Connect with us
Your paragraph text

Education

റഗുലർ അല്ലെങ്കിൽ ഇംപ്രൂവ്മെന്റ് സിബിഎസ്ഇ പരീക്ഷയിലെ മികച്ച മാർക്ക് തിരഞ്ഞെടുക്കാൻ അനുവദിക്കണം: കെ.സുധാകരൻ എംപി

Avatar

Published

on

ന്യൂഡൽഹി: സിബിഎസ്ഇ പ്ലസ് ടു വിദ്യാർത്ഥികൾക്ക് റഗുലർ അല്ലെങ്കിൽ ഇംപ്രൂവ്മെന്റ് പരീക്ഷയിലെ
മികച്ച മാർക്കുകളിൽ ഏതെങ്കിലും ഒന്ന് തിരഞ്ഞെടുക്കാൻ അനുവദിക്കണമെന്ന് കെപിസിസി പ്രസിഡന്റ് കെ.സുധാകരൻ എംപി. ലോക്‌സഭയിൽ ഉന്നയിച്ച സബ്മിഷനിലൂടെയാണ് കേന്ദ്രസർക്കാരിന്റെ അടിയന്തര ഇടപെടൽ കെ.സുധാകരൻ എംപി വിദ്യാഭ്യാസ മന്ത്രിയോട് ആവശ്യപ്പെട്ടത്.

രണ്ട് പരീക്ഷകളിലും ലഭിച്ച മാർക്കുകളിൽ മികച്ചത് സ്വീകരിക്കാനുള്ള ഓപ്ഷൻ സിബിഎസ്ഇ വിദ്യാർത്ഥികൾക്ക് നൽകണമെന്ന് സുപ്രീംകോടതി നിർദ്ദേശിച്ചിരുന്നു. എന്നാൽ കോടതി വിധിക്ക് കടകവിരുദ്ധമായ നിലപാടാണ് സിബിഎസ്ഇ പിന്തുടരുന്നത്. ഇത് വിദ്യാർത്ഥികളിലുണ്ടാക്കുന്ന മാനസിക സംഘർഷം വലുതാണ്. അക്കാദമിക് തലത്തിൽ മാർക്ക് മെച്ചപ്പെടുത്താൻ ആഗ്രഹിക്കുന്ന വിദ്യാർത്ഥികൾക്ക് ഇംപ്രൂവ്മെന്റ് പരീക്ഷ എഴുതാൻ തന്നെ ഭയം ഉണ്ടാക്കുന്ന നിലപാടാണ് സിബിഎസ്ഇയുടെത്. റഗുലർ പരീക്ഷയിൽ ഉയർന്ന മാർക്ക് നേടിയിട്ടും ഇംപ്രൂവ്മെന്റ് പരീക്ഷയിലെ മോശമായ മാർക്ക് അന്തിമമായി പരിഗണിക്കുന്ന രീതി വിദ്യാർത്ഥിയുടെ അക്കാദമിക് ഭാവി അവതാളത്തിലാക്കുന്നതാണെന്നും സുധാകരൻ ചൂണ്ടിക്കാട്ടി.

Advertisement
inner ad
Continue Reading
Advertisement
inner ad
Click to comment

You must be logged in to post a comment Login

Leave a Reply

Education

ഇൻഫോപാർക്ക് ചേർത്തലയിൽ മെഗാ ജോബ് ഫെയർ ജനുവരി 28 ന്

Published

on

കൊച്ചി: ചേർത്തല ഇൻഫോപാർക്കിൽ മെഗാ റിക്രൂട്ട്മെന്റ് ഡ്രൈവ് ജനുവരി 28 ന്. ഇൻഫോപാർക്കുമായി ചേർന്ന് സംസ്ഥാന സർക്കാരിന്റെ നോളജ് ഇക്കോണമി മിഷന്റെ സഹകരണത്തോട് കൂടി പാർക്ക് കേന്ദ്രീകരിച്ച് പ്രവർത്തിക്കുന്ന കമ്പനികളുടെ കൺസോർഷ്യമായാ ക്യൂബിക്കിൾ ഫോഴ്സ്  സംഘടിപ്പിക്കുന്ന റിക്രൂട്ട്മെന്റ് ഡ്രൈവ് ഈ വർഷം തുറന്നിടുക 250 തൊഴിലവസരങ്ങൾ. രാവിലെ 10 ന് ആരംഭിക്കുന്ന റിക്രൂട്ട്മെന്റ് ഡ്രൈവ് അരൂർ എം.ൽ.എ, ദലീമ ഉദ്ഘാടനം ചെയ്യും. ഇൻഫോപാർക്ക് ചീഫ് എക്‌സിക്യൂട്ടിവ് ഓഫീസർ സുശാന്ത് കുറുന്തിൽ ചടങ്ങിൽ അധ്യക്ഷത വഹിക്കും.  

12 കമ്പനികളിലായി ഐടി മേഖലയിലെ വിദഗ്ധർ മുതൽ ബികോം, ബിഎഡ് തുടങ്ങിയവ പഠിച്ചിറങ്ങിയവർക്കും വിവിധ തസ്തികളിലേക്ക് അപേക്ഷിക്കാം. മുൻപരിചയമുള്ള ഉദ്യോഗാർത്ഥികൾക്ക് അന്നേ ദിവസം നേരിട്ട് അഭിമുഖവും, ഫ്രഷർ ഉദ്യോഗാർത്ഥികൾക്ക് ഐടി തസ്തികൾക്കും ഐടി ഇതര തസ്തികൾക്കും പ്രത്യേകം എഴുത്തുപരീക്ഷളും ഉണ്ടായിരിക്കുന്നതാണ്. 

Advertisement
inner ad

ജോബ് ഫെയറിൽ പങ്കെടുക്കാനായി ഡിജിറ്റൽ വർക്ക് ഫോഴ്സ് മാനേജ്‌മന്റ് സിസ്റ്റം (ഡി.ബ്ള്യു.എം.എസ്) പോർട്ടൽ ഉപയോഗിച്ചാണ് രജിസ്റ്റർ ചെയ്യേണ്ടത്, വാക് ഇൻ ഇന്റർവ്യൂ സൗകര്യവും ഉണ്ടായിരിക്കുന്നതാണ്. ജോബ് ഫെയറിൽ തിരഞ്ഞെടുക്കപ്പെടുന്നവർക്ക് നേരിട്ട് തന്നെ ജോലി നൽകും. ഉദ്യോഗാർത്ഥികൾക്കായി തിരുനല്ലൂർ എൻഎസ്എസ് കോളേജ് ജംഗ്ഷനിൽ നിന്ന് ഇൻഫോപാർക്കിലേക്കും തിരിച്ചും സൗജന്യ വാഹന സൗകര്യവുമുണ്ടായിരിക്കും. ജോബ് ഫെയറിൽ പങ്കെടുക്കാനായി സിവിയുടെ രണ്ടു കോപ്പി ഉറപ്പായും കരുതണം.

സൗജന്യ രജിസ്ട്രേഷന്: https://knowledgemission.kerala.gov.in/

Advertisement
inner ad
Continue Reading

Education

കുസാറ്റിലെ ആർത്തവ അവധി; യാഥാർത്ഥ്യമായത് കെഎസ്‌യു ഇടപെടൽ മൂലം

Published

on

കൊച്ചി: കൊച്ചി സാങ്കേതിക സർവകലാശാലയ്ക്ക് കീഴിലുള്ള ക്യാമ്പസുകളിലെ വിദ്യാർത്ഥിനികൾക്ക് ആർത്തവ അവധി നൽകിക്കൊണ്ടുള്ള ഉത്തരവിനോട് മികച്ച പ്രതികരണമാണ് വിദ്യാർത്ഥികൾക്കും പൊതുസമൂഹത്തിനും ഇടയിൽ ഉണ്ടായിരിക്കുന്നത്. കഴിഞ്ഞ സർവകലാശാല യൂണിയൻ തിരഞ്ഞെടുപ്പ് കാലത്ത് കെഎസ്‌യു യൂണിറ്റ് കമ്മിറ്റി മുന്നോട്ടുവെച്ച ആശയമായിരുന്നു ഇത്. തുടർന്ന് കെഎസ്‌യു സർവകലാശാലയ്ക്ക് ആവശ്യം ഉന്നയിച്ചുകൊണ്ട് കത്ത് നൽകുകയായിരുന്നു. കത്ത് പരിഗണിച്ച സർവകലാശാല ഇത് അംഗീകരിക്കുകയുമായിരുന്നു.

ജനുവരി ഒന്നിനാണ് കെഎസ്‌യു യൂണിറ്റ് കമ്മിറ്റി സർവകലാശാലയ്ക്ക് ആർത്തവ അവധി എന്ന ആശയം വെച്ചുകൊണ്ട് കത്ത് നൽകിയത്. അതേസമയം യൂണിവേഴ്സിറ്റി അധികൃതർ ഓർഡർ പുറത്തു വിടാതെ ആർത്തവ അവധി എസ്എഫ്ഐയുടെ ആശയമായി ഉയർത്തിക്കാട്ടുകയാണ് ചെയ്തതെന്ന് ചിലർ അഭിപ്രായപ്പെടുന്നു. കഴിഞ്ഞ തിരഞ്ഞെടുപ്പിൽ പ്രധാന സീറ്റുകളിൽ ഉൾപ്പെടെ വിജയിച്ചുകൊണ്ട് കെഎസ്‌യു മികച്ച തിരിച്ചുവരവ് നടത്തിയിരുന്നു.

Advertisement
inner ad
Continue Reading

Britain

ഹാലറ്റ് മെഡൽ നേടുന്ന ആദ്യ ഇന്ത്യക്കാരനായി മലയാളി യുവഡോക്ടർ

Published

on

റോയൽ കോളെജ് ഓഫ് സർജൻസ് നടത്തിയ എംആർസിഎസ് പാർട്ട് എ രാജ്യാന്തര പരീക്ഷയിൽ ആഗോള തലത്തിൽ ഒന്നാമതെത്തിയ ഡോ. ഫസൽ റഹ്‌മാൻ ഹാലെറ്റ് മെഡൽ ഏറ്റുവാങ്ങുന്നു.

കോഴിക്കോട്: ഇംഗ്ലണ്ടിലെ ലോക പ്രശസ്തമായ റോയൽ കോളെജ് ഓഫ് സർജൻസ് നടത്തിയ എംആർസിഎസ് പാർട്ട് എ രാജ്യാന്തര പരീക്ഷയിൽ ആഗോള തലത്തിൽ ഒന്നാമതെത്തി മലയാളി യുവ ഡോക്ടർ. മലപ്പുറം കോട്ടയ്ക്കൽ സ്വദേശി ഡോ. ഫസൽ റഹ്‌മാനാണ് ഏറ്റവും ഉയർന്ന സ്‌കോർ നേടി പ്രശസ്തമായ ഹാലെറ്റ് മെഡലിന് അർഹനായത്. ഈ നേട്ടം കൈവരിക്കുന്ന ആദ്യ ഇന്ത്യക്കാരനാണ് ഓർത്തോപീഡിക് സ്പൈൻ സർജനായ ഡോ. ഫസൽ. ഇതോടൊപ്പം ഇന്റർകൊളീജിയറ്റ് പ്രൈസും സ്വന്തമാക്കി. ഇംഗ്ലണ്ടിലെ റോയൽ കോളെജ് ഓഫ് സർജൻസ് അംഗത്വത്തിനായി (എംആർസിഎസ്) ലോകമെമ്പാടുമുള്ള മെഡിക്കൽ പ്രൊഫനലുകൾക്കു വേണ്ടി നടത്തുന്ന പരീക്ഷയിലാണ് ഡോ. ഫസൽ ഏറ്റവും മികച്ച സ്‌കോർ നേടി ഒന്നാമനായത്.

Advertisement
inner ad

ഇന്ത്യയിലെ യുവഡോക്ടർമാക്ക് രാജ്യാന്തര തലത്തിൽ അക്കാദമിക് മികവ് തെളിയിക്കാൻ തന്റെ നേട്ടം ഒരു പ്രോത്സാഹനമാകുമെന്ന് ഡോ. ഫസൽ പറഞ്ഞു. ഇന്ത്യയിലെ പഠന, ഗവേഷണ നിലവാരവും അനുഭവ സമ്പത്തും വളരെ ഉയർന്നതും ലോകത്ത് സമാനതകളില്ലാത്തതുമാണ്. ഇത് ഇന്ത്യൻ ഡോക്ടർമാർക്ക് വലിയ സാധ്യതകളാണ് തുറന്നിടുന്നതെന്നും അദ്ദേഹം പറഞ്ഞു. കോഴിക്കോട് മെഡിക്കൽ കോളെജിൽ നിന്ന് എംബിബിഎസ് പൂർത്തിയാക്കി ബെംഗളുരുവിലെ സെന്റ് ജോൺസ് മെഡിക്കൽ കോളെജിൽ നിന്ന് ഓർത്തോപീഡിക് സർജറിയിൽ ബിരുദാനന്തര ബിരുദം നേടിയ ഡോ. ഫസൽ ഇപ്പോൾ ദൽഹിയിലെ ഇന്ത്യൻ സ്പൈനൽ ഇഞ്ചുറി സെന്ററിൽ നട്ടെല്ല് ശസ്ത്രക്രിയയിൽ ഉപരിപഠനം നടത്തിവരികയാണ്. ശിശുരോഗ വിദഗ്ധനായ ഡോ. അബ്ദുറഹ്‌മാന്റേയും സ്ത്രീരോഗ വിദഗ്ധയായ ഡോ. മുംതാസ് റഹ്‌മാന്റേയും മകനാണ്. ചാർട്ടേഡ് അക്കൗണ്ടന്റായ റാഷ പർവീൻ ആണ് ഭാര്യ.

Advertisement
inner ad
Continue Reading

Featured