Kerala
കർഷകരുടെ പ്രശ്നങ്ങൾ പറയുമ്പോൾ സർക്കാരിന് പുച്ഛം: വി.ഡി സതീശൻ
തിരുവനന്തപുരം: കര്ഷകരുടെ പ്രശ്നങ്ങള് പറയുമ്പോള് സര്ക്കാരിന് പരിഹാസവും പുച്ഛവുമാണെന്ന് പ്രതിപക്ഷ നേതാവ് വി.ഡി സതീശൻ. നാല് ലക്ഷം രൂപ മാസ വരുമാനമുള്ള ഔഡി കാറുള്ള കര്ഷകനാണോ വനാതിര്ത്തികളിലും ഹൈറേഞ്ചിലും ഉള്പ്പെടെ കഷ്ടപ്പെടുന്ന സാധാരണ കർഷകരുടെ പ്രതീകം. ഓരോ പ്രദേശത്തും ഏറ്റവും കൂടുതല് ദുരിതം അനുഭവിക്കുന്നത് കര്ഷകരാണെന്നും കേരളത്തിലെ കാര്ഷിക മേഖല ഗുരുതര പ്രതിസന്ധി നേരിടുകയാണെന്നും വി.ഡി സതീശൻ പറഞ്ഞു. നിയമസഭയിൽ പ്രതിപക്ഷത്തിന്റെ അടിയന്തര പ്രമേയത്തിന് അനുമതി നിഷേധിച്ചതിൽ പ്രതിഷേധിച്ച് നടത്തിയ വാക്കൗട്ടിന് മുമ്പ് സംസാരിക്കുകയായിരുന്നു പ്രതിപക്ഷ നേതാവ്.
തെങ്ങ് കയറുന്നതിന് കൊടുക്കേണ്ട കൂലി നാളികേരം വിറ്റാല് കിട്ടാത്ത അവസ്ഥയാണ്. നാളികേരത്തിന്റെ സംഭരണ വില 34 രൂപയായി പ്രഖ്യാപിച്ചു. നാളികേര സംഭരണം കൃത്യമായി നടന്നിരുന്നെങ്കില് കര്ഷകര്ക്ക് ആശ്വാസമായേനെ. 50000 ടണ് നാളികേരം സംഭരിക്കാന് അനുമതി ലഭിച്ചിട്ട് അഞ്ചില് ഒന്ന് മാത്രമെ സംഭരിക്കാനായുള്ളൂ. അതേസമയം തമിഴ്നാട് 50000 ടണ് സംഭരിക്കുകയും 35000 ടണ് കൂടി സംഭരിക്കാനുള്ള പ്രത്യേക അനുമതി നേടുകയും ചെയ്തു. തമിഴ്നാട് എണ്പതിനായിരത്തോളം ടണ്ണിലേക്ക് എത്തുമ്പോള് കേരളത്തില് നാളികേര സംഭരണം പരാജയപ്പെട്ടു. ഉമ്മന് ചാണ്ടി സര്ക്കാരിന്റെ കാലത്ത് വിജയകരമായിരുന്ന നാളികേര സംഭരണം 2017-18 മുതല് 2020-21 വരെ പൂര്ണമായും മുടങ്ങി. നാളികേര സംഭരണത്തില് ഗൗരവതരമായ പരാജയമുണ്ടായെന്നും അദ്ദേഹം ചൂണ്ടിക്കാട്ടി.
സംഭരണ സ്ഥലത്തേക്ക് നാളികേരം എത്തിക്കുന്നതിനുള്ള വണ്ടിക്കൂലി പോലും ലഭിക്കുന്നില്ല. കര്ഷകര്ക്ക് ആശ്വാസം നല്കുന്ന തരത്തില് സംഭരണത്തിലെ പാളിച്ചകള് പരിഹരിക്കാന് സര്ക്കാര് തയാറാകണം. സംഭരണ വില 34-ല് നിന്നും 40 ആയി വര്ധിപ്പിക്കാനുള്ള ശ്രമവും നടത്തേണ്ടതുണ്ട്. നാളികേരത്തിന്റെ കാര്യത്തില് ഒരു പ്രശ്നവും ഇല്ലെന്ന് മന്ത്രി പറയുന്നത് തെറ്റാണ്. സംഭരണം പരാജയപ്പെടുകയും നാളികേര കൃഷിയില് നിന്നും കര്ഷകര് പിന്മാറുകയും ചെയ്യുകയാണ്. കേരളത്തിലെ നാളികേരത്തിന്റെ ഉല്പാദനവും ഉല്പാദനക്ഷമതയും അയല് സംസ്ഥാനങ്ങളുമായി താരതമ്യപ്പെടുത്തുമ്പോള് ഓരോ വര്ഷവും കുറഞ്ഞുവരികയാണ്. ഇതെല്ലാം മറച്ചുവച്ചാണ് കര്ഷകരെ ചേര്ത്തു പിടിച്ചിരിക്കുകയാണെന്ന് മന്ത്രി പറഞ്ഞത്. കെട്ടിപ്പിടിക്കുകയും ചേര്ത്ത് പിടിക്കുകയും മാത്രം ചെയ്താല് മതിയോ? കര്ഷകരുടെയും അവരുടെ കുടുംബാംഗങ്ങളുടെയും അധ്വാനത്തിനുള്ള കൂലി കിട്ടണം. കര്ഷകന് ജീവിക്കാന് കഴിയുന്ന സാഹചര്യം കേരളത്തിലുണ്ടോ? മുഖ്യമന്ത്രിയുടെ ചിരിയും ധനകാര്യ കൃഷി മന്ത്രിമാരുടെ സന്തോഷവും കണ്ടപ്പോള് റബറിന്റെ വില കൂട്ടുമെന്നാണ് കരുതിയത്. പക്ഷെ പത്ത് രൂപ വര്ധിപ്പിച്ച ധനകാര്യമന്ത്രി നിരാശപ്പെടുത്തി. പ്രഖ്യാപിച്ച താങ്ങുവില പോലും നല്കുന്നില്ലെന്ന് വി.ഡി സതീശൻ കുറ്റപ്പെടുത്തി.
സംസ്ഥാനത്തിന്റെ സാമ്പദ് വ്യവസ്ഥയിലേക്ക് വലിയ സംഭവന നല്കിയിരുന്ന കാര്ഷിക മേഖല പൂര്ണമായും തകരുകയാണ്. 2020 ന് ശേഷം കര്ഷക കടാശ്വാസ കമ്മിഷന് അപേക്ഷ പോലും സ്വീകരിക്കുന്നില്ല. പല സഹകരണ ബാങ്കുകളിലും സര്ക്കാര് വിഹിതം നല്കാത്തത് കൊണ്ട് വായ്പ അടച്ചു തീര്ത്തവര്ക്ക് രേഖകള് പോലും നല്കുന്നില്ല. കര്ഷകര്ക്ക് ഒരു ആശ്വാസവും നല്കാത്ത കമ്മിഷനായി കടാശ്വാസ കമ്മിഷന് മാറി. വ്യാപകമായ ജപ്തി നടപടികളാണ് കാര്ഷിക മേഖലയില് നടക്കുന്നത്. 12000 കോടിയുടെ ഇടുക്കി പാക്കേജും 7000 കോടിയുടെ വയനാട് പാക്കേജും 5000 കോടിയുടെ കുട്ടനാട് പാക്കേജും പ്രഖ്യാപിച്ചതല്ലാതെ ഒന്നും നടന്നില്ല. ഇതില് വയനാട്ടില് കാപ്പി സംഭരണത്തിന് 50 ലക്ഷം മാത്രമാണ് നല്കിയത്. പ്രഖ്യാപനങ്ങളെല്ലാം കടലാസില് മാത്രമാണ്. ഒരു കര്ഷകരെയും നിങ്ങള് സഹായിക്കുന്നില്ല. കുട്ടനാട്ടില് കടം കയറി എത്ര കര്ഷകരാണ് ആത്മഹത്യ ചെയ്തത്. ആന്തൂരിലെ കര്ഷകന് മരിച്ചപ്പോള് അന്വേഷിച്ച് പോയ പോലെ മരിച്ച കര്ഷകരുടെ കുടുംബകാര്യങ്ങളിലേക്കൊന്നും പോകേണ്ട. കര്ഷകര് കടക്കെണിയിലും ജപ്തി നടപടിയിലുമാണെന്ന യാഥാര്ത്ഥ്യം സര്ക്കാര് തിരിച്ചറിയണമെന്നും അദ്ദേഹം പറഞ്ഞു.
തിരുവനന്തപുരം: നെയ്യാറ്റിന്കര ഗോപന് സ്വാമിയുടെ സംസ്കാരം നാളെ നടത്തും. പോസ്റ്റ്മോര്ട്ടം പൂര്ത്തിയായ മൃതദേഹം ഉടന് നെയ്യാറ്റിന്കരയിലേക്ക് കൊണ്ടു പോകും. പോസ്റ്റ്മോര്ട്ടത്തിന് ശേഷം ഫോറന്സിക് സംഘവും പൊലീസുമായി കൂടിക്കാഴ്ച്ച നടത്തിയിരുന്നു. പോസ്റ്റ്മോര്ട്ടത്തിലെ നിഗമനങ്ങളും ചര്ച്ച ചെയ്തു.മതാചാര പ്രകാരമായിരിക്കും ഗോപന് സ്വാമിയുടെ സംസ്കാരം നടത്തുക. അതേസമയം ഹിന്ദു ആചാരത്തെ വ്രണപ്പെടുത്തുന്ന സംഭവങ്ങളാണുണ്ടായതെന്ന് ഗോപന് സ്വാമിയുടെ മകന് മാധ്യമങ്ങോട് പ്രതികരിച്ചു. തന്നെയും കുടുംബത്തെയും വേട്ടയാടിയെന്നും നിയമനടപടികള് സ്വീകരിക്കുന്നുവെന്നും അദ്ദേഹം പ്രതികരിച്ചു.
ഗോപന് സ്വാമിയുടെ മരണത്തിന്റെ സ്വഭാവം ഉറപ്പിക്കാന് കൂടുതല് പരിശോധന നടത്തും. നിലവിലെ പരിശോധനയില് അസ്വാഭാവികതയൊന്നും കണ്ടെത്തിയിട്ടില്ല. ഗോപന് സ്വാമിയുടേത് സ്വാഭാവിക മരണമെന്നാണ് പ്രാഥമിക പരിശോധനയിലെ കണ്ടെത്തല്. ഇന്ന് രാവിലെയാണ് കല്ലറയുടെ സ്ലാബ് മാറ്റി ഗോപന് സ്വാമിയുടെ മൃതദേഹം കണ്ടെത്തിയത്.ഇരിക്കുന്ന നിലയിലായിരുന്നു മൃതദേഹം. നെഞ്ച് വരെ പൂജാദ്രവ്യങ്ങള് മൂടിയ നിലയിലാണ് മൃതദേഹം കണ്ടെത്തിയത്. അഴുകിയ നിലയിലായിരുന്നു മൃതദേഹമുണ്ടായിരുന്നത്. നെയ്യാറ്റിന്കരയില് പിതാവ് സമാധിയായെന്ന് മക്കള് പോസ്റ്റര് പതിക്കുകയും അടക്കം ചെയ്യുകയും ചെയ്തതോടെയാണ് ഗോപന് സ്വാമിയുടെ മരണം ചര്ച്ചയായത്.
തിരുവനന്തപുരം: ഷാരോണ് വധക്കേസില് നാളെ വിധി പറയും. നെയ്യാറ്റിന് കര സെക്ഷന്സ് കോടതിയാണ് വിധി പറയുന്നത്. ഗ്രീഷ്മയെ കൂടാതെ ഗ്രീഷ്മയുടെ അമ്മയും അമ്മാവനും ഉള്പ്പടെ മൂന്നു പ്രതികള്.
കാമുകനെ കഷായത്തില് കളനാശിനി കലര്ത്തി കൊലപ്പെടുത്തിയെന്ന പാറശാല ഷാരോണ് വധക്കേസില് വിധി നാളെ. ഷാരോണിന്റെ കാമുകിയായിരുന്ന ഗ്രീഷ്മയും അമ്മയും അമ്മാവനുമടക്കം മൂന്ന് പ്രതികള്. ഗ്രീഷ്മ ചതിച്ചെന്ന് മരണത്തിന് രണ്ട് ദിവസം മുന്പ് ഷാരോണ് പറഞ്ഞിരുന്നതായി പിതാവ് പറഞ്ഞിരുന്നു. ഷാരോണിന്റെ മരണമൊഴിയായി പ്രോസിക്യൂഷന് കോടതിയില് അവതരിപ്പിച്ച മൊഴിയുടെ വിശദാംശങ്ങള് പുറത്ത്.
സ്നേഹിച്ച പെണ്ണിന്റെ ചതിക്ക് ഇരയായ മകന്റെ ഓര്മയില് ജീവിതം തള്ളിനീക്കുകയാണ് ഷാരോണിന്റെ മാതാപിതാക്കള്. ഷാരോണും ഗ്രീഷ്മയും പ്രണയത്തിലായിരുന്നു. മറ്റൊരു കല്യാണാലോചന വന്നപ്പോള് ജീവിതത്തില് നിന്ന് ഒഴിവാക്കുന്നതിന് വേണ്ടി ഗ്രീഷ്മ കഷായത്തില് കളനാശിനി കലര്ത്തി നല്കിയെന്നാണ് പൊലീസ് കണ്ടെത്തല്. എന്നാല് ഗ്രീഷ്മ കഷായം നല്കിയെന്ന ഷാരോണ് എവിടെയും പറഞ്ഞിട്ടില്ലെന്നും ഷാരോണ് കഷായം സ്വയം എടുത്ത് കുടിച്ചതാണെന്നുമായിരുന്നു പ്രതിഭാഗത്തിന്റെ വാദം. മരണത്തിന് തൊട്ടുമുന്പ് മകന് തന്നോട് പറഞ്ഞ കാര്യങ്ങള് ഓര്ത്തെടുത്ത് പിതാവ് ഈ വാദം തള്ളുകയാണ്.
ഈ വെളിപ്പെടുത്തലാണ് മരണമൊഴിയായി പ്രോസിക്യൂഷന് കോടതിയില് അവതരിപ്പിച്ചത്. കഷായത്തില് കളനാശിനി കലര്ത്തുന്നതിനേക്കുറിച്ച് ഗ്രീഷ്മ ഇന്റര്നെറ്റില് തിരഞ്ഞതടക്കം ഒട്ടേറെ ഡിജിറ്റല് തെളിവുകളും ഹാജരാക്കിയാണ് നാളത്തെ വിധിക്കായി പ്രോസിക്യൂഷനും കുടുംബവും കാത്തിരിക്കുന്നത്.
കൊച്ചി: ഉയര്ന്ന നഷ്ടപരിഹാര തുക ദുരന്തബാധിതരുടെ അവകാശമല്ലെന്ന് വ്യക്തമാക്കി ഹൈക്കോടതി. ദുരന്തബാധിതര്ക്ക് ഉയര്ന്ന നഷ്ടപരിഹാരം നല്കണമെന്ന് സര്ക്കാരിനോട് നിര്ദ്ദേശിക്കാനാവില്ലെന്നും ഹൈക്കോടതി ചൂണ്ടിക്കാണിച്ചു. മുണ്ടക്കൈ-ചൂരല്മല ഉരുള്പെട്ടല് ദുരന്തബാധിതര്ക്കായി വിഭാവനം ചെയ്തിരിക്കുന്ന ടൗണ്ഷിപ്പില് വീടിന് പകരം ഉയര്ന്ന തുക നഷ്ടപരിഹാരം വേണമെന്ന പ്രദേശവാസിയുടെ ഹര്ജിയിലായിരുന്നു കോടതിയുടെ നിരീക്ഷണം.
ദുരന്തബാധിതരുടെ പ്രയോജനത്തിനാണ് സംസ്ഥാന സര്ക്കാരിന്റെ ടൗണ്ഷിപ്പ് പദ്ധതി. വ്യക്തിപരമായ മുന്ഗണന നല്കാന് സര്ക്കാരിന് കഴിയില്ലെന്നും ഡിവിഷന് ബെഞ്ച് ചൂണ്ടിക്കാണിച്ചു. മാനുഷിക പരിഗണനയുടെ അടിസ്ഥാനത്തിലാണ് സര്ക്കാര് പുനരധിവാസം ഒരുക്കുന്നത്. ദുരന്തബാധിതരോട് സര്ക്കാരിന്റെ ചുമതലയെന്ത് എന്നാണ് ചോദ്യമെന്ന് ചൂണ്ടിക്കാണിച്ച ഹൈക്കോടതി ലഭ്യമായ വിഭവങ്ങള് തുല്യമായി വീതിച്ച് നല്കുകയാണ് സര്ക്കാരിന്റെ ചുമതലയെന്ന മറുപടിയും പറഞ്ഞു. ഇതില് ദുരന്തബാധിതര്ക്ക് ആഡംബരം ആവശ്യപ്പെടാനാകില്ലെന്നും ഹൈക്കോടതി വ്യക്തമാക്കി.
ടൗണ്ഷിപ്പില് വീട് ആവശ്യമില്ലെങ്കില് അതിന് പകരം ഉയര്ന്ന തുക ആവശ്യപ്പെടാനാവില്ല. ഉരുള്പൊട്ടല് മാത്രമല്ല ദുരന്തം, മറ്റ് ദുരന്തങ്ങളെ നേരിട്ടവരുമുണ്ട്. അവര്ക്ക് വേണ്ടിയും പുനരധിവാസം ഉറപ്പാക്കേണ്ടതുണ്ടെന്നും ഹൈക്കോടതി ചൂണ്ടിക്കാണിച്ചു.
സുരക്ഷിതമായ സ്ഥലത്താണ് സര്ക്കാര് പുനരധിവാസ സൗകര്യം ഒരുക്കുന്നത്. സര്ക്കാരിന്റെ ഫണ്ട് ഉചിതമായ രീതിയില് വിനിയോഗിക്കുകയാണ് വേണ്ടത്. സുരക്ഷിതമായ ജീവിത സാഹചര്യമൊരുക്കാനാണ് ടൗണ്ഷിപ്പ് പദ്ധതി. സര്ക്കാരിന്റെ നയപരമായ തീരുമാനത്തിന്റെ ഭാഗമാണ് ടൗണ്ഷിപ്പ് പദ്ധതി. ഇതില് ഇടപെടാനില്ല. മാനുഷിക പരിഗണനയിലാണ് സര്ക്കാര് പുനരധിവാസം നടപ്പാക്കുന്നതെന്നും ഹൈക്കോടതി ചൂണ്ടിക്കാണിച്ചു.
-
Kerala2 months agoജീവനക്കാരുടെ ശമ്പളബില്ല്
കേന്ദ്രീകൃതമാക്കാനുള്ള നീക്കം,
ശമ്പളം കവര്ന്നെടുക്കാനുള്ള ആസൂത്രിത ശ്രമമാണെന്ന് ; ചവറ ജയകുമാര് -
News1 month agoക്ഷാമബത്ത കേസില് ഇടക്കാല ഉത്തരവ്
-
News2 months agoക്ഷാമ ബത്ത കേസിൽ ഇടക്കാല ഉത്തരവ്
-
Featured3 months agoഡി എ: പ്രഖ്യാപനം നിരാശാജനകമെന്ന് സെക്രട്ടേറിയറ്റ് അസോസിയേഷൻ
-
Kerala3 months agoക്ഷാമബത്ത: കുടിശ്ശിക നിഷേധിച്ചാൽ നിയമപരമായി നേരിടും; ചവറ ജയകുമാർ
-
News2 months ago
ജീവനക്കാരെ രണ്ടു തട്ടിലാക്കുന്ന നടപടി സർക്കാർ അവസാനിപ്പിക്കണം
-
News1 month agoസര്ക്കാര് ജീവനക്കാരും അധ്യാപകരുംഅനിശ്ചിത കാല പണിമുടക്കിലേക്ക്: സെറ്റോ
-
Featured3 days agoസംസ്ഥാനത്ത് നാളെ 6 ജില്ലകൾക്ക് അവധി
You must be logged in to post a comment Login