാനം വരെ ലാഭം വാഗ്ദാനംചെയ്ത് ഓഹരിവിപണിയില് നിക്ഷേപിക്കാന് പ്രലോഭിപ്പിച്ചു. തുടര്ന്ന് പണം തട്ടുകയായിരുന്നുവെന്നും പരാതിയില് പറയുന്നു. അയാന ജോസഫ്, വര്ഷ സിങ് എന്നീ പേരുകളില് പരിചയപ്പെടുത്തിയവരാണ് തട്ടിപ്പിന് പിന്നില്. സംഭവത്തില് ഇരുവരെയും പ്രതിചേര്ത്ത് പൊലീസ് അന്വേഷണം ആരംഭിച്ചിട്ടുണ്ട്.
മംഗളൂരു: ഒരുവയസ്സുള്ള ഇരട്ടക്കുട്ടികളടക്കം നാല് പിഞ്ചുകുഞ്ഞുങ്ങളെ മാതാവ് കനാലിലെറിഞ്ഞു കൊന്നു. വിജയപുര ജില്ലയില് നിഡഗുണ്ടി താലൂക്കിലെ ബെനാല് ഗ്രാമത്തിലാണ് നാടിനെ ഞെട്ടിച്ച സംഭവം. കൊലപാതകത്തിന് പിന്നാലെ ആത്മഹത്യക്ക് ശ്രമിച്ച യുവതിയെ നാട്ടുകാര് രക്ഷിച്ച് ആശുപത്രിയില് പ്രവേശിപ്പിച്ചു.
കോല്ഹാര് താലൂക്കിലെ തെല്ഗി ഗ്രാമത്തില് താമസിക്കുന്ന ഭാഗ്യശ്രീ ഭജന്ത്രിയാണ് (26) തന്റെ മക്കളായ തനു നിഗരാജ് ഭജന്ത്രി (അഞ്ച്), രക്ഷാ നിംഗരാജ് ഭജന്ത്രി (മൂന്ന്), ഇരട്ടകളായ ഹസന് നിംഗരാജ് ഭജന്ത്രി, ഹുസൈന് നിംഗരാജ് ഭജന്ത്രി (ഇരുവരും 13 മാസം) എന്നിവരെ തിങ്കളാഴ്ച അല്മാട്ടി ഇടതുകര കനാലില് എറിഞ്ഞ് കൊന്നത്. സ്വത്തുതര്ക്കമാണ് കടുംകൈക്ക് പ്രേരിപ്പിച്ചതെന്നാണ് സൂചന.
ഭാഗ്യയുടെ ഭര്ത്താവ് ലിംഗരാജു തെല്ഗി ഗ്രാമപഞ്ചായത്ത് അംഗമാണ്. സ്വത്ത് പങ്കിടുന്നതിനെച്ചൊല്ലി ഭാഗ്യയുടെ കുടുംബവുമായി വഴക്കിട്ടിരുന്നതായി ഇയാള് മൊഴി നല്കി. തിങ്കളാഴ്ച തങ്ങള് തമ്മില് ഇതിന്റെ പേരില് തര്ക്കമുണ്ടായെന്നും സ്വത്തുക്കള് അവളുമായി പങ്കിടില്ലെന്ന് സഹോദരങ്ങള് പറഞ്ഞതായും ലിംഗരാജു പറഞ്ഞു. വീട്ടിലേക്ക് മടങ്ങുന്നതിനിടെ കനാലിന് കുറുകെയുള്ള പാലത്തിന് സമീപം ലിംഗരാജിന്റെ ഇരുചക്രവാഹനത്തിലെ പെട്രോള് തീര്ന്നു. ഇതിനെ തുടര്ന്ന് ഇന്ധനമടിക്കാന് പോയിരുന്നു. തിരിച്ചെത്തിയപ്പോള് ആരോ കനാലില് ചാടിയതായി നാട്ടുകാരില് ചിലര് പറഞ്ഞു. തുടര്ന്നാണ് താന് സംഭവം അറിയുന്നതെന്നും ഭര്ത്താവ് പൊലീസിന് നല്കിയ മൊഴിയില് പറയുന്നു.
എന്നാല്, ലിംഗരാജു 30 ലക്ഷം രൂപ വായ്പയെടുത്തിരുന്നുവെന്നും സ്വത്തിന്റെ വിഹിതം നല്കാന് പിതാവ് മല്ലപ്പയെ പീഡിപ്പിക്കുകയായിരുന്നുവെന്നും ഭാഗ്യയുടെ സഹോദരന് പമ്പാപതി പറയുന്നു. ജില്ല ആശുപത്രിയിലെ ഐ.സി.യുവില് ചികിത്സയിലാണ് ഭാഗ്യ. നിഡഗുണ്ടി പൊലീസ് കൂടുതല് അന്വേഷണം ആരംഭിച്ചു
-
Kerala2 months agoജീവനക്കാരുടെ ശമ്പളബില്ല്
കേന്ദ്രീകൃതമാക്കാനുള്ള നീക്കം,
ശമ്പളം കവര്ന്നെടുക്കാനുള്ള ആസൂത്രിത ശ്രമമാണെന്ന് ; ചവറ ജയകുമാര് -
News1 month agoക്ഷാമബത്ത കേസില് ഇടക്കാല ഉത്തരവ്
-
News2 months agoക്ഷാമ ബത്ത കേസിൽ ഇടക്കാല ഉത്തരവ്
-
Featured3 months agoഡി എ: പ്രഖ്യാപനം നിരാശാജനകമെന്ന് സെക്രട്ടേറിയറ്റ് അസോസിയേഷൻ
-
Kerala3 months agoക്ഷാമബത്ത: കുടിശ്ശിക നിഷേധിച്ചാൽ നിയമപരമായി നേരിടും; ചവറ ജയകുമാർ
-
News2 months ago
ജീവനക്കാരെ രണ്ടു തട്ടിലാക്കുന്ന നടപടി സർക്കാർ അവസാനിപ്പിക്കണം
-
News1 month agoസര്ക്കാര് ജീവനക്കാരും അധ്യാപകരുംഅനിശ്ചിത കാല പണിമുടക്കിലേക്ക്: സെറ്റോ
-
News3 days agoപണിമുടക്ക് നോട്ടീസ് നൽകി
You must be logged in to post a comment Login