പിണറായിയുടെ ഈ കെട്ട ദുർഭരണക്കാലത്ത് കേരളം കണ്ണീരോടെ ഓർമ്മിക്കുന്ന ഒരു ഭരണാധികാരിയുണ്ട്, ഉമ്മൻ ചാണ്ടി. ഉമ്മൻ ചാണ്ടിയെന്ന പേരു പോലെ തന്നെ ഇതേ പോലെ മറ്റൊരാളെ മറ്റൊരിടത്തും കാണാൻ സാധിക്കില്ല. ജനകീയനായ മുഖ്യമന്ത്രി മാത്രമല്ല തന്നോടടുക്കുന്ന എന്തിനെയും ചേർത്ത് നിർത്തുന്ന രാഷ്ട്രീയതാരജാഡ തെല്ലുമേശാത്ത പൊതുപ്രവർത്തകനാണു ഉമ്മൻ ചാണ്ടി. അലസമായ വസ്ത്രധാരണവും ചീകിയൊതുക്കാത്ത തലമുടിയും സ്വതസിദ്ധമായ പുഞ്ചിരിയും അസാധാരണമായ സാധാരണത്വവും ലാളിത്യവും കർമ്മനിരതതയും കൊണ്ട് കേരള രാഷ്ട്രീയത്തെ അത്ഭുതപെടുത്തിയ ഒരാൾ….

ഏത് കൊടിയ ഇരുട്ടിലും വെളിച്ചം കെടാത്ത പ്രവർത്തനമാണു ഉമ്മൻ ചാണ്ടിയുടേത് ആശയറ്റ ആശ്രയമറ്റ ഒട്ടനവധിപേർക്ക് ആശയും ആശ്രയവും നല്കി കടന്നു പോയ കേരള രാഷ്ട്രീയത്തിലെ മദർ തെരേസയാണു ഉമ്മൻ ചാണ്ടി. അപമാനിച്ചപ്പോഴും അപഹസിച്ചപ്പോഴും എതിർത്തപ്പോഴും പുകഴ്ത്തിയപ്പോഴും പുഞ്ചിരിച്ചപ്പോഴും എപ്പോഴും എപ്പോഴും ഉമ്മൻ ചാണ്ടിയ്ക്ക് ഒരേ ഭാവമായിരുന്നു കേരളത്തിലെ ജനങ്ങൾ എന്നും ഇഷ്ടപെട്ടിരുന്ന ആ സ്ഥായീ ഭാവം. എത്ര വലിയ ദേഷ്യവും അദ്ദേഹം പ്രകടിപ്പിക്കുക താനൊരു ബെസ്റ്റ് പാർട്ടിയാണു എന്ന വാചകത്തിലാണു ആ വാചകത്തോടെ അതവസാനിക്കും ആരോടും കയർത്തുകണ്ടിട്ടില്ലാത്ത ആരോടും വാക്കിൽ പോലും നീരസം പ്രകടിപ്പിക്കാത്ത ഒരാളെ കണ്ടുകിട്ടുക പ്രയാസകരമായ കാലഘട്ടത്തിൽ ഒരിക്കൽ പോലും മുഖം കറുപ്പിക്കാത്ത ഒരു പൊതുപ്രവർത്തകൻ വിസ്മയകരം തന്നെ വായനാശീലം അധികമില്ലാത്ത പത്രങ്ങൾ അരിച്ചുപെറുക്കി പഠിക്കാത്ത പ്രസംഗം കൊണ്ട് പ്രവർത്തകരെ ഇളക്കി മറിക്കാത്ത ഒരാൾ എങ്ങനെയാണു ആൾകൂട്ടങ്ങളെ സൃഷ്ടിക്കും എന്ന സംശയം എന്റെ പുസ്തകം ജനങ്ങളാണു എന്ന ഒറ്റവാക്കിൽ ഉമ്മൻ ചാണ്ടി തീർത്തു തന്നിട്ടുണ്ട്. ജനാധിപത്യത്തിൽ ജനങ്ങളാണു ശക്തിയെന്ന് തിരിച്ചറിഞ്ഞവരുടെ കൂട്ടത്തിൽ ഒന്നാം റാങ്കുകാരൻ ഉമ്മൻ ചാണ്ടിതന്നെയാണു. അവസാനയാത്രയിൽ തിരുവനന്തപുരത്തെ പുതുപള്ളി ഹൗസിൽ നിന്ന് കോട്ടയത്തെ പുതുപള്ളി ഹൗസിലെത്താൻ ഉമ്മൻ ചാണ്ടിയെടുത്ത സമയം ഓർത്തെടുത്താൽ മതി ജനങ്ങളെ പഠിച്ച് ഒന്നാമതായി ജയിച്ച ഒരാളാണു ഉമ്മൻ ചാണ്ടിയാണെന്ന് മനസിലാവും.
അമേരിക്കയിൽ ജോലിയ്ക്ക് പോകുന്ന മകനെ സഹായിക്കണമെന്ന് ആവശ്യപ്പെട്ട പിതാവിനു അമേരിക്കൻ പ്രസിഡന്റായിരുന്ന ഒബാമയ്ക്ക് ഈ കത്തുമായി വരുന്ന ആൾ എന്റെ മണ്ഢലത്തിലെ വോട്ടറാണെന്ന് കത്തെഴുതികൊടുത്ത രസകരമായ കഥ ഉമ്മൻ ചാണ്ടിയുടെ ജനകീയതയും സേവനസന്നദ്ധതയും ഒരിക്ക ൽ കൂടി അടിവരയിടുന്നു. ജനങ്ങളുടെ പ്രശനങ്ങളിൽ മുന്നും പിന്നും നോക്കാതെ ഇടപെടുന്ന ഉമ്മൻ ചാണ്ടിയെ വരച്ചുകാണിക്കുന്ന നേർ രേഖയാണീ കഥ.

Advertisement

inner ad

തന്റെ പ്രജകളുടെ ക്ഷേമം മാത്രം മുൻ നിർത്തി ഭരിച്ചിരുന്ന മഹാബലിയെയും, ഖലീഫയെയും ഒക്കെ വായിച്ചിട്ടുള്ളവർക്ക് ഉമ്മൻ ചാണ്ടി വിസ്മയമല്ല പക്ഷേ അടുത്തുവരുന്നവരെ അകറ്റി നിർത്തുന്ന അധികാരത്തിന്റെ അഹങ്കാരം തലയ്ക്ക് പിടിച്ച അഭിനവ ഭരണാധികാരികളുമായി താരതമ്മ്യം ചെയ്യുമ്പോൾ ഉമ്മൻ ചാണ്ടിയൊരു വിസ്മയം തന്നെയാണു ഭരണനേട്ടങ്ങൾ കൊണ്ട് ചരിത്രം രേഖപ്പെടുത്തിയവർ ഒട്ടനവധിയാണു അവയൊക്കെ പഠിക്കാനും വായിക്കാനും ഗ്രന്ഥശാലയിലെ തടിച്ച പുസ്തകതാളുകളിൽ രേഖപെടുത്തി സൂക്ഷിക്കുന്നു എന്നാൽ ഉമ്മൻ ചാണ്ടിയെന്ന ഭരണാധികാരിയെ ഹൃദയത്തോട് ചേർത്ത് സൂക്ഷിക്കുന്നത് ജനലക്ഷങ്ങളാണു അവരിലൊരാളായി അവർക്കൊപ്പം ജീവിക്കുന്ന ഒരിക്കലും മരിക്കാത്ത ഒരിക്കലും മറക്കാത്ത ഒരേ ഒരാൾ “ ഉമ്മൻ ചാണ്ടി”

Advertisement

inner ad