Featured
എസ്എഫ്ഐയെ തള്ളാനും കൊള്ളാനും വയ്യാതെ സിപിഎം; തീപ്പന്തമായി ജ്വലിച്ചുയർന്ന് കെഎസ്‌യു
കൊച്ചി: എസ്എഫ്ഐ വരുത്തിവെക്കുന്ന വിനകൾ സിപിഎമ്മിനെ കൂടുതൽ പ്രതിരോധത്തിലേക്ക് തള്ളി വിട്ടുകൊണ്ടേയിരിക്കുകയാണ്. എസ്എഫ്ഐ എന്ന തങ്ങളുടെ വിദ്യാർത്ഥി സംഘടനയെ തള്ളാനും കൊള്ളാനും വയ്യാത്ത സ്ഥിതിയിലാണ് കേരളത്തിലെ സിപിഎം. സമീപകാലത്ത് എസ്എഫ്ഐ ഉൾപ്പെട്ടിട്ടുള്ള തട്ടിപ്പുകളും ക്രിമിനൽ പ്രവർത്തനങ്ങളും നിരവധിയാണ്. സംസ്ഥാന സെക്രട്ടറി തന്നെ പിടികിട്ടാപ്പുള്ളി ആയതും ദീർഘകാലം ജയിലിൽ കിടന്നതും പൊതുസമൂഹം ചർച്ച ചെയ്ത വിഷയങ്ങളാണ്. മുൻപും ഇപ്പോഴും വിദ്യാർത്ഥി യുവജന സംഘടന പ്രവർത്തകർ സമരങ്ങളുമായും പ്രതിഷേധങ്ങളുമായും ബന്ധപ്പെട്ട കേസുകളിൽ ഉൾപ്പെടുമെങ്കിലും അതിനപ്പുറത്തേക്ക് ക്രിമിനൽ സ്വഭാവംമുള്ള കേസുകളിൽ സംസ്ഥാന സെക്രട്ടറി ഉൾപ്പെടെയുള്ളവർ ഉൾപ്പെട്ടത് വലിയ വിവാദം സൃഷ്ടിച്ചിരുന്നു.
എന്നാൽ തുടർന്നും സകല ക്രമക്കേടുകളുടെയും ഇങ്ങേയറ്റത്ത് എസ്എഫ്ഐ തൂങ്ങുന്ന കാഴ്ചയാണ് കണ്ടത്. ഭരണഘടനാ സ്ഥാപനമായ പി എസ് സി യുടെ പോലും വിശ്വാസ്യതയെ ചോദ്യം ചെയ്യുന്ന പരീക്ഷ അട്ടിമറിയിൽ ഉൾപ്പെട്ടത് തിരുവനന്തപുരം യൂണിവേഴ്സിറ്റി കോളേജിലെ എസ്എഫ്ഐയുടെ നേതൃത്വമായിരുന്നു. അതാകട്ടെ പുറത്ത് വരുവാൻ ഉണ്ടായ സാഹചര്യം എസ്എഫ്ഐക്കാർ പരസ്പരം ഏറ്റുമുട്ടുകയും തുടർന്നുണ്ടായ കത്തിക്കുത്തലും ഒക്കെയാണ്.പിന്നാലെ പുറത്തുവന്നത് യൂണിവേഴ്സിറ്റി കോളേജ് ഉൾപ്പെടെയുള്ള ഏക സംഘടന ക്യാമ്പസുകളിൽ എസ്എഫ്ഐ നടത്തിക്കൊണ്ടിരുന്ന കിരാതമായ അക്രമത്തിന്റെ കഥകളാണ്.
എസ്എഫ്ഐയുടെ ഫാസിസത്തിന് ഇരകളായ നിരവധി വിദ്യാർത്ഥികൾ സ്വന്തം അനുഭവങ്ങളുമായി പൊതുസമൂഹത്തിന് മുന്നിലെത്തി. മാസങ്ങൾക്കു മുൻപാണ് എസ്എഫ്ഐ സംസ്ഥാന സെക്രട്ടറി എഴുതാത്ത പരീക്ഷ വിജയിച്ചതായി ഫലം പുറത്തേക്ക് വരുന്നത്. അതേ ദിവസം തന്നെയാണ് സംസ്ഥാന സെക്രട്ടറിയുടെ ഉറ്റ സുഹൃത്തും വനിത നേതാവും ആയിരുന്ന കെ വിദ്യ വ്യാജ സർട്ടിഫിക്കറ്റ് ഹാജരാക്കിയ സംഭവം പുറത്തുവരുന്നത്. അതും കഴിഞ്ഞ് ആഴ്ചകൾക്കിപ്പുറം കായംകുളം എംഎസ്എം കോളേജിലെ എസ്എഫ്ഐ നേതാവായിരുന്ന നിഖിൽ തോമസ് വ്യാജ ഡിഗ്രി സർട്ടിഫിക്കറ്റ് നിർമ്മിച്ചതുമായി ബന്ധപ്പെട്ട് പിടിയിലാകുന്നു.
തുടരെത്തുടരെ ഇത്തരം വിവാദങ്ങളിൽ എസ്എഫ്ഐ ഉൾപ്പെട്ടതോടെ സിപിഎം സംസ്ഥാന സെക്രട്ടറി ഇടപെട്ട് നേരെയാക്കാനുള്ള ശ്രമം തുടങ്ങിയെങ്കിലും അത് ഫലം കണ്ടിട്ടില്ല. ഒന്നാം പിണറായി സർക്കാർ അധികാരത്തിൽ വന്നത് മുതൽ ഗവൺമെന്റ് നടപ്പിലാക്കുന്ന വിദ്യാർത്ഥി വിരുദ്ധ സമീപനങ്ങളിൽ മൗനമാണ് എസ്എഫ്ഐ സ്വീകരിക്കുന്നത്. ഈ കാലയളവിൽ എല്ലാം കേരളത്തിലെ തെരുവീഥികളിൽ വിദ്യാർഥിപക്ഷ പോരാട്ടങ്ങളുടെ ഉറച്ച ശബ്ദമായി മാറിയത് കെഎസ്‌യു ആയിരുന്നു.
നിരന്തരം പോലീസ് അതിക്രമങ്ങളും നിയമനടപടികളും നേരിടുമ്പോഴും കെഎസ്‌യു സമരത്തിന്റെ പാതയിൽ നിലകൊള്ളുകയായിരുന്നു. ഈയടുത്ത് നടന്ന കാലിക്കറ്റ് സർവകലാശാല കോളേജ് യൂണിയൻ ഉൾപ്പെടെ കെഎസ്‌യു മികച്ച വിജയമായിരുന്നു നേടിയത്. പല എസ്എഫ്ഐ കോട്ടകളും കെഎസ്‌യു തരംഗത്തിൽ കടപുഴകി വീണു. തൃശ്ശൂർ കേരളവർമ്മ കോളേജ് എസ്എഫ്ഐക്ക് കനത്ത പ്രഹരമായി മാറുകയായിരുന്നു. ശ്രീക്കുട്ടന്റെ തിരഞ്ഞെടുപ്പ് അട്ടിമറിച്ച ജനാധിപത്യ വിരുദ്ധ മനസ്സുകൾക്കെതിരായ കെ എസ് യു സമരവും ഹൈക്കോടതി നിരീക്ഷണവും പ്രതീക്ഷയാണ്.
Featured
വയനാട് പുനരധിവാസം, കേന്ദ്രസർക്കാർ രാഷ്ട്രീയ സമീപനത്തോടെ കാണുന്നു; പാര്‍ലമെന്റ് വളപ്പിൽ കേരള എംപിമാരുടെ പ്രതിഷേധം
ന്യൂഡല്‍ഹി: വയനാട് പുനരധിവാസത്തിന് കേന്ദ്രസഹായം വൈകുന്നത് കൂടാതെ രക്ഷാപ്രവര്‍ത്തനം നടത്തിയതിനടക്കം പണമാവശ്യപ്പെട്ട പ്രതിരോധ മന്ത്രാലയത്തിന്റെ നടപടിയിലുൾപ്പെടെ പ്രതിഷേധവുമായി കേരളത്തില്‍ നിന്നുള്ള എം.പി മാര്‍ പാര്‍ലമെന്റിനു മുന്നില്‍ ധര്‍ണ്ണ നടത്തി. വയനാടിന് അർഹമായ നീതി നടപ്പാക്കുക,
പ്രത്യേക പാക്കേജ് ലഭ്യമാക്കുക എന്നീ ആവശ്യങ്ങൾ ഉന്നയിച്ചുകൊണ്ടാണ് വയനാട് എംപികൂടിയായ പ്രിയങ്കാ ഗാന്ധിയുടെ നേതൃത്വത്തില്‍ ധര്‍ണ്ണ നടത്തിയത്. വയനാട്ടില്‍ കേന്ദ്രസേന നടത്തിയ പ്രവര്‍ത്തനങ്ങള്‍ക്ക് പണം ചോദിച്ചുള്ള കത്തിനെതിരെയും പ്രിയങ്ക ഗാന്ധി പ്രതികരിച്ചു. വയനാട്ടിലെ ദുരിതാശ്വാസ പ്രവര്‍ത്തനത്തിലെ കേന്ദ്ര സമീപനം നിരാശാജനകമാണെന്നും രക്ഷാദൗത്യത്തിന് പണം ചോദിക്കുന്നത് ശരിയല്ലെന്നും രാഷ്ട്രീയ സമീപനത്തോടെ കാണുന്നത് അവസാനിപ്പിക്കണമെന്നും പ്രിയങ്ക ഗാന്ധി പറഞ്ഞു.
ചെന്നൈ: മുതിർന്ന കോൺഗ്രസ് നേതാവും ഈറോഡ് ഈസ്റ്റ് എംഎൽഎയുമായ ഇ.വി.കെ.എസ് ഇളങ്കോവൻ (75) അന്തരിച്ചു. ശ്വാസകോശ സംബന്ധമായ അസുഖത്തെത്തുടർന്ന് ചെന്നൈയിലെ സ്വകാര്യ ആശുപത്രിയിലായിരുന്നു അന്ത്യം. ഇക്കഴിഞ്ഞ നവംബർ 11-നാണ് ഇളങ്കോവനെ കടുത്ത പനിയും ശ്വാസ തടസവും അനുഭവപ്പെട്ടതിനെത്തുടർന്ന് മണപ്പാക്കത്തെ ആശുപത്രിയിൽ പ്രവേശിപ്പിച്ചത്. ആരോഗ്യനില മെച്ചപ്പെടുത്താൻ ഡോക്ടർമാർ ശ്രമിച്ചെങ്കിലും ഇളങ്കോവൻ്റെ ആരോഗ്യം വഷളായിക്കൊണ്ടിരുന്നു. തമിഴ്‌നാട് മുഖ്യമന്ത്രി എം.കെ സ്റ്റാലിൻ നേരിട്ട് ആശുപത്രിയിലെത്തി ഇളങ്കോവൻ്റെ ആരോഗ്യനിലയെക്കുറിച്ച് അന്വേഷിച്ചിരുന്നു. മകന് തിരുമകന്‍ മരിച്ച ഒഴിവില്‍ 2023 ജനുവരിയില്‍ നടന്ന ഉപതെരഞ്ഞെടുപ്പിലൂടെയാണ് എംഎല്‍എ ആയത്.
Featured
‘ഭാര്യ മരിച്ചത് അല്ലു അർജുന്റെ തെറ്റുകൊണ്ടല്ല’ ; തിയേറ്റർ അപകടത്തിൽ മരിച്ച രേവതിയുടെ ഭർത്താവ് ഭാസ്കർ
ഹൈദരാബാദ്: തെലുങ്ക് സൂപ്പർതാരം അല്ലു അർജുനെ അറസ്റ്റ് ചെയ്തതിൽ പ്രതികരണവുമായി തിയേറ്റർ അപകടത്തിൽ മരിച്ച രേവതിയുടെ ഭർത്താവ്. ഭാര്യ മരിച്ചത് അല്ലു അർജുന്റെ തെറ്റല്ല എന്നും അറസ്റ്റിനെക്കുറിച്ച് തനിക്ക് യാതൊരു അറിവുമില്ലായിരുന്നുവെന്നും രേവതിയുടെ ഭർത്താവ് ഭാസ്ക്‌കർ പറഞ്ഞു.പരാതി പിൻവലിക്കാൻ ഞാൻ തയ്യാറാണ്. അദ്ദേഹത്തെ അറസ്റ്റ് ചെയ്യുന്ന വിവരം പോലീസ് എന്നെ അറിയിച്ചിരുന്നില്ല. എനിക്ക് അതെക്കുറിച്ച് അറിയില്ലായിരുന്നു. സംഭവിച്ചതൊന്നും അല്ലു അർജുന്റെ തെറ്റല്ല- ഭാസ്ക്‌കർ പറഞ്ഞു.
ഡിസംബർ നാലാം തീയതി പുഷ്പ 2 സിനിമയുടെ പ്രദർശനത്തിനിടെ ഹൈദരാബാദിലെ സന്ധ്യ തിയേറ്ററിലുണ്ടായ തിക്കിലും തിരക്കിലുമാണ് രേവതി എന്ന യുവതി മരിച്ചത്. അന്നത്തെ പ്രദർശനത്തിനിടെ അല്ലു അർജുനും തിയേറ്ററിലെത്തിയിരുന്നു. ഇതേത്തുടർന്നാണ് വലിയ തിക്കും തിരക്കുമുണ്ടായത്. അപകടത്തിൽ രേവതിയുടെ മകന് പരിക്കേൽക്കുകയും ചെയ്തിരുന്നു. ഇതേ കേസിൽ നേരത്തെ സന്ധ്യ തിയേറ്ററിലെ രണ്ട് ജീവനക്കാരെയും പൊലീസ് അറസ്റ്റ് ചെയ്തിരുന്നു.
-
Kerala2 weeks agoജീവനക്കാരുടെ ശമ്പളബില്ല്
കേന്ദ്രീകൃതമാക്കാനുള്ള നീക്കം,
ശമ്പളം കവര്ന്നെടുക്കാനുള്ള ആസൂത്രിത ശ്രമമാണെന്ന് ; ചവറ ജയകുമാര് -
News2 days agoക്ഷാമബത്ത കേസില് ഇടക്കാല ഉത്തരവ്
-
News1 month agoക്ഷാമ ബത്ത കേസിൽ ഇടക്കാല ഉത്തരവ്
-
Featured2 months agoഡി എ: പ്രഖ്യാപനം നിരാശാജനകമെന്ന് സെക്രട്ടേറിയറ്റ് അസോസിയേഷൻ
-
Kerala2 months agoക്ഷാമബത്ത: കുടിശ്ശിക നിഷേധിച്ചാൽ നിയമപരമായി നേരിടും; ചവറ ജയകുമാർ
-
News1 month ago
ജീവനക്കാരെ രണ്ടു തട്ടിലാക്കുന്ന നടപടി സർക്കാർ അവസാനിപ്പിക്കണം
-
News2 days agoസര്ക്കാര് ജീവനക്കാരും അധ്യാപകരുംഅനിശ്ചിത കാല പണിമുടക്കിലേക്ക്: സെറ്റോ
-
Education3 months agoമഹാരാജാസിന് ഓട്ടോണമസ് പദവി നഷ്ടപ്പെട്ടിട്ട് നാലുവര്ഷം: കോളേജ് നടത്തുന്ന പരീക്ഷകള് അസാധുവാകും
You must be logged in to post a comment Login