Connect with us
inner ad

Kerala

പുതുപ്പള്ളിയില്‍ പ്രഹരശേഷിയോടെ പ്രവര്‍ത്തിച്ചത് ആറ് സുപ്രധാന ഘടകങ്ങള്‍

Avatar

Published

on

കോഴിക്കോട്: പുതുപ്പള്ളി ഉപതെരഞ്ഞെടുപ്പില്‍ എല്‍ഡിഎഫിനും സര്‍ക്കാറിനും പ്രഹരമായത് ആറു സുപ്രധാന ഘടകങ്ങള്‍. അതില്‍ ഏറ്റവും വലിയ ഘടകം ഉമ്മന്‍ചാണ്ടിയെന്ന സമാനതകളില്ലാത്ത വികാരമായിരുന്നു; എല്‍ഡിഎഫ് കേന്ദ്രങ്ങളില്‍ നിന്നുപോലും വോട്ടു ചോര്‍ത്തിയതിന് പിന്നില്‍ ഭരണവിരുദ്ധ തരംഗം ശക്തമാണെന്ന് തെളിയിക്കുന്നു. സാമുദായിക സംഘടനകളിലെ ഭിന്നിപ്പും കേരളാ കോണ്‍ഗ്രസിന്റെ ഇടപെടലും മുഖേന മധ്യകേരളത്തില്‍ യുഡിഎഫ് കോട്ടയില്‍ വിള്ളലുണ്ടാക്കാനുള്ള എല്‍ഡിഎഫിന്റെ ദീര്‍ഘകാല പദ്ധതിക്കേറ്റ തിരിച്ചടിയാണ്, തൃക്കാക്കരയ്ക്ക് പിന്നാലെ പുതുപ്പള്ളിയിലും കാണുന്ന കൂറ്റന്‍ വിജയം. അടുത്ത വര്‍ഷം നടക്കാനിരിക്കുന്ന ലോക്‌സഭാ തെരഞ്ഞെടുപ്പിലേക്കുള്ള ചൂണ്ടുപലക എന്നതിനൊപ്പം കേരളാ കോണ്‍ഗ്രസ് രാഷ്ട്രീയത്തിന് അധികകാലം എല്‍ഡിഎഫില്‍ നിലനില്‍പ്പില്ലെന്നതിന്റെ മുന്നറിയിപ്പ് കൂടിയായ് പുതുപ്പള്ളി മാറും. പുതുപ്പള്ളിയില്‍ സഹതാപ തരംഗമാണെന്ന സിപിഎം സംസ്ഥാന സെക്രട്ടറി എം.വി ഗോവിന്ദന്റെ വാദവും നിരര്‍ത്ഥകമാവുകയാണ്. ഉമ്മന്‍ചാണ്ടിയോടുള്ള വികാരം ശക്തമാണെങ്കിലും അത് സ്‌നേഹതരംഗമാണെന്നാണ് യുഡിഎഫ് നേതൃത്വം പറയുന്നത്. അതേസമയം പാലയില്‍ ഉപതെരഞ്ഞെടുപ്പ് നടന്നപ്പോള്‍ ഇത്തരമൊരു വികാരം ദൃശ്യമായിരുന്നില്ല.

1. അദൃശ്യനായ ഉമ്മന്‍ചാണ്ടി: 53 വര്‍ഷക്കാലം പുതുപ്പള്ളിയുടെ വികാരമായ് നിറഞ്ഞു നിന്ന ഉമ്മന്‍ചാണ്ടി മരണശേഷവും ശക്തനാണെന്ന് വിളിച്ചോതുന്നു ജനവികാരം. തങ്ങള്‍ക്ക് ഏതു നേരവും പ്രാപ്യനും അഭയവുമായ ഒരു ജനപ്രതിനിധിയെയാണ് പുതുപ്പള്ളിക്കാര്‍ തിരഞ്ഞത്. അത് ചാണ്ടി ഉമ്മനിലൂടെ തുടരാനാവുമെന്ന് അനുഭവത്തിന്റെ വെളിച്ചത്തില്‍ അവര്‍ തിരിച്ചറിഞ്ഞു. ജനക്ഷേമ വികസനമാണ് അഞ്ച് പതിറ്റാണ്ടായ് ഉമ്മന്‍ചാണ്ടി സാധ്യമാക്കിയത്. വികസനം എവിടെ എന്ന് ചോദിച്ച എല്‍ഡിഎഫിന് തങ്ങളുടെ ചുറ്റുപാടുമുള്ള മാറ്റവും തങ്ങളുടെ ജീവിതത്തില്‍ ഉമ്മന്‍ചാണ്ടി വരുത്തിയ മാറ്റവും ചൂണ്ടിക്കാട്ടിയാണ് പുതുപ്പള്ളിക്കാര്‍ മറുപടി നല്‍കിയത്.

Advertisement
1000x200 PX MALAYALI DCTR MDX-02-02

2. വേട്ടക്കാര്‍ക്ക് ശിക്ഷ: ജീവിച്ചിരിക്കെ ഉമ്മന്‍ചാണ്ടിയെ വേട്ടയാടിയ സിപിഎം, മരണ ശേഷവും അദ്ദേഹത്തെയും കുടുംബത്തെയും പിന്തുടര്‍ന്ന് അക്രമിക്കുന്നത് പുതുപ്പള്ളിക്കാരെ സംബന്ധിച്ച് കണ്ടിരിക്കാനാവുന്ന കാര്യമായിരുന്നില്ല. സോളാര്‍ കേസുപോലുള്ളവ സിബിഐയും കോടതിയും തള്ളിയിട്ടും ഉമ്മന്‍ചാണ്ടിയെയും മക്കളായ ചാണ്ടിയെയും മറിയത്തിനെയും അച്ചുവിനെയും സിപിഎമ്മിന്റെ സൈബര്‍ പോരാളികള്‍ വെറുതെവിട്ടില്ല. സ്ത്രീ സ്വാതന്ത്ര്യത്തെപ്പറ്റി വാചാലരാവുന്ന സിപിഎം ബുദ്ധിജീവികള്‍ വരെ അച്ചു ഉമ്മനെ വളഞ്ഞിട്ട് അക്രമിച്ചു. അപവാദ പ്രചാരണവും വ്യക്തിഹത്യയും തുടര്‍ന്നതോടെ ആ കുടുംബത്തിന് വേണ്ടി പുതുപ്പള്ളിക്കാര്‍ മറുപടി നല്‍കുകയായിരുന്നു.

3. പിണറായി സര്‍ക്കാറിന് ഷോക്ക് ട്രീറ്റ്‌മെന്റ്: മാസപ്പടിയും കോഴയും ധൂര്‍ത്തും മുഖമുദ്രയാക്കിയ, നികുതിഭാരത്താല്‍ ജനജീവിതം ദുസ്സഹമാക്കിയ പിണറായി സര്‍ക്കാറിന് കേരളത്തിന്റെ മറുപടിയാണ് പുതുപ്പള്ളിക്കാര്‍ ജനവികാരത്തിലൂടെ നല്‍കിയത്. മുഖ്യമന്ത്രി നേരിട്ട് വന്ന് പ്രചാരണം നടത്തിയ ഭാഗങ്ങളില്‍ പോലും സിപിഎമ്മിന് കനത്ത തിരിച്ചടിയുണ്ടായി. വീണ വിജയന്റെ മാസപ്പടിയും കൈതോലപ്പായ വിവാദവും ജനകീയ കോടതിയില്‍ വിചാരണ ചെയ്യപ്പെട്ടപ്പോള്‍ എല്‍ഡിഎഫിന്റെ പരമ്പരാഗത ശക്തികേന്ദ്രങ്ങളില്‍ പോലും ചാണ്ടി ഉമ്മന്‍ മുന്നേറ്റമുണ്ടാക്കി. സ്ഥാനാര്‍ത്ഥി ജയ്ക്ക്.സി തോമസിന്റെയും മണ്ഡലത്തിന്റെ ചുമതലയുള്ള മന്ത്രി വി.എന്‍ വാസവന്റെയും സ്വന്തം ബൂത്തുകളിലും യുഡിഎഫ് കുതിച്ചു. പാര്‍ട്ടി വോട്ടില്‍ വലിയ ചോര്‍ച്ചയാണ് ഇവിടങ്ങളിലുണ്ടായത്. പാര്‍ട്ടി പ്രവര്‍ത്തകര്‍ തന്നെ ഭരണത്തെ കൈവിടുകയാണെന്ന വ്യാഖ്യാനത്തിനും ഇത് ഇട നല്‍കുന്നു.

4. സാമുദായിക ഭിന്നിപ്പിന് തിരിച്ചടി: 2011 ലെ തെരഞ്ഞെടുപ്പില്‍ മണര്‍ക്കാട് മേഖലയിലുള്‍പ്പെടെ സിപിഎം നേട്ടം കൈവരിച്ചത് സഭാ വിശ്വാസികള്‍ക്കിടയിലെ ഭിന്നത മുതലെടുത്തായിരുന്നു. വിശ്വാസിയല്ലാത്ത ജയ്ക്ക് സി.തോമസ് വോട്ടുലക്ഷ്യമിട്ട് പള്ളികള്‍ കേന്ദ്രീകരിച്ച് പ്രവര്‍ത്തിച്ചതും ഇതിന്റെ ഭാഗമാണ്. എന്നാല്‍ ഇത്തവണ അത്തരം മുതലെടുപ്പിന് വഴങ്ങി കൊടുക്കാന്‍ വിശ്വാസികള്‍ തയ്യാറായില്ല. മണര്‍ക്കാട് ഉള്‍പ്പെടെ യുഡിഎഫ് നേടിയ വലിയ കുതിപ്പ് അതിന്റെ തെളിവാണ്. വിവിധ സഭകളെ തമ്മില്‍ തെറ്റിക്കാനുള്ള എല്‍ഡിഎഫ് തന്ത്രം ദയനീയമായ് പാളി. മിത്ത് വിവാദത്തില്‍ എന്‍എസ്എസ് സ്വീകരിച്ച നിലപാടും എല്‍ഡിഎഫിന് തിരിച്ചടിയായി.

5. കോട്ടയം കോട്ട തന്നെ: കഴിഞ്ഞ തദ്ദേശ തെരഞ്ഞെടുപ്പിലും നിയമസഭാ തെരഞ്ഞെടുപ്പിലും എല്‍ഡിഎഫിന് നേട്ടമുണ്ടാക്കാന്‍ സാധിച്ച ഘടകങ്ങളെല്ലാം അവരെ കൈവിടുന്ന കാഴ്ചയാണ് പുതുപ്പള്ളിയില്‍ കണ്ടത്. കേരളാ കോണ്‍ഗ്രസ് (എം) അണികള്‍ സിപിഎം സമ്മര്‍ദ്ദത്തിന് വഴങ്ങാതെ വോട്ടു ചെയ്‌തെന്ന് അയര്‍ക്കുന്നം, അകലക്കുന്നം പഞ്ചായത്തുകളിലെ വോട്ടിങ് പാറ്റേണ്‍ അടിവരയിടുന്നു. തങ്ങളുടെ കേന്ദ്രത്തില്‍ വോട്ടു ചോര്‍ന്നതോടെ അടുത്ത ലോക്‌സഭാ തെരഞ്ഞെടുപ്പില്‍ ജോസ് കെ.മാണിക്ക് വിലപേശല്‍ ശക്തി നഷ്ടമാകും. കോട്ടയം ജില്ലയില്‍ എല്‍ഡിഎഫിലെ രണ്ടാം കക്ഷി തങ്ങളാണെന്ന് അവകാശപ്പെടുന്ന സിപിഐ ഈ അവസരം മുതലെടുക്കാനും ശ്രമിക്കും. ലോക്‌സഭയില്‍ കൂടുതല്‍ സീറ്റ് ചോദിക്കാനൊരുങ്ങുന്ന ജോസ് കെ.മാണിയെ ഈ പ്രഹരം ഇരുത്തിചിന്തിപ്പിക്കും. കെ.എം മാണി അഞ്ചു പതിറ്റാണ്ട് കൈവശം വെച്ച പാല കൈവിട്ടുപോയ സാഹചര്യത്തില്‍, പ്രത്യേകിച്ചും.

 6. എണ്ണയിട്ട യന്ത്രമായ് യുഡിഎഫ്: ലോക്‌സഭാ തെരഞ്ഞെടുപ്പിന് മുന്നോടിയായുള്ള റിഹേഴ്‌സല്‍ പോലെയാണ് യുഡിഎഫ് കേന്ദ്രങ്ങള്‍ ഉപതെരഞ്ഞെടുപ്പ് പ്രവര്‍ത്തനത്തെ കണ്ടത്. കോണ്‍ഗ്രസിന്റെയും യുഡിഎഫിന്റെയും സംഘടനാ സംവിധാനം, കൃത്യതയാര്‍ന്ന ചുമതലകള്‍ വിഭജിച്ച് നല്‍കി താഴെത്തലത്തില്‍ ഇറങ്ങി, ചടുലവും ശാസ്ത്രീയവുമായ് പ്രവര്‍ത്തിച്ചതിന്റെ നേട്ടം കൂടിയാണ് പുതുപ്പള്ളിയില്‍ കാണുന്നത്. സംസ്ഥാന കോണ്‍ഗ്രസ് നേതൃത്വത്തിന്റെ ഒറ്റക്കെട്ടായുള്ള പ്രവര്‍ത്തനവും പ്രചാരണത്തില്‍ എല്‍ഡിഎഫിനെ പ്രതിരോധത്തിലാക്കിയ വിഷയങ്ങള്‍ ഉന്നയിച്ചതും ചാണ്ടി ഉമ്മന്റെ ‘കുത്തൊഴുക്കി’ന് വേഗത കൂട്ടി. ഈ വിജയം അടുത്ത ലോക്‌സഭാ തെരഞ്ഞെടുപ്പില്‍ യുഡിഎഫിന് സംസ്ഥാനത്താകെ ആവേശവും ഊര്‍ജ്ജവുമാകും എന്നതില്‍ രാഷ്ട്രീയ നിരീക്ഷകര്‍ക്ക് രണ്ടഭിപ്രായമില്ല. 

ReplyForward

Choonduviral

ദേശീയതലത്തിൽ ഇന്ത്യ മുന്നണിക്കും സംസ്ഥാനത്ത് യുഡിഎഫിനും അനുകൂലമായ തരംഗം: കെ.സി വേണുഗോപാല്‍

Published

on

ആലപ്പുഴ: രാജ്യത്ത് ഇന്ത്യ മുന്നണിക്കും കേരളത്തിൽ യുഡിഎഫിനും അനുകൂലമായ തരംഗമുണ്ടെന്നും അതുകൊണ്ടുതന്നെ തികഞ്ഞ ആത്മവിശ്വാസത്തിലും ശുഭപ്രതീക്ഷയിലും ആണുള്ളതെന്നും യുഡിഎഫ് സ്ഥാനാര്‍ത്ഥി കെ.സി. വേണുഗോപാല്‍. ആലപ്പുഴയില്‍ മാധ്യമപ്രവര്‍ത്തകരുടെ ചോദ്യത്തിന് മറുപടി നൽകുകയായിരുന്നു അദ്ദേഹം. ജനങ്ങള്‍ എല്ലാം തീരുമാനിച്ചു കഴിഞ്ഞു. കേരളത്തിന്റെ നിലവിലെ സാഹചര്യങ്ങളും യുഡിഎഫിന് പൂര്‍ണ്ണപ്രതീക്ഷ നല്‍കുന്നു. വിദ്വേഷപ്രസംഗത്തില്‍ മോദിക്ക് എതിരെ ഇലക്ഷന്‍ കമ്മീഷന്‍ നടപടി എടുക്കാത്തതും ഒരു നോട്ടീസ് പോലും കൊടുക്കാന്‍ ഇലക്ഷന്‍ കമ്മീഷന്‍ ഇതുവരെ തയ്യാറാകാത്തതും അങ്ങേയറ്റം ഉത്കണ്ഠയോടെയാണ് രാജ്യം നോക്കി കാണുന്നത്. പ്രധാനമന്ത്രിക്ക് തെരഞ്ഞെടുപ്പ് ചട്ടങ്ങള്‍ ഒന്നും ബാധകമല്ലെന്നുള്ള നിലയായി. ജനാധിപത്യത്തെ കുറിച്ചുള്ള ജനങ്ങൾക്കുള്ള ആശങ്ക വര്‍ദ്ധിക്കുകയാണ്. രാജീവ് ഗാന്ധിയ്ക്ക് എതിരായുള്ള പി.വി. അന്‍വറിന്റെ പ്രസംഗം മാധ്യമപ്രവര്‍ത്തകര്‍ റിപ്പോര്‍ട്ട് ചെയ്തതാണ്. അതിനകത്ത് രാഷ്ട്രീയം പറഞ്ഞിട്ടില്ല. രാജ്യത്തിനു വേണ്ടി രക്തസാക്ഷിയായ ഒരാള്‍ക്കെതിരെ പറയുമ്പോള്‍ തള്ളിപ്പറയുന്നതിനു പകരം പാര്‍ട്ടിയും മുഖ്യമന്ത്രിയും അതിനെ ന്യായീകരിക്കാന്‍ ശ്രമിക്കുകയാണ്. രാജീവ് ഗാന്ധിയെ അധിക്ഷേപിച്ചത് ഏറ്റവും സങ്കടകരമായ കാര്യമാണ്. അൻവറിന്റെ ആ പ്രസംഗം ജനങ്ങള്‍ക്ക് മുന്നിലുണ്ട്. മോശം പരാമർശം നടത്തിയ പി.വി അൻവറിനെ തള്ളിപ്പറയുന്നതിനോ തിരുത്തിപ്പിക്കുന്നതിനോ പകരം സിപിഎം സംസ്ഥാന സെക്രട്ടറി എം വി ഗോവിന്ദൻ അദ്ദേഹത്തെ ന്യായീകരിക്കുകയാണ്.

ഈ രാഷ്ട്രീയ ഡിഎൻഎ എന്താണെന്നുള്ളത് ഗോവിന്ദൻ മാസ്റ്റർ തന്നെ വ്യക്തമാക്കണം. ഒരുപാട് ഡികഷ്ണറി നോക്കി മറുപടി പറയുന്നയാളല്ലെ ഗോവിന്ദൻ മാസ്റ്റർ എന്നും കെസി വേണുഗോപാൽ പരിഹാസ രൂപേണ ചോദിച്ചു.ഇന്ത്യ മുന്നണി അധികാരത്തില്‍ വന്നാല്‍ കരിമണല്‍ ഖനനം പൂര്‍ണ്ണമായും നിര്‍ത്തിവെക്കുന്നതിനുള്ള ഇടപെടലുകള്‍ ഉണ്ടാകും. 2003 മുതല്‍ അനധികൃത ഖനനത്തിനെതിരെ താനും യുഡിഎഫും സമരമുഖത്തുണ്ട്. മനുഷ്യചങ്ങല ഉള്‍പ്പടെയുള്ള പ്രതിഷേധ സമരങ്ങള്‍ക്കും യുഡിഎഫാണ് നേതൃത്വം നല്‍കിയത്. ഐആര്‍ഇഎലിന്റെ മറവിലാണ് കരിമണല്‍ ഖനനം നടക്കുന്നത്. ഐആര്‍ഇലിനെ നിയന്ത്രിക്കുന്നത് കേന്ദ്ര സര്‍ക്കാരും. 10 വര്‍ഷമായി കേന്ദ്രം ഭരിക്കുന്നത് മോദി സര്‍ക്കാരാണ്. ഖനനത്തിനെതിരായ നടപടി എടുക്കാതെ അമിത്ഷാ ആലപ്പുഴയില്‍ എത്തി കരിമണല്‍ ഖനനത്തില്‍ കോണ്‍ഗ്രസിനെ പഴിചാരുന്നു. അമിത്ഷാ പ്രസംഗിക്കുകയല്ല വേണ്ടത്. ഒരു കാരണവശാലും ഖനനം അനുവദിക്കാതിരിക്കുകയാണ്. കരിമണല്‍ ഖനനത്തില്‍ പൂര്‍ണ്ണ ഉത്തരവാദിത്തം സര്‍ക്കാരിനും കേന്ദ്ര-സംസ്ഥാന സർക്കാരുകൾക്കും ആണെന്ന് കെസി പറഞ്ഞു.

Advertisement
1000x200 PX MALAYALI DCTR MDX-02-02
Continue Reading

Kerala

പോളിങ് ഉദ്യോഗസ്ഥരുടെ പട്ടിക ചോര്‍ന്ന സംഭവത്തിൽ നടപടി

Published

on

പത്തനംതിട്ട: പോളിംഗ് ഉദ്യോഗസ്ഥരുടെ ചുമതല പട്ടിക ചോർന്ന സംഭവത്തില്‍ ഉദ്യോഗസ്ഥനെതിരെ നടപടി. സംഭവത്തില്‍ എല്‍ഡി ക്ലര്‍ക്ക് യദു കൃഷ്ണനെ സസ്പെന്‍ഡ് ചെയ്തു. നടന്നത് ഗുരുതര വീഴ്ചയാണെന്ന് വിലയിരുത്തിയാണ് ജില്ലാ കളക്ടര്‍ ഉദ്യോഗസ്ഥനെ നടപടിയെടുത്തത്. നടപടിയെടുക്കാൻ ചീഫ് ഇലക്ട്രല്‍ ഓഫീസര്‍ കളക്ടര്‍ക്ക് നിര്‍ദേശം നല്‍കുകയായിരുന്നു. നടന്നത് ഗുരുതര വീഴ്ചയാണെന്നാണ് വിലയിരുത്തല്‍. നടപടി നേരിട്ട ഉദ്യോഗസ്ഥന്‍റെ കയ്യില്‍ നിന്നാണ് വാട്സ് ആപ്പ് ഗ്രൂപ്പിലേക്ക് പട്ടിക ചോര്‍ന്നതെന്ന് അന്വേഷണത്തില്‍ വ്യക്തമായി.ഫ്ലെക്സ് അടിക്കാൻ പിഡിഎഫ് ആയി നൽകിയ പട്ടിക അബദ്ധത്തിൽ ഉദ്യോഗസ്ഥ ഗ്രൂപ്പിലേക്ക് പോവുകയായിരുന്നുവെന്നാണ് വിശദീകരണം.

Continue Reading

Featured

ഇപി ജയരാജൻ ബിജെപിയിലേക്ക് പോകാൻ നിൽക്കുന്നു: കെ സുധാകരൻ

Published

on

ഇ പി ജയരാജൻ ബിജെപിയിലേക്ക് പോകുമെന്ന് കണ്ണൂരിലെ യുഡിഎഫ് സ്ഥാനാർഥി കെ സുധാകരൻ. അതിനായി ബിജെപിയുമായി ചർച്ച നടത്തിയതും ഇ പി ജയരാജനാണെന്ന് കെ സുധാകരൻ ആവർത്തിച്ചു. ശോഭ സുരേന്ദ്രനും ഇ പി ജയരാജനും ഗവർണർ സ്ഥാനത്തെക്കുറിച്ചാണ് ചർച്ച നടത്തിയത് വിദേശത്ത് വെച്ചാണ്. രാജീവ് ചന്ദ്രശേഖറും ചർച്ചയിൽ ഉണ്ടായിരുന്നു. സിപിഐഎം നേതൃത്വം ഭീഷണിപ്പെടുത്തിയതോടെ ഇ പി പിന്തിരിഞ്ഞതാണ്. തെരഞ്ഞെടുപ്പ് കഴിഞ്ഞാൽ ഇ പി ജയരാജൻ ബിജെപിയിൽ പോകും. എം വി ഗോവിന്ദൻ പാർട്ടി സെക്രട്ടറി ആയതിൽ ഇപിക്ക് നിരാശയുണ്ടെന്നും സെക്രട്ടറി പദവി ഇ പി പ്രതീക്ഷിച്ചിരുന്നുതായിരുന്നുവെന്നും സുധാകരൻ പറഞ്ഞു.

മുസ്ലിം ലീഗ് എൽഡിഎഫിലേക്ക് പോകുമെന്ന് പറയുന്ന ഇപി ജയരാജന്റെ പ്രസ്താവന ബുദ്ധിശൂന്യതയാണ്, കോൺഗ്രസിനേക്കാൾ വാശിയുള്ള പാർട്ടിയാണ് മുസ്ലിം ലീഗ്. മുന്നണി സംവിധാനത്തിൽ മുസ്ലിം ലീഗ് അസ്വസ്ഥതരല്ലെന്നും കെ സുധാകരൻ വ്യക്തമാക്കി.

Advertisement
1000x200 PX MALAYALI DCTR MDX-02-02
Continue Reading

Featured