ആർഎസ്എസ് നേതാക്കളുടെ പുസ്തകങ്ങളും പഠിപ്പിക്കണം; എസ്‌എഫ്‌ഐ നേതാവ് നിധീഷ് നാരായണന്‍

കണ്ണൂർ: സർവ്വകലാശാലാ വിവാദ സിലബസിനെ ചൊല്ലി എസ്‌എഫ്‌ഐ നേതാക്കൾക്കിടയിൽ ഭിന്നത. ആർഎസ്‌എസ് നേതാക്കളുടെ പുസ്തകങ്ങൾ പഠിപ്പിക്കുന്നത് അംഗീകരിക്കാനാകില്ലെന്നായിരുന്നു എസ്‌എഫ്‌ഐ സംസ്ഥാന സെക്രട്ടറിയുടെ നിലപാട്. എന്നാൽ സവർക്കറുടേതുൾപ്പടെ എല്ലാ രാഷ്ട്രീയ ധാരകളെയും പഠിക്കാൻ അവസരമുണ്ടാക്കണമെന്ന് എസ്‌എഫ്‌ഐ കേന്ദ്ര സെക്രട്ടറിയേറ്റ് അംഗം നിധീഷ് നാരായണൻ പറഞ്ഞതോടെ സംഘടനയിലെ വിഭാഗീയത പരസ്യമായി.വിവാദമായ പിജി സിലബസ് പിൻവലിക്കണമെന്ന് എസ്‌എഫ്‌ഐ സംസ്ഥാന സെക്രട്ടറിയും സച്ചിൻ ദേവ് പറഞ്ഞപ്പോൾ, കേന്ദ്ര സെക്രട്ടറിയേറ്റ് അംഗം നിധീഷ് നാരായണൻ ആർഎസ്‌എസ് നേതാക്കളുടെ പുസ്തകവും സർവ്വകലാശാലകൾ പഠിപ്പിക്കണമെന്നാണ് പറഞ്ഞത്. യൂണിവേഴ്സിറ്റി യൂണിയൻ ചെയർമാൻ എം.കെ.ഹസ്സന്റെ നിലപാടാണ് ഈ കാര്യത്തിൽ ശരിയായതെന്നും നിതീഷ് ഫേസ്ബുക് കുറിപ്പിലൂടെ വ്യക്തമാക്കി.

Related posts

Leave a Comment