National
വിമാനത്താവളത്തിലെ മുതിര്‍ന്ന ഉദ്യോഗസ്ഥന്‍ സ്ത്രീ വേഷത്തില്‍ തൂങ്ങിമരിച്ച നിലയില്‍
ദെഹ്റാദൂണ്‍: വിമാനത്താവളത്തിലെ മുതിര്‍ന്ന ഉദ്യോഗസ്ഥനെ താമസസ്ഥലത്ത് തൂങ്ങിമരിച്ച നിലയില്‍ കണ്ടെത്തി. ദെഹ്റാദൂണ്‍ വിമാനത്താവളത്തില്‍ ജോലിചെയ്യുന്ന എയര്‍പോര്‍ട്ട് അതോറിറ്റി ഓഫ് ഇന്ത്യയിലെ ഉദ്യോഗസ്ഥനെയാണ് തിങ്കളാഴ്ച രാവിലെ ദുരൂഹസാഹചര്യത്തില്‍ മരിച്ചനിലയില്‍ കണ്ടത്. സംഭവത്തില്‍ പോലീസ് കേസെടുത്ത് അന്വേഷണം ആരംഭിച്ചു.
വിമാനത്താവളത്തിന് സമീപത്തെ താമസസ്ഥലത്ത് കിടപ്പുമുറിയിലാണ് ഉദ്യോഗസ്ഥന്‍ തൂങ്ങിമരിച്ചത്. സ്ത്രീവേഷം ധരിച്ച് സീലിങ് ഫാനില്‍ തൂങ്ങിനില്‍ക്കുന്ന നിലയിലായിരുന്നു മൃതദേഹം. സ്ത്രീകള്‍ ധരിക്കുന്ന മാക്സിയും ഉള്‍വസ്ത്രങ്ങളും ഇദ്ദേഹം ധരിച്ചിരുന്നു. നെറ്റിയില്‍ പൊട്ട് തൊടുകയും കൈകളില്‍ വളകളും ഉണ്ടായിരുന്നു. ലിപ്സ്റ്റിക്കും ഉപയോഗിച്ചിരുന്നു.സംഭവസമയത്ത് ഉദ്യോഗസ്ഥനെ കൂടാതെ ബന്ധുക്കളായ രണ്ടുപേരാണ് വീട്ടിലുണ്ടായിരുന്നത്. ഉദ്യോഗസ്ഥന്റെ ഭാര്യ അധ്യാപികയാണ്. സംഭവസമയത്ത് ഇവര്‍ വീട്ടിലുണ്ടായിരുന്നില്ലെന്നും പോലീസ് പറഞ്ഞു.
ഞായറാഴ്ച രാത്രി ബന്ധുക്കളായ രണ്ടുപേര്‍ക്കൊപ്പം ഉദ്യോഗസ്ഥന്‍ പുറത്തുപോയിരുന്നു. തുടര്‍ന്ന് ഒരുമിച്ച് അത്താഴം കഴിച്ച് മടങ്ങിയെത്തിയശേഷം ഇദ്ദേഹം ഉറങ്ങാന്‍പോയി. രണ്ട് കിടപ്പുമുറികളുള്ള വീട്ടില്‍ ബന്ധുക്കളായ രണ്ടുപേരും ഒരുമുറിയിലാണ് കിടന്നത്. തിങ്കളാഴ്ച രാവിലെ സമീപത്തെ ഒരു തോട്ടത്തില്‍ പോകാനും ഇവര്‍ തീരുമാനിച്ചിരുന്നു. തുടര്‍ന്ന് തിങ്കളാഴ്ച രാവിലെ ബന്ധുക്കള്‍ രണ്ടുപേര്‍ എഴുന്നേറ്റെങ്കിലും ഉദ്യോഗസ്ഥനെ മുറിക്ക് പുറത്തേക്ക് കണ്ടില്ല. പലതവണ വിളിച്ചിട്ടും മുറിയില്‍നിന്ന് പ്രതികരണമുണ്ടായില്ല. ഇതോടെ ബന്ധുക്കള്‍ സമീപത്ത് താമസിക്കുന്ന മറ്റ് ഉദ്യോഗസ്ഥനെ വിവരമറിയിച്ചു. തുടര്‍ന്ന് ഇവരെത്തി വാതില്‍ തകര്‍ത്ത് അകത്തുകടന്നതോടെയാണ് ഉദ്യോഗസ്ഥനെ തൂങ്ങിമരിച്ചനിലയില്‍ കണ്ടത്.
സംഭവത്തില്‍ ദുരൂഹത നിലനില്‍ക്കുന്നതിനാല്‍ പോലീസ് വിശദമായ അന്വേഷണം ആരംഭിച്ചിട്ടുണ്ട്. ഉദ്യോഗസ്ഥന്റെ മൊബൈല്‍ഫോണ്‍ കസ്റ്റഡിയിലെടുത്തതായും ഫോണിലെ വിവരങ്ങള്‍ പരിശോധിക്കുമെന്നും സിറ്റി പോലീസ് സൂപ്രണ്ട് മനോജ് കത്യാല്‍ മാധ്യമങ്ങളോട് പറഞ്ഞു.
കനത്ത മഴയെ തുടർന്നുണ്ടായ നാശനഷ്ടങ്ങളിൽ ധനസഹായം പ്രഖ്യാപിച്ച് പുതുച്ചേരി സർക്കാർ. റേഷൻ കാർഡ് ഉള്ള എല്ലാ കുടുംബത്തിനും 5000 രൂപ വെച്ച് നൽകും. കൃഷിനാശത്തിന് ഒരു ഹെക്ടറിന് 30,000 രൂപയും പശുവിനെ നഷ്ടപ്പെട്ടവർക്ക് 40,000 രൂപയും നൽകും. വീടുകളുടെ അറ്റകുറ്റപ്പണിക്ക് 20,000 രൂപ നൽകാനും തീരുമാനമായി. പുതുച്ചേരി മുഖ്യമന്ത്രി എൻ രംഗസ്വാമിയാണ് ധനസഹായം പ്രഖ്യാപിച്ചത്. ഫെയ്ഞ്ചൽ ചുഴലിക്കാറ്റിനോടനുബന്ധിച്ചുള്ള കനത്ത മഴയിൽ പുതുച്ചേരിയിൽ നഗരത്തിലും പരിസര പ്രദേശങ്ങളിലുമുള്ള വീടുകളിൽ വെള്ളംകയറി.
Featured
സുപ്രീം കോടതിയിൽ തീപിടിത്തം; ആശങ്കപ്പെടേണ്ട സാഹചര്യമില്ല, ഷോർട്ട് സർക്യൂട്ടെന്ന് പ്രാഥമിക നിഗമനം
ഡൽഹി: സുപ്രീം കോടതിയിൽ തീപിടിത്തം. കോടതി നമ്പര്‍ 11 നും 12 നും ഇടയിലെ വെയിറ്റിംഗ് ഏരിയയിലാണ് തീപിടിത്തം ഉണ്ടായത്. തുടര്‍ന്ന് കോര്‍ട്ട് നമ്പര്‍ 11 ന്റെ പ്രവര്‍ത്തനം നിര്‍ത്തിവെച്ചു. തീപിടിത്തത്തിന്റെ കാരണം ഇതുവരെ വ്യക്തമല്ല. ഷോർട്ട് സർക്യൂട്ടാണ് തീപിടിത്തത്തിന് കാരണമെന്നാണ് പുറത്തുവരുന്ന റിപ്പോർട്ടുകൾ. നിയന്ത്രണ വിധേയമാണെന്നും വലിയ തീപിടിത്തമല്ലെന്നുമാണ് റിപ്പോർട്ട്. വലിയ തോതിൽ പുക ഉയർന്നതിനെ തുടർന്ന് 11,12ലെ കോടതി നടപടികൾ നിർത്തിവെച്ചിരിക്കുകയാണ്. ആശങ്കപ്പെടേണ്ട സാഹചര്യം ഒന്നും തന്നെയില്ല. സുരക്ഷാ ഉദ്യോഗസ്ഥരെത്തി തീയണച്ചു.
ലഖ്‌നൗ: പ്രയാഗ്‌രാജില്‍ മഹാകുംഭമേള നടക്കുന്ന സ്ഥലത്തെ ജില്ലയായി പ്രഖ്യാപിച്ച് ഉത്തര്‍പ്രദേശ് സര്‍ക്കാര്‍. മഹാകുംഭമേള എന്ന പേരില്‍ തന്നെയാണ് പുതിയ ജില്ല അറിയപ്പെടുക. അടുത്ത ജനുവരിയിൽ നടക്കാനിരിക്കുന്ന മഹാകുംഭമേളയുടെ കൃത്യതയാർന്ന നടത്തിപ്പിനുവേണ്ടിയാണ് പുതിയ ജില്ലയായി രൂപീകരിച്ചതെന്നാണ് വാദം. കുംഭമേളയുടെ ഒരുക്കങ്ങള്‍ക്കും സേവനങ്ങള്‍ക്കും പ്രത്യേക ഉദ്യോഗസ്ഥരെ നിയമിക്കുമെന്നും പുതിയ ജില്ല ഭക്തർക്ക് വേണ്ടി ആണെന്നും മുഖ്യമന്ത്രി യോഗി ആദിത്യനാഥ് പറഞ്ഞു. 12 വര്‍ഷത്തിലൊരിക്കൽ നടക്കുന്ന കുംഭമേള ജനുവരി 13-ന് ആരംഭിച്ച് ഫെബ്രുവരി 26 ന് അവസാനിക്കും.
-
Kerala1 day agoജീവനക്കാരുടെ ശമ്പളബില്ല്
കേന്ദ്രീകൃതമാക്കാനുള്ള നീക്കം,
ശമ്പളം കവര്ന്നെടുക്കാനുള്ള ആസൂത്രിത ശ്രമമാണെന്ന് ; ചവറ ജയകുമാര് -
News3 weeks agoക്ഷാമ ബത്ത കേസിൽ ഇടക്കാല ഉത്തരവ്
-
Featured1 month agoഡി എ: പ്രഖ്യാപനം നിരാശാജനകമെന്ന് സെക്രട്ടേറിയറ്റ് അസോസിയേഷൻ
-
Kerala1 month agoക്ഷാമബത്ത: കുടിശ്ശിക നിഷേധിച്ചാൽ നിയമപരമായി നേരിടും; ചവറ ജയകുമാർ
-
News3 weeks ago
ജീവനക്കാരെ രണ്ടു തട്ടിലാക്കുന്ന നടപടി സർക്കാർ അവസാനിപ്പിക്കണം
-
Education3 months agoമഹാരാജാസിന് ഓട്ടോണമസ് പദവി നഷ്ടപ്പെട്ടിട്ട് നാലുവര്ഷം: കോളേജ് നടത്തുന്ന പരീക്ഷകള് അസാധുവാകും
-
Education3 months agoഗേറ്റ് 2025 രജിസ്ട്രേഷൻ ആരംഭിച്ചു
-
Travel1 month agoനീല വസന്തം; ചതുരംഗപാറ മലനിരകളിൽ പൂത്തുലഞ്ഞ് കുറിഞ്ഞി
You must be logged in to post a comment Login