Entertainment
ആടുജീവിതത്തിലെ ഗാനങ്ങൾ ഓസ്കാർ പ്രാഥമിക പട്ടികയിൽ
ബ്ലെസി സംവിധാനം നിർവഹിച്ച ആടുജീവിതം ഓസ്കാർ പുരസ്കാരത്തിലേക്. ചിത്രത്തിലെ ‘ഇസ്തിഗ്ഫർ’, ‘പുതുമഴ’ എന്നീ ഗാനങ്ങളും ചിത്രത്തിന്റെ ഒറിജിനൽ സ്കോറുമാണ് ഓസ്കർ പുരസ്കാരത്തിന്റെ പ്രാഥമിക പട്ടികയിൽ ഇടം നേടിയിരിക്കുന്നത്. മികച്ച ഒറിജിനൽ ഗാനത്തിനും മികച്ച ഒറിജിനൽ സ്കോറിനുമുള്ള ഓസ്കർ പുരസ്കാരത്തിന്റെ പ്രാഥമിക പട്ടികയിൽ 89 ഗാനങ്ങളും 146 സ്കോറുകളുമാണുള്ളത് ഇതിൽ നിന്നും തിരഞ്ഞെടുക്കപ്പെടുന്ന 20 ഒറിജിനൽ സ്കോറുകളും 15 പാട്ടുകളുമാണ് അവസാന ഘട്ടത്തിൽ ഉണ്ടാകുക.
ചിത്രത്തിന്റെ സൗണ്ട് ട്രാക്ക് ഗ്രാമി പുരസ്കാരത്തിനുള്ള പരിഗണനയ്ക്കായി അയച്ചിരുന്നു എന്നാൽ പുരസ്കാരത്തിന് അയച്ച സൗണ്ട് ട്രാക്ക് സമിതി നിർദേശിച്ച ദൈർഘ്യത്തേക്കാൾ ഒരു മിനിറ്റ് കുറവായിരുന്നതിനാൽ യോഗ്യത നഷ്ടപ്പെട്ടു. അടുത്തിടെ ഹോളിവുഡ് മ്യൂസിക് ഇൻ മീഡിയ പുരസ്കാരം ആടുജീവിതം സ്വന്തമാക്കിയിരുന്നു. വിദേശ ഭാഷാ ചിത്രങ്ങളുടെ വിഭാഗത്തിൽ മികച്ച പശ്ചാത്തല സംഗീതത്തിനുള്ള പുരസ്കാരമാണ് ചിത്രത്തിന് ലഭിച്ചത്. ഓസ്കർ പുരസ്കാരത്തിലേക്ക് ആടുജീവിതം എത്തുന്നതോടെ മലയാള സിനിമയുടെ അന്തർദേശീയ പ്രശസ്തി വർധിക്കുക്കയാണ് ചെയ്യുന്നത്. മലയാളികളും ഇന്ത്യൻ സിനിമ പ്രേമികളും ഒന്നടങ്കം കാത്തിരിക്കുകയാണ് ഓസ്കർ അവാർഡ് പ്രഖ്യാപനത്തിനായി. ബ്ലെസി, പൃഥ്വിരാജ്, എ.ആർ. റഹ്മാൻ എന്നിവരുടെ വർഷങ്ങൾ നീണ്ട കഠിനാധ്വാനത്തിന്റെയും സർഗ്ഗാത്മകതയുടെയും ഫലമാണ് ഈ നേട്ടം.
“ഒരു വാക്ക്” പ്രണയ ആൽബം ഓറഞ്ച് മീഡിയയിൽ കൂടി റിലീസ് ആയിരിക്കുന്നു. സിനിമയിൽ വരാനുള്ള മോഹം കൊണ്ട് , മെഡിക്കൽ ഫീൽഡിൽ വർക്ക് ചെയ്യുന്ന ഫിസിയോതെറാപ്പിസ്റ്റ് സോജിൻ ജെയിംസ് ആണ് ഇതിൻറെ ഗാനരചനയും സംഗീതവും നിർവഹിച്ചിരിക്കുന്നത്. ഗാനം ആലപിച്ചിരിക്കുന്നതും അതിൻറെ പശ്ചാത്തല സംഗീതം നൽകിയിരിക്കുന്നത് ശ്രീനാഥ് വിജയാണ്. സിനിമയിൽ എത്തണം എന്നുള്ള ആഗ്രഹമുണ്ട് പെയിൻറ് പണിക്ക് പോയി അതീന്നു കൊണ്ടുള്ള തുച്ഛ വരുമാനം കൊണ്ട് ആൽബം പ്രൊഡ്യൂസ് ചെയ്തു അഭിനയിച്ചിരിക്കുന്ന വ്യക്തിയാണ് ഇതിലെ നായകൻ പ്രജിത്ത് . ഇത് സംവിധാനം ചെയ്തിരിക്കുന്നത്. ബിനീഷ് ബാലനാണ് ഇതിൻറെ തിരക്കഥയും സംവിധാനവും നിർവഹിച്ചിരിക്കുന്നത്. പുള്ളി ആദ്യം ചെയ്ത ആൽബം കാവിലെ വേലയ്ക്കായി വൻ ഹിറ്റായിരുന്നു 26 മില്യൻ ആൾക്കാർ കണ്ട ആൽബമാണ്. പുള്ളി ഇപ്പോൾ ഒരു തമിഴ് സിനിമ സംവിധാനം ചെയ്തിട്ടുണ്ട്, തൊട്ടടുത്ത മാസം അറിഞ്ഞു അത് തെലുങ്ക്, കന്നടയിലും റിലീസ് ഉണ്ട് സിനിമയുടെ പേര് “തിരുട്ടു കാതൽ”
അതിമനോഹരമായ ഒരു പ്രണയഗാനമാണ് “ഒരു വാക്ക്”. നമ്മളെ പഴയ ഒരു കാലഘട്ടത്തിലേക്ക് മനസ്സിലേക്ക് നെസ്റ്റോളജിയാ ഓർമ്മപ്പെടുത്തുന്ന ഒരു ഗാനമാണ്.
ജനപ്രിയ ഹ്രസ്വ വിഡിയോ ആപ്പും ചൈനീസ് സോഷ്യല്‍ മീഡിയ പ്ലാറ്റ്ഫോമുമായ ടിക് ടോക് വാങ്ങാന്‍ താല്‍പര്യമില്ലെന്ന് ശതകോടീശ്വരന്‍ ഇലോണ്‍ മസ്‌ക്. ജനുവരി അവസാനം നടന്ന ഉച്ചകോടിയില്‍ നടത്തിയ പരാമര്‍ശം കഴിഞ്ഞ ദിവസമാണ് ഓണ്‍ലൈനില്‍ പുറത്തുവന്നത്. മസ്‌കിന് ആഗ്രഹമുണ്ടെങ്കില്‍ അത് വാങ്ങുന്നതിന് താന്‍ അനുകൂലമാണെന്ന് യു.എസ് പ്രസിഡന്റ് ഡോണള്‍ഡ് ട്രംപ് നേരത്തെ വ്യക്തമാക്കിയിരുന്നു.
ടിക് ടോക് ആരെങ്കിലും വാങ്ങുന്നുണ്ടെങ്കില്‍ അത് ചെയ്ത് പാതി ബിസിനസ് അമേരിക്കക്ക് നല്‍കണമെന്നും ട്രംപ് പറഞ്ഞിരുന്നു. ജനുവരി 19ന് അമേരിക്കയില്‍ ടിക് ടോക് നിരോധനം നടപ്പാകേണ്ടതായിരുന്നു. എന്നാല്‍, ട്രംപ് സമയം നീട്ടിനല്‍കുകയായിരുന്നു. അതിനിടെ ടിക് ടോക് ഏറ്റടുക്കാന്‍ മൈക്രോസോഫ്റ്റ് ചര്‍ച്ച ആരംഭിച്ചിരുന്നു.
വ്യക്തിപരമായി ഹ്രസ്വ വിഡിയോ ആപ് ഉപയോഗിക്കുന്നയാളല്ല താനെന്ന് മസ്‌ക് പറഞ്ഞു. ആപ്പിന്റെ ഫോര്‍മാറ്റും തനിക്ക് പരിചിതമല്ല. വളരെ അപൂര്‍വമായിട്ടല്ലാതെ ഞാന്‍ കമ്പനികളെ ഏറ്റെടുക്കാറില്ല. സോഷ്യല്‍ മീഡിയ പ്ലാറ്റ്ഫോമായ ട്വിറ്റര്‍ (ഇപ്പോള്‍ എക്‌സ്) ഏറ്റെടുത്തത് അസാധാരണമായ നടപടിയായിരുന്നു-അദ്ദേഹം പറഞ്ഞു
Entertainment
മനം കവര്‍ന്ന് ‘മദ്രാസ് മലര്‍’ യൂട്യൂബ് ട്രെന്‍ഡിംഗ് ലിസ്റ്റില്‍; പ്രേക്ഷക ഹൃദയങ്ങള്‍ കീഴടക്കി അര്‍ജുനും ശ്രീതുവും
ബിഗ് ബോസ് താരങ്ങളായ അര്‍ജുനും ശ്രീതുവും പ്രധാന വേഷങ്ങളിലെത്തിയ ‘മദ്രാസ് മലര്‍’ തമിഴ് മ്യൂസിക്കല്‍ ഷോര്‍ട് ഫിലിം സോഷ്യല്‍മീഡിയയില്‍ ശ്രദ്ധേയമാകുന്നു. സിനിമയെ വെല്ലുന്ന രീതിയില്‍ അണിയിച്ചൊരുക്കിയിരിക്കുന്ന വീഡിയോ യൂട്യൂബില്‍ പുറത്തിറങ്ങി 48 മണിക്കൂര്‍ പിന്നിട്ടപ്പോള്‍ തന്നെ ആറര ലക്ഷത്തിലേറെ കാഴ്ചക്കാരെയാണ് സ്വന്തമാക്കിയിരിക്കുന്നത്. ചെറിയൊരു ലവ് സ്റ്റോറിയുടെ അകമ്പടിയോടെ മനോഹരമായ രണ്ട് റൊമാന്റിക് ഗാനങ്ങളുമായി ഒരുക്കിയിരിക്കുന്ന വീഡിയോ 17 മിനിറ്റോളം ദൈര്‍ഘ്യമുള്ളതാണ്. മമ്മൂട്ടി കമ്പനിയുടെ പേജിലൂടെയായിരുന്നു ‘മദ്രാസ് മലര്‍’ സോഷ്യല്‍മീഡിയയിലൂടെ പുറത്തിറക്കിയത്. സിനിമാ രംഗത്ത് ഉള്ളവരടക്കം നിരവധിപേരാണ് ‘മദ്രാസ് മലര്‍’ സോഷ്യല്‍മീഡിയയിലൂടെ പങ്കുവെച്ചിരിക്കുന്നത്.
ഒറ്റ ദിവസം കൊണ്ട് യൂട്യൂബ് ട്രെന്‍ഡിങ്ങില്‍ ഇടം നേടിയിരിക്കുകയാണ് മദ്രാസ് മലര്‍. ജിസ് ജോയിയുടെ വോയ്‌സ് ഓവറോടെയാണ് വീഡിയോയുടെ തുടക്കം. അര്‍ജുനും ശ്രീതുവിനും പുറമെ തമിഴ് ബിഗ് ബോസ് താരം ആയിഷ സീനത്തും പ്രധാന വേഷത്തിലുണ്ട്. വിനീത് ശ്രീനിവാസന്‍, ആര്യ ദയാല്‍, അഭിജിത്ത് ദാമോദരന്‍ എന്നിവരാണ് ഗാനങ്ങള്‍ ആലപിച്ചിരിക്കുന്നത്.
മനു ഡാവിഞ്ചി സംവിധാനം ചെയ്തിരിക്കുന്ന മ്യൂസിക്കല്‍ ഷോര്‍ട് ഫിലിമിന്റെ സ്‌ക്രിപ്റ്റ് നടന്‍ കോട്ടയം പ്രദീപിന്റെ മകന്‍ വിഷ്ണു ശിവപ്രദീപിന്റേതാണ്. പയസ് ഹെന്റ്രി, വൈശാഖ് രവി എന്നിവരാണ് നിര്‍മ്മാതാക്കള്‍. മുകുന്ദന്‍ രാമന്‍, ടിറ്റോ പി തങ്കച്ചന്‍ എന്നിവരുടെ വരികള്‍ക്ക് അജിത് മാത്യുവാണ് ഈണം നല്‍കിയിരിക്കുന്നത്. സിനോജ് പി അയ്യപ്പന്‍, ആമോഷ് പുതിയാട്ടില്‍ എന്നിവരാണ് ഛായാഗ്രഹണം.
ഒരു സിനിമ കാണുന്ന ഫീല്‍ ലഭിക്കുന്ന രീതിയിലാണ് മദ്രാസ് മലര്‍ അണിയിച്ചൊരുക്കിയിരിക്കുന്നത്. ഇതിനകം ഇന്‍സ്റ്റഗ്രാം റീലുകളിലടക്കം ഇതിലെ ഈണങ്ങള്‍ വൈറലായി കഴിഞ്ഞിട്ടുണ്ട്. റീല്‍സില്‍ ഇതിലെ ഗാനങ്ങള്‍ക്ക് 18 ലക്ഷത്തിലേറെ കാഴ്ചക്കാരെ നേടാനായിട്ടുമുണ്ട്. രണ്ടാം ഭാഗവും ഉണ്ടാകും എന്ന രീതിയിലാണ് ഷോര്‍ട് ഫിലിം അവസാനിപ്പിച്ചിരിക്കുന്നത്.
-
News2 months agoസംസ്ഥാനത്ത് സാമ്പത്തിക പ്രതിസന്ധി: കേന്ദ്രത്തോട് 24,000 കോടി രൂപയുടെ പ്രത്യേക പാക്കേജ് ആവശ്യപ്പെട്ട് കേരളം
-
News2 months agoപണിമുടക്ക് നോട്ടീസ് നൽകി
-
Thiruvananthapuram1 month agoജീവനക്കാരെ പറ്റിച്ച ബജറ്റ്: സെ ക്രട്ടറിയേറ്റ് ആക്ഷൻ കൗൺസിൽ
-
Kerala1 month agoധനസമാഹരണത്തിന് ശമ്പളം ലക്ഷ്യമിട്ട്
ബഡ്ജറ്റ് അവതരിപ്പിക്കുന്ന സര്ക്കാര് കേരളത്തില് മാത്രം; ചവറ ജയകുമാര് -
Featured2 months agoസംസ്ഥാനത്ത് നാളെ 6 ജില്ലകൾക്ക് അവധി
-
Featured1 month agoകേരളം രഞ്ജിട്രോഫി സെമിയില്
-
Kuwait1 week agoഈദ് അൽ ഫിത്തർ അവധി ദിവസങ്ങൾ മുൻകൂട്ടി പ്രഖ്യാപിച്ചു
-
Featured2 months agoടി പി ചന്ദ്രശേഖരന്റെയും കെ കെ രമയുടെയും മകൻ അഭിനന്ദ് വിവാഹിതനായി
You must be logged in to post a comment Login