Ernakulam
ഹൃദയം നുറുങ്ങുന്ന വേദനയില് നാട്: തീപിടിത്തത്തില് മരിച്ച മലയാളികളുടെ മൃതദേഹങ്ങള് കൊച്ചിയിലെത്തിച്ചു
നെടുമ്പാശ്ശേരി: കുവൈറ്റില് തീപിടിത്ത ദുരന്തത്തില് മരിച്ച മലയാളികളുടെ മൃതദേഹങ്ങള് കൊച്ചിയിലെത്തിച്ചു. രാവിലെ പത്തരയോടെ 23 മലയാളികളുടെ മൃതദേഹങ്ങളാണ് വ്യോമസേന വിമാനത്തില് കൊച്ചി രാജ്യാന്തര വിമാനത്താവളത്തില് എത്തിച്ചത്.
കേരളത്തിലെ 23 പേരുടെ കൂടാതെ തമിഴ്നാട്ടിലെ ഏഴു പേരുടെയും കര്ണാടകയിലെ ഒരാളുടെയും ഉള്പ്പെടെ 31 പേരുടെ മൃതദേഹങ്ങളാണ് കൊച്ചിയിലെത്തിച്ചത്. മൃതദേഹങ്ങള് മുഖ്യമന്ത്രി പിണറായി വിജയന്, കേന്ദ്ര മന്ത്രി സുരേഷ് ഗോപി, പ്രതിപക്ഷ നേതാവ് വി.ഡി. സതീശന്, മന്ത്രിമാര് അടക്കമുള്ളവര് ഏറ്റുവാങ്ങി. അതാത് ജില്ലകളിലേക്കുള്ള മൃതദേഹങ്ങള് ജില്ല ഭരണകൂടങ്ങള് ഏറ്റുവാങ്ങും.
വിമാനത്താവളത്തില് അധിക നേരം പൊതുദര്ശനം ഉണ്ടായിരിക്കില്ല. സംസ്ഥാന സര്ക്കാര് അന്തിമോപചാരം അര്പ്പിക്കും. കുടുംബാംഗങ്ങള്ക്കും കാണാന് സൗകര്യമൊരുക്കും. തുടര്ന്ന് പ്രത്യേക ആംബുലന്സില് സ്വദേശങ്ങളിലേക്ക് കൊണ്ടുപോകും. തമിഴ്നാട്, കര്ണാടക സ്വദേശികളുടെ മൃതദേഹങ്ങള് കൊണ്ടുപോകാന് പ്രത്യേക ആംബുലന്സുകള് എത്തിച്ചിട്ടുണ്ട്.
മരിച്ച 45 ഇന്ത്യക്കാരുടെ മൃതദേഹങ്ങളുമായി വ്യോമസേന വിമാനം രാവിലെ അഞ്ചു മണിയോടെയാണ് കുവൈത്തില് നിന്നും പുറപ്പെട്ടത്. 23 മലയാളികളുടെ കൂടാതെ തമിഴ്നാട് 7, ആന്ധ്രാപ്രദേശ് 3, യു.പി 3, ഒഡീഷ 2, ബിഹാര് 1, പഞ്ചാബ് 1, കര്ണാടക 1, മഹാരാഷ്ട്ര 1, പശ്ചിമ ബംഗാള് 1, ജാര്ഖണ്ഡ് 1, ഹരിയാന 1 എന്നിങ്ങനെ മറ്റു സംസ്ഥാനങ്ങളില് നിന്നുള്ളവരുടെ മൃതദേഹങ്ങളാണ് വിമാനത്തിലുള്ളത്.
അപകടത്തില് മരിച്ച 49 പേരില് 46 പേരും ഇന്ത്യക്കാരാണ്. കൊച്ചിയിലെത്തിയ വ്യോമസേന വിമാനം മലയാളികളുടെ മൃതദേഹങ്ങള് കൈമാറിയ ശേഷം ഡല്ഹിയിലേക്ക് പുറപ്പെട്ടു. കേന്ദ്ര വിദേശകാര്യ സഹമന്ത്രി കീര്ത്തി വര്ധന് സിങ് അനുഗമിക്കുന്നുണ്ട്.
23 മലയാളികളടക്കം 49 പേരാണ് മരിച്ചത്. ഏഴ് മലയാളികള് ഗുരുതരാവസ്ഥയിലാണ്. പരിക്കേറ്റവര് വിവിധ ആശുപത്രികളില് ചികിത്സയിലാണ്. കേരളത്തില് നിന്നുള്ള 30 പേര്ക്ക് പരിക്കേറ്റതായാണ് അനൗദ്യോഗിക കണക്കെന്ന് മന്ത്രി വീണ ജോര്ജ് അറിയിച്ചു. ഐ.സി.യുവില് കഴിയുന്ന ഏഴു പേരില് നാലു പേര് കേരളത്തില് നിന്നുള്ളവരാണെന്നും മന്ത്രി വ്യക്തമാക്കി.
ബുധനാഴ്ച പുലര്ച്ച നാലു മണിക്കാണ് കുവൈത്തിലെ മന്ഗഫ് ബ്ലോക്ക് നാലിലെ തൊഴിലാളി ക്യാമ്പില് തീപിടിച്ചത്. പ്രവാസി മലയാളി വ്യവസായി കെ.ജി. എബ്രഹാമിന്റെ ഉടമസ്ഥതയിലുള്ള പ്രമുഖ കമ്പനിയായ എന്.ബി.ടി.സിയിലെയും ഹൈവേ സൂപ്പര് മാര്ക്കറ്റിലെയും ജീവനക്കാരാണ് ദുരന്തത്തില്പെട്ടത്.
കെട്ടിടത്തില് 196 പേരായിരുന്നു താമസിച്ചിരുന്നത്. കെട്ടിടത്തില് തീയും പുകയും നിറഞ്ഞതോടെ ശ്വാസംമുട്ടിയാണ് കൂടുതല് മരണങ്ങളും. തീ പടര്ന്നതിനെ തുടര്ന്ന് കെട്ടിടത്തില് നിന്നും ചിലര് താഴേക്ക് ചാടുകയും ചെയ്തു. തൊഴിലാളികള് ഉറങ്ങുന്നതിനിടെയാണ് തീപിടിത്തമുണ്ടായത് മരണസംഖ്യ ഉയരാന് കാരണമായി.
കോട്ടയം ചങ്ങനാശ്ശേരി ഇത്തിത്താനം കിഴക്കേടത്ത് പ്രദീപ്-ദീപ ദമ്പതികളുടെ മകന് പി. ശ്രീഹരി (27), പായിപ്പാട് കടുങ്ങാട്ടായ പാലത്തിങ്കല് പരേതരായ ബാബു വര്ഗീസിന്റെയും കുഞ്ഞേലിയമ്മയുടെയും മകന് ഷിബു വര്ഗീസ് (38), പത്തനംതിട്ട തിരുവല്ല പെരിങ്ങര പഞ്ചായത്തില് മേപ്രാല് മരോട്ടിമൂട്ടില് ചിറയില് വീട്ടില് ഉമ്മന്-റാണി ദമ്പതികളുടെ മകന് ജോബി എന്ന തോമസ് സി. ഉമ്മന് (37), മല്ലപ്പള്ളി കീഴ്വായ്പൂര് തേവരോട്ട് എബ്രഹാം മാത്യു-പരേതയായ ആലീസ് ദമ്പതികളുടെ മകന് സിബിന് ടി. എബ്രഹാം (31), തിരുവല്ല പ്ലാംചുവട്ടില് കുടുംബാംഗവും ആലപ്പുഴ ചെങ്ങന്നൂര് പാണ്ടനാട് ഗ്രാമപഞ്ചായത്ത് ഏഴാം വാര്ഡില് മനക്കണ്ടത്തില് ഗീവര്ഗീസ് തോമസിന്റെ മകനുമായ മാത്യു തോമസ് (53), തിരുവനന്തപുരം നെടുമങ്ങാട് ഉഴമലയ്ക്കല് കുര്യാത്തി ലക്ഷം വീട് കോളനിയില് അരുണ് ബാബു (37), മലപ്പുറം പുലാമന്തോള് തിരുത്തില് താമസിക്കുന്ന മരക്കാടത്ത് പറമ്പില് വേലായുധന്റെ മകന് ബാഹുലേയന് (36), തിരൂര് കൂട്ടായി കോതപ്പറമ്പ് സ്വദേശി കുപ്പന്റെ പുരക്കല് നൂഹ് (42), തൃശൂര് ചാവക്കാട് തെക്കന് പാലയൂരില് താമസിക്കുന്ന തിരുവല്ല തോപ്പില് തോമസ് ബാബുവിന്റെ മകന് ബിനോയ് തോമസ് (44), കണ്ണൂര് ധര്മടം കോര്ണേഷന് ബേസിക് യു.പി സ്കൂളിന് സമീപം വാഴയില് വീട്ടില് പരേതനായ കൃഷ്ണന്റെയും ഹേമലതയുടെയും മകന് വിശ്വാസ് കൃഷ്ണന് (34), പെരിങ്ങോം വയക്കര കൂത്തൂര് ലക്ഷ്മണന്റെ മകന് കൂത്തൂര് നിതിന് (27), കണ്ണൂര് സിറ്റി കുറുവ തറ സ്റ്റോപ്പിന് സമീപം ഉന്നന്കണ്ടി ഹൗസില് അനീഷ്കുമാര് (56), കൊല്ലം അഞ്ചാലുംമൂട് മതിലില് കന്നിമൂലയില് വീട്ടില് സുന്ദരന് പിള്ളയുടെ മകന് സുമേഷ് എസ്. പിള്ള (40), വര്ക്കല ഇടവ പാറയില് കാട്ടുവിള വീട്ടില് തങ്കപ്പന് നായരുടെ മകന് ശ്രീജേഷ് (32) എന്നിവരാണ് അപകടത്തില് മരിച്ചത്.
കൊച്ചി: എറണാകുളം-അങ്കമാലി അതിരൂപത ആസ്ഥാനത്ത് വീണ്ടും സംഘര്ഷം. വൈദികരും വിശ്വാസികളും ഗേറ്റ് തള്ളിതുറക്കാന് ശ്രമിച്ചതോടെയാണ് വീണ്ടും സംഘര്ഷമുണ്ടായത്.പ്രതിഷേധത്തിനിടെ ബിഷപ്പ് ഹൗസിന്റെ ഗേറ്റ് തകര്ത്തു. വൈദികരെ മുന്നില് നിര്ത്തിയാണ് പ്രതിഷേധം. ഗേറ്റില് കയര് കെട്ടിയശേഷം വലിച്ചുകൊണ്ടാണ് ഗേറ്റിന്റെ ഭാഗങ്ങള് നീക്കം ചെയ്തത്. വൈദികരെ കടത്തിവിടണമെന്ന് ആവശ്യപ്പെട്ടാണ് വിശ്വാസികള് പ്രതിഷേധം ഉയര്ത്തിയത്.|ഗേറ്റ് തകര്ക്കാതിരിക്കാനുള്ള ശ്രമം പൊലീസ് നടത്തിയെങ്കിലും വിഫലമായി. സ്ഥലത്ത് ഇപ്പോഴും സംഘര്ഷാവസ്ഥ നിലനില്ക്കുകയാണ്. വൈദികരെ പൊലീസ് ബലം പ്രയോഗിച്ച് സ്ഥലത്ത് നിന്ന് മാറ്റാന് ശ്രമിക്കുകയാണ്. പൊലീസും പ്രതിഷേധക്കാരും നേര്ക്കുനേര് നില്ക്കുകയാണ്. ഗേറ്റ് തകര്ത്തെങ്കിലും പ്രതിഷേധക്കാരെ അകത്തേക്ക് പ്രവേശിപ്പിക്കാതെ പൊലീസ് തടഞ്ഞുനിര്ത്തിയിരിക്കുകയാണ്. ചര്ച്ച നടത്തുന്നതിനായി രണ്ട് വൈദികരെ പൊലീസ് അകത്തേക്ക് പ്രവേശിപ്പിച്ചിട്ടുണ്ട്.
കൊച്ചി: രാഹുല് ഈശ്വറിനെതിരെ പോലീസില് പരാതി നല്കി നടി ഹണി റോസ്. വ്യവസായി ബോബി ചെമ്മണ്ണൂരിനെതിരെ താന് കൊടുത്ത ലൈംഗികാധിക്ഷേപ പരാതിയുടെ ഗൗരവം ചോര്ത്തിക്കളയാനും ജനങ്ങളുടെ പൊതുബോധം തനിക്കുനേരെ തിരിക്കാനും ബോധപൂര്വം ശ്രമിക്കുന്നു എന്ന് ചൂണ്ടിക്കാട്ടിയാണ് രാഹുല് ഈശ്വറിനെതിരെ ഹണി റോസ് പരാതി നല്കിയിരിക്കുന്നത്.
വസ്ത്ര സ്വാതന്ത്ര്യം തന്റെ മൗലികാവകാശമാണെന്നിരിക്കെ രാഹുല് ഈശ്വര് അതിനെതിരെ അനാവശ്യ പ്രചരണം നടത്തി. സൈബർ ഇടങ്ങളിൽ ആളുകള് തനിക്കെതിരെ തിരിയാൻ ഇത് കാരണമായി. താനും കുടുംബവും കടന്നു പോകുന്നത് കടുത്ത മാനസിക സംഘർഷത്തിലൂടെയാണെന്നും സോഷ്യല് മീഡിയ പോസ്റ്റിലൂടെയാണ് ഹണി റോസ് വ്യക്തമാക്കി.
ഹണി റോസിന്റെ കുറിപ്പില് നിന്നും
രാഹുല് ഈശ്വര്, ഞാനും എന്റെ കുടുംബവും കടുത്ത മാനസിക സമ്മര്ദ്ദത്തിലൂടെയാണ് കടന്നുപോകുന്നത്. അതിന് പ്രധാന കാരണക്കാരില് ഒരാള് ഇപ്പോള് താങ്കളാണ്. ഞാന് എനിക്കെതിരെ പബ്ലിക് പ്ലാറ്റ്ഫോമില് പകല് പോലെ വ്യക്തമായ അധിക്ഷേപത്തിന് എതിരെ പരാതി കൊടുത്തു.
പോലീസ് എന്റെ പരാതിയില് കാര്യം ഉണ്ടെന്നുകണ്ട് കേസെടുക്കുകയും കോടതി ഞാന് പരാതി കൊടുത്ത വ്യക്തിയെ റിമാന്ഡില് ആക്കുകയും ചെയ്തു. പരാതി കൊടുക്കുക എന്നതാണ് ഞാന് ചെയ്യേണ്ട കാര്യം. ബാക്കി ചെയ്യേണ്ടത് ഭരണകൂടവും പോലീസും കോടതിയുമാണ്.
ഞാന് കൊടുത്ത പരാതിയുടെ ഗൗരവം ചോര്ത്തിക്കളയാനും ജനങ്ങളുടെ പൊതുബോധം എന്റെ നേരെ തിരിയാനും എന്ന ഉദ്ദേശത്തോടെ സൈബര് ഇടത്തില് ഒരു ഓര്ഗനൈസ്ഡ് ക്രൈം ആസൂത്രണം ചെയ്യുകയും ആണ് രാഹുല് ഈശ്വര് ചെയ്യുന്നത്.
ഇന്ത്യന് നിയമ വ്യവസ്ഥയില്, ഇന്ത്യന് ഭരണ ഘടന വസ്ത്രധാരണത്തില് ഒരു വ്യക്തിക്ക് തെരഞ്ഞെടുപ്പ് നടത്താനുള്ള സ്വാതന്ത്ര്യം ഉറപ്പ് വരുത്തിയിട്ടുണ്ട്. ഇന്ത്യന് ഭരണഘടന ഒരു വ്യക്തിയുടെ സ്വകാര്യതയ്ക്കുള്ള അവകാശവും നല്കിയിട്ടുണ്ട്. ഇതിനെ നിയന്ത്രിക്കുന്ന നിബന്ധനകളൊന്നും ഇന്ത്യന് പീനല് കോഡില് ഇല്ല
Ernakulam
എറണാകുളം-അങ്കമാലി അതിരൂപത കുർബാന തർക്കം: ബിഷപ്സ് ഹൗസില് വൈദികരുടെ പ്രതിഷേധത്തിനിടെ സംഘർഷം
കൊച്ചി: കുർബാന തർക്കത്തിൽ എറണാകുളം-അങ്കമാലി അതിരൂപതയിൽ വൈദികരുടെ പ്രതിഷേധത്തിനിടെ സംഘർഷം. വിശ്വാസികൾ തമ്മിലും സംഘർഷമുണ്ടായി. കഴിഞ്ഞദിവസം സെന്റ് തോമസ് മൗണ്ടിൽ സിനഡ് സമ്മേളനം നടക്കുന്നതിനിടെ എറണാകുളം-അങ്കമാലി അതിരൂപതപക്ഷത്തെ വൈദികർ ബിഷപ്പ് ഹൗസ് കൈയേറി പ്രാർഥനായജ്ഞം തുടങ്ങിയിരുന്നു. ഇതിന്റെ ഭാഗമായാണ് വിശ്വാസികൾ തമ്മിലുള്ള സംഘർഷം ഉണ്ടായത്. വ്യാഴാഴ്ച നടന്ന സംഭവത്തിന്റെ ദൃശ്യങ്ങൾ പുറത്തുവന്നു. ബിഷപ്പ് ഹൗസിലെ 21 വൈദികരാണ് അതിരൂപതയിൽ ജനാഭിമുഖ കുർബാനപക്ഷത്തുള്ളത്. ഇവരാണ് പ്രാർഥനാ യജ്ഞം നടത്താനെത്തിയത്. കാനോനിക നിയമങ്ങളും സിവിൽ നിയമങ്ങളും ലംഘിച്ച് വൈദികരെ സസ്പെൻഡ് ചെയ്ത നടപടി മാർ ബോസ്കോ പൂത്തൂർ പിൻവലിക്കും വരെ പ്രതിഷേധങ്ങൾ തുടരുമെന്നാണ് വൈദിക കൂട്ടായ്മ വ്യക്തമാക്കിയിരുന്നത്. വൈദികർ അരമനയിൽ കയറിയ ഉടൻ ഒരുകൂട്ടം വിശ്വാസികൾ പിന്തുണയുമായെത്തി. ഏകീകൃത കുർബാനയെ അനുകൂലിക്കുന്നവരും എത്തിയതോടെ ഇരുപക്ഷത്തെയും വിശ്വാസികൾ തമ്മിൽ ഉന്തും തള്ളുമുണ്ടായി. പോലീസ് സ്ഥലത്തെത്തി.
-
Kerala1 month agoജീവനക്കാരുടെ ശമ്പളബില്ല്
കേന്ദ്രീകൃതമാക്കാനുള്ള നീക്കം,
ശമ്പളം കവര്ന്നെടുക്കാനുള്ള ആസൂത്രിത ശ്രമമാണെന്ന് ; ചവറ ജയകുമാര് -
News1 month agoക്ഷാമബത്ത കേസില് ഇടക്കാല ഉത്തരവ്
-
News2 months agoക്ഷാമ ബത്ത കേസിൽ ഇടക്കാല ഉത്തരവ്
-
Featured3 months agoഡി എ: പ്രഖ്യാപനം നിരാശാജനകമെന്ന് സെക്രട്ടേറിയറ്റ് അസോസിയേഷൻ
-
Kerala3 months agoക്ഷാമബത്ത: കുടിശ്ശിക നിഷേധിച്ചാൽ നിയമപരമായി നേരിടും; ചവറ ജയകുമാർ
-
News2 months ago
ജീവനക്കാരെ രണ്ടു തട്ടിലാക്കുന്ന നടപടി സർക്കാർ അവസാനിപ്പിക്കണം
-
News1 month agoസര്ക്കാര് ജീവനക്കാരും അധ്യാപകരുംഅനിശ്ചിത കാല പണിമുടക്കിലേക്ക്: സെറ്റോ
-
Education3 months agoസംസ്ഥാനത്തിന്റെ അംബാസിഡറാകാം;ദേശീയ യുവസംഘം രജിസ്ട്രേഷന് 25 വരെ
You must be logged in to post a comment Login