Dubai
മിച്ചല് സ്റ്റാര്ക്കിന് പൊന്നുംവില; ഏറ്റവും വിലയേറിയ തരമായി ഓസ്ട്രേലിയന് പേസര്, 24.75 കോടിടെ റെക്കോർഡ്
ദുബായ്: ഐപിഎല് താരലേല ചരിത്രത്തിലെ റെക്കോർഡ് മണിക്കൂറുകൾക്കുള്ളിൽ തിരുത്തിക്കുറിച്ച് ഏറ്റവും വിലയേറിയ തരമായി ഓസ്ട്രേലിയന് പേസര് മിച്ചല് സ്റ്റാര്ക്ക്. ഈ ലേലത്തില് ഓസ്ട്രേലിയന് ടീമിലെ സഹതാരം പാറ്റ് കമിന്സിനെ 20.50 കോടി മുടക്കി സണ്റൈസേഴ്സ് ഹൈരദാബാദ് സ്വന്തമാക്കിയതിന്റെ റെക്കോര്ഡ് തകര്ത്ത് 24.75 കോടി രൂപ മുടക്കി കൊല്ക്കത്ത നൈറ്റ് റൈഡേഴ്സാണ് സ്റ്റാര്ക്കിനെ സ്വന്തമാക്കിയത്. രണ്ട് കോടി രൂപ അടിസ്ഥാനവിലയുള്ള സ്റ്റാര്ക്കിനായി തുടക്കത്തില് ഡല്ഹി ക്യാപിറ്റല്സും മുംബൈ ഇന്ത്യന്സുമാണ് ശക്തമായി രംഗത്തുവന്നത്.ഡല്ഹിക്കായി റിഷഭ് പന്തും മുംബൈക്കായി ആകാശ് അംബാനിയും വാശിയോടെ ലേലം വിളിച്ചു. ഒടുവില് സ്റ്റാര്ക്കിന്റെ വില ഒമ്പത് കോടി കടന്നതോടെ ഡല്ഹി പിന്മാറി.ഈ സമയത്താണ് കൊല്ക്കത്ത സ്റ്റാര്ക്കിനായി രംഗത്തെത്തിയത്. സ്റ്റാര്ക്കിന്റെ മൂല്യം കുതിച്ചതോടെ മുംബൈയും പതുക്കെ കളം വിട്ടു. പിന്നീടെത്തിയത് ഗുജറാത്ത് ടൈറ്റന്സായിരുന്നു. കൊല്ക്കത്തയും ഗുജറാത്തും വിട്ടുകൊടുക്കാന് തയാറാവാതിരുന്നതോടെ സ്റ്റാര് 20 കോടി കടന്നു.
ഓസ്ട്രേലിയയുടെ മറ്റൊരു ലോകകപ്പ് താരം ട്രാവിസ് ഹെഡിനെയും സൺറൈസേഴ്സ് ഹൈദരാബാദ് സ്വന്തമാക്കി. 6.80 കോടി രൂപ മുടക്കിയാണ് ഹെഡിനെ ഹൈദരാബാദിന്റെ ഓറഞ്ച് ആർമിയിലെത്തിച്ചത്. ന്യുസിലാൻഡ് ലോകകപ്പ് ഹീറോകളായ ഡാരൽ മിച്ചലിനെ 14 കോടി രൂപ മുടക്കിയും രചിൻ രവീന്ദ്രയെ 1.80 കോടി രൂപ നൽകിയും ചെന്നൈ സൂപ്പർ കിംഗ്സ് സ്വന്തമാക്കി. ദക്ഷിണാഫ്രിക്കയുടെ ലോകകപ്പ് താരം ജെറാൾഡ് കോട്സീ അഞ്ച് കോടി രൂപയ്ക്ക് മുംബൈ ഇന്ത്യൻസിലെത്തി. ഷർദുൾ താക്കൂറിനെ നാല് കോടി രൂപയ്ക്ക് ചെന്നൈ സൂപ്പർ കിംഗ്സ് തട്ടകത്തിലെത്തിച്ചു. വെസ്റ്റ് ഇൻഡീസ് വെടിക്കെട്ട് താരം റോവ്മാൻ പവലിനെ 7.40 കോടി രൂപയ്ക്ക് രാജസ്ഥാൻ റോയൽസ് സ്വന്തമാക്കി.ഹാരി ബ്രൂക്കിനെ 4 കോടി രൂപയ്ക്ക് ഡൽഹി ക്യാപിറ്റൽസ് സ്വന്തമാക്കി. അഫ്ഗാൻ താരം അസമത്തുള്ള ഒമറൈസി 50 ലക്ഷം രൂപയ്ക്ക് ഗുജറാത്തിലെത്തി. വസീന്ദു ഹസരങ്കയക്ക് 1.50 കോടി രൂപയാണ് സൺറൈസേഴ്സ് ഹൈദരാബാദ് മുടക്കിയത്
കഴിഞ്ഞ ഐപിഎല് താരലേലത്തില് പഞ്ചാബ് കിംഗ്സ് 18.50 കോടി മുടക്കി ഇംഗ്ലണ്ട് ഓള് റൗണ്ടര് സാം കറനെ സ്വന്തമാക്കിയതായിരുന്നു ഐപിഎല്ലില് ഒരു കളിക്കാരനായി ടീം മുടക്കിയ ഏറ്റവും വലിയ തുക. ആ റെക്കോര്ഡാണ് കമിന്സ് ഇന്ന് മറികടന്നത്. 2020ലെ താരലേലത്തില് കൊല്ക്കത്ത നൈറ്റ് റൈഡേഴ്സും കമിന്സിനെ 15.50 കോടി മുടക്കി ടീമിലെത്തിച്ചിരുന്നു. കാമറോണ് ഗ്രീന്(17.50 കോടി), ബെന് സ്റ്റോക്സ്(16.25 കോടി), ക്രിസ് മോറിസ്(16.25 കോടി), നിക്കോളാസ് പുരാന്(16 കോടി), യുവരാജ് സിംഗ്(16 കോടി) എന്നിവരാണ് ഐപിഎല്ലില് 16 കോടി പിന്നിട്ട കളിക്കാര്.
ഷാർജ: എമിറേറ്റിലെ ജലവൈദ്യുതി വിഭാഗമായ സേവയുടെ അൽമജാസ് സബ്സ്റ്റേഷനിൽ വൻ തീപിടുത്തം. 3 ട്രാൻസ്ഫോർമറുകൾ കത്തിനശിച്ചു. സംഭവത്തിൽ ആളപായമില്ലെന്നാണ് പുറത്തു വരുന്ന വിവരം. വൻ നാശനഷ്ടം കണക്കാക്കുന്നു. ഇന്നലെ ഉച്ചയ്ക്കായിരുന്നു സംഭവം. ജനവാസ മേഖലയിലെ തീപിടിത്തം ജനങ്ങളെ പരിഭ്രാന്തരാക്കി.
അഗ്നിബാധയെ തുടർന്ന് പ്രദേശത്തെ വൈദ്യുതി മണിക്കൂറുകളോളം മുടങ്ങിയത് ജനജീവിതത്തെയും ബാധിച്ചു. മൊബൈൽ ട്രാൻസ്ഫോർമറുകൾ എത്തിച്ച് വൈദ്യുതി പുനഃസ്ഥാപിച്ചു. മണിക്കൂറുകളോളം ഗതാഗതവും നിയന്ത്രണമുണ്ടായിരുന്നു.
ദുബായ് : സന്ദര്ശക വിസയില് എത്തുന്നവരെ ജോലിക്കു നിയമിച്ചാല് കമ്പനികള്ക്ക് ഒരു ലക്ഷം മുതല് 10 ലക്ഷം ദിര്ഹം വരെ പിഴ ലഭിക്കും. ജോലിയെടുക്കാന് വരുന്നവര്ക്കു സുരക്ഷ ഉറപ്പാക്കുന്നതിന് തൊഴില് നിയമത്തില് ഭേദഗതി വരുത്തിയാണ് പിഴ ശിക്ഷ വര്ധിപ്പിച്ചത്. തൊഴില് അനുമതികള് ഇല്ലാതെ ആളുകളെ ജോലിക്കു നിയോഗിക്കുന്നത് പിടിക്കപ്പെട്ടാല് കമ്പനികള് കടുത്ത നിയമ നടപടികള് നേരിടേണ്ടി വരും.
സന്ദര്ശക വീസയില് എത്തുന്നവരെ ജോലിക്കു വയ്ക്കുകയും ശമ്പളം നല്കാതെ അവരെ വഞ്ചിക്കുകയും ചെയ്യുന്ന സംഭവങ്ങള് ആവര്ത്തിക്കുന്ന പശ്ചാത്തലത്തിലാണു തൊഴില് നിയമം കടുപ്പിക്കാന് സര്ക്കാര് തീരുമാനിച്ചത്. സന്ദര്ശക വീസയില് എത്തുന്നവര്ക്ക് യുഎഇയില് ജോലി ചെയ്യാന് അനുമതിയില്ല. എന്നാല്, തൊഴില് അന്വേഷണത്തിന്റെ ഭാഗമായി വിസിറ്റ് വീസക്കാര് കമ്പനികളില് കയറി ഇറങ്ങുന്നതും അവരെ ജോലിക്കു വയ്ക്കുന്നതും പുതിയ കാര്യമല്ല. ചില കമ്പനികള് തൊഴില് വീസ നല്കാന് തയാറാകുമെങ്കിലും പലരും സന്ദര്ശകരെ കബിളിപ്പിക്കാനാണ് ശ്രമിക്കുക.
വര്ക്ക് പെര്മിറ്റ് ഇല്ലാത്തവരെ ജോലിക്കു വയ്ക്കുന്നതിന് മുന്പ് 50000 മുതല് 2 ലക്ഷം ദിര്ഹം വരെയായിരുന്നു പിഴ. ഇതാണ് കഴിഞ്ഞ ആഴ്ചത്തെ ഭേദഗതിയിലൂടെ പല മടങ്ങ് വര്ധിപ്പിച്ചത്. പുതിയ നിയമം വന്നതോടെ സന്ദര്ശക വീസയില് എത്തുന്നവര്ക്കെതിരെയുള്ള ചൂഷണം കുറയുമെന്നാണ് പ്രതീക്ഷിക്കുന്നത്. ചില കമ്പനികള് തൊഴില് വാഗ്ദാനം ചെയ്തു സന്ദര്ശക വീസയില് ആളുകളെ കൊണ്ടുവരാറുണ്ട്. ജോലി നല്കുമെന്നു വിശ്വസിപ്പിച്ച് ഇവരുടെ കയ്യില് നിന്നു പണവും വാങ്ങും. കമ്പനികള് ജോലിക്കായി ആളുകളെ കൊണ്ടു വരേണ്ടത് സന്ദര്ശക വീസയില് അല്ല, എന്ട്രി പെര്മിറ്റിലാണ്. ജോലിക്കായി ഇവിടെ എത്തിച്ചു കഴിഞ്ഞാല്, റസിഡന്സി വീസയുടെ തുടര്നടപടികള് പൂര്ത്തിയാക്കുകയും തൊഴില് കരാര് ഒപ്പിടുകയും വേണം. ഈ നിയമം പാലിക്കാതെയുള്ള എല്ലാ റിക്രൂട്മെന്റുകളും അനധികൃതമാണെന്ന് അധികൃതര് വ്യക്തമാക്കി.
Dubai
പ്രവാസികളുടെ 50 കണ്ടെയ്നറിലധികം സാധനങ്ങള് ക്ലിയറന്സ് ലഭിക്കാതെ കൊച്ചി തുറമുഖത്ത് കെട്ടിക്കിടക്കുന്നു
ദോഹ: ഗള്ഫില്നിന്ന് സാധാരണക്കാര് അയച്ച 50 കണ്ടെയ്നറിലധികം സാധനങ്ങള് ക്ലിയറന്സ് ലഭിക്കാതെ ഏപ്രില് മുതല് കൊച്ചി തുറമുഖത്ത് കെട്ടിക്കിടക്കുന്നു. ഡോര് ടു ഡോര് രീതിയില് കാര്ഗോ കമ്പനികള് വഴി ഗള്ഫിലെ സാധാരണ പ്രവാസികള് അയച്ച ഗൃഹോപകരണങ്ങള്, വസ്ത്രങ്ങള്, കളിപ്പാട്ടങ്ങള് തുടങ്ങിയവയാണ് ഈ ബാഗേജുകളിലുള്ളത്.
ഒരു കണ്ടെയ്നില് കുറെ ആളുകളുടെ സാധനങ്ങള് അയച്ച് ഒന്നോ രണ്ടോ പേരുടെ പേരില് ക്ലിയര് ചെയ്യുകയാണ് വര്ഷങ്ങളായി ചെയ്തിരുന്നത്. കുറച്ച് സാധനങ്ങള് അയക്കുന്ന ഓരോരുത്തരും നേരിട്ടെത്തി ക്ലിയര് ചെയ്യുന്നത് ചെലവ് വര്ധിക്കുമെന്നതിനാലും പ്രായോഗിക ബുദ്ധിമുട്ടുകളും കാരണമാണ് ഇങ്ങനെ കണ്സോള് ചെയ്തിരുന്നത്. ഇതിന് പിഴയും സാധാരണ ക്ലിയറന്സിനേക്കാള് ഡ്യൂട്ടി തുകയും അടക്കണം.
അത് അടച്ചാണ് ഡോര് ടു ഡോര് കാര്ഗോ ബിസിനസ് ഈ രീതിയില് വര്ഷങ്ങളായി നടത്തിയിരുന്നത്. ഇത് അനുവദിക്കാന് കഴിയില്ലെന്ന അധികൃതരുടെ കര്ശന നിലപാടാണ് കുരുക്കായത്. എന്നാല്, വര്ഷങ്ങളായി ചെയ്തിരുന്ന രീതിയില് മാറ്റമുണ്ടാകുന്നതിന് മുമ്പ് നോട്ടിഫിക്കേഷന് ഒന്നും ലഭിച്ചിരുന്നില്ലെന്ന് കാര്ഗോ കമ്പനികള് പറയുന്നു.അയച്ചു കഴിഞ്ഞ സാധനങ്ങളെങ്കിലും കര്ശനമായ പരിശോധനകള്ക്ക് ശേഷം വിട്ടുനല്കണമെന്നാണ് ഇവരുടെ ആവശ്യം. തുടര്ന്നുള്ള ഇടപാടില് അധികൃതര് നിഷ്കര്ഷിക്കുന്ന വ്യവസ്ഥക്കനുസരിച്ച് നീങ്ങാമെന്ന് കമ്പനികള് സമ്മതിക്കുന്നു.
ഉപഭോക്താക്കളില്നിന്നുള്ള കനത്ത സമ്മര്ദം ഇവര്ക്കുണ്ട്. വലിയ സാമ്പത്തിക ബാധ്യതയും ഇവരുടെ മേല് വന്നുചേരുന്നു. കണ്ടെയ്നര് കമ്പനികള്ക്ക് ഡെമറേജ് ഇനത്തില് ലക്ഷങ്ങള് നല്കണം. കസ്റ്റംസില് കിടക്കുന്നതിനനുസരിച്ച് ഫീസും നല്കണം. 14 ദിവസത്തിനകം നടപടികള് പൂര്ത്തിയാക്കിയില്ലെങ്കില്, പിന്നീടുവരുന്ന ഓരോ ദിവസത്തിനും വലിയ തുക കപ്പല് ഏജന്സികള്ക്ക് ഡെമറേജായി നല്കണം.20 അടി കണ്ടെയ്നറിന് 8,000 മുതല് 15,000 രൂപ വരെ പ്രതിദിനം ഡെമറേജ് നല്കണം. 40 അടി കണ്ടെയ്നറിന് 10,000 മുതല് 20,000 രൂപ വരെയാണ് ഡെമറേജ്. കൊച്ചിയില് കെട്ടിക്കിടക്കുന്ന സാധനങ്ങള് ക്ലിയര് ചെയ്ത് ഉപഭോക്താക്കള്ക്ക് എത്തിച്ചുനല്കിയാലും കമ്പനികള്ക്ക് നഷ്ടക്കച്ചവടമാണ്.
എന്നാല്, സാങ്കേതികക്കുരുക്ക് കമ്പനിയുടെ വിശ്വാസ്യതയെ ബാധിക്കുന്നതിനാലാണ് നഷ്ടം സഹിച്ചും ക്ലിയറന്സ് പൂര്ത്തിയാക്കി സാധനങ്ങള് ഉപഭോക്താക്കള്ക്ക് എത്തിച്ചുനല്കാന് കമ്പനികള് ശ്രമിക്കുന്നത്. സമയം, വൈകുന്നതിനനുസരിച്ച് സാധനങ്ങള് നശിക്കാന് സാധ്യത ഏറുകയാണ്. ഗൃഹപ്രവേശം ഉള്പ്പെടെ അടിയന്തരാവശ്യങ്ങള്ക്കായി അയച്ച സാധനങ്ങളും തുറമുഖത്ത് കെട്ടിക്കിടക്കുകയാണ്.ചെന്നൈ, മുംബൈ, ഡല്ഹി തുറമുഖങ്ങളില് നേരത്തെയുള്ള രീതിയനുസരിച്ച് ക്ലിയറന്സ് തുടരുന്നതായി കാര്ഗോ കമ്പനി പ്രതിനിധികള് ഗള്ഫ് മാധ്യമത്തോട് പറഞ്ഞു.
-
Featured4 weeks agoപാലിയേക്കര ടോള്: കരാര് കമ്പനിക്ക് 2128.72 കോടി രൂപ പിഴ ചുമത്തി ദേശീയപാത അതോറിറ്റി
-
Kerala3 months agoതസ്തിക നിർണയം, അവധി ദിനങ്ങൾ പ്രവർത്തിക്കാൻ ആവശ്യപ്പെടുന്ന സർക്കുലർ സർക്കാർ
പിന്വലിക്കുക: കെപിഎസ്ടിഎ -
Featured3 months agoപ്ലസ് വൺ സീറ്റ് പ്രതിസന്ധി: സംസ്ഥാനത്ത് നാളെ കെഎസ്യു വിദ്യാഭ്യാസ ബന്ദ്
-
News2 weeks agoജീവനക്കാരുടെ അവകാശങ്ങൾക്ക് തടസ്സം നിൽക്കുമെന്ന് സർക്കാർ
-
Business4 weeks agoസംസ്ഥാനത്ത് കോഴി വില കുത്തനെ കുറഞ്ഞു
-
Business2 months agoജിയോയ്ക്കും എയർടെല്ലിനും പിന്നാലെ വോഡാഫോൺ ഐഡിയയും; മൊബൈൽ റീചാർജ് നിരക്ക് വർധിപ്പിച്ചു
-
News3 weeks agoസംഭാവന എല്ലാവരിൽ നിന്നും സ്വീകരിക്കാനുള്ള ഭേദഗതി ഉത്തരവിൽ വരുത്തണം: സെറ്റോ
-
Ernakulam1 month agoശനിയാഴ്ച പ്രവൃത്തിദിനം ഹൈക്കോടതിവിധി സർക്കാരിന് കനത്ത തിരിച്ചടി: കെ പി എസ് ടി എ
You must be logged in to post a comment Login