Connect with us
48 birthday
top banner (1)

National

സാമ്പത്തിക പ്രതിസന്ധിയില്‍ കേരളവുമായി ചര്‍ച്ചയ്ക്ക് തയാറെന്ന് കേന്ദ്രസര്‍ക്കാര്‍

Avatar

Published

on

ഡല്‍ഹി: സാമ്പത്തിക പ്രതിസന്ധിയില്‍ കേരളവുമായി ചര്‍ച്ചക്ക് തയാറെന്ന് കേന്ദ്രസര്‍ക്കാര്‍. സുപ്രീംകോടതിയിലാണ് കേന്ദ്രസര്‍ക്കാര്‍ നിലപാട് അറിയിച്ചത്. ഇതുപ്രകാരം കേരളവും കേന്ദ്രവും തമ്മില്‍ ചര്‍ച്ച നടക്കും. വായ്പാപരിധി ഉയര്‍ത്തണമെന്നത് ഉള്‍പ്പടെയുള്ള ആവശ്യങ്ങള്‍ ഉന്നയിച്ച് കേരളം സമര്‍പ്പിച്ച ഹര്‍ജി സുപ്രീംകോടതി തിങ്കളാഴ്ച പരിഗണിക്കും. കേസ് പരിഗണിക്കുന്നതിനിടെ ഇന്ന് പ്രശ്‌നത്തില്‍ ചര്‍ച്ചക്ക് തയാറെന്ന് കേന്ദ്രസര്‍ക്കാര്‍ അറിയിക്കുകയായിരുന്നു. തുടര്‍ന്ന് ചര്‍ച്ചക്കായി പ്രതിനിധി സംഘത്തെ അയക്കാമെന്ന് കേരളവും അറിയിച്ചു. പ്രശ്‌നപരിഹാരത്തിന് ചര്‍ച്ച ആയിക്കൂടെയെന്ന് സുപ്രീംകോടതി ആരാഞ്ഞിരുന്നു. ഇതിന്റെ അടിസ്ഥാനത്തിലാണ് ഇരു സര്‍ക്കാറുകളും കോടതിയില്‍ നിലപാട് അറിയിച്ചത്.

കേരളത്തിന്റെ ധനകാര്യ സെക്രട്ടറിയും കേന്ദ്രധനകാര്യമന്ത്രിയും തമ്മില്‍ ചര്‍ച്ച നടത്തട്ടെയെന്നായിരുന്നു സുപ്രീംകോടതി നിര്‍ദേശം. കോടതിയുടെ നിര്‍ദേശത്തിന് പിന്നാലെ ചര്‍ച്ചക്ക് തയാറാണെന്ന് കേരളത്തിന് വേണ്ടി ഹാജരായ മുതിര്‍ന്ന അഭിഭാഷകന്‍ കപില്‍ സിബല്‍ അറിയിച്ചു. എന്നാല്‍, ഉച്ചക്ക് ശേഷം നിലപാട് അറിയിക്കാമെന്നായിരുന്നു കേന്ദ്രസര്‍ക്കാറിന് വേണ്ടി ഹാജരായ അറ്റോണി ജനറലിന്റെ നിലപാട്. ഉച്ചക്ക് ശേഷം ഹര്‍ജി പരിഗണിച്ചപ്പോള്‍ അറ്റോണി ജനറല്‍ വെങ്കിട്ടരമണി കോടതി നിര്‍ദേശത്തെ അങ്ങേയറ്റം ബഹുമാനത്തോടെ കാണുന്നുവെന്നും ചര്‍ച്ചക്ക് തയാറാണെന്നും അറിയിച്ചു. തുടര്‍ന്ന് സുപ്രീംകോടതി കേസ് തിങ്കളാഴ്ചത്തേക്ക് മാറ്റി.

Advertisement
inner ad

ഡിസംബറിലാണ് കേന്ദ്രസര്‍ക്കാറിനെതിരെ കേരളം സുപ്രീംകോടതിയില്‍ ഹര്‍ജി നല്‍കിയത്. കേരളത്തിന്റെ സാമ്പത്തികവിഷയങ്ങളില്‍ കേന്ദ്രസര്‍ക്കാര്‍ അനാവശ്യമായി ഇടപെടുന്നുവെന്ന് ഹര്‍ജിയില്‍ ചൂണ്ടിക്കാട്ടിയിരുന്നു. കേന്ദ്രസര്‍ക്കാറിന്റെ ചില ഭേദഗതികള്‍ മൂലം ബജറ്റിലെ വാഗ്ദാനങ്ങള്‍ നടപ്പിലാക്കാന്‍ കഴിയാത്ത സാഹചര്യമാണെന്നും കേരളം കോടതിയില്‍ വാദിച്ചു. കടമെടുപ്പ് പരിധി കേന്ദ്രം കുറച്ചതാണ് നിലവിലുള്ള പ്രതിസന്ധിക്കുള്ള കാരണമെന്നും 26,000 കോടി രൂപ കേരളത്തിന് അടിയന്തരമായി വേണമെന്നും സംസ്ഥാന സര്‍ക്കാര്‍ കോടതിയില്‍ നല്‍കിയ ഹരജിയില്‍ പറഞ്ഞിരുന്നു.

Advertisement
inner ad
Continue Reading
Advertisement
inner ad
Click to comment

You must be logged in to post a comment Login

Leave a Reply

Delhi

പപ്പു യാദവിന് പിന്നാലെ കോൺഗ്രസിന് പിന്തുണയുമായി ലഡാക്കിൽ നിന്നുള്ള സ്വതന്ത്രനും; ലോക്സഭയിലെ കോൺഗ്രസ് അംഗബലം 102 ആയി

Published

on

ന്യൂഡൽഹി: ബീഹാറിൽ നിന്നുള്ള ലോക്സഭാംഗം പപ്പു യാദവ് കോൺഗ്രസിൽ ചേർന്നതിന് പിന്നാലെ കോൺഗ്രസിന് പിന്തുണയുമായി ലഡാക്കിൽ നിന്നുള്ള സ്വതന്ത്ര അംഗം ഹനീഫ ജാൻ. കോൺഗ്രസ് അധ്യക്ഷൻ മല്ലികാർജുൻ ഖാർഗയെ ഇന്ന് സന്ദർശിച്ച് പാർട്ടിക്ക് തൻ്റെ ഔദ്യോഗിക പിന്തുണ അറിയിച്ചു. ലോക്സഭയിൽ പാർട്ടിയുടെ അസോസിയേറ്റ് അംഗമായി അദ്ദേഹം പ്രവർത്തിക്കുമെന്നും അറിയിച്ചു. ഇതോടെ ലോക്സഭയിൽ കോൺഗ്രസ്സിൻ്റെ അംഗസഖ്യ 102 ആയി.

Continue Reading

Global

ബഹിരാകാശത്ത് സുനിതയ്ക്കും സംഘത്തിനും പുതിയ ഭീഷണി; ശ്വാസകോശത്തെ ബാധിക്കുന്ന സൂപ്പർ ബഗ്

Published

on

കലിഫോർണിയ: ഇന്ത്യൻ വംശജ സുനിത വില്യംസ് അടക്കം രാജ്യാന്തര ബഹിരാകാശ നിലയത്തിൽ (ഐഎസ്എസ്) ഇപ്പോഴുള്ള ബഹിരാകാശ സഞ്ചാരികളെ ആശങ്കയായി സൂപ്പർ ബഗ്. ബഹിരാകാശ നിലയത്തിലാണ് അപകടകാരിയായ ബാക്ടീരിയയുടെ സാന്നിധ്യം കണ്ടെത്തിയത്. ആന്റി മൈക്രോബിയൽ മരുന്നുകളെ പ്രതിരോധിക്കാൻ ശേഷിയുള്ള മൾട്ടി ഡ്രഗ് റസിസ്റ്റന്റ് ബാക്ടീരിയയായ എന്ററോബാക്ടർ ബുഗൻഡൻസിസ് ശ്വാസകോശത്തെ മാരകമായി ബാധിക്കുന്ന ഒന്നാണ്. ഇവയെ സൂപ്പർബഗ് എന്നാണ് വിളിക്കുന്നത്.

Advertisement
inner ad

എറെക്കാലമായി നിലയത്തിലുണ്ടായിരുന്ന ഇവ, അതിനുള്ളിലെ അടഞ്ഞ അന്തരീക്ഷത്തിൽ ജനിതകമാറ്റത്തിലൂടെ കൂടുതൽ ശക്തിയാർജിച്ചിട്ടുണ്ടെന്നും ശാസ്ത്രജ്ഞർ വെളിപ്പെടുത്തി. ഭൂമിയിൽ‌നിന്ന് ബഹിരാകാശ സഞ്ചാരികളിലൂടെയാണ് ഇവ നിലയത്തിലെത്തുന്നത്.

സുനിതാ വില്യംസും സഹയാത്രികൻ ബാരി യൂജിൻ ബുഷ് വിൽമോറും ജൂൺ 6 നാണു പുതിയ ബോയിങ് സ്റ്റാർലൈനർ ബഹിരാകാശ പേടകത്തിൽ ബഹിരാകാശ നിലയത്തിലെത്തിയത്. വില്യംസ് അടങ്ങിയ ടീമാണ് പേടകം രൂപകൽപന ചെയ്തത്. നിലയത്തിലുള്ള മറ്റ് ഏഴു പേർ ദീർഘകാലമായി അവിടെയുള്ളവരാണ്. ബാക്ടീരിയയെ കണ്ടെത്തിയതോടെ ഒരാഴ്ച നീണ്ട നിരീക്ഷണത്തിന് ശേഷമേ സുനിതയ്ക്കും വിൽമോറിനും ഭൂമിയിലേക്ക് മടങ്ങിയെത്താനാവൂ.

Advertisement
inner ad

ഇരുപത്തിനാലു വർഷത്തോളം ബഹിരാകാശത്ത് കഴിഞ്ഞ ബാക്ടീരിയകൾ ഇതേ ഗണത്തിൽപെടുന്ന, ഭൂമിയിലുള്ള ബാക്ടീരിയകളെക്കാൾ ഏറെ അപകടകാരികളാണ് ഇവ. നിലയത്തിൽ കഴിയുന്ന ബഹിരാകാശ യാത്രികരുടെ ശരീരത്തിലെ പ്രതിരോധ ശേഷി ഭൂമിയിലേതിൽനിന്നു വ്യത്യസ്തമായതിനാൽ ഭൂമിയിലെ ചികിത്സാരീതികൾ എത്രത്തോളം ഫലപ്രദമാകുമെന്നും സംശയത്തിലാണ് ശാസ്ത്രജ്ഞർ. കലിഫോർണിയയിലെ നാസയുടെ ജെറ്റ് പ്രൊപ്പൽഷൻ ലബോറട്ടറിയിലെ ശാസ്ത്രജ്ഞനായ ഡോ. കസ്തൂരി വെങ്കിടേശ്വരനാണ് പഠനത്തിന് നേതൃത്വം നൽകിയത്.

Advertisement
inner ad
Continue Reading

Delhi

സര്‍വകലാശാലകളില്‍ ഇനിമുതൽ വര്‍ഷത്തില്‍ രണ്ടുതവണ പ്രവേശനം

Published

on

ന്യൂഡൽഹി: വിദേശ സർവകലാശാലകൾക്ക് സമാനമായി രാജ്യത്തെ സർവകലാശാലകളിൽ വർഷത്തിൽ രണ്ടുതവണ പ്രവേശന നടപടികൾ നടത്താൻ യുജിസി തയ്യാറാകുന്നു.അധ്യയന വർഷത്തിൽ, അതായത് ജൂലൈ-ഓഗസ്റ്റ്, ജനുവരി-ഫെബ്രുവരി എന്നിങ്ങനെ രണ്ട് ഘട്ടങ്ങളിലായി പ്രവേശന നടപടികൾ നടത്താൻ സർവകലാശാലകളെ അനുവദിക്കാനാണ് പദ്ധതി. ഈ അധ്യയന വർഷം (2024-25) തന്നെ സർവകലാശാലകൾക്കും ഉന്നത വിദ്യാഭ്യാസ സ്ഥാപനങ്ങൾക്കും അനുമതി നൽകുമെന്ന് യുജിസി ചെയർമാൻ ജഗദീഷ് കുമാർ പറഞ്ഞു.വർഷത്തിൽ രണ്ടുതവണ പ്രവേശനം നൽകാനായാൽ, ബോർഡ് ഫലപ്രഖ്യാപനത്തിലെ കാലതാമസമോ ആരോഗ്യപ്രശ്നങ്ങളോ വ്യക്തിപരമായ കാരണങ്ങളോ മൂലം പ്രവേശനം നഷ്ടപ്പെട്ട നിരവധി വിദ്യാർത്ഥികൾക്ക് ഇത് പ്രയോജനപ്പെടുമെന്ന് ജഗദീഷ് കുമാർ പറഞ്ഞു.ഇതുവഴി പ്രവേശനം നഷ്ടപ്പെട്ടാല്‍ ഒരു വര്‍ഷം മുഴുവന്‍ കാത്തിരിക്കേണ്ടി വരില്ല. വ്യവസായങ്ങള്‍ക്ക് വര്‍ഷത്തില്‍ രണ്ടുതവണ ക്യാമ്ബസ് റിക്രൂട്ട്മെന്റ് നടത്താനും തൊഴിലവസരങ്ങളും തൊഴിലും മെച്ചപ്പെടുത്താനും കഴിയും.

Continue Reading

Featured