National
മധ്യപ്രദേശിലെ ജബല്പൂരിലും വിമാനത്താവളത്തിന്റെ മേല്ക്കൂര തകര്ന്നു
ഭോപ്പാല്: മധ്യപ്രദേശിലെ ജബല്പൂരിലും വിമാനത്താവളത്തിന്റെ മേല്ക്കൂരയുടെ ഒരു ഭാഗം തകര്ന്നു വീണു. അപകടത്തില് നിന്നും തലനാരിഴക്കാണ് ആദായ നികുതി വകുപ്പ് ഉദ്യോഗസ്ഥര് രക്ഷപ്പെട്ടത്. ഇവര് എയര്പോര്ട്ടിലേക്ക് വന്ന കാര് അപകടത്തില് തകര്ന്നു. മാസങ്ങള്ക്ക് മുമ്പ് പ്രധാനമന്ത്രി നരേന്ദ്ര മോദി ഉദ്ഘാടനം ചെയ്ത വിമാനത്താവളത്തിന്റെ മേല്ക്കൂരയാണ് തകര്ന്നത്.
ആദ്യ മഴയില് തന്നെ വെള്ളം കുത്തിയൊലിച്ച് എത്തിയതോടെ വിമാനത്താവളത്തിന്റെ മേല്ക്കൂരയുടെ ഒരു ഭാഗം തകരുകയായിരുന്നു. വ്യാഴാഴ്ച രാവിലെ പതിനൊന്നരയോടെയാണ് വിമാനത്തിന്റെ മേല്ക്കൂര തകര്ന്നത്. പുതിയ ടെര്മിനല് ബില്ഡിങ്ങിന് മുമ്പിലുള്ള മേല്ക്കൂരയാണ് കഴിഞ്ഞ ദിവസം തകര്ന്നതെന്ന് എയര്പോര്ട്ട് ഡയറക്ടര് രാജീവ് രത്തന് പാണ്ഡ്യേ അറിയിച്ചു. പെട്ടെന്ന് ശക്തിയായി വെള്ളമെത്തിയതാണ് മേല്ക്കൂര തകരാനുള്ള കാരണമെന്നും അദ്ദേഹം പറഞ്ഞു. മേല്ക്കൂരക്ക് അടിയിലുണ്ടായിരുന്ന കാറിന് സാരമായ കേടുപാട് സംഭവിച്ചതായും അദ്ദേഹം കൂട്ടിച്ചേര്ത്തു.
കനത്തമഴയില് ഡല്ഹി വിമാനത്താവളത്തിന്റെ മേല്ക്കൂര തകര്ന്ന് വീണ് ഒരാള് മരിച്ചിരുന്നു. ടെര്മിനല് ഒന്നിന്റെ മേല്ക്കൂരയാണ് ഭാഗികമായി തകര്ന്നത്. വെള്ളിയാഴ്ച പുലര്ച്ചെയുണ്ടായ അതിശക്തമായ മഴയിലാണ് അപകടമുണ്ടായത്. സംഭവത്തില് പരിക്കേറ്റ നാല് പേരെ സമീപത്തെ ആശുപത്രിയില് പ്രവേശിപ്പിച്ചിരുന്നു.
മൂന്ന് ഫയര് എന്ജിനുകള് രക്ഷാപ്രവര്ത്തനത്തിനായി വിമാനത്താവളത്തില് എത്തിയിട്ടുണ്ട്. അപകടത്തെ തുടര്ന്ന് ഡല്ഹി വിമാനത്താവളത്തിലെ ടെര്മിനല് ഒന്നിന്റെ പ്രവര്ത്തനം ഉച്ചക്ക് രണ്ട് മണി വരെ നിര്ത്തിവെച്ചു. ടെര്മിനല് ഒന്നില് നിന്നുള്ള യാത്രക്കാര്ക്ക് ബദല്സംവിധാനമൊരുക്കുമെന്ന് വിമാനത്താവള അധികൃതര് പറഞ്ഞു.
ന്യൂഡൽഹി: പ്രണയനൈരാശ്യത്തെത്തുടർന്ന് നിയമവിദ്യാർഥി കെട്ടിടത്തിൽനിന്ന് ചാടി ജീവനൊടുക്കി. അമിറ്റി സർവകലാശാലയിൽ നിയമ വിദ്യാർഥിയായ തപസ്സ് (23) ആണ് മരിച്ചത്. സംഭവത്തിൽ ആത്മഹത്യ പ്രേരണക്കുറ്റത്തിന് മുൻ കാമുകി അറസ്റ്റിൽ. നോയിഡയിൽ ശനിയാഴ്ചയാണ് കേസിനാസ്പദമായ സംഭവം നടന്നത്. കാമുകി ബന്ധത്തിൽനിന്ന് പിന്മാറിയതിനെ തുടർന്നായിരുന്നു തപസ്സ് ആത്മഹത്യ ചെയ്തത്.
തപസ്സും സഹപാഠി കൂടിയായ കാമുകിയും ലിവ് ഇൻ റിലേഷൻഷിപ്പിൽ ആയിരുന്നു. എന്നാൽ അടുത്തിടെ ഇവർ തമ്മിൽ പ്രശ്നങ്ങളുണ്ടാകുകയും പെൺകുട്ടി തപസ്സുമായുള്ള ബന്ധം ഉപേക്ഷിക്കുകയും ചെയ്തു. എന്നാൽ തപസ്സ് അത് അംഗീകരിച്ചിരുന്നില്ല. ഗാസിയാബാദിൽ താമസിച്ചിരുന്ന തപസ്സ് ശനിയാഴ്ച നോയിഡയിലെ സുഹൃത്തിന്റെ അപ്പാർട്ട്മെന്റിലെത്തുകയും പെൺകുട്ടിയോട് സംശയിക്കണമെന്ന് ആവശ്യപ്പെടുകയും ചെയ്തു. എന്നാൽ പെൺകുട്ടി വഴങ്ങാതായതോടെ തപസ്സ് നിലയിൽനിന്ന് ചാടി. തപസ്സിന്റെ മാതാപിതാക്കളുടെ പരാതിയിലാണ് മുൻ കാമുകിയെ അറസ്റ്റ് ചെയ്തത്. പിന്നീട് പെൺകുട്ടിക്ക് കോടതി ജാമ്യം നൽകി.
മംഗളൂരു: ഒരുവയസ്സുള്ള ഇരട്ടക്കുട്ടികളടക്കം നാല് പിഞ്ചുകുഞ്ഞുങ്ങളെ മാതാവ് കനാലിലെറിഞ്ഞു കൊന്നു. വിജയപുര ജില്ലയില് നിഡഗുണ്ടി താലൂക്കിലെ ബെനാല് ഗ്രാമത്തിലാണ് നാടിനെ ഞെട്ടിച്ച സംഭവം. കൊലപാതകത്തിന് പിന്നാലെ ആത്മഹത്യക്ക് ശ്രമിച്ച യുവതിയെ നാട്ടുകാര് രക്ഷിച്ച് ആശുപത്രിയില് പ്രവേശിപ്പിച്ചു.
കോല്ഹാര് താലൂക്കിലെ തെല്ഗി ഗ്രാമത്തില് താമസിക്കുന്ന ഭാഗ്യശ്രീ ഭജന്ത്രിയാണ് (26) തന്റെ മക്കളായ തനു നിഗരാജ് ഭജന്ത്രി (അഞ്ച്), രക്ഷാ നിംഗരാജ് ഭജന്ത്രി (മൂന്ന്), ഇരട്ടകളായ ഹസന് നിംഗരാജ് ഭജന്ത്രി, ഹുസൈന് നിംഗരാജ് ഭജന്ത്രി (ഇരുവരും 13 മാസം) എന്നിവരെ തിങ്കളാഴ്ച അല്മാട്ടി ഇടതുകര കനാലില് എറിഞ്ഞ് കൊന്നത്. സ്വത്തുതര്ക്കമാണ് കടുംകൈക്ക് പ്രേരിപ്പിച്ചതെന്നാണ് സൂചന.
ഭാഗ്യയുടെ ഭര്ത്താവ് ലിംഗരാജു തെല്ഗി ഗ്രാമപഞ്ചായത്ത് അംഗമാണ്. സ്വത്ത് പങ്കിടുന്നതിനെച്ചൊല്ലി ഭാഗ്യയുടെ കുടുംബവുമായി വഴക്കിട്ടിരുന്നതായി ഇയാള് മൊഴി നല്കി. തിങ്കളാഴ്ച തങ്ങള് തമ്മില് ഇതിന്റെ പേരില് തര്ക്കമുണ്ടായെന്നും സ്വത്തുക്കള് അവളുമായി പങ്കിടില്ലെന്ന് സഹോദരങ്ങള് പറഞ്ഞതായും ലിംഗരാജു പറഞ്ഞു. വീട്ടിലേക്ക് മടങ്ങുന്നതിനിടെ കനാലിന് കുറുകെയുള്ള പാലത്തിന് സമീപം ലിംഗരാജിന്റെ ഇരുചക്രവാഹനത്തിലെ പെട്രോള് തീര്ന്നു. ഇതിനെ തുടര്ന്ന് ഇന്ധനമടിക്കാന് പോയിരുന്നു. തിരിച്ചെത്തിയപ്പോള് ആരോ കനാലില് ചാടിയതായി നാട്ടുകാരില് ചിലര് പറഞ്ഞു. തുടര്ന്നാണ് താന് സംഭവം അറിയുന്നതെന്നും ഭര്ത്താവ് പൊലീസിന് നല്കിയ മൊഴിയില് പറയുന്നു.
എന്നാല്, ലിംഗരാജു 30 ലക്ഷം രൂപ വായ്പയെടുത്തിരുന്നുവെന്നും സ്വത്തിന്റെ വിഹിതം നല്കാന് പിതാവ് മല്ലപ്പയെ പീഡിപ്പിക്കുകയായിരുന്നുവെന്നും ഭാഗ്യയുടെ സഹോദരന് പമ്പാപതി പറയുന്നു. ജില്ല ആശുപത്രിയിലെ ഐ.സി.യുവില് ചികിത്സയിലാണ് ഭാഗ്യ. നിഡഗുണ്ടി പൊലീസ് കൂടുതല് അന്വേഷണം ആരംഭിച്ചു
ന്യൂഡൽഹി: റഷ്യൻ കൂലിപ്പട്ടാളത്തിൽ കുടുങ്ങിയ മലയാളി മരിച്ചു. തൃശൂർ സ്വദേശി ബിനിൽ ആണ് മരിച്ചത്. യുദ്ധമുഖത്ത് വെടിയേറ്റാണ് മരണം.
ഇന്ത്യൻ എംബസി മരണവിവരം ബിനിലിൻ്റെ കുടുംബത്തെ അറിയിച്ചു. മൃതദേഹം നാട്ടിലെത്തിക്കാനുള്ള നടപടികൾ ആരംഭിക്കുമെന്നും ഇന്ത്യൻ എംബസി അറിയിച്ചു. യുദ്ധമുഖത്ത് ബിനിലിനെ മുന്നണിപ്പോരാളിയാക്കി റഷ്യ നിയമിച്ചിരുന്നു. നേരത്തെ ബിനിലിന് വെടിയേറ്റതായി വിവരങ്ങൾ പുറത്തുവന്നിരുന്നു. എന്നാൽ ഔദ്യോഗിക വിവരങ്ങൾ ലഭിച്ചിരുന്നില്ല. ഇതിനിടെയാണ് ബിനിലിന്റെ മരണം സ്ഥിരീകരിച്ചത്.
ആഴ്ചകൾക്ക് മുൻപാണ് ബിനിലിനെയും ജെയ്നിനെയും റഷ്യ മുൻനിര പോരാളിയായി നിയമിച്ചത്. ഇതിൽ കുടുംബം ആശങ്കയറിയിക്കുകയും ഇവരെ ഇന്ത്യയിലേക്ക് തിരികെ കൊണ്ടുവരണമെന്നും ആവശ്യപ്പെട്ടിരുന്നു.
-
Kerala1 month agoജീവനക്കാരുടെ ശമ്പളബില്ല്
കേന്ദ്രീകൃതമാക്കാനുള്ള നീക്കം,
ശമ്പളം കവര്ന്നെടുക്കാനുള്ള ആസൂത്രിത ശ്രമമാണെന്ന് ; ചവറ ജയകുമാര് -
News1 month agoക്ഷാമബത്ത കേസില് ഇടക്കാല ഉത്തരവ്
-
News2 months agoക്ഷാമ ബത്ത കേസിൽ ഇടക്കാല ഉത്തരവ്
-
Featured3 months agoഡി എ: പ്രഖ്യാപനം നിരാശാജനകമെന്ന് സെക്രട്ടേറിയറ്റ് അസോസിയേഷൻ
-
Kerala3 months agoക്ഷാമബത്ത: കുടിശ്ശിക നിഷേധിച്ചാൽ നിയമപരമായി നേരിടും; ചവറ ജയകുമാർ
-
News2 months ago
ജീവനക്കാരെ രണ്ടു തട്ടിലാക്കുന്ന നടപടി സർക്കാർ അവസാനിപ്പിക്കണം
-
News1 month agoസര്ക്കാര് ജീവനക്കാരും അധ്യാപകരുംഅനിശ്ചിത കാല പണിമുടക്കിലേക്ക്: സെറ്റോ
-
Featured2 days agoസംസ്ഥാനത്ത് നാളെ 6 ജില്ലകൾക്ക് അവധി
You must be logged in to post a comment Login