ബിജെപി വിട്ട എംഎൽഎമാർ കോൺ​ഗ്രസിൽ ചേർന്നു

ന്യൂ‍ഡൽഹി: ത്രിപുരയിൽ ബിജെപി ആടിയുലയുന്നു. സിപിഎമ്മിൽ നിന്ന് വൻകുതിരക്കച്ചവടത്തിലൂടെ ഭരണം പിടിച്ച ബിജെപിയിൽ നിന്ന് നേതാക്കളും പ്രവർത്തകരും കൂട്ടത്തോടെ രാജി വയ്ക്കുന്നു. കഴിഞ്ഞ ദിവസം എംഎൽഎ സ്ഥാനവും പാർട്ടി പ്രാഥിമകാം​ഗത്വവും രാജിവച്ച സുദീപ് റോയ് ബർമൻ, ആത്മ സുഹൃത്ത് ആഷിഷ് കുമാർ സാഹ എന്നിവർ കോൺ​ഗ്രസിൽ ചേർന്നു. ഇവരോടൊപ്പം ആയിരക്കണക്കിന് അനുയായികളും ബിജെപി വിട്ട് കോൺ​ഗ്രസിൽ ചേർന്നു.
ഇന്നു രാവിലെ മുൻ പാർട്ടി അധ്യക്ഷൻ രാഹുൽ ​ഗാന്ധിയുടെ വീട്ടിലെത്തിയ സുദീപ് റോയ് ബർമനും ആഷിഷ് കുമാർ സാഹയും ഒരു മണിക്കൂറിലേറെ കോൺ​ഗ്രസ് നേതാക്കളുമായി ചർച്ച നടത്തി. എഐസിസി ജനറൽ സെക്രട്ടറി പ്രിയങ്ക ​ഗാന്ധിയും ചർച്ചകളിൽ പങ്കെടുത്തു. നിരുപാധികമാണ് തങ്ങൾ കോൺ​ഗ്രസിൽ ചേരുന്നതെന്ന് നേതാക്കൾ പ്രതികരിച്ചു. ത്രിപുരയിൽ ആരോ​ഗ്യ വകുപ്പ് കൈകാര്യം ചെയ്ത മുൻമന്ത്രിയാണ് സുദീപ് റോയി.

Related posts

Leave a Comment