Kerala
സംസ്ഥാനത്തെ ഏത് ആര്ടി ഓഫീസിലും ഇനി മുതല് വാഹനം രജിസ്റ്റര് ചെയ്യാം
തിരുവനന്തപുരം: പുതിയതായി വാഹനം വാങ്ങുന്നവരുടെ ശ്രദ്ധക്ക്, നിര്ണ്ണായക തീരുമാനവുമായി മോട്ടോര് വാഹന വകുപ്പ്. കേരളത്തില് മേല്വിലാസമുള്ള ഒരാള്ക്ക് സംസ്ഥാനത്തെ ഏത് ആര്ടി ഓഫീസിലും വാഹനം രജിസ്റ്റര് ചെയ്യാം. വാഹന ഉടമയുടെ ആര്ടിഒ ഓഫീസ് പരിധിയില് രജിസ്റ്റര് ചെയ്യണമെന്ന നിബന്ധനയാണ് മാറ്റിയത്. സ്ഥിരമായ മേല്വിലാസം എന്ന ചട്ടത്തിനാണ് മോട്ടോര് മോട്ടോര് വാഹന വകുപ്പ് മാറ്റം വരുത്തിയിരിക്കുന്നത്.
വാഹനം വാങ്ങിയാല് ഉടമയുടെ മേല്വിലാസം ഏത് ആര്ടിഒയുടെ പരിധിയിലാണോ അവിടെ മാത്രം രജിസ്റ്റര് ചെയ്യണമെന്നതായിരുന്നു നിലവിലെ രീതി. എന്നാല് ആറ്റിങ്ങലില് വാഹന രജിസ്ട്രേഷന് നിഷേധിക്കപ്പെട്ട ഒരു വാഹന ഉടമ ഹൈക്കോടതിയെ സമീപിച്ചതോടെയാണ് പുതിയ മാറ്റത്തിനുള്ള ഉത്തരവുണ്ടായത്. കേന്ദ്ര ഗതാഗത ചട്ട പ്രകാര വാഹന രജിസ്ട്രേഷന് നടത്തണമെന്നായിരുന്നു ഹൈക്കോടതി ഉത്തരവ്. പൂര്ണമായും ഓണ്ലൈന് സംവിധാനമായതോടെ ആര്ക്കും എവിടെ വേണമെങ്കിലും രജിസ്ട്രേഷന് നടത്താമെന്ന സാഹചര്യവുമുണ്ട്.
എവിടെ രജിസ്ട്രേഷന് ചെയ്യണമെന്ന തീരുമാനം ഇതോടെ അപേക്ഷകന്റേതായി. തിരുവനന്തപുരത്ത് നിന്നും വാങ്ങുന്ന വണ്ടിയുമായി ആലപ്പുഴയില് ജോലിക്കായി പോകുന്നയാള്ക്ക് അവിടുത്തെ ആര്ടിഒ ഓഫീസ് വഴി തിരുവനന്തപുരത്ത് രജിസ്ട്രേഷന് സാധിക്കും. ഹൈക്കോടതി ഉത്തരവിന്റെ അടിസ്ഥനത്തില് രജിസ്ട്രേഷനുള്ള സോഫ്റ്റുവയറില് മാറ്റം വരുത്തും. ഇതിനുള്ള നടപടികള് തുടങ്ങിയെന്നും ഇത് പൂര്ത്തിയായാല് ഏത് ആര്ടിഒ ഓഫീസിലും വാഹനം രജിസ്റ്റര് ചെയ്യാനാകുമെന്നും ഗതാഗത കമ്മീഷണര് സിഎച്ച് നാഗരാജു പറഞ്ഞു. സ്വകാര്യ വാഹനങ്ങള് പണത്തിനോ അല്ലാതെയോ ഓടിക്കുന്നതിന് കൈമാറാന് പാടില്ലെന്നും അങ്ങനെ കൊടുത്താല് വാടകക്ക് നല്കിയതായി കണക്കാക്കുമെന്നും ഗതാഗത കമ്മീഷണര് കൂട്ടിച്ചേര്ത്തു.
ലൈസന്സും – ലൈസന്സ് പുതുക്കലുമെല്ലാം ഇനി മുതല് സംസ്ഥാന അടിസ്ഥാനത്തിലേക്ക് മാറ്റുന്ന കാര്യവും പരിഗണിക്കുന്നുണ്ട്. ഒരു ആര്ടിഒ ഓഫീസ് പരിധിയില് ലേണേഴ്സ് പാസാകുന്ന അപേക്ഷകന് മറ്റൊരു ആര്ടിഒ പരിധിയില് തിരിക്കില്ലെന്ന് ശ്രദ്ധയില്പ്പെട്ടാല്, ഓണ്ലൈന് വഴി അപേക്ഷിച്ച് അവിടെ പോയി ലൈസന്സ് ടെസ്റ്റിന് ഹാജരാകാന് സാധിക്കുന്ന വിധം മാറ്റം വരുത്താനാണ് ആലോചന.
Kerala
പാലക്കാട് ആർടിഒ ചെക്ക് പോസ്റ്റുകളില് റെയ്ഡ് നടത്തി വിജിലൻസ്
അഞ്ച് ചെക്ക്പോസ്റ്റുകളില് നിന്നായി പിടികൂടിയത് 1.77 ലക്ഷം രൂപ
പാലക്കാട്: പാലക്കാട്ടെ ആർടിഒ ചെക്ക് പോസ്റ്റുകളില് വീണ്ടും റെയ്ഡ് നടത്തി വിജിലൻസ്. അഞ്ച് ചെക്ക്പോസ്റ്റുകളില് നിന്നായി 1.77 ലക്ഷം രൂപയാണ് വിജിലൻസ് പിടികൂടിയത്.വാളയാർ, ഗോവിന്ദാപുരം, ഗോപാലപുരം, നടുപുണി ചെക്ക്പോസ്റ്റുകളിലാണ് പരിശോധന നടന്നത്.
കഴിഞ്ഞ 10-ാം തീയതി രാത്രി 11 മണി മുതലാണ് വിജിലൻസ് റെയ്ഡ് നടത്തി തുടങ്ങിയത്. തുടർന്ന് ചെക്ക് പോസ്റ്റിലെ ഉദ്യോഗസ്ഥർ കൈക്കൂലി വാങ്ങുന്നതായും വിജിലൻസ് കണ്ടെത്തിയിരുന്നു.
ജില്ലാ അതിർത്തിയിലെ വിവിധ മോട്ടോർ വാഹന ചെക്ക് പോസ്റ്റുകള് വഴി ഉദ്യോഗസ്ഥർ കൈക്കൂലി വാങ്ങുന്നുവെന്നുളള രഹസ്യ വിവരത്തിന്റെ അടിസ്ഥാനത്തിലായിരുന്നു വിജിലൻസിന്റെ പരിശോധന.
സന്നിധാനം: ശബരിമല മകരവിളക്ക് മഹോത്സവത്തിന്റെ ഒരുക്കങ്ങൾ പൂര്ത്തിയായതായി തിരുവിതാംകൂര് ദേവസ്വം ബോര്ഡ് പ്രസിഡന്റ് പി.എസ്.പ്രശാന്ത്. മകരവിളക്കിന് രണ്ട് ലക്ഷത്തോളം ഭക്തരെയാണ് പ്രതീക്ഷിക്കുന്നതെന്നും സുരക്ഷാ ഒരുക്കം പൂര്ത്തിയായെന്നും അദ്ദേഹം വാർത്താസമ്മേളനത്തില് പറഞ്ഞു.
പോലീസ്, വനം വകുപ്പ്, റാപ്പിഡ് ആക്ഷൻ ഫോഴ്സ് തുടങ്ങിയവര് ശക്തമായ സുരക്ഷയാണ് ശബരിമലയില് ഒരുക്കിയിട്ടുള്ളത്. ഭക്തരുടെ സുരക്ഷ, അവരുടെ അടിസ്ഥാന ആവശ്യങ്ങള് എന്നിവയ്ക്ക് സുസജ്ജമായ ക്രമീകരണങ്ങളാണ് ഒരുക്കിയിട്ടുള്ളത്.
തിരക്ക് നിയന്ത്രിക്കുന്നതിന്റെ ഭാഗമായി ചൊവ്വാഴ്ച രാവിലെ പത്ത് മുതല് നിലക്കലില് നിന്ന് പമ്ബയിലേക്ക് കെഎസ്ആര്ടിസി സര്വീസ് ഉണ്ടാകില്ല. ഉച്ചയ്ക്ക് 12 മുതല് വൈകിട്ട് 5.30വരെ പമ്ബയില് നിന്ന് ഭക്തരെ ശബരിമല സന്നിധാനത്തേക്ക് കടത്തിവിടില്ല.
ശബരിമലയിലുള്ള തീർഥാടകര് മകരവിളക്ക് ദര്ശനം പൂര്ത്തിയാക്കി ഇറങ്ങുന്ന മുറക്കായിരിക്കും പമ്ബയില് നിന്ന് ആളുകളെ കടത്തിവിടുക. തിരക്ക് നിയന്ത്രിക്കുന്നതിന്റെ ഭാഗമായാണ് ഇത്തരത്തില് ക്രമീകരണം ഏര്പ്പെടുത്തിയതെന്നും പ്രശാന്ത് കൂട്ടിച്ചേർത്തു.
പത്തനംതിട്ട:പത്തനംതിട്ടയിൽ പാര്സൽ സര്വീസ് വാഹനവും കാറും കൂട്ടിയിടിച്ചുണ്ടായ അപകടത്തിൽ നാലു പേര്ക്ക് പരിക്കേറ്റു. ഇന്ന് വൈകിട്ട് മൂന്നരയോടെ പുനലൂര്-മൂവാറ്റുപ്പുഴ സംസ്ഥാന പാതയിൽ മണ്ണാറക്കുളഞ്ഞിയിലാണ് വാഹനാപകടമുണ്ടായത്. അപകടത്തെ തുടര്ന്ന് പുനലൂര്-മൂവാറ്റുപ്പുഴ സംസ്ഥാന പാതയിൽ ഗതാഗതം സ്തംഭിച്ചു. പരിക്കേറ്റവരെ പത്തനംതിട്ട ജനറൽ ആശുപത്രിയിലേക്ക് മാറ്റി. ഗുരുതരമായി പരിക്കേറ്റവരെ മെഡിക്കൽ കോളേജിലേക്ക് മാറ്റിയേക്കും.
-
Kerala1 month agoജീവനക്കാരുടെ ശമ്പളബില്ല്
കേന്ദ്രീകൃതമാക്കാനുള്ള നീക്കം,
ശമ്പളം കവര്ന്നെടുക്കാനുള്ള ആസൂത്രിത ശ്രമമാണെന്ന് ; ചവറ ജയകുമാര് -
News1 month agoക്ഷാമബത്ത കേസില് ഇടക്കാല ഉത്തരവ്
-
News2 months agoക്ഷാമ ബത്ത കേസിൽ ഇടക്കാല ഉത്തരവ്
-
Featured3 months agoഡി എ: പ്രഖ്യാപനം നിരാശാജനകമെന്ന് സെക്രട്ടേറിയറ്റ് അസോസിയേഷൻ
-
Kerala3 months agoക്ഷാമബത്ത: കുടിശ്ശിക നിഷേധിച്ചാൽ നിയമപരമായി നേരിടും; ചവറ ജയകുമാർ
-
News2 months ago
ജീവനക്കാരെ രണ്ടു തട്ടിലാക്കുന്ന നടപടി സർക്കാർ അവസാനിപ്പിക്കണം
-
News1 month agoസര്ക്കാര് ജീവനക്കാരും അധ്യാപകരുംഅനിശ്ചിത കാല പണിമുടക്കിലേക്ക്: സെറ്റോ
-
Featured18 hours agoസംസ്ഥാനത്ത് നാളെ 6 ജില്ലകൾക്ക് അവധി
You must be logged in to post a comment Login