News
പാവപ്പെട്ട രോഗികളുടെ കണ്ണീരൊപ്പാൻ എന്നും മുന്നിട്ട് നിൽക്കുന്നത് സി എച്ച് സെന്ററുകളെന്ന് ഷാർജ ഇന്ത്യൻ അസോസിയേഷൻ വൈസ് പ്രസിഡണ്ട് പ്രദീപ്‌ നെന്മാറ
ഷാർജ : തൃശൂർ മെഡിക്കൽ കോളേജിന് സമീപം പുരോഗമിക്കുന്ന സി എച്ച് സെന്ററിന്റെ നിർമാണ പ്രവർത്തനങ്ങളുടെ ഭാഗമായി മെമ്പർഷിപ്‌ ക്യാമ്പയിൻ ഷാർജ കെഎംസിസി നാട്ടിക മണ്ഡലം കമ്മിറ്റി സംഘടിപ്പിച്ചു. ഷാർജ കെഎംസിസി തൃശൂർ ജില്ലാ പ്രസിഡണ്ട് അബ്ദുൽ ഖാദർ ചക്കനത്ത് ഉദ്ഘാടനം നിർവഹിച്ചു. പാവപ്പെട്ട രോഗികളുടെ കണ്ണീരൊപ്പാൻ എന്നും മുന്നിട്ട് നിൽക്കുന്നത് സി എച്ച് സെന്ററുകളാണെന്ന് ഷാർജ ഇന്ത്യൻ അസോസിയേഷൻ വൈസ് പ്രസിഡണ്ട് പ്രദീപ്‌ നെന്മാറ മെമ്പർഷിപ്‌ സ്വീകരിച്ചുകൊണ്ട് പറഞ്ഞു. അക്വാ അറബ് ട്രേഡിങ് കമ്പനി എം ഡി നിയാസ് പടുവിങ്ങൽ, അൽ മഖ്സൂദ് ഗ്രൂപ്പ്‌ എം ഡി മുഹമ്മദ്‌ സിദ്ദിഖ് എന്നിവർക്ക് ടെൽകോൺ ഗ്രൂപ്പ്‌ എം ഡി കബീർ സാഹിബ് മെമ്പർഷിപ്പ് വിതരണം നടത്തി. ദുബായ് കെഎംസിസി കോഴിക്കോട് ജില്ല മുൻ പ്രസിഡണ്ട് ഇസ്മായിൽ ഏറാമല വിഷയാവതരണം നടത്തി.
മണ്ഡലം പ്രസിഡന്റ് കാദർമോൻ പുതുശ്ശേരി അദ്ധ്യക്ഷത വഹിച്ച ചടങ്ങിന് മണ്ഡലം ജനറൽ സെക്രട്ടറി ഹബീബ് ചാഴൂർ ആമുഖ പ്രസംഗം നടത്തി. ഇർഷാദ് മണലൂർ പ്രാർത്ഥന നടത്തി.ജില്ലാ ട്രഷറർ മുഹ്സിൻ നാട്ടിക,ജില്ലാ കോർഡിനേറ്റർ അബ്ദുൽ വഹാബ് ചേർപ്പ്, ദുബായ് കെഎംസിസി തൃശൂർ ജില്ലാ പ്രസിഡന്റ് ജമാൽ മനയത്ത്,അഡ്വ. സന്തോഷ്‌ നായർ,മറ്റു മണ്ഡലം കോർഡിനേറ്റർ മാരായ നസറുദ്ധീൻ ഗുരുവായൂർ,ഷിയാസ് കൊടുങ്ങല്ലൂർ, നജീബ് കൈപ്പമംഗലം, വനിതാ വിംഗ് തൃശൂർ ജില്ലാ സെക്രട്ടറി ഹസീന റഫീഖ് എന്നിവർ ആശംസ പ്രസംഗം നടത്തി. നൗഫർ പുതുശ്ശേരി, ശിഹാബ് കടവിൽ, ശരീഫ് നാട്ടിക,ഷെജില അബ്ദുൽ വഹാബ്, ഫസീല കാദർമോൻ എന്നിവർ പരിപാടിക്ക് നേതൃത്വം നൽകി. സി എച്ച് സെന്റർ മണ്ഡലം കോഡിനേറ്റർ ഇക്ബാൽ മുറ്റിച്ചൂർ സ്വാഗതം പറഞ്ഞ യോഗത്തിന് മണ്ഡലം വൈസ് പ്രസിഡണ്ട് മൊയ്നുദ്ധീൻ വലപ്പാട് നന്ദി പറഞ്ഞു.
തിരുവനന്തപുരം: സംസ്ഥാനത്ത് നഴ്‌സറി സ്‌കൂളുകള്‍ക്ക് നിയന്ത്രണം നടപ്പാക്കാന്‍ വിദ്യാഭ്യാസ വകുപ്പ്.ഇപ്പോള്‍ ആര്‍ക്കും ഒരു വീടെടുത്ത് സ്‌കൂള്‍ തുടങ്ങാവുന്ന അവസ്ഥയാണെന്നാണ് വിദ്യാഭ്യാസ മന്ത്രി വി ശിവന്‍കുട്ടി പ്രതികരിച്ചത്.
അവര്‍ എന്താണ് പഠിപ്പിക്കുന്നതെന്ന് പോലും അറിയില്ല.അത്തരം സ്‌കൂളുകളെ കുറിച്ച് അന്വേഷണം നടത്തി റിപ്പോര്‍ട്ട് നല്‍കാന്‍ ആവശ്യപ്പെട്ടുവെന്നും മന്ത്രി പറഞ്ഞു.
സിലബസ് നിയന്ത്രണങ്ങള്‍ കൊണ്ടുവരും.അഞ്ച് ലക്ഷം രൂപ വരെ കാപ്പിറ്റേഷന്‍ വാങ്ങുന്ന സ്ഥാപനങ്ങള്‍ ഉണ്ട്ഇത്തരം സ്ഥാപനങ്ങള്‍ക്കെതിരെ ശക്തമായ നടപടികള്‍ ഉണ്ടാകുമെന്നും മന്ത്രി അറിയിച്ചു.
ഇത്തരം സ്ഥാപനങ്ങളിലെ അധ്യാപകരുടെ യോഗ്യത നിശ്ചയിക്കുന്നത് ആരാണെന്ന് മന്ത്രി ചോദിച്ചു.ഖാദര്‍ കമ്മിറ്റി റിപ്പോര്‍ട്ടിന്റെ ഓരോ ഭാഗവും പരിശോധിക്കും.കേന്ദ്രസര്‍ക്കാര്‍ സ്‌കൂളുകള്‍ പോലും സംസ്ഥാനത്തിന്റെ എന്‍ഒസി വാങ്ങിയാണ് പ്രവര്‍ത്തിക്കുന്നത്.അപ്പോഴാണ് ഇവിടെ ചിലര്‍ക്ക് അതൊന്നും വോണ്ടാത്തതെന്നും മന്ത്രി ചൂണ്ടിക്കാട്ടി.
തിരുവന്തപുരം:പ്രിയ സുഹൃത്തും സഹപ്രവർത്തകനുമായിരുന്ന ബാബാ സിദ്ദിഖിയുടെ ദാരുണ മരണം ഞെട്ടിക്കുന്നു വെന്ന് മുൻ പ്രതിപക്ഷനേതാവ് രമേശ് ചെന്നിത്തല.
എൻറെ യൂത്ത് കോൺഗ്രസ് കാലം മുതലുള്ള സുഹൃത്തായിരുന്നു. 48 വർഷം തുടർന്ന കോൺഗ്രസ് ബന്ധം അവസാനിപ്പിച്ച് അദ്ദേഹം അടുത്തിടെയാണ് അജിത്ത് പവാർ പക്ഷത്തെ എൻ സി പിയിലേക്ക് കൂറു മാറിയത്.
മകൻറെ ഓഫീസിൽനിന്ന് ഇറങ്ങി കാറിൽ കയറുമ്പോൾ അക്രമികൾ റോഡിൽ വച്ച് വെടിവെച്ചു വീഴ്ത്തുകയായിരുന്നു.
അദ്ദേഹത്തിൻറെ കുടുംബത്തിൻ്റെ ദുഃഖത്തിൽ പങ്കുചേരുന്നു. അദ്ദേഹത്തിൻ്റെ മരണം മഹാരാഷ്ട്ര രാഷ്ട്രീയത്തിന് തീരാ നഷ്ടമാണ്
ഷിൻഡേ സർക്കാരിന്റെ കീഴിൽ മുംബൈയിൽ അരാജകത്വം നടമാടുകയാണ്. മുഖ്യമന്ത്രി ഏക്നാഥ് ഷിൻഡേയും ആഭ്യന്തരത്തിൻ്റെ ചുമതലയുള്ള ഉപ മുഖ്യമന്ത്രി ദേവേന്ദ്ര ഫഡ്നാവിസും ക്രമസമാധാനം കാത്തു സൂക്ഷിക്കുന്നതിൽ സമ്പൂർണ്ണ പരാജയങ്ങളാണ് എന്ന് തെളിയിച്ചിരിക്കുന്നു. ഒരു മുൻ മന്ത്രിയുടെ ജീവനു പോലും സംരക്ഷണം ഇല്ലെങ്കിൽ സാധാരണക്കാരന്റെ അവസ്ഥ എന്തായിരിക്കും?
ഏക്നാഥ് ഷിൻഡെ മുഖ്യമന്ത്രിയായി സ്ഥാനമേറ്റതു മുതൽ സെക്രട്ടറിയേറ്റിനുള്ളിൽ പോലും ഗുണ്ടാ നേതാക്കൾ കടന്നുവരുന്നതായി റിപ്പോർട്ടുകൾ ഉണ്ടായിരുന്നു. ഈ വിഷയം പലവട്ടം പ്രതിപക്ഷം ഉന്നയിച്ചതാണ്. പോലീസ് സ്റ്റേഷന് അകത്തു വച്ച് ഒരു എംഎൽഎ എതിർഭാഗം പാർട്ടി നേതാവിനെ വെടിവെച്ചിടുന്ന സാഹചര്യം വരെ ഉണ്ടായി.
മുംബൈയിൽ സമ്പൂർണ്ണ അരാജകത്വം നടമാടുകയാണ്. അധോലോക സംഘങ്ങളും ഗുണ്ടകളും തെരുവുകളിൽ പട്ടാപ്പകൽ യഥേഷ്ടം വിഹരിക്കുന്നു.
സിദ്ധിഖിയുടെ മരണത്തിൻറെ ധാർമിക ഉത്തരവാദിത്തം ഏറ്റെടുത്ത് മുഖ്യമന്ത്രി എക്നാഥ് ഷിൻഡെയും ഉപ മുഖ്യമന്ത്രി ദേവേന്ദ്ര ഫഡ്നാവിസും രാജിവെച്ചു ഒഴിയണം.
പത്തനംതിട്ട: സ്പോട്ട് ബുക്കിങ് വിവാദത്തില്‍ ശബരിമല വീണ്ടും സംഘർഷ ഭൂമിയായേക്കുമെന്ന് ഇന്റലിജൻസ് മുന്നറിയിപ്പ്.സ്ത്രീ പ്രവേശന വിധിയെ തുടർന്ന് ഉടലെടുത്തതുപോലൊരു പ്രതിസന്ധി സ്പോട്ട് ബുക്കിങ് വിവാദത്തിലും ഉണ്ടാകാൻ സാധ്യതയുണ്ടെന്ന് കാണിച്ചാണ് ഇന്റലിജൻസ് റിപ്പോർട്ട് നല്‍കിയത്. ശബരിമലയില്‍ സ്ത്രീ പ്രവേശന വിധിയെ തുടർന്ന് ഉടലെടുത്ത പ്രതിഷേധം സംഘപരിവാർ സംഘടനകള്‍ ഏറ്റെടുത്തതോടെ പലതവണ സന്നിധാനമുള്‍പ്പെടെ പ്രദേശങ്ങള്‍ പ്രതിഷേധത്തിന്റെ വേദിയായിരുന്നു.
സ്പോട്ട് ബുക്കിങ് ഒഴിവാക്കി വെർച്വല്‍ ക്യൂ മാത്രമാക്കിയാല്‍ സംഘപരിവാർ സംഘടനകള്‍ സമാനമായ സമരമൊരുങ്ങുമെന്നാണ് റിപ്പോർട്ട്. ഓണ്‍ലൈൻ ബുക്കിങ് മാത്രം മതിയെന്ന തീരുമാനം ഭക്തരെ ശബരിമലയില്‍ നിന്ന് അകറ്റാനാണ് എന്ന പ്രചാരണം ബി ജെ പി ഉള്‍പ്പെടെയുള്ളവർ ഉയർത്തിക്കഴിഞ്ഞിട്ടുണ്ട്.
മണ്ഡലകാലം അട്ടിമറിക്കാനുള്ള സർക്കാർ ശ്രമമായി ഇതിനെ വ്യാഖ്യാനിക്കപ്പെട്ടാല്‍ പ്രതിപക്ഷവും രാഷ്ട്രീയമായി ഇടപെടും.പ്രതിസന്ധി ഒഴിവാക്കാൻ പമ്പ, നിലയ്ക്കല്‍, എരുമേലി എന്നിവിടങ്ങളില്‍ സ്പോട്ട് ബുക്കിങ് പോലെ സൗകര്യം ഒരുക്കിയില്ലെങ്കില്‍ പ്രതിഷേധത്തിന് കളമൊരുങ്ങുമെന്നാണ് റിപ്പോർട്ടില്‍ മുന്നറിയിപ്പ് നല്‍കുന്നത്. ഇത് കിട്ടിയതിന് പിന്നാലെയാണ് സി പി എമ്മും വിഷയത്തില്‍ കടുംപിടിത്തത്തിനില്ലെന്ന് വ്യക്തമാക്കിയത്.
സ്പോട് ബുക്കിങ് തീരുമാനം ഇരുമ്പുലക്കയൊന്നുമല്ലല്ലോ എന്നായിരുന്നു ദേവസ്വം ബോർഡ് പ്രസിഡന്റ് പി എസ് പ്രശാന്ത് വിഷയത്തില്‍ എടുത്ത നിലപാട്. അതായത് സ്പോട്ട് ബുക്കിങ്ങോ അല്ലെങ്കില്‍ പകരം സംവിധാനമോ വേണമെന്ന കാര്യത്തില്‍ ബോർഡിനും അഭിപ്രായമുണ്ടെന്ന് സാരം.
ഈ സാഹചര്യത്തിൽ പകരം സംവിധാനമൊരുക്കണമെന്ന ബോർഡിന്റെ ആവശ്യത്തോട് ഇന്റലിജൻസ് റിപ്പോർട്ടിന്റെ പശ്ചാത്തലത്തില്‍ സർക്കാർ മുഖം തിരിച്ചേക്കില്ല.
-
Featured2 months agoപാലിയേക്കര ടോള്: കരാര് കമ്പനിക്ക് 2128.72 കോടി രൂപ പിഴ ചുമത്തി ദേശീയപാത അതോറിറ്റി
-
News2 months agoജീവനക്കാരുടെ അവകാശങ്ങൾക്ക് തടസ്സം നിൽക്കുമെന്ന് സർക്കാർ
-
Education1 month agoമഹാരാജാസിന് ഓട്ടോണമസ് പദവി നഷ്ടപ്പെട്ടിട്ട് നാലുവര്ഷം: കോളേജ് നടത്തുന്ന പരീക്ഷകള് അസാധുവാകും
-
Business2 months agoസംസ്ഥാനത്ത് കോഴി വില കുത്തനെ കുറഞ്ഞു
-
Ernakulam2 months agoശനിയാഴ്ച പ്രവൃത്തിദിനം ഹൈക്കോടതിവിധി സർക്കാരിന് കനത്ത തിരിച്ചടി: കെ പി എസ് ടി എ
-
News2 months agoസംഭാവന എല്ലാവരിൽ നിന്നും സ്വീകരിക്കാനുള്ള ഭേദഗതി ഉത്തരവിൽ വരുത്തണം: സെറ്റോ
-
News2 months ago
സർക്കാർ നിർദ്ദേശങ്ങൾ ശമ്പള സംഭാവന നിർബന്ധമാക്കുന്നത്: സെക്രട്ടേറിയറ്റ് ആക്ഷൻ കൗൺസിൽ
-
Education2 months agoരാജ്യത്തെ ഏറ്റവും മികച്ച കോളേജുകളുടെ പട്ടികയില് ഇടം പിടിച്ച് ദേവമാതാ കോളേജ്
You must be logged in to post a comment Login