Connect with us
48 birthday
top banner (1)

Kuwait

യൂറോപ്പിലേക്ക്‌ പോകുന്ന തനിമ അംഗങ്ങൾക്ക്‌ യാത്രയയപ്പ്‌ നൽകി!

കൃഷ്ണൻ കടലുണ്ടി

Published

on

കുവൈറ്റ് സിറ്റി : പ്രവാസത്തിന്റെ പുതിയ തലങ്ങൾ തേടി യൂറോപ്പിലേക്ക്‌ പോകുന്ന തനിമ അംഗങ്ങൾ ബാപ്തിസ്റ്റ്‌ ആംബ്രോസ്‌, ലിജോ കാക്കനാട്‌‌ എന്നിവർക്ക്‌ തനിമ കുവൈത്ത്‌ യാത്രയയപ്പ്‌ നൽകി. ജെനറൽ കൺവീനർ ഷൈജു പള്ളിപ്പുറം അധ്യഷത വഹിച്ച ചടങ്ങിൽ സെക്രെട്ടറി ജിനോ കെ. എബ്രഹാം സ്വാഗതം ആശംസിച്ചു. അന്തരിച്ച മുൻമുഖ്യമന്ത്രി ഉമ്മൻചാണ്ടിയെ അനുസ്മരിച്ച്‌ ബാബുജി ബത്തേരി അനുസ്മരണ സന്ദേശം അറിയിച്ചു. ഷൈജു പള്ളിപ്പുറം ഇരുവർക്കും മെമെന്റോകൾ നൽകി ആദരിച്ചു.

പെൺതനിമ ജോയിന്റ്‌ കൺവീനർ മേരി ജോൺ, ഓണത്തനിമ കൺവീനർ അഷറഫ്‌ ചൂരുട്ട്‌, ഗൾഫ്‌ അഡ്വാൻസ്‌ ട്രേഡിംഗ്‌ കമ്പനി എം.ഡി കെ.എസ്‌ വർഗ്ഗീസ്‌, സീനിയർ ഹാർഡ്‌കോർ അംഗങ്ങൾ ആയ ബാബുജി ബത്തേരി, ജോണി കുന്നേൽ, അലക്സ്‌ വർഗ്ഗീസ്‌, ജേക്കബ് തോമസ് കുട്ടിത്തനിമ അംഗങ്ങൾ ആയ മാളവിക ഷൈജു, ‌നോയൽ അലക്സ്‌, നിഥി മേരി അലക്സ്‌, ഹാർഡ്‌ കോർ അംഗങ്ങൾ ആയ ജിനോ കെ. എബ്രഹാം, സലീം ടിപി‌‌, ഡൊമിനിക്‌ ആന്റണി, ജോമോൻ ജോർജ്ജ്‌, ജിനി ഷൈജു, റുഹൈൽ വിപി, രാഹുൽ റെജി, വിനോദ്‌ തോമസ്‌ ഓമല്ലൂർ എന്നിവർ ആശംസകൾ അറിയിച്ചു. ലിജോയും ബാപ്തിസ്റ്റും മറുപടി പ്രസംഗത്തിൽ തനിമയുടെ കൂടെയുള്ള പ്രവർത്തനങ്ങളിൽ അഭിമാനം ഉള്ളതായ്‌ ഓർമ്മിപ്പിച്ചു. മുബാറക്ക്‌ കാമ്പ്രത്ത്‌ നന്ദി അറിയിച്ചു.

Advertisement
inner ad
Continue Reading
Advertisement
inner ad
Click to comment

You must be logged in to post a comment Login

Leave a Reply

Kuwait

അഗ്നി ദുരന്തം : വിഷാദം ഘനീഭവിച്ച് കുവൈറ്റ്!

Published

on


കുവൈറ്റ് സിറ്റി : ഇന്നലെയുണ്ടായ അഗ്നി ദുരന്തത്തിൽ 45 ഇന്ത്യക്കാരും മൂന്ന് ഫിലിപ്പിനോ സ്വദേശികളും ഉൾപ്പെടെ ഇതുവരെയായി 49 പേർ മരണപ്പെട്ടതായാണ് സ്ഥിരീകരിക്കപ്പെട്ടിട്ടുള്ളത്. മരണപ്പെട്ട ഒരാൾ ഏതു രാജ്‌ജ്യക്കാരനാണെന്നു സ്ഥിരീകരിക്കപ്പെട്ടിട്ടില്ല. മരണപ്പെട്ടവരിൽ 24 മലയാളികൾ ഉൾപ്പെട്ടിട്ടുണ്ട് . 23 മൃത ദേഹങ്ങൾ തിരിച്ചറിഞ്ഞിട്ടുണ്ട്. അവശേഷിക്കുന്ന മൃതദേഹങ്ങൾ തിരിച്ചറിയുന്നതിനുള്ള നടപടി ക്രമങ്ങൾ പുരോഗമിക്കുകയാണ്. മരണപ്പെട്ടവരുടെ ബൗദ്ധിക ദേഹങ്ങൾ നാളെ വെള്ളിയാഴ്ച തന്നെ നാട്ടിലെത്തിക്കുന്നതിനുള്ള ക്രമീകരണങ്ങളാണ് നടന്നു വരുന്നത് . ഭൗതിക ദേഹങ്ങൾ ഇന്ത്യയിലേക്ക് കൊണ്ടുപോകുന്നതിനായി വിമാനം തയ്യാറാക്കാൻ ബഹുമാന്യ കുവൈറ്റ് അമീർ ഷേഖ് മിഷാൽ അഹമ്മദ് അൽ ജാബർ ഉത്തരവിട്ടിരുന്നു എങ്കിലും ഇന്ത്യൻ വ്യാമസേനയുടെ 130 ജെ വിമാനത്തിൽ നാട്ടിലെത്തിക്കാനുള്ള ഒരുക്കങ്ങളാണ് ഇപ്പോൾ പുരോഗമിക്കുന്നത്. കുവൈറ്റിൽ എത്തിയ ഇന്ത്യൻ വിദേശകരായ സഹമന്ത്രി ശ്രീ കീർത്തി വർധന സിങ്ങുമായി ബഹുമാന്യ കുവൈത് വിദേശകാര്യമന്ത്രി അഹമ്മദുള്ള യഹ്യയുമായുള്ള കൂടിക്കാഴ്ചയിലാണ് ഇത് സംബന്ധിച്ച് ധാരണയായത്.

Advertisement
inner ad

ഭൗതിക ദേഹങ്ങൾ കൊണ്ടുപോകുന്നതിനായി ഇന്ത്യൻ വ്യോമ സേനയുടെ പ്രത്യേക എയർ ക്രാഫ്റ്റ് കുവൈറ്റിൽ എത്തിച്ചേർന്നു. 45 മൃതദേഹങ്ങളും ദാജീജിലെ ഫോറൻസിക് മോർച്ചറിയിൽ നിന്നും എയർ പോര്ട്ടിലേക്കും വിമാനത്തിലേക്കും മാറ്റുന്നതിനുള്ള നടപടികൾ പുരോഗമിക്കുന്നു. നടപടിക്രമങ്ങൾ തീരുന്നതോടെ വിമാനം കൊച്ചിയിലേക്ക് പുറപ്പെടുന്നത് നാളെ രാവിലെ അവിടെ എത്തിച്ചേരുന്നതുമാണ്. മറ്റു ഉത്തരേന്ത്യൻ സംസ്ഥാനങ്ങളിലേക്കുള്ളവ കൊച്ചിയിൽ നിന്നും വീണ്ടും കൊണ്ടുപോകുന്നതായിരിക്കും എന്നാണ് മനസ്സിലാക്കുന്നത് .

Advertisement
inner ad

കുവൈറ്റ്‌ എൻ.ബി.ടി.സി ക്യാമ്പിൽ ഉണ്ടായ ദുരന്തത്തിൽ ജീവഹാനി സംഭവിച്ച ജീവനക്കാരുടെ കുടുംബത്തോടൊപ്പം എല്ലാ കാര്യങ്ങൾക്കും മുൻപന്തിയിൽ ഉണ്ടാകുമെന്ന് എൻ.ബി.ടി.സി മാനേജ്മെന്റ് അറിയിച്ചു. മരണപെട്ടവരെ പരമാവധി നാളെ (വെള്ളിയാഴ്ച) തന്നെ അവരുടെ നാട്ടിലെത്തിക്കുന്നതിന് മുൻഗണന നൽകുന്നു. അതോടൊപ്പം, എല്ലാ നഷ്ടപരിഹാരങ്ങളും പരമാവധി അവരുടെ കുടുംബത്തിലേക്കെത്താൻ എൻ.ബി.ടി.സി പ്രതിജ്ഞബദ്ധമാണെന്നും മാനേജ്മെന്റ് അറിയിച്ചു. അപകടത്തിൽ പരിക്കേറ്റ മുഴുവൻ ജീവനക്കാർക്കും ആവശ്യമായ ചികിത്സാ സൗകര്യങ്ങൾ ഉറപ്പ്‌ വരുത്തിയതായും മരണപ്പെട്ടവരുടെ കുടുംബങ്ങൾക്ക് അടിയന്തിരമായി എട്ടു ലക്ഷം രൂപ വീതം സഹായധനം നൽകുമെന്നും മാനേജ്മെന്റ് അറിയിച്ചു. സംസ്ഥാന സർക്കാരിന്റെയും കേന്ദ്ര സർക്കാരിന്റെയും കുവൈറ്റ് ഭരണകൂടത്തിന്റെയും സഹായധനങ്ങളും, ശ്രീ എം എ യൂസഫലി, ശ്രീ രവി പിള്ള തുടങ്ങിയവരുടെ പ്രത്യക സഹായ വാഗ്ദാനങ്ങളും മരണപ്പെട്ടവരുടെ കുടുംബങ്ങൾക്കായി പ്രഖ്യാപിക്കപ്പെട്ടിട്ടുണ്ട്.

കോൺഗ്രസ് പാർട്ടിയുടെ പരിപാടികള്‍ റദ്ദാക്കി
മലയാളികള്‍ ഉള്‍പ്പെടെ അനേകം പേര്‍ മരണമടഞ്ഞ കുവൈറ്റ് തീപിടിത്തത്തില്‍ കെപിസിസി പ്രസിഡന്റ് കെ സുധാകരന്‍ എംപി അഗാധമായ ദുഃഖവും നടുക്കവും രേഖപ്പെടുത്തി. ദുഃഖസൂചകമായി കോണ്‍ഗ്രസിന്റെ ആഭിമുഖ്യത്തിലുള്ള നാളത്തെ (14.6.2024) എല്ലാ പരിപാടികളും റദ്ദാക്കി. നിരവധി മലയാളികള്‍ കൊല്ലപ്പെട്ട സംഭവം കേരളത്തെ ദുഃഖത്തിലാഴ്ത്തി യിരിക്കുകയാണ്. അനേകം കുടുംബങ്ങളും ബന്ധുമിത്രാദികളും വേദനയില്‍ കഴിയുന്നു. അവരുടെ ദുഃഖത്തില്‍ പങ്കുചേരുന്നു. കേന്ദ്ര-സംസ്ഥാന സര്‍ക്കാരുകള്‍ പരമാവധി സഹായം എത്തിക്കണമെന്നും സുധാകരന്‍ അഭ്യര്‍ത്ഥിച്ചു.

അപ്രതീക്ഷിതമായുണ്ടായ അഗ്നിബാധയിൽ ജീവഹാനി സംഭവിച്ചവർക്ക് ആദരാജ്ഞലികൾ അർപ്പിക്കുന്നതായി മുഖ്യ ധാരാ സംഘടനകളായ ഒഐസിസി, കെഎംസിസി, കെ കെ എം എ സംഘടനകളും മറ്റ് ജില്ലാ – പ്രാദേശിക – സാമുദായിക സംഘടനകളും അനുശോചനം അറിയിച്ചു.

Advertisement
inner ad
Continue Reading

Featured

കു​വൈ​ത്ത് ദുരന്തത്തിൽ ധ​ന​സ​ഹാ​യം പ്രഖ്യാ​പി​ച്ച് എം.​എ. യൂ​സ​ഫ​ലി​യും രവി പി​ള്ള​യും

Published

on

തി​രു​വ​ന​ന്ത​പു​രം: കു​വൈ​ത്തിലെ ദുരന്തത്തിൽ മ​രി​ച്ച മ​ല​യാ​ളി​ക​ളു​ടെ കു​ടു​ബ​ത്തി​ന് ധ​ന​സ​ഹാ​യം പ്ര​ഖ്യാ​പി​ച്ച് വ്യ​വ​സാ​യി​ക​ളാ​യ എം.​എ. യൂ​സ​ഫ​ലി​യും രവി പി​ള്ള​യും. അ​പ​ക​ട​ത്തി​ൽ മ​രി​ച്ച​വ​രു​ടെ കു​ടും​ബ​ങ്ങ​ള്‍​ക്ക് നോ​ർ​ക്ക വൈ​സ് ചെ​യ​ർ​മാ​നും ലു​ലു ഗ്രൂ​പ്പ് ചെ​യ​ർ​മാ​നു​മാ​യ എം.​എ. യൂ​സ​ഫ​ലി അ​ഞ്ചു​ല​ക്ഷം രൂ​പ വീ​ത​വും ര​വി പി​ള്ള ര​ണ്ട് ല​ക്ഷം രൂ​പ വീ​ത​വും ന​ല്‍​കും. ഇ​വ​ര്‍ ഇ​ക്കാ​ര്യം മു​ഖ്യ​മ​ന്ത്രി​യെ അ​റി​യി​ച്ചു. നോ​ര്‍​ക്ക മു​ഖേ​ന​യാ​ണ് ഈ ​സ​ഹാ​യം ല​ഭ്യ​മാ​ക്കു​ക.

തീ​പി​ടി​ത്ത​ത്തി​ൽ മ​രി​ച്ച മ​ല​യാ​ളി​ക​ളു​ടെ കു​ടും​ബാം​ഗ​ങ്ങ​ള്‍​ക്ക് സം​സ്ഥാ​ന സ​ര്‍​ക്കാ​ര്‍ അ​ഞ്ച് ല​ക്ഷം രൂ​പ വീ​തം ധ​ന​സ​ഹാ​യം പ്ര​ഖ്യാ​പി​ച്ചി​ട്ടു​ണ്ട്. പ​രി​ക്കേ​റ്റ മ​ല​യാ​ളി​ക​ള്‍​ക്ക് ഒ​രു ല​ക്ഷം രൂ​പ വീ​തം ന​ല്‍​കാ​നും വ്യാ​ഴാ​ഴ്ച ചേ​ര്‍​ന്ന പ്ര​ത്യേ​ക മ​ന്ത്രിസ​ഭാ​യോ​ഗം തീ​രു​മാ​നി​ച്ചു.

Advertisement
inner ad
Continue Reading

Featured

കുവൈറ്റ് ദുരന്തത്തിൽ മരിച്ച 24 മലയാളികളിൽ 22 പേരെ തിരിച്ചറിഞ്ഞു;12 പേർ ഗുരുതരാവസ്ഥയിൽ

Published

on

തിരുവനന്തപുരം: കുവൈറ്റിലെ ദുരന്തത്തിൽ മരിച്ച 24 മലയാളികളിൽ 22 പേരെ തിരിച്ചറിഞ്ഞതായി നോർക്ക. 12 പേർ ഐസിയുവിൽ ഗുരുതരാവസ്ഥയിൽ ചികിത്സയിലാണെന്നുമാണ് നോർക്കയ്ക്ക് ലഭിച്ച വിവരം. മൃതദേഹങ്ങൾ ഇന്ന് തന്നെ നാട്ടിൽ എത്തിച്ചേക്കും. തിരിച്ചറിഞ്ഞ മൃതദേഹങ്ങളുടെ പോസ്റ്റ്മോർട്ടം കഴിഞ്ഞതായും നോർക്ക അറിയിച്ചു. അതേസമയം, മരിച്ചവരിൽ 45 ഇന്ത്യക്കാർ ഉൾപ്പെട്ടതായി കുവൈത്ത് അധികൃതർ അറിയിച്ചു. 3 ഫിലിപ്പിനോ പൗരന്മാരും തിരിച്ചറിയാത്ത ഒരാളും അപകടത്തിൽ മരിച്ചതായി അധികൃതർ വ്യക്തമാക്കി.വിവിധ സംഘടനകൾ ചേർന്നുള്ള രക്ഷദൗത്യം പുരോഗമിച്ചു വരികയാണ്. പരിക്കേറ്റവർക്ക് പൂർണമായും ചികിത്സ സൗകര്യം ഒരുക്കിയിട്ടുണ്ട്. തീപിടുത്തം ഉണ്ടായപ്പോൾ തൊഴിലാളികൾക്ക് പുറത്തിറങ്ങാനായില്ല. പ്രവാസികളുടെ ജീവിത സാഹചര്യം മെച്ചപ്പെടണം. പ്രവാസികളുടെ താമസ സൗകര്യത്തിന് ദുരന്തം വലിയൊരു പാഠമാണെന്നും കെ.വി. അബ്ദുൽഖാദർ പറഞ്ഞു. അതിനിടെ, മൃതദേഹങ്ങൾ ഇന്ത്യയിൽ എത്തിക്കാൻ വിമാനങ്ങൾ തയാറാക്കാൻ കുവൈറ്റ് അമീർ നിർദ്ദേശം നൽകി. ഇതിനായി കുവൈറ്റും സഹായം നൽകും. മരിച്ചവരുടെ കുടുംബങ്ങൾക്ക് സാമ്പത്തിക സഹായം നൽകാനും കുവൈറ്റ് അമീർ ഉത്തരവിട്ടതായി കുവൈറ്റ് മാധ്യമങ്ങൾ അറിയിച്ചു. സാധ്യമായ എല്ലാ സഹായങ്ങളും അപകടത്തിൽപ്പെട്ടവർക്ക് ലഭ്യമാക്കാൻ നോർക്കയുടെ ആഭിമുഖ്യത്തിലും പ്രവാസികളുടെ മുൻകൈയിലും ശ്രമം നടക്കുന്നുണ്ട്. ഹെൽപ്പ് ഡെസ്ക്കും ഗ്ലോബൽ കോൺടാക്ട് സെൻ്ററും മുഴുവൻ സമയവും പ്രവർത്തിക്കുന്നുണ്ട്.

Continue Reading

Featured