Delhi
മെഡിക്കല് പ്രൊഫഷണലുകളുടെ സുരക്ഷക്കായി ടാസ്ക് ഫോഴ്സ് രൂപീകരിച്ച് സുപ്രീംകോടതി
ന്യൂഡല്ഹി: കൊല്ക്കത്തയിലെ ആശുപത്രിയിലെ ബലാത്സംഗ കൊലയ്ക്ക് പിന്നാലെ മെഡിക്കല് പ്രൊഫഷണലുകളുടെ സുരക്ഷക്കായി ടാസ്ക് ഫോഴ്സ് രൂപീകരിച്ച് സുപ്രീംകോടതി. സ്വമേധയ എടുത്ത് കേസിലാണ് സുപ്രീംകോടതി നടപടി.
കൊല്ക്കത്തയിലെ ഡോക്ടറുടെ കൊലപാതകം മാത്രം മുന്നിര്ത്തിയല്ല ഇക്കാര്യത്തില് സ്വമേധയ കേസെടുത്തതെന്ന് സുപ്രീംകോടതി ചീഫ് ജസ്റ്റിസ് ഡി.വൈ.ചന്ദ്രചൂഢ് പറഞ്ഞു. രാജ്യത്തെ ഡോക്ടര്മാരുടെ സുരക്ഷയെ കുറിച്ച് സംഭവം ചില ചോദ്യങ്ങള് ഉയര്ത്തുന്നതിനാലാണ് കോടതി സ്വമേധയ കേസെടുത്തത്.
ഡോക്ടര്മാരുടെ സുരക്ഷയില് കോടതിക്ക് കടുത്ത ആശങ്കയുണ്ട്. പ്രത്യേകിച്ച് വനിത ഡോക്ടര്മാരുടെ കാര്യത്തില്. രാജ്യത്തെ മെഡിക്കല് രംഗത്ത് പ്രവര്ത്തിക്കുന്ന വനിതകള്ക്ക് സുരക്ഷിതമായി ജോലി ചെയ്യാന് കഴിയുന്ന സാഹചര്യമില്ലെങ്കില് അവര്ക്ക് തുല്യാവസരത്തിനുള്ള അവസരം നിഷേധിക്കുകയാണ് നമ്മള് ചെയ്യുന്നത്. ഇയൊരു സാഹചര്യത്തില് മെഡിക്കല് പ്രൊഫഷണലുകളുടെ സുരക്ഷയെ കുറിച്ച് പഠിച്ച് പ്രോട്ടോകോള് തയാറാക്കാന് വേണ്ടി ടാസ്ക് ഫോഴ്സ് രൂപീകരിക്കുകയാണെന്ന് സുപ്രീംകോടതി ചീഫ് ജസ്റ്റിസ് അറിയിച്ചു.
രാജ്യത്തിന്റെ വിവിധ ഭാഗങ്ങളില് നിന്നുള്ള ഡോക്ടര്മാരായിരിക്കും കമിറ്റി അംഗങ്ങളെന്നും സുപ്രീംകോടതി വ്യക്തമാക്കി. മഹാരാഷ്ട്ര, കേരള, തെലങ്കാന, പശ്ചിമബംഗാള്, ആന്ധ്രപ്രദേശ്, തമിഴ്നാട് തുടങ്ങിയ സംസ്ഥാനങ്ങള് ഡോക്ടര്മാര്ക്കെതിരായ ആക്രമണങ്ങള് തടയുന്നതിനായി നിയമങ്ങളുണ്ടാക്കിയിട്ടുണ്ടെന്നും കോടതി വ്യക്തമാക്കി.
ന്യൂഡല്ഹി: ആര്.ജികര് ബലാത്സംഗകൊലയില് ശിക്ഷാവിധി നാളെ. സെലദാഹ് കോടതിയാണ് കേസില് ശിക്ഷ വിധിക്കുക. കഴിഞ്ഞ വര്ഷം ആഗസ്റ്റിലാണ് ആര്.ജികര് മെഡിക്കല് കോളജില് ട്രെയിനി ഡോക്ടര് ബലാത്സംഗത്തിനിരയായി കൊല്ലപ്പെട്ടത്.
കേസിലെ പ്രതിയായ സിവിക് വളണ്ടിയര് സഞ്ജയ് റോയിക്ക വധശിക്ഷ നല്കണമെന്നാണ് സി.ബി.ഐയുടെ ആവശ്യം. നീതി നടപ്പാകുന്ന രീതിയിലുള്ള വിധിയുണ്ടാവുമെന്നാണ് പ്രതീക്ഷയെന്ന് പെണ്കുട്ടിയുടെ പിതാവ് പ്രതികരിച്ചു. ഡി.എന്.എ റിപ്പോര്ട്ട് ഉള്പ്പടെ പരിഗണിച്ച് കേസില് വിധിയുണ്ടാവുമെന്നാണ് പ്രതീക്ഷിക്കുന്നത്. ഞങ്ങള് കോടതികള് കയറി ഇറങ്ങുകയായിരുന്നു. ഒരു കേസ് ഹൈകോടതി പരിഗണിക്കുമ്പോള് മറ്റൊന്ന് സുപ്രീംകോടതിയുടെ പരിഗണനയാണെന്നും അദ്ദേഹം പറഞ്ഞു.
ആഗസ്റ്റ് ഒമ്പതിനാണ് ആര്.ജെകര് മെഡിക്കല് കോളജിലെ സെമിനാര് ഹാളില് 31കാരിയായ പി.ജി ട്രെയിനി ഡോക്ടര് ബലാത്സംഗത്തിനിരയായി കൊല്ലപ്പെട്ടത്. പിറ്റേ ദിവസം രാവിലെ അര്ധ നഗ്നയാക്കിയ നിലയില് ഇവരുടെ മൃതദേഹം സെമിനാര് ഹാളില് നിന്നും കണ്ടെടുത്തു.
കൊല്ക്കത്ത പൊലീസാണ് കേസില് ആദ്യം അന്വേഷണം നടത്തിയതെങ്കിലും പ്രതിഷേധം കനത്തതോടെ കേസ് സി.ബി.ഐക്ക് കൈമാറുകയായിരുന്നു. കേസില് ഒന്നിലധികം പ്രതികളുണ്ടെന്ന് ആരോപണം ഉയര്ന്നുവെങ്കിലും ഒരാള് മാത്രമാണ് പ്രതിയെന്നാണ് പിന്നീട് സി.ബി.ഐ കണ്ടെത്തിയത്.
ന്യൂഡല്ഹി: രാജ്യത്തിന്റെ 76-ാമത് റിപ്പബ്ലിക് ദിനാഘോഷത്തില് ഇന്തോനേഷ്യന് പ്രസിഡന്റ് പ്രബോവോ സുബിയാന്തോ മുഖ്യാതിഥിയാകും. ഈ മാസം 25 ന് അദ്ദേഹം ഇന്ത്യയിലെത്തുമെന്നാണ് പ്രതീക്ഷിക്കുന്നത്. രാഷ്ട്രപതി ഭവനില് നടക്കുന്ന അറ്റ് ഹോം വിരുന്നിലും അദ്ദേഹം പങ്കെടുക്കും. പ്രസിഡന്റായി ചുമതലയേറ്റ ശേഷമുള്ള സുബിയാന്തോയുടെ ആദ്യ ഇന്ത്യ സന്ദര്ശനമാണിത്.
2020ല് ഇന്തോനേഷ്യയുടെ പ്രതിരോധ മന്ത്രിയായിരിക്കെ സുബിയാന്തോ ഡല്ഹി സന്ദര്ശിച്ചിരുന്നു. കഴിഞ്ഞ റിപ്പബ്ലിക് ദിനാഘോഷ ചടങ്ങില് ഫ്രഞ്ച് പ്രസിഡന്റ് ഇമ്മാനുവല് മക്രോണ് ആയിരുന്നു പ്രധാന അതിഥി.
പ്രധാനമന്ത്രി നരേന്ദ്ര മോദിയടക്കമുള്ള നേതാക്കളുമായി സുബിയാന്തോ കൂടിക്കാഴ്ച നടത്തും. ഇരുരാജ്യങ്ങളും തമ്മില് ദശാബ്ദങ്ങളായുള്ള ബന്ധമാണുള്ളതെന്നും സമഗ്രപരവും തന്ത്രപവുമായ പങ്കാളി എന്ന നിലയില് ഇന്തോനേഷ്യ ഇന്ത്യക്ക് വളരെ സുപ്രധാനമാണെന്നും കേന്ദ്ര സര്ക്കാര് പുറത്തിറക്കിയ പ്രസ്താവനയില് പറയുന്നു.
ന്യൂഡൽഹി: മലയാളിയായ ജസ്റ്റീസ് വിനോദ് ചന്ദ്രൻ സുപ്രീംകോടതി ജഡ്ജിയായി സത്യപ്രതിജ്ഞ ചെയ്തു. സുപ്രീംകോടതിയിൽ നടന്ന ചടങ്ങിൽ ചീഫ് ജസ്റ്റീസ് സഞ്ജീവ് ഖന്ന സത്യവാചകം ചൊല്ലിക്കൊടുത്തു. പാട്ന ഹൈക്കോടതി ചീഫ് ജസ്റ്റീസായിരുന്നു വിനോദ് ചന്ദ്രൻ. 2011 നവംബർ എട്ടിന് കേരള ഹൈക്കോടതി ജഡ്ജിയായി നിയമിതനായ ജസ്റ്റീസ് വിനോദ് ചന്ദ്രൻ 2023 മാർച്ച് 29നാണ് പാട്ന ഹൈക്കോടതി ചീഫ് ജസ്റ്റീസായത്.
ജസ്റ്റീസ് വിനോദ് ചന്ദ്രൻ ചുമതലയേറ്റതോടെ സുപ്രീംകോടതി ജഡ്ജിമാരുടെ എണ്ണം 33 ആയി. ചീഫ് ജസ്റ്റീസ് ഉൾപ്പെടെ സുപ്രീംകോടതിയിൽ 34 ജഡ്ജിമാർ വരെയാകാം.
-
Kerala2 months agoജീവനക്കാരുടെ ശമ്പളബില്ല്
കേന്ദ്രീകൃതമാക്കാനുള്ള നീക്കം,
ശമ്പളം കവര്ന്നെടുക്കാനുള്ള ആസൂത്രിത ശ്രമമാണെന്ന് ; ചവറ ജയകുമാര് -
News1 month agoക്ഷാമബത്ത കേസില് ഇടക്കാല ഉത്തരവ്
-
News2 months agoക്ഷാമ ബത്ത കേസിൽ ഇടക്കാല ഉത്തരവ്
-
Featured3 months agoഡി എ: പ്രഖ്യാപനം നിരാശാജനകമെന്ന് സെക്രട്ടേറിയറ്റ് അസോസിയേഷൻ
-
Kerala3 months agoക്ഷാമബത്ത: കുടിശ്ശിക നിഷേധിച്ചാൽ നിയമപരമായി നേരിടും; ചവറ ജയകുമാർ
-
News2 months ago
ജീവനക്കാരെ രണ്ടു തട്ടിലാക്കുന്ന നടപടി സർക്കാർ അവസാനിപ്പിക്കണം
-
News1 month agoസര്ക്കാര് ജീവനക്കാരും അധ്യാപകരുംഅനിശ്ചിത കാല പണിമുടക്കിലേക്ക്: സെറ്റോ
-
Featured5 days agoസംസ്ഥാനത്ത് നാളെ 6 ജില്ലകൾക്ക് അവധി
You must be logged in to post a comment Login