Connect with us
48 birthday
top banner (1)

Cinema

‘ഷാബാനു ബീഗം’ കേസ് സിനിമയാകുന്നു: ദേശീയ അവാര്‍ഡ് ജേതാവായ സുപര്‍ണ്‍ എസ്. വര്‍മയാണ് സംവിധായകന്‍

Avatar

Published

on

വിവാദമായ ‘ഷാബാനു ബീഗം’ കേസ് സിനിമയാകുന്നു. ദേശീയ അവാര്‍ഡ് ജേതാവായ സംവിധായകന്‍ സുപര്‍ണ്‍ എസ്. വര്‍മയാണ് ചിത്രം തിരക്കഥയെഴുതി സംവിധാനം ചെയ്യുന്നത്. ഒരു കോര്‍ട്ട് റൂം ഡ്രാമയായിട്ടാണ് ചിത്രം ഒരുങ്ങുന്നത്. ‘തിരക്കഥ പൂര്‍ത്തിയായെങ്കിലും അഭിനേതാക്കളെയും അണിയറ പ്രവര്‍ത്തകരെയും തീരുമാനിക്കേണ്ടതുണ്ട് എന്നതിനാല്‍ ചിത്രം ഇപ്പോള്‍ പ്രീ-പ്രൊഡക്ഷന്‍ വര്‍ക്കുകളിലാണ്. ഷാബാനു ബീഗത്തിന്റെ കേസിനെക്കുറിച്ചുള്ള ഒരു സിനിമ ഇന്നത്തെ തലമുറക്ക് പ്രധാനമാണെന്ന് നിര്‍മ്മാതാക്കള്‍ക്ക് ഉറപ്പുണ്ടെന്നും അത് സ്ത്രീ ശാക്തീകരണം പ്രദര്‍ശിപ്പിക്കുന്നുണ്ടെന്നും ഞങ്ങള്‍ മനസ്സിലാക്കുന്നു’ എന്നാണ് സംവിധായകന്‍ പറയുന്നത്.

സ്വാതന്ത്ര്യാനന്തര ഇന്ത്യയിലെ ഒരു നാഴികക്കല്ലായി കണക്കാക്കപ്പെടുന്ന കേസാണ് ‘ഷാബാനു ബീഗം കേസ്’ എന്നറിയപ്പെടുന്ന ‘അഹമ്മദ് ഖാന്‍ കേസ്’. 1978-ല്‍ 62 വയസുള്ള ഷാബാനു ആണ് ഈ കേസ് ഫയല്‍ ചെയ്തത്. ഷാ ബാനുടെ ഭര്‍ത്താവ് അഹമ്മദ് ഖാന്‍ അവളെ വിവാഹമോചനം ചെയ്ത കാരണത്താല്‍ 1973-ലെ ക്രിമിനല്‍ നടപടി ചട്ടത്തിലെ സെക്ഷന്‍ 123 പ്രകാരം അവള്‍ തനിക്കും തന്റെ അഞ്ച് മക്കള്‍ക്കും ജീവനാംശം ആവശ്യപ്പെട്ട് കേസ് കൊടുത്തു. കേസില്‍ ഷാബാനു വിജയിച്ചു. എന്നാല്‍ വിധി ഇസ്ലാമിക നിയമത്തിന് വിരുദ്ധമാണെന്ന് ഒരു വിഭാഗം ആളുകള്‍ വിശ്വസിച്ചതിനാല്‍ അത് കോലാഹലത്തിന് കാരണമായി. തുടര്‍ന്ന് ഇന്ത്യയിലെ വിവിധ മതങ്ങള്‍ക്ക് വ്യത്യസ്ത സിവില്‍ കോഡുകള്‍ ഉള്ളതിനെക്കുറിച്ചുള്ള ഒരു ചര്‍ച്ചക്കും ഇത് കാരണമായതോടെ വിധി പ്രസ്താവിച്ച് 40 വര്‍ഷത്തിലേറെയായിട്ടും ഈ ചര്‍ച്ച തുടരുന്നു.

Advertisement
inner ad

‘റാണാ നായിഡു’ (സംവിധാനം), ‘ദി ട്രയല്‍’ (എക്‌സിക്യൂട്ടീവ് പ്രൊഡ്യൂസര്‍), ‘സുല്‍ത്താന്‍ ഓഫ് ഡല്‍ഹി’ (സംവിധാനം) തുടങ്ങിയ വെബ് ഷോകള്‍ക്ക് ശേഷം സുപര്‍ണ്‍ എസ് വര്‍മ സംവിധാനം ചെയ്യുന്ന സിനിമയാണ് ‘ഷാബാനു ബീഗം’.

Advertisement
inner ad
Continue Reading
Advertisement
inner ad
Click to comment

You must be logged in to post a comment Login

Leave a Reply

Cinema

സൊനാക്ഷി സിൻഹയും സഹീര്‍ ഇക്ബാലും വിവാഹിതരായി

Published

on

ബോളിവുഡ് താരം സൊനാക്ഷി സിൻഹയും സഹീര്‍ ഇക്ബാലും വിവാഹിതരായി. സൊനാക്ഷിയുടെ ബാന്ദ്രയിലുള്ള വീട്ടിൽ വച്ചായിരുന്നു വിവാഹം.

Advertisement
inner ad

അടുത്ത സുഹൃത്തുക്കളും ബന്ധുക്കളും പങ്കെടുത്ത ചടങ്ങിന്റെ ചിത്രങ്ങൾ സമൂഹമാധ്യമങ്ങളിൽ വ്യാപകമായി പ്രചരിക്കുകയാണ്. വിവാഹ വിവരം സൊനാക്ഷിയും സഹീറും സമൂഹമാധ്യമങ്ങളിലൂടെ ആരാധകരെയും അറിയിച്ചിട്ടുണ്ട്.

Advertisement
inner ad
Continue Reading

Alappuzha

പ്രശസ്ത സംവിധായകൻ വേണു ഗോപൻ അന്തരിച്ചു

Published

on

ആലപ്പുഴ: ചലച്ചിത്ര സംവിധായകൻ വേണു ഗോപൻ (67) അന്തരിച്ചു. കുസൃതി കുറുപ്പ്, ഷാർജ ടു ഷാർജ, സ്വർണം, ചൂണ്ട തുടങ്ങിയ സിനിമകളുടെ സംവിധായകനായിരുന്നു. ചേർത്തല കടക്കരപ്പള്ളിയിലെ വീട്ടിലായിരുന്നു അന്ത്യം. പദ്മരാജന്റെ ‘കരിയിലക്കാറ്റുപോലെ’ എന്ന സിനിമയുടെ സഹസംവിധായകനായാണ് അദ്ദേഹം സിനിമാ രംഗത്തേക്ക് കടന്നുവരുന്നത്. 1998-ൽ ജയറാമും മീനയും പ്രധാന കഥാപാത്രങ്ങളായ ‘കുസൃതിക്കുറുപ്പ്’ലൂടെയാണ് അദ്ദേഹം സംവിധായകനായി അരങ്ങേറ്റം കുറിച്ചത്.
തുടർന്ന് നമുക്ക് പാർക്കാൻ മുന്തിരി തോപ്പുകൾ (1986), നൊമ്പരത്തി പൂവ് (1987), സീസൺ (1989), ഇന്നലെ (1989),ഞാൻ ഗന്ധർവ്വൻ എന്നിങ്ങനെ നിരവധി ഹിറ്റ് സിനിമകളിൽ അദ്ദേഹം സഹസംവിധായകനായി പ്രവർത്തിച്ചു.’സർവോപരി പാലക്കാരനാണ്’ അദ്ദേഹം ഒടുവിൽ സംവിധാനം ചെയ്‌ത ചിത്രം. ഭാര്യ ലത, മകൾ: ലക്ഷ്മി.

Advertisement
inner ad
Continue Reading

Cinema

‘ഉള്ളൊഴുക്കിനെ’ പ്രശംസിച്ച് സിനിമാ ലോകം

Published

on

കൊച്ചി: ഉര്‍വശി- പാര്‍വതി എന്നിവരെ കേന്ദ്രകഥാപാത്രമാക്കി ക്രിസ്റ്റോ ടോമി സംവിധാനം ചെയ്ത ചിത്രമാണ് ഉള്ളൊഴുക്ക്. ജൂണ്‍ 21 ന് തിയറ്ററുകളുലെത്തിയ ചിത്രത്തെ വാനോളം പ്രശംസിച്ച് മലയാള സിനിമാ ലോകം.

‘കുട്ടനാടന്‍ ജീവിതം അനുഭവവേദ്യമാക്കുന്ന നല്ലൊരു ചിത്രം’ എന്ന് സംവിധായകന്‍ ബ്ലെസ്സി അഭിപ്രായപ്പെട്ടു. ‘അതിഗംഭീരമായ, ഒരു മസ്റ്റ് വാച്ച് ചിത്രമാണ് ഉള്ളൊഴുക്ക്’ എന്നാണ് ഭ്രമയുഗത്തിന്റെ സംവിധായകന്‍ രാഹുല്‍ സദാശിവന്‍ അഭിപ്രായപ്പെട്ടത്. ‘ചിത്രം വളരെയേറെ ഇഷ്ടപ്പെട്ടു. ഉള്ളില്‍ കൊള്ളുന്ന വിധത്തിലുള്ള പ്രകടനങ്ങളായിരുന്നു ചിത്രത്തിലേത്’ എന്ന് പ്രശസ്ത അഭിനേത്രി നിഖില വിമല്‍ അഭിപ്രായപ്പെട്ടു. ‘ഭയങ്കര രസമുള്ള ഫാമിലി ഡ്രാമയാണ്, ഇത്തരത്തില്‍ കഥകള്‍ ആലോചിക്കാന്‍ ക്രിസ്റ്റോ ടോമിയ്‌ക്കേ പറ്റൂ’ എന്ന് അഭിനേതാവ് ജോജു അഭിപ്രായപ്പെട്ടു.

Advertisement
inner ad

വളരെ റിയല്‍ ആയൊരു സിനിമ എന്നാണ് നടിയും അവതാരകയുമായി രഞ്ജനി ഹരിദാസിന്റെ പ്രതികരണം. ‘ഞാന്‍ റിയല്‍ ആയിട്ടുള്ള സിനിമ കാണാത്ത ആളായിരുന്നു. ഞാന്‍ ഫാന്റസി ലോകത്ത് ജീവിക്കുന്ന ഒരാളാണ്. പക്ഷെ ഇത് വളരെ ഭംഗിയായി. അമ്മ ആയാലും മരുമകള്‍ ആയാലും അവരെയൊക്കെ ഒരു സവിശേഷമായ ഇഴയില്‍ വരുന്ന വികാരങ്ങള്‍ മനോഹരമായി ചിത്രീകരിച്ചിട്ടുണ്ട്’.

‘ഉര്‍വശി ചേച്ചിയുടെ ഗ്രേറ്റസ്റ്റ് ഓഫ് ഓള്‍ടൈം ആണോയെന്ന് അറിയില്ല, പക്ഷെ ചേച്ചി അത് പ്രൂവ് ചെയ്യുകയാണ് ഈ സിനിമയിലൂടെ. എത്ര വര്‍ഷം കഴിഞ്ഞാലും ചേച്ചിയെ മറികടക്കാന്‍ ആരുമില്ല. ഇന്ത്യന്‍ സിനിമയില്‍ തന്നെ ഗ്രേറ്റസ്റ്റ് എന്ന തരത്തിലുള്ള ഒരു സിനിമയാണ്. ചേച്ചിയുടെ പെര്‍ഫോമന്‍സ് അഭിനേതാക്കള്‍ കണ്ട് പഠിക്കേണ്ട മാസ്റ്റര്‍ ക്ലാസ് ആണ്. ഭയങ്കര മനോഹമായിട്ടുള്ള സിനിമയാണ്. കിടിലം സ്‌ക്രിപ്റ്റും പെര്‍ഫോമന്‍സുമാണ്’- വിനയ് ഫോര്‍ട്ട് പറഞ്ഞു.

Advertisement
inner ad

‘എത്ര റീജിയണല്‍ ആയി സിനിമ നില്‍ക്കുമ്പോഴും, അത് ലോകം മുഴുവന്‍ സംസാരിക്കുന്ന ഒരു സിനിമ തന്നെയാണ്. നമുക്ക് മുമ്പോട്ട് ജീവിക്കാന്‍ ഒരു ഹോപ്പും, മനുഷ്യര്‍ക്ക് അനുകമ്പ ഉണ്ടാകണമെന്നും എന്നൊക്കെയാണല്ലോ ആഗ്രഹം, അതുപോലൊരു കഥയും എഴുത്തും, മനോഹരമായ അഭിനയവുമാണ് സിനിമയില്‍’ എന്നാണ് കനി കുസൃതി പ്രതികരിച്ചത്. ‘ഞാന്‍ കരഞ്ഞിട്ട് വരികയാണ്. എനിക്കൊന്നും പറയാന്‍ പറ്റുന്നില്ല. ഈ സിനിമ കണ്ട് ഇമോഷണല്‍ ആയി’- ദിവ്യ പ്രഭ പറഞ്ഞു. പ്രിവ്യൂ ഷോക്ക് ശേഷമായിരുന്നു പ്രതികരണം.

അന്താരാഷ്ട്ര ശ്രദ്ധ പിടിച്ചുപറ്റിയ ‘കറി& സയനൈഡ്’ എന്ന നെറ്റ്ഫ്‌ലിക്‌സ് ഡോക്യുമെന്ററി സംവിധാനം ചെയ്ത ക്രിസ്റ്റോ ടോമിയുടെ ആദ്യ ഫീച്ചര്‍ ഫിലിമാണ് ഉള്ളൊഴുക്ക്. സുഷിന്‍ ശ്യാമാണ് ചിത്രത്തിന്റെ സംഗീതസംവിധാനം നിര്‍വഹിക്കുന്നത്. ഉര്‍വശി, പാര്‍വതി എന്നിവരെക്കൂടാതെ അലന്‍സിയര്‍, പ്രശാന്ത് മുരളി, അര്‍ജുന്‍ രാധാകൃഷ്ണന്‍, ജയാ കുറുപ്പ് എന്നിവരാണ് മറ്റുകഥാപാത്രങ്ങളെ അവതരിപ്പിച്ചിരിക്കുന്നത്.

Advertisement
inner ad

റോണി സ്‌ക്രൂവാലയും ഹണി ട്രെഹാനും അഭിഷേക് ചൗബേയും ചേര്‍ന്ന് ആര്‍ എസ് വി പിയുടെയും മക്ഗഫിന്‍ പിക്‌ചേഴ്‌സിന്റെയും ബാനറുകളില്‍ നിര്‍മിച്ചിരിക്കുന്ന ഉള്ളൊഴുക്കിന്റെ സഹനിര്‍മ്മാണം നിര്‍വഹിച്ചിരിക്കുന്നത് റെവറി എന്റര്‍ടൈന്‍മെന്റ്‌സിന്റെ ബാനറില്‍ സഞ്ജീവ് കുമാര്‍ നായരാണ്.

ഉള്ളൊഴുക്കിന്റെ അസോസിയേറ്റ് പ്രൊഡ്യൂസര്‍: പാഷാന്‍ ജല്‍, ഛായാഗ്രഹണം: ഷെഹനാദ് ജലാല്‍, എഡിറ്റര്‍: കിരണ്‍ ദാസ്, സിങ്ക് സൗണ്ട് ആന്‍ഡ് സൗണ്ട് ഡിസൈന്‍: ജയദേവന്‍ ചക്കാടത്ത് & അനില്‍ രാധാകൃഷ്ണന്‍, പ്രൊഡക്ഷന്‍ കണ്‍ട്രോളര്‍: ഡിക്‌സണ്‍ പൊടുതാസ്, കലാസംവിധാനം: മുഹമ്മദ് ബാവ, വസ്ത്രാലങ്കാരം: ധന്യ ബാലകൃഷ്ണന്‍, മേക്കപ്പ്: റോണക്‌സ് സേവ്യര്‍, സൗണ്ട് റീ-റീക്കോര്‍ഡിങ്ങ് മിക്‌സര്‍: സിനോയ് ജോസഫ്, ചീഫ് അസോസിയേറ്റ് ഡയറക്ടര്‍: ആംബ്രോ വര്‍ഗീസ്, കാസ്റ്റിംഗ് ഡയറക്ടര്‍: വര്‍ഷ വരദരാജന്‍, വിഎഫ്എക്‌സ്: ഐഡെന്റ് വിഎഫ്എക്‌സ് ലാബ്‌സ്, വിഎഫ്എക്‌സ് സൂപ്പര്‍വൈസേഴ്‌സ്: ശരത് വിനു & ജോബിന്‍ ജേക്കബ്, കളറിസ്റ്റ്: ലിജു പ്രഭാകര്‍, ഡിഐ: രംഗ്‌റേയ്‌സ് മീഡിയ വര്‍ക്ക്‌സ് കൊച്ചി, വിഷ്വല്‍ പ്രൊമോഷന്‍സ്: അപ്പു എന്‍ ഭട്ടതിരി, പിആര്‍ഒ: ആതിര ദില്‍ജിത്ത്

Advertisement
inner ad
Continue Reading

Featured