Alappuzha
സ്കൂട്ടർ യാത്രികയെ വാഹനം ഇടിച്ചിട്ട് ആഭരണം കവർന്ന സംഭവം; ദമ്പതികൾ പിടിയിൽ
കായംകുളം: ജോലി കഴിഞ്ഞ് രാത്രിയിൽ സ്കൂട്ടറിൽ ഒറ്റയ്ക്ക് വീട്ടിലേക്ക് പോയ യുവതിയെ വാഹനം ഇടിച്ച് താഴെയിട്ട് ആഭരണങ്ങൾ കവർന്ന കേസിൽ ദമ്പതികൾ അറസ്റ്റിലായി. നാലുകെട്ടും കവല രവിയുടെ മകൾ ആര്യ (21) യെയാണ് ആളൊഴിഞ്ഞ സ്ഥലത്ത് വച്ച് മറ്റൊരു സ്കൂട്ടറിൽ പിന്തുടർന്ന് ഇടിച്ചിട്ടത്. സംഭവത്തിൽ കരുവാറ്റ വടക്കും കൊച്ചു കടത്തശ്ശേരിൽ വീട്ടിൽ പ്രജിത്ത് (35), ഭാര്യ രാജി (30) എന്നിവരാണ് അറസ്റ്റിലായത്. രാജി പുരുഷവേഷം ധരിച്ചാണ് ആഭരണങ്ങൾ പൊട്ടിച്ചെടുത്തത്. മേയ് 25ന് മുട്ടം– എൻടിപിസി റോഡിൽ രാത്രി എട്ടിനായിരുന്നു സംഭവം. മോഷണം, ലഹരിക്കടത്ത് കേസുകളിലും പ്രജിത്ത് പ്രതിയാണ്.
ആഭരണം മോഷ്ടിക്കാൻ യുവതിയെ വാഹനം ഇടിപ്പിച്ചശേഷം രക്ഷിക്കാൻ എന്ന വ്യാജേന പ്രതികൾ യുവതിയെ എണീപ്പിച്ച ശേഷം മാല പൊട്ടിക്കാൻ ശ്രമിച്ചു. യുവതി കോട്ട് ഇട്ടതിനാൽ ശ്രമം പരാജയപ്പെട്ടു. തുടർന്ന് പെൺകുട്ടിയെ തള്ളിയിട്ട ശേഷം പാദസരം പൊട്ടിച്ചെടുത്തു. പിന്നീട് യുവതിയുടെ കയ്യിലെ ചെയിനും മോതിരവും അപഹരിച്ചു, യുവതിയുടെ മൊബൈൽ ഫോൺ പ്രതികൾ ചെളിയിൽ വലിച്ചെറിഞ്ഞു. പരാതിയെത്തുടർന്ന് കരീലക്കുളങ്ങര പൊലീസ് നടത്തിയ അന്വേഷണത്തിൽ 9 ദിവസത്തെ ശ്രമത്തിനൊടുവിലാണ് പ്രതികളെ പിടികൂടിയത്.
Alappuzha
സുഭദ്ര കൊലക്കേസ്: പ്രതികളായ മാത്യൂസിനെയും ശര്മിളയെയും മണ്ണഞ്ചേരി പോലീസ് സ്റ്റേഷനില് എത്തിച്ചു
ആലപ്പുഴ: കലവൂരില് സുഭദ്രയെ കൊന്നു കുഴിച്ചുമൂടിയ കേസില് പിടിയിലായ പ്രതികളായ മാത്യൂസിനെയും ശര്മിളയെയും മണ്ണഞ്ചേരി പോലീസ് സ്റ്റേഷനില് എത്തിച്ചു.ആലപ്പുഴ ഡി.വൈ.എസ്.പിയുടെ നേതൃത്വത്തിലുള്ള അന്വേഷണ സംഘം സ്റ്റേഷനില് എത്തി. പ്രാഥമിക ചോദ്യംചെയ്യലിന് ശേഷം പ്രതികളെ കേരളത്തിലേക്ക് കൊണ്ടുവരികയായിരുന്നു.
പ്രതികളെ വിശദമായി ചോദ്യം ചെയ്തശേഷം കസ്റ്റഡിയില് വാങ്ങും. ഇതിനുശേഷമായിരിക്കും തെളിവെടുപ്പ്. കഴിഞ്ഞദിവസം കര്ണാടകയിലെ മണിപ്പാലില് നിന്നാണ് പ്രതികളെ പിടികൂടിയത്.
സെപ്റ്റംബര് നാലിന് വീട്ടില് നിന്നിറങ്ങിയ സുഭദ്രയെ കാണാതായതിന് പിന്നാലെ ഏഴിനാണ് മകന് രാധാകൃഷ്ണന് പോലീസിന് പരാതി നല്കിയത്. ക്ഷേത്ര ദര്ശനത്തിന് പോയ അമ്മ തിരികെ വന്നില്ലെന്നായിരുന്നു പരാതി. കോര്ത്തുശേരിയില് വീട്ടുവളപ്പില് കുഴിച്ചിട്ട നിലയില് കണ്ടെത്തിയ മൃതദേഹം കൊച്ചി കടവന്ത്രയില് നിന്ന് കാണാതായ സുഭദ്രയുടേതെന്ന് മക്കള് സ്ഥിരീകരിക്കുകയായിരുന്നു.
ആലപ്പുഴ: കലവൂർ സുഭദ്ര കൊലക്കേസിൽ പൊലീസ് പിടിയിലായ രണ്ടു പ്രതികൾക്കു മാത്രമേ കൊലപാതകത്തിൽ പങ്കുള്ളൂ എന്ന് പ്രാഥമിക ചോദ്യം ചെയ്യലിൽ വ്യക്തമായെന്ന് എസ്പി എംപി മോഹന ചന്ദ്രൻ. കാട്ടൂർ പള്ളിപ്പറസിൽ മാത്യൂസ്, ഭാര്യ ശർമിള എന്നിവരാണു പിടിയിലായത്. കൊലപാതകത്തിന് ശേഷം രക്ഷപെടാൻ ശ്രമിക്കുന്നതിനിടെ ഇന്നലെ ഉച്ചയോടെ കർണാടക മണിപ്പാലിൽ വച്ചാണ് ഇവരെ പിടികൂടിയത്. തുടർന്ന് രാവിലെ 9നു മണ്ണഞ്ചേരി സ്റ്റേഷനിൽ എത്തിച്ചു.
കൊച്ചി സ്വദേശിനി സുഭദ്രയെ (73) ഓഗസ്റ്റ് 4 മുതൽ കാണാനില്ലെന്ന മകന്റെ പരാതിയിൽ നടത്തിയ അന്വേഷണമാണു കൊലപാതകമാണെന്നു തെളിഞ്ഞത്. കലവൂർ കോർത്തുശേരിയിൽ മാത്യൂസും ശർമിളയും വാടകയ്ക്കു താമസിച്ചിരുന്ന വീട്ടുവളപ്പിലാണു മൃതദേഹം കുഴിച്ചിട്ട നിലയിൽ കണ്ടെത്തിയത്. ഓഗസ്റ്റ് 7 നു വൈകിട്ടാണ് കൊലപാതകം നടന്നത്. സാമ്പത്തിക ലാഭമായിരുന്നു പ്രതികളുടെ ലക്ഷ്യമെന്നു പൊലീസ് പറയുന്നു. സുഭദ്ര ഉഡുപ്പി സ്വദേശിനിയാണെന്നു കരുതിയിരുന്നെങ്കിലും എറണാകുളം തോപ്പുംപടിക്ക് സമീപത്താണ് 6 വയസ്സുവരെ ജീവിച്ചതെന്നു കണ്ടെത്തി. തുടർന്നാണ് മാതാപിതാക്കൾക്കൊപ്പം അവരുടെ ജോലി സ്ഥലമായ ഉഡുപ്പിയിലേക്കു പോയത്.
ആലപ്പുഴ: സുഭദ്ര വധക്കേസിലെ പ്രതികളായ മാത്യൂസും ശർമിളയും കർണാടകയിലെ മണിപ്പാലിൽ പിടിയിലായി. ഇവരുമായി പൊലീസ് കേരളത്തിലേക്ക് തിരിച്ചു. ഒരു മാസം മുൻപ് എറണാകുളം സൗത്ത് റെയിൽവേ സ്റ്റേഷനടുത്ത് കരിത്തല റോഡ് ‘ശിവകൃപ’യിൽ സുഭദ്രയുടെ (73) മൃതദേഹം കലവൂർ കോർത്തുശ്ശേരിയിലെ വീട്ടുവളപ്പിൽ കുഴിച്ചിട്ട നിലയിലാണു കഴിഞ്ഞ ദിവസം കണ്ടെത്തിയത്. സ്വർണാഭരണങ്ങൾക്കായി കൊലപ്പെടുത്തിയെന്നാണു നിഗമനം. പ്രതികളെ ചോദ്യം ചെയ്താലേ കൂടുതൽ കാര്യങ്ങൾ വ്യക്തമാകൂ.
-
Featured1 month agoപാലിയേക്കര ടോള്: കരാര് കമ്പനിക്ക് 2128.72 കോടി രൂപ പിഴ ചുമത്തി ദേശീയപാത അതോറിറ്റി
-
Kerala3 months agoതസ്തിക നിർണയം, അവധി ദിനങ്ങൾ പ്രവർത്തിക്കാൻ ആവശ്യപ്പെടുന്ന സർക്കുലർ സർക്കാർ
പിന്വലിക്കുക: കെപിഎസ്ടിഎ -
Featured3 months agoപ്ലസ് വൺ സീറ്റ് പ്രതിസന്ധി: സംസ്ഥാനത്ത് നാളെ കെഎസ്യു വിദ്യാഭ്യാസ ബന്ദ്
-
News3 weeks agoജീവനക്കാരുടെ അവകാശങ്ങൾക്ക് തടസ്സം നിൽക്കുമെന്ന് സർക്കാർ
-
Business1 month agoസംസ്ഥാനത്ത് കോഴി വില കുത്തനെ കുറഞ്ഞു
-
Business3 months agoജിയോയ്ക്കും എയർടെല്ലിനും പിന്നാലെ വോഡാഫോൺ ഐഡിയയും; മൊബൈൽ റീചാർജ് നിരക്ക് വർധിപ്പിച്ചു
-
News4 weeks agoസംഭാവന എല്ലാവരിൽ നിന്നും സ്വീകരിക്കാനുള്ള ഭേദഗതി ഉത്തരവിൽ വരുത്തണം: സെറ്റോ
-
Ernakulam1 month agoശനിയാഴ്ച പ്രവൃത്തിദിനം ഹൈക്കോടതിവിധി സർക്കാരിന് കനത്ത തിരിച്ചടി: കെ പി എസ് ടി എ
You must be logged in to post a comment Login